இவன் யாரோ.... இவன் யாரோ....

வணக்கம்

--------------------------

இவன்.... சே.குமார்... 'பரிவை' சே.குமார்... 'மனசு' குமார். ஆம்... சேதுராமனின் மகனான குமார் என்னும் நான் எழுத ஆரம்பித்த போது... அட ஒண்ணாப்புல எழுத ஆரம்பித்த போதுன்னு நினைச்சிட்டீங்களா? அப்போ இல்ல... கதை, கவிதையின்னு கிறுக்க ஆரம்பிச்ச போது புனைப்பெயரெல்லாம் வச்சி எழுதிட்டு அப்புறம் ஊர்ப் பெயரைச் சேர்த்து எழுதி வந்தேன். பெரும்பாலும் முழுப்பெயரை யாரும் கூப்பிட மாட்டோம் சுருக்கி செல்லமாக் கூப்பிடுவோம் இல்லையா அப்படி ஊர்ப்பெயரைச் செல்லமாச் சுருக்கி 'பரிவை' என்று மாற்றி பேருக்கு முன்னால் அடைமொழி ஆக்கினேன்.

வலைப்பூ ஆரம்பித்து எழுதலாம் என்ற எண்ணத்தை விதைத்து இங்கு நண்பன் கணேசன் அழைத்து வந்தபோது கல்லூரியில் நண்பர்களுடன் இணைந்து நடத்திய ‘மனசு’ கையெழுத்துப் பிரதியின் பெயரையே இதற்கும் வைத்து எழுத ஆரம்பித்தேன். ஏதோ தத்திப்பித்தி தவழ்ந்து.... நடந்து... நிமிர்ந்து... திரும்பிப் பார்த்தால் நிறைய உறவுகளைப் பெற்று எல்லாருடைய மனசிலும் 'மனசு' குமார் ஆனேன்.

வலைச்சரத்தில் அதிக முறை நண்பர்களால் அறிமுகப்படுத்தப்பட்ட பதிவர்களில் நானும் ஒருவன் என்கிற சந்தோஷம் எனக்குள் உண்டு. அதேபோல் வலைச்சரத்தில் இது மூன்றாவது முறை கிடைத்திருக்கும் ஆசிரியப் பணி... தினம் தினம் புதுப் பதிவர்கள் வந்துகொண்டிருக்கும் நிலையில் வலைச்சரத்தில் இத்தகைய வாய்ப்பு கிட்டுவது அரிதென நினைக்கிறேன்... மூன்றாவது முறையாக அழைப்பு என்று நினைக்கும் போது மிகவும் சந்தோஷமாக இருக்கிறது... இதற்குக் காரணமான என் மதிப்பிற்குரிய சீனா ஐயா அவர்களுக்கும் நண்பர் தமிழ்வாசி பிரகாஷ் அவர்களுக்கும் ராஜி அக்காவுக்கும் என் மனமார்ந்த நன்றிகள்.

சிறுகதை எழுதுவது எனக்குப் பிடிக்கும்... எனது வலையில் கூட 67 சிறுகதைகள் பதிந்திருக்கிறேன். நாம ஒரு கருவைப் பிடித்து அதை  எழுதலாம்என நினைத்து... நினைத்து... நாட்களைத் தள்ளிப் போட்டு வந்து ஒரு நாள் இரவில் விழித்திருந்து எழுதி பதிவிட்டால் சில பதிவுத் திருடர்கள் திருடர்கள் திருடி தங்கள் பதிவாக்கி விடுகிறார்கள். எனவே சிறுகதைகளைப் பகிர்வதை நிறுத்தி விட்டேன். நாம புத்தகம் போடலாம்ன்னு கனவோட இருக்கும் போது அவங்க புத்தகம் போட்டுட்டா... அதான் யோசனையின் முடிவாய் நிறுத்தம்.

