கவிக் காயத்ரி விடை பெறுகிறார் - சக்கரக் கட்டி பொறுப்பேற்கிறார்.

அன்பின் சக பதிவர்களே 

இன்றுடன் முடியும் வாரத்திற்கு ஆசிரியப் பொறுப்பேற்ற கவிக்காயத்ரி இன்றுடன் தனக்களிக்கப் பட்ட பணியினைச் செவ்வனே செய்து - மிகுந்த மன நிறைவுடன் நம்மிடமிருந்து விடை பெறுகிறார்.

இவர் பதிவர்களை / பதிவுகளை அறிமுகம் செய்வதற்கு மாறுபட்ட கோணத்தில் சிந்தித்து தன்னுடன் சேர்ந்து பணி புரிய தனக்கு மிகவும் பிடித்த விசு வினை அழைத்து வித்தியாசமான முறையில் அறிமுகப் பணியினை நிறைவேற்றி இருக்கிறார்.  அறிமுகப் படுத்தப்படும்  பதிவர்களைப் பற்றிய ஒரு சிறு குறிப்பும் வி|ளக்கமாக இணைத்திருக்கிறார்.  

நண்பர்கள் தினமாகிய இன்றுடன் பணியினை முடித்துக் கொண்டு - அனைத்துப் பதிவர்களுக்கும் நன்றி கூறும் விதமாக ஒரு பதிவினை இன்று இட்டிருக்கிறார். 

இவர் எழுதிய பதிவுகள்                                                      : 008
அறிமுகப் படுத்திய பதிவர்கள்                                       : 030
அறிமுகப் படுத்திய பதிவுகள்                                          : 043
சுய அறிமுகப் பதிவுகள்                                                      : 005
பெற்ற மறுமொழிகள்                                                           : 130

கவிக் காயத்ரியினை சென்று வருக என வாழ்த்தி வழி அனுப்புவதில் வலைச்சரக் குழுவினர் பெருமை அடைகிறோம்

நாளை துவங்கும் வாரத்திற்கு ஆசிரியப் பொறுப்பேற்க அன்புடனும் ஆர்வத்துடனும் இசைந்துள்ளார் நண்பர் சக்கரக் கட்டி.

இவரது இயற்பெயர் முகமது சபியுல்லா. வயது 28. இவர்  தஞ்சை மாவட்டத்தை சேர்ந்த அய்யம்பேட்டை என்ற ஊரில் வசிக்கிறார். இவர்  பி.காம் இரண்டாம் ஆண்டோடு படிப்பை பாதியில் நிறுத்தி விட்டு  குடும்ப சூழ்நிலை காரணமாக வெளிநாடு சென்று 2011 ம ஆண்டே இந்தியா வந்து திருமணம் முடித்து தற்பொழுது ராஹத் ட்ரான்ஸ் போர்ட் நிறுவனத்தில் கணக்கராக பணி புரிகின்றார்.. 

இவர் சக்கரக்கட்டி என்னும் தளத்தினில் எழுதி வருகிறார்.

சக்கரகட்டியினை வருக வருக ! என வரவேற்று வாழ்த்துவதில் வலைச்சரக் குழுவினர் பெரு மகிழ்ச்சி அடைகிறோம்.

நல்வாழ்த்துகள் கவிக் காயத்ரி 
நல்வாழ்த்துகள் சக்கரக் கட்டி 

நட்புடன் சீனா