வலைசரத்துக்கு வந்த சோதனை!

கீதா பாட்டி, ஷைலஜா அக்கானு பெரிய பெரிய ஆட்கள் எல்லாம் வந்து தொகுத்து விட்டு போயிருகாங்க. நாம் ஏதோ ஓரமா உக்காந்து ஒப்பேத்திட்டு இருந்தோம். திடீர்னு முத்து லட்சுமி அக்காவிடமிருந்து வலைசரத்துக்கு திருஷ்டி கழிக்கறோம். உங்க சவுகரியம் எப்படி?னு மடல். என்னத்த சொல்ல? விதி வலியது.

இந்த ஜிலேபி தேசத்துக்கு (கன்னட எழுத்துக்கள் எனக்கு அப்படி தான் தெரியுது) வந்தபுறம், ஆபிஸ்லயும், ரூம்லயும், தமிழ்ல பேசவே அதிகம் வாய்பில்லாம போச்சு. உடனே உலக தமிழ் மாநாடு நடத்தவோ(கணக்கு வேற காட்டனுமே), கடைசங்கம் வைத்து தமிழ் வளர்க்கவோ என்கிட்ட டப்பு இல்லாததால், கூகிள் ஓசில பிளாக் தறாங்கனு பிகருக்கு வடை அளித்த வள்ளல் டுபுக்கு பதிவை யதேச்சையாக பாத்து (ஆமா! மூணு வருஷமா கடை நடத்தறேனு அவரு சொல்லவேயில்லை என்கிட்ட) நானும் கி.பி 2006 பிப்ரவரி 18, சுக்ல பட்சத்துல ஒரு கடைய தொறந்தாச்சு.

நான் பதிந்ததெல்லாம் சொந்த அனுபவங்கள், நிகழ்வுகள், பயணங்கள்.

நேர் நேர் தேமா! நிரை நேர் புளிமா!னு கவிதை எல்லாம் எழுதனும்னு தான் ஆசை, ஹிஹி, இன்னும் வார்த்தை தான் அருவியா கொட்ட மாட்டேங்குது.
சாதனைனு சொல்லிக்கற மாதிரி ஒன்னும் எழுதிடலை. பதிவு எழுதினதுக்கு பதிவுலகில் இருந்து பின்னூட்டத்தோட ஒரே ஒரு தங்கமணியும் கிடச்சாங்க.

உன் பதிவுகளை படிச்சுமா அந்த பொண்ணு உன்னை நம்பிச்சு?னு எனக்கே கொஞ்சம் ஆச்சரியம் தான். அதோட பல நல்ல உள்ளங்களின் நட்பு கிடைச்சது. இதுல பலபேரை இன்னும் நான் பார்த்ததே இல்லை. ஒரு கோப்பெருஞ்சோழன் பிசிராந்தையார் ரேஞ்சுக்கு(கொஞ்சம் ஓவரா தான் போறேனோ?) நட்பு வட்டங்கள் பெருகி உள்ளது. 

வரும் நாட்களில் ஏற்கனவே வலை சர ஆசிரியர்கள் தொகுத்தது போக ஏதாவது மிச்சம் சொச்சம் இருந்துச்சுனா (எங்க இருக்கு?) அதை உங்கள் பார்வைக்கு கொண்டு வர முயற்சி செய்கிறேன். ரீப்பிட்டேய் ஆச்சுனா அது என் வாசிப்பு வட்டம் மிக சிறியது என நீங்களே முடிவு செஞ்சு மன்னிச்சு விட்ருங்க.

நாளைக்கு எல்லோருக்கும் மிகவும் பிடிச்ச, ருசிகரமான விஷயத்தோட வரேன். என்ன சரியா?