நேசன் சென்று வருக... குஷி பண்பலை ஆர்.ஜே. சுமிதா ரமேஷ் வருக.. வருக..

வணக்கம் வலை நண்பர்களே...

இன்றுடன் முடிகிற வலைச்சர வாரத்திற்கு ஆசிரியர் பொறுப்பேற்று இருந்த "தனிமரம் நேசன்" அவர்கள் மிகுந்த ஆர்வமுடனும், பொறுப்புடனும் தமது பொறுப்பை நிறைவேற்றியுள்ளார்.

மொத்தம் ஏழு பதிவுகள் எழுதிய அவர் 230-க்கும் மேலே மறுமொழிகள் பெற்றும், சுமார் 1200 பக்கப்பார்வைகளுக்கும் மேலே பெற்றும் உள்ளார். அவரை "சென்று வருக..." என வாழ்த்தி வழியனுப்புவதில் வலைச்சரக்குழு பெருமகிழ்ச்சியடைகிறது.

நாளை முதல் துவங்கும் வலைச்சர வாரத்திற்கு ஆசிரியர் பொறுப்பேற்க "சுமியின் கிறுக்கல்கள்" எனும் வலைப்பூ பதிவர் சுமிதா ரமேஷ் அவர்கள் ஆர்வமுடன் இசைந்துள்ளார். 

இவரப் பற்றி சொல்வதென்றால் சுமார் பதினைந்து வருடங்கள் ஐக்கிய அரபு எமிரேட்ஸ் நாட்டில் கணவருடனும், இரு குழந்தைகளுடனும் வசித்து வருகிறார். கணினி பட்டதாரியான சுமிதா ஆரம்ப காலங்களில் ஆசிரியராக பணியாற்றியவர். தனது பேச்சுத் திறமையால் துபாயில் நடைபெற்ற விசுவின் அரட்டை அரங்கம் நிகழ்ச்சியில் விசு ஐயாவிடமிருந்து "பப்ளிக் ஸ்பீக்கிங்ல் சிறந்தவர்" என்ற பாராட்டைப் பெற்றுள்ளார். இவ்வாறு பேச்சாற்றலில் சிறந்து விளங்கிய இவர் பின்னர் குஷி பண்பலை 24 x 7 இணைய வானொலியில் ஆர்.ஜே வாக சேர்ந்து தனது கணவருடன் இணைந்து வீட்டுக்கு வீடு வாசப்படி என்ற நிகழ்ச்சியை வழங்கியுள்ளார். பின்னர் பலப் பல நிகழ்ச்சிகள் வழங்கியும், அதன் பலனாக நிகழ்ச்சி மேலாளராகவும் பணியாற்றி உள்ளார். தற்போது தொடர் பணிக்கு ஓய்வளித்து விட்டு ஆர்.ஜே வாக மட்டும் பணியாற்றி வருகிறார். 

வலைப்பதிவராக, வலைச்சாகரத்தில் சமீபத்தில் இணைத்துக்கொண்ட சுமிதா ரமேஷ் முக நூல் பதிவராகவும் பல கட்டுரைகளை எழுதிவருகிறார். மேலும் கவிதை , கட்டுரைகள் , கதைகள் , விமர்சனங்கள் என்ற விசாலப்பார்வையை விரிவுப்படுத்தியப்படியே எழுத்தார்வத்துடன் வலம் வருகிறார்.

சுமிதா ரமேஷ் அவர்களை ஆசிரியர் பொறுப்பில் அமர்த்தி வருக.. வருக... என வரவேற்பதில் வலைச்சரக்குழு பெருமகிழ்ச்சியடைகிறது.

நல்வாழ்த்துக்கள் நேசன்,

நல்வாழ்த்துக்கள் சுமிதா ரமேஷ்.

நட்புடன்,

தமிழ்வாசி பிரகாஷ்...