ஐம்பது வயதைத் தாண்டிய இளம் பதிவர்கள் - ரோஸ்விக்

வாங்க வலையுலக வாசகப் பெருமக்களே!

இன்று இவ்வாரத்தில் நான் வலைச்சர ஆசிரியராக பதிவிடும் கடைசி நாள்... (யாருண்ணே அது... "அப்பாட ஒரு வழியா முடிஞ்சது"-ன்னு கொட்டாவி விடுறது?? ). இந்த அரிய வாய்ப்பை நல்கிய சீனா ஐயா அவர்களுக்கு என் மனமார்ந்த நன்றிகள்.

நம்ம வீடுகள்-லையும் சரி, ஊர்கள்-லையும் சரி பெரியவங்க தங்களோட அனுபவங்களைப் பகிர்ந்துக்கிறது ரொம்ப சுவாரஸ்யமா இருக்கும். அவர்களது அனுபவங்கள், பல சமயங்கள்ல நமக்கு பாடமாகவும் அமையும். நம்ம ஈடுபாட்டோட எழுதுகிற, வாசிக்கிற இந்த வலைத்தளங்களிலும் சில பெரியவங்க இருக்காங்க. அவங்களோட பதிவுகளைப் பத்தி தான் நாம இன்னைக்கு பார்க்கப்போறோம்.

வலைத்தளங்களில் எழுதுவதற்கு வயதோ, தாம் சார்ந்த துறைகளோ ஒரு தடையே இல்லையென்று நிரூபித்தவர்கள். நாம் இன்பமாக வசிக்க பெரியவர்கள் நமது பக்கத்தில் இருக்கவேண்டும். நாம் இன்பமாய் வாசிக்க இவர்களது பக்கங்களும் நமக்கு கிடைக்க வேண்டும். இவர்கள் அனைவரும் வாழ்வில் 50 வருடத்திற்கு மேல் அனுபவமுள்ள இளைஞர்கள்.

தருமி - இவரை பழம்பெரும் பதிவர் என்றே சொல்லலாம். கடந்த ஐந்து வருடங்களாகப் பதிவுகளை எழுதிவருகிறார். இவரது பதிவுகளை வாசித்துப் பாருங்கள். சிந்திக்க வேண்டிய விஷயங்கள் நிறைய இருக்கு. ஐயாவின் கட்டுரை ஒன்று சிங்கை மணற்கேணி குழுமத்தினர் நடத்திய கட்டுரைப் போட்டிகளில் முதலிடம் பெற்றது.

தமிழா...தமிழா.. - எனும் தனது வலைத்தளத்தில் ஐயா ராதாகிருஷ்ணன் அவர்கள், நகைச்சுவையாகவும், வாழ்வியல் நிகழ்வுகளையும் எழுதிவருகிறார். வலையுலகில் அனைவருக்கும் மதிப்பிற்குரிய நண்பராகவும் இருந்து வருகிறார். படித்து மகிழுங்கள்.

பாமரன் பக்கங்கள்... - வானம்பாடிகள் பாலா அண்ணே வலைத்தளத்தைப் பத்தி சொல்லவே வேணாம். மனுஷன் காதல் கவிதையானாலும், கேரக்டர் பற்றி விவரித்தலானாலும் கலக்குவார். இவருடைய நறுக்குன்னு நாலு வார்த்தைக்கும், கேரக்டர்கள் குறித்த பதிவுகளுக்கும் நான் தீவிர ரசிகன். எங்கதான் இந்த வித்தையெல்லாம் கத்துகிட்டு வந்தாரோ!!! :-)

லதானந்த் பக்கம் போயிருக்கீங்களா நீங்க?? தவற விட்டுறாதீங்க. லதானந் அங்கிளோட உவமை கதைகளும், அனுபவப் பகிர்வுகளும் கொங்கு தமிழ்ல... அடேங்கப்பா. குசும்புள்ள ரசனையான ஆளுங்க. மீசைக்கார அங்கிள்... ரோஷமும் பாசமும் ரொம்ப இருக்கும். அனுபவிச்சுப்பாருங்க.

அசைபோடுவது................... - சீனா ஐயா. இவரைப்பற்றி அதிகம் சொல்ல வேண்டியது இல்லை. பதிவுலகம் சார்பாக ஆக்கப்பூர்வமான சில நிகழ்ச்சிகள் நடத்துவதில் முன் நிற்பவர். அவர் இந்த தளங்களில் தனது அனுபவங்களையும், தாம் கேட்டு பயன்பெற்ற சொற்பொழிவு சாராம்சங்களையும் நம்மோடு பகிர்ந்துகொள்கிறார்.

