மாவட்டங்களும் பதிவர்களும் ..!

1. அரியலூர் மாவட்டம்
2. இராமநாதபுரம் மாவட்டம்
3. ஈரோடு மாவட்டம்
4. கடலூர் மாவட்டம்
5. கரூர் மாவட்டம்
6. கன்னியாகுமரி மாவட்டம்
7. காஞ்சிபுரம் மாவட்டம்
8. கிருஷ்ணகிரி மாவட்டம்
9. கோயம்புத்தூர் மாவட்டம்
10. சிவகங்கை மாவட்டம்
11. சென்னை மாவட்டம்
12. சேலம் மாவட்டம்
13. தஞ்சாவூர் மாவட்டம்
14. தர்மபுரி மாவட்டம்
15. திண்டுக்கல் மாவட்டம்
16. திருச்சிராப்பள்ளி மாவட்டம்
17. திருநெல்வேலி மாவட்டம்
18. திருப்பூர் மாவட்டம்
19. திருவண்ணாமலை மாவட்டம்
20. திருவள்ளூர் மாவட்டம்
21. திருவாரூர் மாவட்டம்
22. தூத்துக்குடி மாவட்டம்
23. தேனி மாவட்டம்
24. நாகப்பட்டினம் மாவட்டம்
25. நாமக்கல் மாவட்டம்
26. நீலகிரி மாவட்டம்
27. புதுக்கோட்டை மாவட்டம்
28. பெரம்பலூர் மாவட்டம்
29. மதுரை மாவட்டம்
30. விருதுநகர் மாவட்டம்
31. விழுப்புரம் மாவட்டம்
32. வேலூர் மாவட்டம்

 கழனியிலும், களத்துமேட்டிலும் சுற்றி திரிந்த காட்டுப்பறவை தற்பொழுது பொருளாதாரம் தேடி சென்னை மாநகரத்தில் என தன்னை அறிமுகம் செய்துகொள்ளும் அரசன் அரியலூர் மாவட்டத்தைச் சேர்ந்தவர் தனது  ஊரின்  அழகை  புகைப்படங்களாக வரிசைப்படுத்துகிறார் .

ஈரோடு மாவட்டம்
பிச்சைக்காரன் ஓடை, பெரும்பள்ளம் ஓடை ஆகிய இரண்டு ஓடைகளுக்கு நடுவே அமைந்துள்ளதால் இவ்வூரை ஈரோடை (இரண்டு ஓடை) என்னும் பெயரால் அழைக்கின்றனர். இங்குள்ள கடவுளுக்கு, கபாலீசுவரர் என்ற பெயர். அதனை ஒட்டி ஈர ஓடு என்னும் பெயர் ஏற்பட்டு நாளடைவில் ஈரோடு என்று மாறியதாகவும் கூறுவர்.
இந்த மாவட்டப் பதிவர்களைப் பார்ப்போம் ...
யுவராணி தமிழரசன்
    நிழலுலகில் நிஜத்தை தேடும் சராசரிப்பெண். என்று அறிமுகப் படுத்திக்கொள்கிறார் .

  மதுமதி இவரும்  ஈரோடு மாவட்டத்தைச் சேர்ந்தவர் கவிதை வடிவில் பெரியாரியல் , திருக்குறள் மற்றும் கதை , கட்டுரை என பலவகைகளில் அசத்தும்  சகோதரர்.

அடுத்து நண்பர் சங்கவி இவரும் ஈரோடு   மாவட்டம்  இந்தப் பதிவெழுத பெரிதும் உதவியது அவரது நானும் எனது ஊரும்  என்ற தொடர் பதிவே .

திருநெல்வேலி மாவட்டம்
இறைவன் நடராசத் திருமேனி கொண்டு அருட்கூத்து இயற்றுகின்ற தலங்களில் முக்கியமானவையாக ஐந்து தலங்கள் இருக்கின்றன. சிவபெருமானுக்கான ஐம்பெரும் சபைகளில் "தாமிர சபை" என்று போற்றப்படுவது திருநெல்வேலி நெல்லையப்பர் கோயில்தான்
"திக்கெல்லாம் புகழுறும் திருநெல்வேலி' என சம்பந்தரும், "தண் பொருநைப் புனல்நாடு' என சேக்கிழாரும், "பொன்திணிந்த புனல் பெருகும் பொருநைத் திருநதி' என்று கம்பரும் பாடிய பூமி, திருநெல்வேலி ஆகும்.

