ஸ்கூல் பையன் - எனது தேடல்கள்

நண்பர்களே, சகோதர சகோதரிகளே !

அனைவருக்கும் வணக்கம்.  இன்றைய வலைச்சரத்தைத தொடங்கும் முன்னர் ஒரு முக்கியமான நண்பருக்கு நன்றி சொல்லியே ஆகவேண்டும்.  அவர் நம் எல்லோருக்கும் அறிமுகமான திண்டுக்கல் தனபாலன் அவர்கள். இன்னார் என்றில்லாமல் அனைவரது தளத்துக்கும் சென்று தனது கருத்துக்களைக் கூறி ஊக்கமளித்து வருகிறார். வலைச்சரத்தின் ஒவ்வொரு அறிமுகத்தையும் அறிமுகப்படுத்தப்பட்டவரிடம் கொண்டுபோய் சேர்ப்பிக்கிறார். ஒவ்வொரு சுட்டியையும் ஆராய்ந்து தவறு இருப்பின் சுட்டிக்காட்டுகிறார்.  தொடர்பதிவு எழுதினால் அதையும் சம்பந்தப்பட்டவர்களிடம் அறிவிக்கிறார்.  இவர் இல்லை என்றால் பல தொடர்பதிவுகள் எழுதப்படாமல் போயிருக்கும்.  இவர் கடந்த சில நாட்களாக அதிகம் இணையத்துக்கு வரமுடியாத சூழ்நிலையில் இருக்கிறார்.  நேற்று இவரிடம் தொலைபேசியதில் இன்னும் ஒரு வாரத்துக்கு இதே நிலை நீடிக்கும் என்றிருக்கிறார்.  அதனால் நான் தங்கள் அனைவரிடம் கேட்டுக்கொள்வது என்னவென்றால் அறிமுகப்படுத்தப்படும் தளங்கள் அனைத்துக்கும் சென்று பின்னூட்டம் ஒன்றை இட்டு வாருங்கள்.  உற்சாக டானிக் வழங்குங்கள்.

===============

இந்த இரண்டாம் நாளில் இணையத்தில் நான் தேடியவற்றைப் பற்றி சொல்லியே ஆக வேண்டும்.  கணினி வாங்கியதோ கேம்ஸ் விளையாடுவதற்காகவும் பாடல்கள் தரவிறக்கி கேட்பதற்காகவும் மட்டுமே.  விடிய விடிய Prince of Persia 3D என்ற விளையாட்டை விளையாடியிருக்கிறேன். சில நாட்களில் இவை அலுக்கவே என்னுடைய தேடல்கள் தொடங்கின.  சினிமா, நகைச்சுவை, கதை, கட்டுரை என்று பலவற்றையும் படித்தாலும் ஒரு திருப்தியின்மை இருந்துவந்தது.  அப்போது எனக்கு அறிமுகமானது தான் ஜோதிடம்.

ஜோதிடம் பற்றி இணையத்தில் தேடியதில் வகுப்பறை என்ற வலைப்பூ அறிமுகம் ஆனது.  திரு. சுப்பையா என்பவர் இந்தத் தளத்தை நடத்தி வருகிறார்.  பெயருக்கு ஏற்றவகையில் இந்தத் தளத்தில் ஜோதிடத்தைப் பாடமாக நடத்தி வருகிறார்.  ஜோதிடம் என்பது பெருங்கடல், ஜோதிட நூல்களை அப்படியே படிப்பதென்பது மிகச்சிலருக்கே சாத்தியம்.  அவை கடினமான தமிழால் எழுதப்பட்டிருக்கும்.  ஆனால் வாத்தியார் அவர்கள் எளிய நடையில் பாமரனுக்கும் புரியும் வண்ணம் பாடங்களை நடத்தி வருகிறார்.  கடந்த ஆறு வருடங்களாக எழுதி வரும் இவர் சுமார் அறுநூறுக்கும் மேற்பட்ட பாடங்களை நடத்தியிருக்கிறார்.  அதுமட்டுமல்ல, இவரது தளத்தைத் தொடர்பவர்கள் மொத்தம் எத்தனை தெரியுமா? நான்காயிரத்துக்கும் மேற்பட்டோர்.  தமிழ் வலைப்பூக்களில் இத்தனை பின் தொடர்பவர்கள் கொண்ட ஒரே தளம் இதுதான் என்று நினைக்கிறேன்.

கவிஞர் கண்ணதாசனின் ஜாதகத்தை அலசியிருக்கிறார் பாருங்கள்.

Astrology - கண்ணதாசனின் ஜாதகம்

ஜோதிடர்கள் எப்படி ஜாதகத்தை ஆராய வேண்டும் என்று சொல்லித்தருகிறார் பாருங்கள்.

எப்போது பின்னிப் பெடலெடுப்பான்?

