கிஞ்சலிஞ்ச கிஞ்சலிஞ்ச கிஞ்சலி

அழகுக் குட்டிச் செல்லம்
உன்னை அள்ளித் தூக்கும் போது
உன் பிஞ்சு விரல்கள் மோதி
நான் நெஞ்சம் உடைந்துப் போனேன்

 ஆளைக் கடத்திப் போகும்
உன் கன்னக் குழியின் சிரிப்பில்
விரும்பி மாட்டிக் கொண்டேன்
நான் திரும்பி போக மாட்டேன்

எத்தனை முறை இவ்வரிகளைப் படித்தாலும் மனதிற்குள்ளே ஒருவித பரவசம் பரவி கண்களில் கண்ணீர் வருகிறது. எத்தனை கவலைகள் மனதில் குடிக்கொண்டாலும் அவற்றையெல்லாம் ஒரு நொடியில் காணாமல் செய்துவிடுகிறது குழந்தையின் சிரிப்பு. என்னை விட்டால் பதிவு முழுக்க குழந்தைகளைப் பற்றி பேசிக் கொண்டே இருப்பேன். அதனால் குழந்தைகள் பற்றிய நண்பர்களின் பதிவுகளைப் பற்றி இங்கே பார்க்கலாம்.

பரிந்துரைகள் சற்று பெரிது என்பதால் பொறுமையுடன் அனைத்தையும் படிக்கவும்.

ஒரு குழந்தை உயிர்ப்பெறுவதை அழகிய கவிதையாய் வடிக்கும் தமிழ் பேரன்ட்ஸ் சம்பத்குமார் அவர்கள் மற்ற விசயங்களைப் பற்றி ஒன்றிரண்டு பதிவுகள் இட்டிருந்தாலும் அதிகமான பதிவுகள் குழந்தைகளைப் பற்றியதாகும். ஒவ்வொரு பெற்றோர்களும் அவசியம் படிக்க வேண்டிய தளம்.

பிறந்த  குழந்தைகளுக்கு தாயின் அன்பிற்கு அடுத்தப்படியாக தேவைப்படுவது தாய்ப்பால் ஆகும். தாய்ப்பால் பற்றி பெண்கள் தெரிந்து கொள்ளவேண்டிய அவசிய குறிப்புக்களை பகிர்ந்து கொள்கிறது 4Tamilmedia தளம்.

குழந்தைகளுக்கு நோய் எதிர்ப்பு சக்தி குறைவு என்பதால் அவர்களை எளிதில் நோய்கள் தாக்கும் அபாயம் உண்டு. அதுவும் தற்போது கோடை வெயில் வேறு துவங்கிவிட்டது. குழந்தைகளுக்கு வெயிலினால் வரக்கூடிய வியர்க்குருவைத் தடுப்பது பற்றி கூறும் டாக்டர் ராஜ்மோகன் அவர்கள் குழந்தைகள் நலன் பற்றி மேலும் பல தகவல்களை பகிர்ந்து வருகிறார்.

குழந்தைகளை தூங்க வைப்பது என்பதும் ஒரு சுகமான அனுபவமாகும். இன்று எத்தனை பெற்றோர்கள் தாலாட்டு பாடல் பாடி தூங்க வைக்கிறார்கள்? எனத் தெரியவில்லை. தாலாட்டுப் பாடத்தெரியுமா? எனக் கேட்கும் நண்பர் குணா அவர்களின் பதிவை படிக்கும் போது என் தங்கையை தோளில் சுமந்து பாடிய தாலாட்டு தான் நினைவுக்கு வந்தது. நீங்களும் உங்கள் குழந்தைகளை தாலாட்டு பாடி தூங்க வைக்க முயற்சி செய்யுங்கள்.

குழந்தை வளர்ப்பு என்பது ஒரு கலையாகும். இதனையெல்லாமா படித்து தெரிந்துக் கொள்வது? எனக் கருதாமல் நண்பர் பாலா அவர்களின் "குழந்தை வளர்ப்பு" என்ற பதிவையும், நண்பர் உதயசந்திரன் அவர்களின் "தாயின் கருவிலிருந்து கல்வி" என்ற பதிவையும் அவசியம் படியுங்கள்.