பொதுவா பெண்கள் தான் அம்மாவீடு நினைவிலேயே இருப்பாங்க ஆனா இங்க பாருங்க நண்பர் தமிழ் மீரான் திருநெல்வேலியைச் சேர்ந்தவர் தனது வீட்டின் பெருமையை கவிதையாக சொல்கிறார் .

   சீனு அவர்களும் திருநெல்வேலி மாவட்டத்தையே சேர்ந்தவர் நெடுந்தொலைவில் இருந்து என் ஊரை பற்றி நான் சிந்தித்துக் கொண்டிருக்கும் காட்சிகளை உங்கள் கண்களுக்கும் தருகிறேன் படித்து ரசித்து விட்டுச்செல்லுங்கள் என்கிறார் .

திருநெல்வேலி மாவட்டம் கௌசல்யா மெல்ல மெல்ல மாறிவரும் கலாச்சாரம் பற்றி எச்சரிக்கிறார் .


திருநெல்வேலி பொண்ணு தான் நான்... எனக் கூறுகிறார் கலை அவரும் ஊரின் அழகை தொடர் பதிவில் பகிர்ந்துள்ளார் .


திருச்சிராப்பள்ளி  மாவட்டம்
திருச்சி என்றால் உச்சி பிள்ளையார் கோவில் தான் எனக்குத் தெரியும் .மற்ற விவரங்களை சொந்த ஊர் பதிவெழுதிய கீதமஞ்சரியை கேட்கலாம் .


விருது நகர் மாவட்டம்
காமராசர் பிறந்த ஊரு. தமிழ்நாடு அரசு சின்னத்தில் திருவில்லிபுத்தூர் நகரில் இருக்கும் ஆண்டாள் கோயிலின் கோபுரம்தான் இடம் பெற்றுள்ளது.


விருது நகர் மாவட்டத்தைச் சேர்ந்த விமலன் அவர்களிடம் மற்ற விபரம் கேட்கலாம் வாங்க .
விருது நகர் மாவட்டத்தைச் சேர்ந்த விச்சு கிராமத்து நினைவுகளை நினைத்துப் பார்க்க வைக்கிறார் .

தஞ்சாவூர் மாவட்டம்

தஞ்சை என்றாலே நினைவுக்கு வருவது ராஜராஜ சோழன் கட்டிய பெரிய கோவில் . நெற்களஞ்சியம் . இன்னும் அந்த ஊரைப்பற்றி தெரியவேண்டுமா அந்த ஊர்ல பிறந்தவங்கள கேட்போம் .

வல்லம் எனும் சிறு நகரம் தஞ்சை மாவட்டத்தில் உள்ளது... என் சிறு வயதில் வெளியூர்களுக்கு செல்லும்போது என் பெயரைவிட என் ஊர் பெயரே எனக்கான அடையாளமாக இருந்தது, இப்பொழுதும் கூட அந்த விழிப்புகளின் நினைவுகள் என்னுள்ளே பசுமையாய் இருக்கிறது...என்று தன்னை அறிமுகம் செய்கிறார் வல்லத்தான் .

திண்டுக்கல் மாவட்டம்
காரணப் பெயர் கொண்ட ஊர்களில், திண்டுக்கல்லும் ஒன்று. ஊரின் நடுவே திண்டைப் போல் பெரிய மலை இருந்ததால் ‘திண்டுக்கல்’ என்று பெயர் வந்ததாக கருதலாம். இம்மாவட்டத்தில் திப்பு சுல்தான் கோட்டை உள்ளது .

திண்டுக்கல் தனபாலன் பெயரை வைத்தே எளிதில் கண்டுபிடித்துவிட்டேன் . பாராட்டுக்கு மயங்காத மனிதர்கள் உண்டா அதனாலதானோ என்னவோ இவர் பாராட்டுங்கள் பாராட்டப்படுவீங்க என்று சொல்றார் .

புதுச்சேரியைச் சேர்ந்த   சொ.ஞானசம்பந்தன்  இலக்கிய சாரலில் இலக்கியங்களைப் பற்றி மழையாகப் பொழிகிறார் .