பண்டித ஜவஹர்லால் நேருவின் ஜாதகத்தை அலசியிருக்கிறார் பாருங்கள்.

Astrology - பண்டிட் ஜவஹர்லால் நேருவின் ஜாதகம்

தனது பதிவுகளை காப்பியடித்து யாரோ சிலர் காப்பியடித்து தங்களது தளத்தில் வெளியிட, அதனால் கொஞ்சம் மன உளைச்சலுக்கு ஆளாகியிருக்கிறார்.  பின்னர் இணையத் திருட்டுகளை தடுக்க முடியாது என்று விட்டுவிட்டார்.

என்னதான் எழுதிப் போடட்டுமே, எழுதியதை திருட்டு கொடுக்கட்டுமே

அடுத்தபடியாக சித்தூர் முருகேசன். இவர் அனுபவ ஜோதிடம் என்ற தலைப்பில் வேர்ட்பிரெசிலும் சொந்த தளத்திலும் எழுதி வருகிறார்.  கடந்த ஆண்டு பதிவர் சந்திப்பில் கலந்துகொண்டவர்களுக்கு நிச்சயம் தெரிந்திருக்கும்.  இவர் எழுதிய சில பதிவுகள் கீழே..

ஹை அலர்ட் - மேஷம் டு கன்னி

லாப, விரயாதிபதிகள் ஜாதகத்தில் நின்ற பலன்

அடுத்ததாக நல்ல நேரம் என்ற தளத்தை நடத்தி வரும் திரு. சதீஷ்குமார் அவர்கள். இவர் தற்போது அதிகம் எழுதுவதில்லை.  முகநூல் பக்கம் சாய்ந்திருக்கிறார்.  மீண்டும் பழையபடி தினம் ஒரு பதிவு எழுத வேண்டும்.

2013 வருட ராசிபலன் - எந்த ராசி டாப்?

சனி நல்லவரா கெட்டவரா?

அடுத்ததாக ஜாதக கதம்பம் என்ற பெயரில் வலைப்பூ நடத்திவரும் திரு.ராஜேஷ் சுப்பு அவர்கள்.  இவர் முழு நேரமாக ஜாதகம் பார்ப்பதையே தொழிலாக நடத்திவருகிறார், இவரது அலுவலகம் சென்னை அடையாரில் இருக்கிறது.  இதுவரை சுமார் 800 க்கும் மேற்பட்ட பதிவுகளை எழுதியுள்ளார்.  ஜாதகம், ஜோதிடம், ஆன்மிகம் என பலவகைகளில் எழுதி வருகிறார். இவரது பதிவுகளில் எனக்குப் பிடித்தவை சில.

மாந்தி எட்டில் உதாரண ஜாதகம்

தனுசு: ஐந்தில் சனி

பூர்வ புண்ணியம் 16

ஜோதிடர் முருகு பாலமுருகன். http://www.muruguastrology.com என்ற தளத்தில் நிறைய எழுதியிருக்கிறார்.  இவர் எழுதியதில் எனக்குப் பிடித்தவை சில.

ராகு தசை

திடீர் பணக்கார யோகம்

நீங்களும் அம்பானி ஆகலாம்

அடுத்ததாக எ.கே.ஆனந்த் என்பவர்.  மலேஷியாவில் வசிக்கும் இவர்  http://ananth-classroom.blogspot.in என்ற தளத்தை நடத்திவருகிறார்.  இவரது தளத்தில் எனக்குப் பிடித்தவை கீழே

யாருக்கு எப்படிப்பட்ட பலன்கள்

உலகப் புகழ் பெரும் ஜாதக அமைப்பு

அடுத்ததாக பெருங்குளம் ராமகிருஷ்ணன் அவர்கள்.  http://kuppuastro.blogspot.in/ என்ற பெயரில் வலைப்பூ நடத்தி வருகிறார்.  இவர் சாப்ட்வேர் இஞ்சினியராக சென்னை அம்பத்தூரில் பணிபுரிகிறார்.  முறையாக ஜாதகம் கற்றிருக்கும் இவர் பரிகாரங்கள் செய்வதில் வல்லவர்.  இவருக்கு என்னையும் என்னை இவருக்கும் தனிப்பட்ட முறையில் தெரியும்.  ஆனால் நான் ஸ்கூல் பையன் என்ற பெயரில் எழுதுவது என்று இவருக்குத் தெரியாது.  இவரது வலைப்பூவில் சில.

வார பலன்கள்

குரு பெயர்ச்சி பலன்கள் - மேடம்

அனைவரும் அறிமுகப்படுத்தப்பட்ட பதிவுகளில் தங்களது வாழ்த்துக்களைத் தெரிவியுங்கள்.  நன்றி.

இன்று என் தளத்தில் "ரத்தம் பார்க்கின் - 2"

நாளை: சொல்லாடல் வித்தகர்கள்