75 வயதான இளைஞர், ஓய்வுபெற்ற அறிஞர் ஐயா கந்தசாமியின் சாமியின் மனஅலைகள் படிங்க. நிறைய கதைகள் எல்லாம் சொல்லுவாரு. நமக்கு தாத்தா பாட்டி இல்லாத குறைய தீர்த்து வைக்கிற மசக்கவுண்டன் இவரு... ;-)

முத்துச்சிதறல் - மனோ சாமிநாதன் அம்மையார் எழுதுறாங்க. நிறைய முத்துக்கள் அங்கு கிடைக்கும். வீட்டுக்குறிப்புகள், மருத்துவக்குறிப்புகள்-னு கலந்துகட்டி அடிக்கிறாங்க... அருமையா இருக்கும்.

தாராபுரத்தான் - அப்படிங்கிற பேர்ல எழுதுறது நம்ம பொன். பழனிச்சாமி ஐயா. இவரு சின்னப்புள்ளையில கேட்ட கதை, இவருக்கு பொண்ணு பார்த்த கதை... இன்னும் பலப்பல சுவாரஸ்யங்கள். இவர் இயற்கை ஆர்வலரும் கூட. போயி படிச்சுப்பாருங்க இந்த சூறாவளியும் பலமா இருக்கும். :-)

எப்படித்தான் தினமும் இடுகை போடுறாங்களோ... அப்பப்பா கண்ணை கட்டுது சாமி... :-)

என்ன அப்படி பாக்குறீங்க...?? என்னடா இவன் எப்படா முடிப்பான்னா?? பொறுங்க பொறுங்க முடிச்சிட்டேன். கவலையே படாதீங்க. நான் இந்த வாரம் முழுவதும் அறிமுகப்படுத்தின வலைத்தளங்களை படிச்சுப் பாருங்க... எல்லாமே நீங்கள் ரசிக்கும்படியா இருக்கும்னு நான் நம்புகிறேன்.

தொடர்ந்து இந்த வாரம் முழுவதும் வலைச்சரத்தில் என்னை ஊக்கப்படுத்திய அன்பு உள்ளங்களுக்கு நன்றி. இங்கு எழுத என்னை அழைத்து பெருமைபடுத்திய சீனா ஐயாவுக்கு மீண்டும் நன்றி கூறி விடைபெறுகிறேன்.

மேலும் வாசிக்க...

சமுதாய சிந்தனை மற்றும் சுவாரசியமான பதிவுகள் - ரோஸ்விக்

வணக்கம் நண்பர்களே!

எல்லோரும் நல்லா இருக்கீங்களா? அறிமுகங்கள் எல்லாம் எப்படி இருக்கிறது?

நமது பதிவுலகில், நல்லெண்ணங்களை விதைக்கும் வகையிலும், சமுதாயம் பற்றிய சிந்தனையை தூண்டும் வகையிலும் கட்டுரை, கவிதை எழுதும் பதிவர்கள் சிலரை அறிமுகப்படுத்தலாம் என இருக்கின்றேன். பலர் இந்த வகையில் எழுதி வந்தாலும், அனைவரையும் அறிமுகப்படுத்த எனது நேரம் போதவில்லை என்ற ஒரே காரணத்தினால் சிலரை மட்டும் அறிமுகப்படுத்துகிறேன்.

சிலரது வித்தியாசமான சிந்தனைகளுக்காகவும், பதிவுலகை வேறுபட்ட கோணத்தில் அணுகுவதற்காகவும், இங்கு அவர்களையும் அறிமுகப்படுத்துகிறேன்.

தமிழ் உதயம் - பல சிறுகதைகளையும், கட்டுரைகளையும் சிறப்பாக எழுதி இருக்கிறார். வாழ்வின் அன்றாட நிகழ்வுகளையும் அலசுபவர்.

நடைவண்டி - இவர் கையெழுத்துப் பத்திரிக்கை நடத்திய அனுபவம் உள்ள சிந்தனையாளர். இவரது பதிவுகளில் சமுதாயத்தின் மீதான அக்கறையும், தவறு நடக்கும் இடங்களில் இவரது கோபமும் வெளிப்படையாகவே தெரியும்.

ஆத்மா - ரெட்டைவால்’ஸ் / விக்னேஸ்வரன் எனும் அன்பு நண்பர் எழுதுகிறார். நிறைய வாசிப்பவர், பத்திரிக்கை அனுபவமிக்கவர். இவரின் கவிதைகள் எளிய நடையில் நாசூக்காக் சமுதாயத்தை சாடுபவர்.

