மண்வாசனை சரம்

வலைச்சரம் சீனா சாரின் அனுபவத்தில் மிளிர்ந்தது . வாரம் முழுதும் கடவுள் வாழ்த்து என்று ஆரம்பித்து படித்தது பின்னூட்டமிட்டது , என்று வரிசைப்படுத்தி பதிவுகளை அள்ளித்தந்தார். ஆன்மீகச்சரம் தான் தன் வயதொத்தும்.. கும்மிப்பதிவர்களைக் காணலை என்று நானும் இளையவனே என்றும்..கவிதைகளும் என்று அவர் தொடுத்த ஒவ்வொன்றும் நன்றாக இருந்தது. அனுராதாவின் வலைப்பூ என்றும் கடவுளிடம் ஒரு வேண்டுகோள் என்றும் அனைவருக்கும் கொண்டு சேர்க்க வேண்டிய பதிவுகளையும் குறிப்பிட்டார்.
இன்னும் கூட தொடுக்க ஆசையாக இருக்கிறார்.. மீண்டும் ஒரு முறை வாய்ப்பு வழங்கவேண்டும் போல அவருக்கு.. :) நன்றி திரு சீனா..
-----------------------------------------------------------------------------------------
தன் பெயரே வித்தியாசமாக வைத்திருக்கும் ஆடுமாடு தான் இந்த வார வலைச்சரம் தொடுக்க இருக்கிறார். இது கிராமத்து சகதி என்கிறார் அவருடைய பதிவினை, மண்வாசனையோடான பதிவுகள் மிக சுவாரஸ்யமானவை.அவருடைய ரசனைக்குகந்த வலைப்பதிவுகள் எவை எவை என்பதை நம்முடன் பகிரவருகிறார்