சமீபத்தில் கூட ஒரு போட்டோவை தேடிய போது நான் போட்டோ போட்டோ வேறோரு தளத்தில் இருந்தது. அங்க போன நம்ம தளத்தோட பெயரில் அப்படியே போட்டிருக்காங்க... பதிவின் கீழ் வரும் என்னோட பேர் கூட அப்படியே இருக்கு. அப்புறம் ஆங்கிலத்தில் ஒரு மெயில் தட்டினேன். அதற்கு எது தங்களது என்பதை இணைப்புடன் சொல்லுங்கன்னு சொன்னானுங்க... சொன்னதும் இப்போ அந்த இணைப்பு வேலை செய்யலை... சொக்கா... கொஞ்சமில்லை மக்கா என்னோட பதிவில் மொத்தம் 463. இன்னும் நண்பர்களும் இருக்கிறார்கள். படத்தைப் பாருங்கள் தெரியும். இதேபோல் ஒருவனைப் பற்றி பல சகோதரிகள் சொல்லியிருந்தார்கள். அந்தாளு எல்லாமே அவன் எழுதுனமாதிரி பதிவுகளில் படமெல்லாம் போட்டு கலக்கிட்டான்னா பாருங்களேன்.

இன்றைய அறிமுகத்தில் இவன்...

பெயர்	சே.குமார்
வலையில் எழுதும் பெயர்	'பரிவை' சே.குமார்
வலைத்தள முகவரி	மனசு
பெற்றோர்	திரு. சேதுராமன் - திருமதி. சிவகாமி
மனைவி	நித்யா குமார்
மகள்	ஸ்ருதி குமார்
மகன்	விஷால் குமார்
படிப்பு	எம்.சி.ஏ.,
பணி	அபுதாபி

(என்னடா இவன் பொண்டாட்டி, பிள்ளைங்க பேருக்கு பின்னால இவன் பெயரைச் சேர்த்துட்டானே ஆணாதிக்கவாதியா இருப்பானோன்னு நினைச்சிடாதீங்க... நம்ம குட்டீஸ்க்கு இப்படித்தான் சொல்லப் பிடிக்கும்... இருவரும் அப்பா செல்லமல்ல... அப்பா பைத்தியம்.... அதனால எல்லாருக்குப் பின்னாலும் எப்பவும் இவன் இருப்பான்)

இவன் கிறுக்கிய பகிர்வுகள் சில உங்கள் பார்வைக்கு...

சிறுகதைகள் :

1. நினைவின் ஆணிவேர் (வெட்டி பிளாக்கர்ஸ் போட்டியில் முதல்பரிசு)   

2. கூழாங்கல் (அதீதத்தில் வெளியானது)

கவிதை :

1. மயிலைக்காளைகளும் மச்சக்காளையும் 

2. சன்னலோரப் பயணம் 

கிராமத்து நினைவுகள் :

1. பனைமரம் 

2. கரகாட்டம் 

சினிமா :

1. பாலு மகேந்திராவின் சந்தியாராகம் 

2. மதயானைக் கூட்டம் தென்மாவட்டக்காரனின் பார்வை

மனசு பேசுகிறது :

1. எழுத்து - 1 

2. சிட்டுக்குருவி

இன்னும்.... வெள்ளந்தி மனிதர்கள், நண்பேன்டா, தொடர்கதை இப்படி நிறைய வாசிக்க... ஒரு எட்டு அப்படியே நம்ம மனசு பக்கம் வந்துட்டுப் போங்க...

இந்த வாரம் தீபாவளி... அதனால விடுமுறை... அப்புறம் மதுரைப் பதிவர் சந்திப்பு, சந்தோஷம் என இருக்கப் போவதால் வலையுலகம் காத்தாடும் என்பதில் சந்தேகம் இல்லை... இருந்தாலும் கொஞ்சம் இந்தப்பக்கமா வந்து இவன் என்ன எழுதிக் கிழிக்கிறான் என பார்க்கத் தவறாதீர்கள் நட்புக்களே... நாளை முதல் வந்த வேலையைக் கவனிப்போம்... அதுவரைக்கும் இதைப் பாருங்க... அதுக்கு முன்னால வலைச்சர ஆசிரியர் குழுவுக்கும் என்னையும் தொடர்ந்து வாசிக்கும் நட்புக்களுக்கும் வலைச்சர நட்புக்களுக்கும் நன்றி.

தவத்திரு. குன்றக்குடி பொன்னம்பல அடிகளாரின் இலக்கிய உரை

ஞான ஒழி, வாழும் வழி

 நாளை பதிவர் அறிமுகங்களுடன் சந்திப்போம்...

நட்புடன்

-‘பரிவை’ சே.குமார் 

மூன்றாம் ஆண்டு தமிழ் வலைப்பதிவர் திருவிழா 2014 மதுரை -  நிகழ்ச்சிநிரல்