சுத்தி சுத்தி வந்தீக

மறுபடி மறுபடி ஒரே வேலைய செஞ்சுகிட்டு செக்கு மாடு போல உழன்றுகிட்டு இருக்கறவங்க கூட, வருஷத்துக்கு ஒரு தடவையாவது எங்காவது புதிய ஊர்களுக்கு, சுற்றுலா தலங்களுக்கு செல்வது வழக்கம்.
இதுல நம்ம விட வெளி நாட்டு காரங்க ரொம்பவே ஈடுபாடு காட்டுவாங்க. ஒரே ஒரு பெரிய பையை தோளில் மாட்டிகிட்டு அந்த ஊர் வரைபடத்தை வெச்சுகிட்டு கிளம்பிடுவாங்க. நாம அப்படியா?

பால்காரன், பேப்பர்காரன், பூக்காரி, கரண்ட் பில், போன் பில், கேபிள்காரன் என எல்லாரையும் கேட்டுகிட்டு தான் வெளியவே கிளம்ப முடியும்.
அப்படியே கிளம்பினாலும், கேஸை ஒழுங்கா மூடினோமா? மாடில காய போட்ட துணிய மடிச்சு வெச்சோமா?னு திரிசங்கு நிலை தான்.

பணி நிமித்தமாக வெளியூர் சென்றாலும், அந்த ஊரின் சிறப்பு, முக்ய இடங்கள்னு வார இறுதி நாட்களிலாவது நாம் எல்லோரும் செல்வது வாடிக்கை.

நம்ம கைபுள்ளை ராஜஸ்தானை சுத்தி பாத்து என்னமா எழுதி இருக்கார் பாருங்க. கண்ணை கவரும் போட்டோக்களுடன், வரலாற்று தகவல்களுடன் ஒரு பெரிய தகவல் சுரங்கமா இவரது பதிவுகள் விளங்குது.

ஒட்டகத்தை கட்டிக்கோ!னு பாடிட்டே ஊரை சுத்தி பாத்தீங்களா தல? :)

கீதா சாம்பசிவம் மேடம் தனது ஆன்மீக பயணமான கைலை யாத்ரையை தனி பிளாக்காவே ஆரம்பிச்சு, ஒரு கல்வெட்டு மாதிரி பதிந்து வெச்சு பக்கத்துலேயே உக்காந்து இருக்காங்க பாருங்க. நாளைக்கு வர போற சந்ததியினர் இதை பாத்து நம் பாரத நாட்டின் பெருமையை தெரிந்து கொள்வார்கள். அடுத்து எந்த ஊருக்கு கிளம்பறீங்க மேடம்? :)

காசிக்கு போகும் சன்யாசி,
உன் குடும்பம் என்னாகும் நீ யோசி!

- இந்த பாட்டை வெங்கல குரலில் சீர்காழி அவர்கள் பாட கேட்டு இருக்கீங்களா?
வெரிகுட்!
காசி, கயா, புதுதில்லி போன தன் அனுபவங்களை தமது வலையில் பகிர்ந்து இருகிறார் பாருங்க டிடி அக்கா.


என்னடா எப்ப பாத்தாலும் உள் நாடு தானா? வெளி நாடெல்லாம் பத்தி தெரிய வேணாமா?னு கேக்கறவங்களுக்கு இருக்கவே இருக்கு ஜில்லுனு மலேசியா என்ற குழும பதிவு.

வடக்குபட்டி ராமசாமி சிங்கைக்கு பக்கத்துல இருக்கற ஒரு தீவுக்கு போய் வந்து என்னமா படம் காட்டி இருக்காரு பாருங்க.


பாரீஸுக்கு போனா நாம எல்லாம் முதல்ல என்னத்த பாப்போம்? ஈபில் டவர் தானே? அதான் இல்லைனு புலம்பி இருக்காங்க பாருங்க பிரான்ஸ் காரருக்கு வாக்கபட்ட நம்மூர்கார பொண்ணு ஒருத்தர். :)


அமீரகத்தின் அழகிய பக்கங்களை நமக்கு பானி பூரி சாப்பிட்டு கொண்டே காட்றாங்க பாருங்க நம்ம வல்லியம்மா. :)


மரகத வல்லி மீனாட்சி மதுரை நகரில் வாழுகிறாள்

கடைகண் காட்டும் காமாட்சி காஞ்சியிலே வாழுகிறாள்!

என்பது ஊரறிந்த செய்தி. மரகத புத்தர் எங்க இருக்கார்? தெரியுமா உங்களுக்கு? தெரியலைனா துளசி டீச்சர்கிட்ட கேளுங்க.
சனி, ஞாயிறு எல்லோரும் பதிவுகள படிப்பீங்களா?னு தெரியல. ஹிஹி, நான் பெரும்பாலும் படிக்க மாட்டேன். அதுனால அடுத்து என்ன எழுத?னு ஒரே யோசனையா இருக்கு. பாக்கலாம்.