சினிமா/பொழுதுபோக்குச்சரம்

எந்த படம் வந்தாலும் பார்க்கிற ஆளுங்க நாம. அது மொக்கையோ இல்ல சூப்பரா இருக்கோ. எல்லா படத்தையும் பார்த்துடணும்.


கப்பி
ஜாவா பாவல‌ர் கப்பி அவர்கள் ஒரு மிகச்சிறந்த கவிஞர்.
கதை எல்லாம பின்னிபெடலடிப்பாருன்னு எல்லாருக்கும் தெரியும். ஆனா கப்பி ஒரு நல்ல சினிமா விமர்சகர். தமிழாகட்டும், ஆங்கிலமாகட்டும் எந்த படத்துக்கும் கப்பியின் விமர்சனம் ஒரு தனி அழகு தான். அவர் எழுதிய Gandhi - My Father மற்றும் Apocalypto விமர்சனம் எனக்கு பிடித்த ஒன்று.

இப்போ விமர்சனத்துக்கு தனியாகவே ஒரு ப்ளாக் ரெடி செய்து கீத்துக்கொட்டாய்ன்னு பேரு எல்லாம் வச்சி கலக்க ஆரம்பிச்சிருக்காங்க நம்ம மக்கள் - தேவ், இளா, கப்பி பய மற்றும் புது மாப்பிள்ளை வெட்டிப்பயல்.



கானா பிரபா

நமக்கும் தல கானாவுக்கும் எப்போதும் சினிமா பத்தி தான் பேச்சு. அதுவும் மலையாள படங்களின் கானாவோட விமர்சனத்தை எப்போதும் எதிர்பார்ப்பேன். கானா சினிமா சார்ந்த ரெண்டு ப்ளாக் வச்சிருக்காரு. பாடலுக்கே ஒரு தனியாக ரேடியோஸ்பதி ன்னு ஒரு ப்ளாக் இருக்கு. தமிழ்மணத்தில் முதல் முதலில் நேயர்கள் விரும்பி கேட்கும் பாடலை ஒலி பரப்பும் முறையை கொண்டுவந்தவார். ஒவ்வொரு வெள்ளிக்கிழமையும் நேயர்கள் கேட்ட பாடல்கள் அந்த பதிவில் ஒலிக்கும்.

அதே போல வீடியோஸ்பதி என்று ஒரு தனி ப்ளாக் இருக்கு. அதில் சிறந்த குறும் படங்கள், பல பாடல் காட்சிகள், வெவ்வேறு மொழியில வந்த பாடல்கள் என்று பல அற்புதமான காட்சிகளை கொடுத்திருப்பார்.



கவிதாயினி காயத்ரி

கவிதாயினி காயத்ரி ஒரு பெரிய கவிஞர்ன்னு இந்த தமிழ்கூறும் நல்உலகம் அறிந்த விஷயம். ஆனால் பல மொக்கை படங்களை பார்த்து அதனால தமிழ் மக்களுக்கு பல விழிப்புணர்வு பதிவுகள் போட்டு நல்ல உள்ளம் படைத்தவர். அவர் சமீபத்தில் எழுதிய கொலைவெறி ஏனடா? பதிவை பாருங்க அவுங்க எம்புட்டு நல்ல உள்ளம் படைத்தவர்ன்னு தெரியும்.



அய்யனார்





அய்யனாருன்னு பேரை கேட்டாலே பின்நவீனத்தும், புனைவுன்னு தான் எல்லோருக்கும் ஞாபகம் வரும். ஆனா எங்க தல ஒரு சினிமா வெறியார். அவர் பார்க்கதா படங்களே இல்லைன்னு கூட சொல்லாம். அவர் மட்டும் படத்தை பார்த்துட்டு சும்மா இருக்க மாட்டாரு அதை எங்களுக்கும் கொடுத்து பார்க்க சொல்லும் உயர்ந்த உள்ளம் படைத்தவர். சில படங்கள் கடைகளில் இல்லமால் கூட இருக்கலாம் ஆனா எங்க தலக்கிட்ட கண்டிப்பாக இருக்கும்.
நான் அவரிடம் கேட்டு கொள்வது சீக்கிரம் திரைப்படத்துக்குன்னு தனியாக ஒரு ப்ளாக் ஆரம்பிங்கன்னு தான். அவர் எழுதிய திரைப்படங்கள் ஒன்றை மட்டும் கொடுக்க மனம் இல்லமால் அத்தனையும் இங்கே கொடுக்கிறேன் திரைப்படம்


தேன்கிண்ணம்

தமிழ்மணத்தில் சமீபத்தில் புகுந்து புயலாக கலக்கிட்டு இருக்காங்க நம்ம நண்பர்கள்.
வேதா, ஜி3, நாகை சிவா, ராம், மை ஃபிரண்ட், கப்பி பய, J.K, காயத்ரி, இம்சை அரசி, கோவை ரவி மற்றும் நாமக்கல் சிபி.

தேண்கிண்ணத்துல 1950 வெளிவந்த பாடல் முதல் சமீபத்தில் வந்த திரைப்பாடல்கள் வரை இருக்கிறது. பாடல் வரிகளுடன் நன்றாக தொகுத்து வழங்குகிறார்கள்.


ஜமால்

ஜமால் அவர்கள் நட்சத்திரமாக இருந்த போது அவர் எழுதிய ஹேராம் படம் குறித்த விமர்சனம் என்னை கவர்ந்த ஒன்று. நன்றாக அலசி ஆராய்ந்து விமர்சனம் செய்திருப்பார். அந்த பதிவு ஒளிரும் பாரதத்திற்காக பலியிடப்பட்ட மகாத்மா - ஹே ராம் எனும் அழித்தெழுதப்பட்ட பிரதி.



சின்ன குட்டி

இவரை வலையுலகத்தின் வீடியோ கடை அதிபர்ன்னு சொல்லாம். அவரோட இந்த
அப்பன் மவனே சிங்கன்டா வலையில எல்லா விதமான வீடியோகளும் கிடைக்கும். போயி பாருங்கள்





நாளை ஒரு ஸ்பெசல் தொகுப்பு.....