சாமக்கோடாங்கி... - பிரகாஷ் எனும் நண்பர் எழுதிகிறார். இயற்கை ஆர்வலர், சிறுவயதிலே சமூகத்தின் மேல் அக்கறை கொண்ட, என் பார்வையில் இவர் ஒரு சமூகப்போராளி. இவர் பதிவுகள் ஒன்றுகூட என் வாசிப்பில் இருந்து தப்புவதில்லை.

உளறுவாயன் - இவர் உளறியே ஆகவேண்டும். அப்போது தான் நமக்கு நிறைய விஷயங்கள் அறியக்கிடைக்கும். உலகில் அனுசரிக்கப்படும் சிறப்பு தினங்கள், தலைவர்கள் பற்றிய செய்திகளையும், தமது சமுதாய நல்லெண்ண கட்டுரைகளுடன் கலந்து தருவார்.

கருப்பு வெள்ளை - பழம்பெரும் பதிவர். இவரது கவிதைகளை வாசித்துப் பாருங்கள். வார்த்தைகளும் அதன் அர்த்தங்களும் தெளிந்த நீரோடை போல மிகத்தெளிவாக இருக்கும். அனைவரும் வாசிக்க வேண்டிய தளம். தவறவிடாதீர்கள்.

தமிழ் சோலை - இத்தளம் பல்சுவைக் கலவையாக இருக்கிறது. நல்ல பயனுள்ள தகவல்களும் இங்கு கிடைக்கிறது.

இன்று - இது பலகாலமாக இயங்கிவரும் தளம். பலரால் இயக்கப்பட்டுவரும் தளம். நிறைய அற்புதமான கட்டுரைகள் இங்கு எழுதப்பட்டிருக்கிறது. நம் சமுதாயம் பற்றிய கட்டுரைகள் மிகச்சிறப்பானவை.

விஜய் மகேந்திரன் - இவர் ஒரு எழுத்தாளர். சிறுகதை, பல புத்தகங்கள் அறிமுகம் என கலந்து கொடுத்திருக்கிறார்.

கட்டுமானத்துறை - நண்பர் வடுவூர் குமாரின் வலைத்தளம் இது. இவர் தனது கட்டுமானத்துறை சம்பந்தப்பட்ட பல தொழில்நுட்ப தகவல்களையும், வீடு வாங்கும்போது நாம் கவனிக்க வேண்டிய விஷயங்களையும் மிக அருமையாக நமக்கு விவரிக்கிறார்.

சு டு த ண் ணி - இணையங்கள் குறித்தும், வான்வழி போக்குவரத்துகள் குறித்தும் அருமையாக விளக்குகிறார். நிறைய தெரிந்துகொள்ள வேண்டிய தொழில்நுட்ப விஷயங்கள் ஏராளம். கண்டிப்பாக வாசித்து தெரிந்துகொள்ளுங்கள்.

மேலிருப்பான் - நண்பர் பத்மஹரி ஜப்பானில் இருந்து எழுதி வருகிறார். கடல்வாழ் உயிரினங்கள், அதிசய உயிரிகள், மனிதனின் வாழ்க்கை முறைகள், விநோதங்கள் குறித்தும் தனது நகைச்சுவை நடையில் எழுதியிருக்கிறார். படித்து பயன்பெறுங்கள்.

கோகுலத்தில் சூரியன் - வெங்கட் எனும் நண்பர் பல சுவாரசியங்களை நம்மோடு பகிர்ந்துகொள்கிறார். இவரது ஒவ்வொரு பதிவின் இறுதியிலும் வரும் கேள்வி-பதில், இன்று ஒரு தகவல் மிக அருமை.

அலசல் - அண்ணன் சேவியர் எழுதுகிறார். பன்முகம் கொண்டவர். பத்திரிக்கையாளர். எழுத்தாளர். எண்ணிலடங்கா சுவாரசியமான இடுகைகள். தவறாமல் இன்றே போய் படியுங்கள். நான் ரசிக்கும் தளங்களில் இதுவும் ஒன்று.

தேவியர் இல்லம் திருப்பூர் - இலங்கை நிகழ்வுகள், விடுதலைப்புலிகள், இந்தியாவின் அரசியல் என பல வரலாற்று நிகழ்வுகளைப் பதிவு செய்திருக்கிறார். வாசித்து தெரிந்துகொள்ளுங்கள்.

முகிலன் கவிதைகள் - இவரின் கவிதைகள் அனைத்தும் புரியும்படியும், செய்திகளுடனும் உள்ளன. இவரின் தாண்டவக்கோனே கவிதையையும் வாசித்துப்பாருங்கள். அருமை.

