இன்றைய பதிவுலாவில் இவர்களோடு சேர்ந்து நீங்களும் ...

வணக்கம் பதிவுலக தோழமைகளே! நம்மை நமக்கு அறியச்செய்யும் விதமாக இன்றைய நாளில் சக தோழர்களின் வலைப்பூக்களில் சில நிமிடங்கள் உலா வருவோம், வாருங்கள் என்னோடு நீங்களும்!

1) பதிவுகள் - சத்யப்ப்ரியன்

2006 லிருந்து பதிவுலகத்தில் தனது பயணத்தை தொடர்ந்து கொண்டிருக்கிறார் அமெரிக்காவில் வசித்து வரும் நண்பர் சத்யப்ரியன்! எதையும் ஒதுக்கி விடாமல் கவிதை, கட்டுரை, அரசியல், சினிமா என்று மனுஷன் அனைத்திலும் தன் தடத்தை எழுத்தின் மூலம் பதிந்து வருகிறார்! அவருடைய வலை பக்கத்திலிருந்து சில பதிவுகளை காண்போம்.

முதலில் அவரின் அனுபவத்தை பார்ப்போம், பிறகு அவரின் பொடிமாஸை ருசிப்போம்! அடுத்து துல்லியமான நடையில் மிகத்தெளிவாக செய்தி விமர்சனம் ஒன்றை பதிந்து வருகிறார், அடுத்து நிகழ்வுகள் என்கிற வகையில் கொஞ்சம் காட்டத்துடன் அதே நேரத்தில் தீர்க்கமாகவும் தனது எண்ணங்களை இங்கு பதிந்து வருகிறார்! 

முடிவாக சினிமா விமர்சனமும் தனக்கே உரிய பாணியில் எழுதி கலக்குகிறார், எல்லா அமசமும் கலந்து ஒரு தரமான வலைப்பூ நண்பர் சத்யப்ரியனின் பதிவுகள் எனும் வலைப்பூ ....

2) சின்னப்பயல் - சின்னப்பயல் 

2010 லிருந்து பதிவுலகத்தில் இருந்து வருகிறார் தோழர் சின்னப்பயல். (காலம் தன் போக்கில் வாரி இறைக்கும் புழுதிகளைத் தட்டிவிட மனமின்றி,அதை நானும் ரசித்துக் கொண்டு உங்களோடும் பகிர்ந்துகொள்ள.. ) இவரின் அறிமுகமே மிக இயல்பாய் படித்ததும் மனசுக்குள் ஒட்டிக்கொள்ளும் தன்மை கொண்டவை. மேலதிக விபரம் ஏதுமில்லை!

இவரின் பக்கங்களை நோக்குகையில் குடை  என்ற சிறுகதை இதழோரத்தில் சிறு புன்னகையை கிளப்பினாலும், காதல் கவிதைகள் அப்படியே மனசுக்குள் தங்கி விடுகின்றன! இவரின் வார்த்தை பிரயோகம் மற்றவர்களிடமிருந்து சற்று மாறுபட்டு நிற்கிறது, மனதுக்குள் அப்படியே மஞ்சமும் கொள்கிறது!

இவர் சிறுகதை, கவிதை தான் அதிகம் பதிந்து வருகிறார், சொல்ல வரும் எண்ணங்களை எளிமையாய் கொஞ்சம் அழுத்தமாய் சொல்லிச் செல்வது இவரின் சிறப்பு... அதற்கு இந்த கண்ணாடிக்குவளை  சான்று!

3) மனசு - சே. குமார் 

2009 லிருந்து பதிவுகளை எழுதி வருகிறார் நண்பர் பரிவை சே. குமார்.  இவரும் எந்த சமரசமுமின்றி அணைத்து விதமான பதிவுகளையும் எழுதி வருகிறார்! சமீப காலமாக சினிமா அதிகம் எழுதுகிறார்! 

குடி அரசு தின வாழ்த்துக்களில் இவரின் சமூக கோபம் தெளிவாய் தெரிகிறது,  அதே நேரத்தில் மழையில் உன் வாசம் இவரின் மெல்லிய மனம் புலப்படுகிறது , இன்னொன்று மண்ணின் மீதுள்ள நேசம், இப்போதுள்ள விலை நிலத்தின் நிலை கண்டு கலங்கும் ஆதங்கள் அனைத்தும்  இந்த வெற்றுடம்புடன் விளைநிலத்தில் காணலாம்!

அனுபவம் , மண்ணை பற்றி எழுதி இருக்கிறார் . அனைத்தும் நமது எண்ணங்களில் புதைந்து கொள்ளும் தன்மை இவரின் எழுத்துக்கு உள்ளது .....

4) சிட்டுக்குருவி  - விமலன் 

2010 லிருந்து எழுதி வருகிறார் , விருதுநகர் பகுதியை சார்ந்தவர். இவரின் எழுத்தின் சிறப்பம்சம் என்னவெனில் பெரும்பாலும் கற்பனையை தவிர்த்து தான் அனுபவித்த / கண்ட நிகழ்வுகளை அப்படியே நம் கண் முன் கொண்டு வந்து நிறுத்துவார் எழுத்தின் ஊடாக... சில விடயங்களை சொல்வதில் பெரும் கெட்டிக்காரர்... 

தூவானம் இதில் உள்ள எதார்த்தம் நம்மை வசீகரிக்கின்றன, காலக்கண்ணாடி.

தாம் சொல்ல வருவதை எந்த தடையுமின்றி எவ்வித தயக்கமுமின்றி கூறுவதில் தேர்ந்த எழுத்தாளர். கேக் இதையும் பாருங்க இவரின் எழுத்தின் வளம் தெரியும். 

இவரின் கவிதையை படித்து முடித்த பின்னர் மனத்தில் எழும் சலனம் அடங்க சற்று நேரம் பிடிக்கும், அந்த அளவுக்கு வீரியமும், கொஞ்சம் காரமும் இருக்கும் ... அதற்கு ஒரு துளி சான்றாக இந்த தூரம்...

5) பிம்பம் - சுதர்சன் சுப்பிரமணியம் 

2009 லிருந்து தனது வலைப்பக்கத்தில் எழுதிவருகிறார், இவரின் பதிவுகளும் அணைத்து கலந்த கலவைகளாகவே இருக்கின்றன. தமிழின் மீதுள்ள ஆர்வம் இவரின் எழுத்துக்களில் அங்கங்கே வெளிப்படுகிறது.

பாரதியை முழுமையாக படியுங்கள்  என்று மகா கவி கூறிய இலக்கிய செழுமைகளை நமக்கு விளக்குகிறார். திரையில் தெரியும் காட்சிகளை கண்டு மகிழும் நமக்கு சினிமா தியேட்டர் திரை பற்றி தொழில் நுட்பத்துடன் கொஞ்சம் விளக்கமாக நமக்கு விளக்கி இருக்கிறார்.

அடுத்து இந்து மதத்தை பற்றிய விளக்கத்தை கண்ணதாசனின் வரிகளோடு நமக்கு வழங்குகிறார் இதோ அர்த்தமுள்ள இந்து மதம் தொடர் 5 - சாதாரண வாழ்க்கையும் கடவுளும்

இன்றைய தினத்தில் நாம் கண்ட பதிவர்களை படித்து உற்சாகப்படுத்துங்கள் அன்பின் தோழமைகளே! மீண்டுமொரு பதிவில் சந்திப்போம் ...

உள்ளம் நிறை நன்றிகளுடன் 

அரசன் 

உ. நா. குடிக்காடு