வளரும்  குழந்தைகளுக்கு அவசியமானது விளையாட்டு. ஆனால் இன்று விளையாட்டு என்றாலே அதிகமான குழந்தைகளுக்கு தெரிவதெல்லாம் கணினி விளையாட்டுக்கள் மட்டும் தான். தான் சிறு வயதில் விளையாடிய விளையாட்டுக்களை விவரிக்கும் நண்பர் வே.வெற்றிவேல் சந்திரசேகர் அவர்களின் ஓடி விளையாடு பதிவு என்னுடைய சிறு வயது காலங்களை பிரதிபலிக்கிறது.

குழந்தைப் பருவத்தில் மறக்கமுடியாத அனுபவங்களில் ஒன்று சர்க்கஸ். புத்தகங்களில் மட்டுமே பார்த்த (அப்போது டிவி இல்லை) யானை, சிங்கம், புலி, நீர் யானை போன்ற விலங்குகளை நேரில் கண்ட போது கொண்ட உற்சாகம் இப்போதைய சர்கஸில் இல்லை. சமீபத்தில் பார்த்து வந்த சர்க்கஸ் அனுபவங்களை பகிர்கிறார் நண்பர் சேலம் தேவா அவர்கள்.

மழலைகளின் மகத்துவம் தெரியாத மடையர்கள் செய்யும் கொலைக்குற்றம் சிசுக்கொலை. சிசுக் கொலை பற்றி சற்று காட்டமாகவே பேசுகிறது நண்பர் சீனி அவர்களின் சிசுக் கொலை கவிதை.

குழந்தைகளைப் பற்றி படிக்கும் போது தாயின் பெருமைகளைப் பற்றி கூறாமல் இருக்க முடியாது. தாயின் அன்பினை கவிதைகளாய் வடிக்கும் பதிவுகளையும் படித்து ரசியுங்கள்.

சகோதரி காயத்ரி தேவி அவர்களின் என்னில் கலந்து விட்டவள் நீ...   

சகோதரி நிலாமதி அவர்களின் அம்மா உன் அன்பு உள்ளவரை

நண்பர்  கோகுல் அவர்களின்  அம்மாவே போதும்

நண்பர் மதுரை சரவணன் அவர்களின் பெற்ற மனம்

நீண்டநாள் பிரிந்திருக்கும் அம்மாவை சந்திக்க செல்லும் மகனைப் பற்றிய நண்பர் கணேஷ் அவர்களின் நான் இருக்கிறேன் அம்மா..! சிறுகதையின் முடிவு உங்கள் கண்களில் கண்ணீர் வரவழைத்துவிடும்.

தாயின் அன்பினை அதிகம் பேசும் நாம் ஏனோ தந்தையைப் பற்றி அதிகம் பேசுவதில்லை. தந்தையின் அருமைகளை கவிதைகளாய் வடிக்கும் பதிவுகளையும் கொஞ்சம் படித்து ரசியுங்கள்.

சகோதரி ஆனந்தி அவர்களின் அப்பாவைப் பற்றி...!

நண்பர் ரியாஸ் அவர்களின் தந்தையே உன்னை போற்றுகிறோம்...!

நண்பர் நவீன் ப்ரகாஷ் அவர்களின் அப்பா...

கவிதைகளுக்கு  விளக்கம் தேவையில்லை என்பதால் தலைப்பை மட்டும் மேலே கொடுத்துள்ளேன். அவசியம் அவைகளை படியுங்கள்.

அடுத்த பதிவிற்கான ட்ரைலர்:

பதிவுலகில் இவ்வளவு டாக்டர்களா?

இறைவன்  நாடினால் அடுத்த பதிவில் சந்திப்போம்!

- ப்ளாக்கர் நண்பன் (எ) அப்துல் பாஸித்