மௌனராகங்கள் - தோழி ஜெஸ்வந்தி எழுதி வரும் இந்த தளம் பல கலவையான இடுகைகளைக் கொண்டது. இயற்கை, சமூகம் என பல பார்வைகளில் பதிவிடுகிறார் இந்த பாவை.

நிஜாம் பக்கம் பல்சுவை பக்கம் - நண்பர் நிஜாம் சிந்தனைப்பகுதிகள், நகைச்சுவை, சுவாரசியமான நற்சிந்தனை கதைகள் என கலந்து கலக்குகிறார்.

Warrior - நண்பர் தேவா, வாழ்வியல் நிகழ்வுகளையும், சமூக அவலங்களையும் சிந்தித்து எழுதுகிறார். குறுகிய காலத்தில் நிறைய பதிவுகளையும் எழுதுகிறார்.

எங்கே செல்லும் இந்த பாதை ..... - நண்பர் கே.ஆர்.பி. செந்தில் எழுதும் பயோடேட்டா மிக சுவாரசியமானது. இது மட்டுமில்லாமல் கவிதை மற்றும், அவரது அனுபவங்களை எழுதி கலக்குகிறார்.

வசந்தகால பறவை - நண்பர் சிவமஞ்சுநாதன் எழுதும் இந்த வலைத்தளத்தில் காதல் கவிதைகள் கசிந்துருகும். இவர் தனது இடுகைகளை எந்த திரட்டியிலும் ஏனோ இணைப்பதில்லை. சுவாரசியமானவர்.

சத்ரியன் - காதல் இளவரசன். இவரது கவிதைகளை வாசித்துப்பாருங்கள். மிகச்சில வரிகளில் காதலை உருக்கமாக வெளிப்படுத்துகிறார்.

வினையூக்கி - நண்பர் செல்வக்குமார் பல காலமாக எழுதி வருகிறார். நிறைய சிறுகதைகளும், சுவீடனில் படிக்க வழிகாட்டுதலையும் எழுதியிருக்கிறார். வாசித்து பயன்பெறுங்கள்.

மதுரை சரவணன் - கவிதைகளாகவும், கட்டுரைகளாகவும் நமது சமூகத்தில் எற்படவேண்டிய மாற்றங்களையும் தனது பார்வையில் எடுத்து முன் வைக்கிறார்.

சாமிகளா இந்த வகையில எழுதுறது நிறைய பேரு... அவங்க எல்லாரையும் அறிமுகப்படுத்தனும்னா எனக்கு ரெண்டு நாள் லீவு வேணும். எங்க டேமேஜர் குடுக்கமாட்டாரு... இங்க உங்க பேரு இல்லையின்னு சண்டைக்கு வந்துராதீக. நிறைய பேரு வாசிக்கிற தளங்களையும் நான் பெரும்பாலும் தவிர்த்திருக்கிறேன்.

மீண்டும் நாளை வித்தியாசமான பட்டியலுடன் சந்திக்கிறேன்!!!

மேலும் வாசிக்க...

பதிவுலக நகைச்சுவை நாயகங்கள்! - ரோஸ்விக்

வாங்க வலைச்சர வாசகப் பெருமக்களே!

இன்னைக்கு நம்ம பதிவுலகில இருக்கிற நகைச்சுவை நட்சத்திரங்களைப் பற்றி பார்ப்போம். நகைச்சுவைக்கு சிரிக்காதவங்க நரகத்துக்குப் போனாலும் குத்தமில்ல. அறுசுவையில ஏதேனும் ஒரு சுவை நமக்கு பிடிக்காமப் போகலாம். ஆனால், இந்த நகைச்சுவை எல்லோராலும் விரும்பப்படுகிற ஒன்று. உங்க கழுத்துல புதைஞ்சிருக்கிற நகையை எல்லோருக்கும் வெளிக்காட்டுறதை விட, உங்க உள்ளத்துல புதைஞ்சு கிடக்குற நகைச்சுவையை அனைவரும் ரசிக்கும்படியா வெளிப்படுத்துங்க... உங்க புகழ் தானா உயரும்.

என்னைய மாதிரி பேச்சுல நகைச்சுவையைக் கொண்டுவருவதற்கு எல்லோருக்கும் தெரியும். ஆனா, அதை எழுத்துல கொண்டுவருவது அவ்வளவு எளிதான காரியம் இல்ல. அது மிக சிலருக்கே வரும். அந்த வரம் பெற்ற நம்ம பதிவர்களை இன்னைக்கு அறிமுகப்படுத்தலாம்.