தூத்துக்குடி மாவட்டம்
அன்றோர் காலத்தில் பாண்டிய மன்னர்களுக்கு தூதுவர்களாய்
வருபவர்கள் தங்கி இருந்து செல்லுமிடமாய் இருந்ததால்.... தூதுக்குடி என்றும் பின்னர் அது திரிந்து தூத்துக்குடி ஆனதென்றும் கூறுவார்...
ஊர்ப்பெருமை பேசுவது பொதுவாகவே மனதிற்கு குதூகலிப்பை கொடுக்கும். என்று சொல்கிறார் அண்ணன் வசந்தமண்டபம் மகேந்திரன் அவர்கள் .


திருப்பூர் மாவட்டம்
தொழில் துறையில் தமிழகத்தில் மிகவும் வேகமாக வளர்ந்துவரும் நகரம் திருப்பூர் . லட்சக்கணக்கான மக்களுக்கு வாழ்வளித்த , வாழ்வளிக்கும் நகரம் திருப்பூர் . தென்மாவட்டத்தை சேர்ந்த ஆயிரகணக்கான மக்கள் பணிபுரிகிறார்கள் . ஆண்டு தோறும் பத்து ஆயிரம் கோடிக்கும் மேலான அந்நிய செலவாணியை ஈட்டி தருகிறது.

சுந்தரவடிவேலு  எழுதுவதென்பது பேரானந்தம்...என்ன ஒரு அற்புதமா சொல்றார் . இவர்  திருப்பூரைச் சேர்ந்தவர் .

திருவாரூர் மாவட்டம்
திருவாரூர் சோழ அரசின் புராதன தலைநகர். பசுவின் கன்றை அறியாமல் கொன்றதற்காக தன் மகனை தேர்க்காலில் இட்டு கொன்ற மனுநீதிசோழன் தலைநகராக ஆண்ட ஊர் இது. இன்றும் அந்த சம்பவம் நடந்த இடத்தில் நினைவுச்சின்னம் இருக்கிறது.  என்று தனது ஊரின் பெருமை பேசுகிறார் ஆரூர் மூனா செந்தில் .

திருவண்ணாமலை மாவட்டம்
சிவனின் பஞ்சபூத தலங்களில், திருவண்ணாமலை அக்னி தலமாகும். ஒவ்வொரு பௌர்ணமி அன்றும் பக்தர்கள் அண்ணாமலையை வலம் வருவார்கள். இது கிரிவலம் என அழைக்கப்படுகிறது. இம்மலையின் சுற்றளவு 14 கிமீ அகும். இத்தூரத்தை மக்கள், காலில் செருப்பு அணியாமல் சுற்றி வருவர்.
தீபம் என்றாலே அது  திருவண்ணாமலைக்கு பெயர் போன கார்த்திகை தீபம் அந்த மாவட்டத்தில் பிறந்தவள் தான் நானும் .

காஞ்சிபுரம் மாவட்டம்
பட்டுக்குப் பேர் போன காஞ்சி மாவட்டத்தில் பிறந்தவர் டி.என்.முரளிதரன் உழைக்கும் வர்க்கத்தை நினைத்துப் பார்க்கச் சொல்கிறார் .

 மதுரை மாவட்டம்
மதுரை என்றாலே மீனாட்சி அம்மன் தான் நினைவுக்கு வராங்க .மத்த விவரம் அந்த ஊர் பதிவர்களைக் கேட்ப்போம் ...
தமிழ் வாசி பிரகாஷ் சகோதரர் அங்க கோடை வெப்பம் தாங்க  முடியல என்று கூறுகிறார் .

 கோயம்புத்தூர் மாவட்டம்
பழமை வாய்ந்த கொங்கு நாட்டின் ஒரு பகுதியாய் திகழ்ந்த இம்மாவட்டத்தில் பழங்குடியினர் வாழ்ந்து வந்தனர். இவர்களில் 'கோசர்' எனும் பழங்குடியினரின் தலைநகரமான 'கோசம்பத்தூர்' என்பதே பிற்காலத்தில் 'கோயம்புத்தூர்' என மருகி இருக்கக்கூடும் என்று தெரிகிறது.