நண்பர் வெளியூர்காரன் எழுதும் எழுத்துல நகைச்சுவை மிளிரும். அவருடைய பழைய பதிவுகள் எல்லாத்தையும் வாசித்துப்பாருங்க. உங்களுக்கு சிரிப்பு வருவதற்கு நான் பொறுப்பு. இவருக்கு எனது அலுவலகத்துல நிறைய ரசிகர்கள் இருக்காங்க. இவருடைய பதிவு மட்டுமில்லைங்க. பின்னூட்டங்களும் அவ்வளவு சுவாரஸ்யமா இருக்கும். நீங்க போய் தாராளமா படிக்கலாம். ஆனா, பின்னூட்டம் போடும்போது கொஞ்சம் உஷாரா இருக்கணும். இவருக்கு "அருமை, வாழ்த்துக்கள்..." அப்படின்னு வழக்கமான பின்னூட்டம் போட்டா ரொம்ப கோபப்படுவாரு. ஏதுக்கும் தலைக்கவசத்தோட அந்த தளத்துக்கு போங்க. :-)

பட்டாபட்டி - பேரே வில்லங்கமா இருக்குல்ல. இவரு நகைச்சுவை ரொம்ப பிரபலம். நகைச்சுவையோட, நம்ம அரசியல்வாதிகளின் அரை டவுசரை கழட்டுரதுல கில்லாடி. இவரு டீலிங்கே கொஞ்சம் வித்தியாசமா இருக்கும். பயப்புடாமப் போங்க நம்ம எல்லோருக்கும் பாதுகாப்பு உண்டு.

மங்குனி அமைச்சர் - ஆமா, ஆமா... அவரே தான்... 23- ம் புலிகேசி வடிவேலு படம் இருக்கிற அந்த வலைத்தளம் தான். இவரு நகைச்சுவைக்கு பெரிய ரசிகர் கூட்டமே இருக்கு. முஸ்கி, டுஸ்கி, கிஸ்கி இது மாதிரி புதிய வார்த்தைகளை இந்த பதிவுலகத்துக்கு அறிமுகப் படுத்திய நண்பர். படிச்சுப் பாருங்க. சும்மா கிர்ருன்னு இருக்கும்.

நண்பர் சேட்டைக்காரன் நகைச்சுவையை நாக்குலே வளர்த்து வைச்சிருக்கார்னு நினைக்கிறேன். சில வாரங்களுக்கு முன்பு வலைச்சரம் ஆசிரியராகவும் வந்து கலக்கினார். இவருடைய பதிவின் வேகமான வெளியீடுகளைப் பார்த்து நான் மிரண்டு போனதுண்டு. அன்றாட நிகழ்வுகளை நகைச்சுவை கலந்து கலக்குவார்.

ம்ம்ம்... கொஞ்சம் வெட்டி பேச்சு சித்ரா. பதிவுலகில இவரு பேரு மட்டுமில்லைங்க. இவருடைய பதிவுகளும் ரொம்ப பிரபலம். இவங்க பதிவுகள் வெட்டிபேச்சு இல்லைங்க... வெரைட்டியான நகைச்சுவை கொண்டது. இவரு பறந்து பறந்து போயி பின்னூட்டம் போடுவாரு போல. எங்க பார்த்தாலும் இவருடைய பின்னூட்டங்கள் இருக்கும்.

நண்பர் குசும்பன் இவருடைய பதிவுகளும் சரி... பின்னூட்டங்களும் சரி... மிக ரசிக்கும்படியாக நகைச்சுவையோட இருக்கும். இவருடைய பதிவின் நோக்கமே கலாய் கலாய் கலக்கலாய் கலாய்... இவர் பிடித்தவர்கள், பிடிக்காதவர்கள் என்ற பாகுபாடு இன்றி எப்பொழுதும் கலாய்ப்பவர். இவருடைய போட்டோஸ் கமெண்டுகளும் பிரபலம்.

நண்பர் சுகுமார் சுவாமிநாதன் அவரின் வலைமனை -யில் பல பதிவுகளை நகைச்சுவை பட எழுதி இருக்கிறார். இவருடைய போட்டோஸ் கமெண்டுகளும் மிகவும் ரசிக்கும்படியா இருக்கும். படிச்சிப்பாருங்க... நகைச்சுவை நடனமாடும்.

நமக்கு நகைச்சுவை எஸ்.எம்.எஸ்-கள் நிறைய வரும். அதையெல்லாம் சேகரித்து ஒரே இடத்துல தொகுத்து கொடுத்தா எவ்வளவு ஆனந்தப்படுவோம் நம்ம. அந்த வேலைய நம்ம நண்பர் மோகன் தனது மோகனச்சாரல் வலைத்தளத்துல செய்துகிட்டு இருக்காருங்க. வேணுங்கிறப்ப எடுத்து படிச்சுக்கலாம். நீங்களும் போயி படிச்சு ஆனந்தமா இருங்க.

கும்மாச்சி அண்ணே, அரசியல் சார்ந்த பதிவாகட்டும், அவருடைய வாழ்கை அனுபவப் பதிவாகட்டும் அனைத்திலும் நகைச்சுவை கலந்து எழுதி இருப்பாரு. இவருடைய பதிவுகள் அனைத்தும் ரசிச்சு ரசிச்சு படிக்கும்படியா இருக்கும். நக்கல், நையாண்டி எல்லாம் அங்கு கிடைக்கும். போய் படிங்க மனசுக்கு இதமா இருக்கும்.

ஓரளவுக்கு நல்ல நகைச்சுவைப் பதிவர்களை இங்கு அறிமுகப்படுத்தி இருக்கேன். இவர்கள் எழுதும் பதிவுகளில் நகைச்சுவை மட்டுமல்ல... சிந்திப்பதற்கு சில விஷயங்களும் இருக்கும். உங்களுக்குத் தெரிஞ்ச நகைச்சுவைப் பதிவர்களை எனக்கு பின்னூட்டத்தில் அறிமுகப்படுத்தலாமே!

மீண்டும் நாளை சந்திப்போமா!!

மேலும் வாசிக்க...

உலக சினிமா குறித்த பதிவுகள் - ரோஸ்விக்

வாங்க! இன்னைக்கு எல்லோருக்கும் பிடித்த சினிமாக்களைப் பற்றி எழுதும் பதிவர்களின் அறிமுகம் தான்.

உள்ளூர் சினிமா பார்த்தே போரடிச்சுப் போச்சா உங்களுக்கு. கவலையே வேண்டாங்க. உலக சினிமாவை நமக்கு அறிமுகப்படுத்துறதுக்கு, நம்ம பதிவர்கள் நிறையப் பேரு இருக்காங்க. கலைக்கு மொழி ஒரு பிரச்சனை இல்லைங்க. அதுலயும் சினிமாக் கலைக்கு காட்சிகள் மட்டுமே போதுமானது.

நான், மங்குனி அமைச்சர், பட்டாபட்டி (யோவ் தனியா என்னைய மட்டும் சொல்லிக்கிற பயமா இருக்குயா... அதுனால அட்ஜஸ்ட் பண்ணிக்கங்க...) மாதிரி ஆளுங்க எல்லாம் ஒரே இங்கிலிஷ் படம் பார்த்தாலும் மூனு வேற வேற கதைகள் சொல்லுவோம். நம்ம ஞானம் அப்புடி... :-))) இப்ப கொஞ்சம் முன்னேறிட்டம்னு வைங்க...

நம்ம உலகத்துல எத்தனை மொழிகளில் இந்த சினிமா வாழ்கிறது... ஒவ்வொரு தேசத்திலும் சினிமாக் கலைஞர்களும், ரசிகர்களும் நிறைய வாழ்ந்துகிட்டு தான் இருக்காங்க. ஒரு மொழி சார்ந்த படம், தன் தேசத்தையும் தாண்டி பலரால் ரசித்துப் பார்க்கப்படுகிறதென்றால் அது மிகப் பெரிய வெற்றியடைந்த படமாகத் தான் இருக்க முடியும்.

அப்படி தேசம் தாண்டி, மொழி தாண்டி ரசிக்கப்பட்ட படங்களை நம் பதிவர்கள் அறிமுகப்படுத்துவது நமது தேடல் வேலையை எளிமை படுத்திவிட்டது என்று தான் சொல்லவேண்டும்.

பதிவர் சுரேஷ் கண்ணன் அவர்கள் பிச்சைப்பாத்திரம் என்ற தனது வலைத்தளத்தில் உலக சினிமாக்களையும் நமக்கு அறிமுகம் செய்கிறார்.

இவர் பெயரைப் பார்த்தாலே பயமா இருக்குது. கருந்தேள் கண்ணாயிரம்... :-) இவரது கருந்தேள் பதிவுகள் எல்லாமே நமக்கு ஏதாவதொரு மொழி படத்தை நமக்கு அறிமுகம் செய்து வைக்கிறது.