 எந்த ஊரோ? எந்த மாவட்டமோ ? எங்க பிறந்து வளர்ந்தாலும்  நாம் எதையெதையோ தேடி போயிட்டே இருக்கோம் வழியில சாலையில் அனாதைகள் , பார்வை இழந்தவர்கள் , மனநலம் பாதிக்கப்பட்டவர்கள் இப்படி நிறைய பேரை நாம் சந்திக்கிறோம் ஆனா ஒரு நிமிடம் நின்று அவங்க பசியை போக்கி இருக்கோமா ? இல்ல அவங்களுக்காக நாம எதாவது செய்கிறோமா ? அப்படி உதவி செய்யும் நண்பர் ஈரம் மகி அவர் கோயம்புத்தூர் மாவட்டம் .

 நாகப்பட்டினம் மாவட்டம்
தமிழ்நாட்டின் சமூக நல்லிணக்க மாவட்டம் என்றும் அழைக்கப்படுகிறது. இம்மாவட்டத்தில் இஸ்லாமியர்களுடைய பிரசித்தி பெற்ற நாகூர் மற்றும் பாப்பாவூர் தர்காவும், கிருஸ்த்துவர்களுடைய பிரசித்தி பெற்ற வேளாங்கண்ணி மாதா கோவிலும் உள்ளது. , சிக்கல் சிங்காரவேலர் கோவிலும், எட்டுக்குடி முருகன் கோவிலும் இம்மாவட்டத்தில் தான் உள்ளது. இந்த புண்ணிய தலங்களுக்கு அதிகமான சுற்றுலா பயணிகள் வருகை தருகின்றனர்.

இம்மாவட்டத்தில் அமைந்துள்ள காவிரிப்பூம்பட்டிணம் என்று இலக்கியப் புகழ்பெற்ற பூம்புகார் சோழர்களின் துறைமுக நகரமாய் விளங்கியது.
இந்த மாவட்டத்தைச் சேர்ந்த நண்பர் "என் ராஜபாட்டை"- ராஜா யார் தெய்வம் என்று கேட்கிறார் .

வேலூர் மாவட்டம்
இந்தியாவின் சுதந்திரப்போர் துவங்கிய கோட்டை தான் நினைவுக்கு வரும் .
இந்த மாவட்டத்தைச் சேர்ந்தவர் சமூகத்தில் மாற்றத்தை விரும்பும் ஒரு சாமானிய ஊழியனின் என குரல் கொடுக்கும் ராமன் அவர்கள் .

கன்னியாகுமரி மாவட்டம்
இந்துமகா சமுத்திரம் ,பசுபிக் பெருங்கடல் , வங்காள விரிகுடா என்ற முக்கடலும் சங்கமித்து, சூரிய உதயத்தையும் ,அஸ்தமனத்தையும் ஒரே இடத்தில காணுமிடம் .

தமிழ்தோட்டம் என்னும் வலைப்பூவைச் சேர்ந்தவர் கன்னியாகுமரி மாவட்டம் .

திருவள்ளூர் மாவட்டம்
வரலாற்றில் பல்லவர் ,மொகலாயர் ,பிரஞ்சு , டச்சு மற்றும் ஆங்கிலேயர் ஆட்சிக்கு உட்பட்டிருந்தது .

வாய்விட்டு சிரித்தால் நோய்விட்டுப் போகும்  என்று கூறுகிறார் திருவள்ளூர்  மாவட்டத்தைச் சேர்ந்த கவிதை வீதி... சௌந்தர் .

நாமக்கல் மாவட்டம்
அர்த்தநாரீஸ்வரர் கோயில்: தமிழகத்தில் சிவபெருமான் அர்த்தநீஸ்வரராகக் காட்சியளிக்கும் ஒரே கோயில் இதுதான்.  இக்கோயில் மூலவரின் உயரம் ஐந்து அடி.  மூலவர் சிலையை சித்தர்கள் மூலிகைகளால் வடித்துள்ளதாகக் கருதப்படுகிறது.

ஆராரோ ஆரிராரோ....
என் கண்ணே உறங்கு..யாரும் தூங்கிடாதிங்க தாலாட்டு பாட தெரியுமா ? என்று கேட்கிறார் குணா தமிழ் .

மாவட்டங்களின் சிறப்பைச் சொல்லி அழகாய் தொடுக்க இருந்த  சரம் இன்று நேரமின்மை காரணமாக சில மாவட்டங்களின் அறிமுகத்தோடு முடிந்து விட்டது .  நாளை சந்திப்போம் .