நிலா முகிலன் இவர் பலவகையான பதிவுகளை எழுதுபவர். இவரது உலக சினிமா அறிமுகங்களும் நம்மை வியப்பில் ஆழ்த்தும்.

அக்கரைச்சீமை- யில இருந்துகிட்டு நமக்குக் காணக்கிடைக்காத படங்களாப் பார்த்து நமக்கு அறிமுகப்படுத்துவார் நண்பர் ஹாலிவுட் பாலா. படத்திற்கு சம்பந்தப்பட்ட அனைத்து தகவல்களையும் திரட்டி தருவதில் வல்லவர்.

நண்பர் கார்த்திக்கேயனும் அறிவுத்தேடலும் தமது கீ த ப் பி ரி ய ன் எனும் தளத்தில் நமக்கு பல வேற்றுமொழி திரைப்படங்களை அறிமுகம் செய்கிறார்.

அண்ணன் பட்டர்பிளை சூர்யா தமது வண்ணத்துப்பூச்சியார் எனும் தளத்தில் பல நாடுகளில் வெளிவந்த திரைப்படங்களை தொகுத்து அளிக்கிறார்.

வலையுலகில் பத்து லட்சம் ஹிட்ஸ்களைத் தாண்டிய, (யூத்) கேபிள் சங்கர் தனது வலைத்தளத்தில் இந்திய பிற மொழிப் படங்களையும், உலக சினிமாக்களையும் நமக்கு அறிமுகம் செய்துவைக்கிறார்.

நண்பர் ஜாக்கிசேகர் தமது பிருந்தாவனமும் நொந்தகுமாரனும்.... என்ற தளத்தில் வயதிற்கேற்ப உள்ள திரைப்படங்களைப் பட்டியலிடுகிறார்.

நாகரத்னா பதிப்பக உரிமையாளரும், நமது பதிவுலக நண்பருமான குகன் அவர்கள் தனது குகன் பக்கங்கள் என்ற வலைத்தளத்தில் குறும்படங்களையும், வேற்றுமொழிப் படங்களையும் நமக்கு அறிமுகம் செய்கிறார்.

தடாகம் எனும் தளமும் நமக்கு பலவகையான திரைப்படங்களை நமக்கு அறிமுகம் செய்கிறது.

தான் பார்த்த வேற்று மொழி படங்களை தனது சினிமாவும்... நானும் என்ற தளத்தில் நம்மோடு பகிர்ந்துகொள்கிறார் அஷ்வின்.

BABYஆனந்தன் தமது பதிவுகளிலும் உலக சினிமாக்களை நமக்கு அறிமுகம் செய்கிறார்.

சினிமா - கனவில் உறையும் உலகம்.. என்ற வலைத்தளத்தில் நண்பர் Saravana Kumar MSK தான் ரசித்த தமிழ் சினிமாக்களோடு வேற்று மொழி படங்களையும் நம்மோடு பகிர்ந்துகொள்கிறார்.

எனக்குத் தெரிந்த உலக சினிமா குறித்து பதிவிடும் தளங்களை இங்கு குறிப்பிட்டுள்ளேன். இன்னும் தங்களுக்குத் தெரிந்த தளங்கள் இருப்பின் பின்னூட்டத்தில் தெரிவியுங்கள் நண்பர்களே.

மீண்டும் நாளை சந்திப்போம்... :-)

மேலும் வாசிக்க...

பதிவுலகில் காமிக்ஸ் உலகம் - ரோஸ்விக்

வாங்க! வாங்க!! எல்லோரும் நல்லாயிருக்கீங்களா??

இன்னைக்கு நம்ம வலையுலகில, காமிக்ஸ் கதைகளைப் பத்தி எழுதுற நம்ம நண்பர்களைப் பற்றிப் பார்ப்போம். சிறு வயசுல நம்ம எல்லோரும் எதோ ஒரு வகையில காமிக்ஸ் கதைகளைப் படித்திருப்போம். இப்போ அந்த கதைகளைத் தேடிப்பிடிச்சு படிக்க நமக்கு நேரம் இல்லாமப் போயிருக்கலாம்.

நம்ம தேடி, அதில் சிறந்ததை தேர்ந்தெடுக்கிற நேரத்தை மிச்சம் பண்ற வகையில வேற யாராவது படிச்சு, நம்க்குப் பரிந்துரை செய்தால் எப்படி இருக்கும். அந்த வேலையை செய்கிற காமிக்ஸ் ரசிகர்களின் பதிவுகளைப்பத்தி தான் நாம இன்னைக்கு பார்க்கப்போறோம்.

எனக்கு முதன்முதலில் அறிமுகமான காமிக்ஸ் ரசிகர் இலுமினாட்டி. இவரின் பதிவுகளைப் பார்த்த பிறகு தான் நான் காமிக்ஸ் குறித்து எழுதும் பதிவர்களைத் தேடிப் பிடிச்சேன். அதுக்கு நான் இலுமினாட்டிக்கு நன்றி சொல்லனும். இவரு காமிக்ஸ் மட்டுமில்ல கொரியப் படங்கள் மற்றும் வேற்றுமொழிப் படங்கள் பற்றி பதிவு எழுதுவதில் வல்லவர்.

காமிக்ஸ் கிசுகிசுவில் பட்டையைக் கிளப்புறவர் காத்தவ். இவரின் இந்த பூங்காவனம். படிச்சுப்பாருங்க... காமிக்ஸ் உலகத்தை மிக ரசனையான எழுத்துக்களால், நமக்கு காட்டியிருப்பார்.

ஒலக காமிக்ஸ் ரசிகன்-னு இவரு புனைப்பெயரில் எழுதுகிறார். இவருடைய இணையத்தள முகவரியை மொக்கைகாமிக்ஸ்-னு வைத்துவிட்டு... பதிவுகள் அனைத்தும் தலை சிறந்த காமிக்ஸ்கள் பற்றி இருக்கிறது.

பெயரே தமாசா இருக்குல்ல... இந்த புலா சுலாகி தளத்தில் காமிக்ஸ் கதைகளையே பதிவாக இடுவர்.

இவர் வருடத்திற்கே ஐந்து அல்லது ஆறு பதிவுகள் மட்டுமே இடுபவர். காமிக்ஸ் கதைகள் பற்றி அலசி ஆராய்பவர். இவரது காமிக்ஸ் பற்றிய ஒரு அலசல்! தளத்தையும் படித்து இன்புறலாம்.

இவர் காமிக்ஸ் பிரியன் எனும் பெயரில் ஆங்கில காமிக்ஸ் கதைகளையும் தனது க.கொ.க.கூ = கடத்தல் கொலை கலகக் கூட்டமைப்பு தளத்தில் பகிர்ந்திருக்கிறார்.

காமிக்ஸ் பெயர்கள் மட்டுமல்ல... இவர்களின் தளங்கள் பெயரும், பதிவுகளின் தலைப்புகளின் பெயரும் வித்தியாசமாகவே இருக்கிறது. லக்கி லிமட் எனும் புனைப்பெயரில் Browse Comics என்ற தளத்தில் இவர் அறிமுகப்படுத்தும் காமிக்ஸ் கதைகளையும் படிக்கலாம்.

இந்த காமிக்ஸ் உலகம் வலையுலகில் மிகப் பெரியதாக அவதாரம் எடுத்து வருகிறது. அதில் ஒவ்வொருவரையும் அறிமுகப்படுத்துவது சற்று சிரமமே. கீழ்காணும் காமிக்ஸ் ரசிகர்களின் பதிவுகளையும் படித்துப் பாருங்கள். நகைச்சுவை பொங்கும்.

காமிக்ஸ் காதலன்-பொக்கிஷம்

பயங்கரவாதி டாக்டர் செவன் - காமிக்ஸ் தீவிரவாதி -அ.கொ.தீ.க

லக்கி லுக் - தமிழ் காமிக்ஸ் ரசிகர்கள் - இது நமது வலையுலக ஜாம்பவான்களில் ஒருவரான செந்தழல் ரவியின் தளம். லக்கிலுக் எனப்படும் யுவகிருஸ்ணா மற்றும் பாலா இவருடன் சேர்ந்து இந்த தளத்தில் எழுதி வருகின்றனர்.

நன்றி நண்பர்களே! மீண்டும் நாளை வேறு சில பதிவுகளின் தொகுப்போடு சந்திப்போம்!

மேலும் வாசிக்க...

இந்த வித்துகள் விருட்சங்களாகட்டும் ... - ரோஸ்விக்

நண்பர்களே வணக்கம்.

இன்று நான் சில புதிய பதிவர்களை அறிமுகம் செய்து வைக்க இருக்கின்றேன். இவர்களில் பலர் பதிவுலகிற்கு வந்து சில மாதங்கள் ஆகிவிட்டது. இருப்பினும் இவர்களது சிறப்பான பதிவுகள் பலரை போய் சேரவில்லை போல் தெரிவதால் அவர்களையும் புதிய பதிவர்களாக பட்டியலிடுகின்றேன். பொறுத்தருள்க. :-) நீங்களும் இவர்களின் தளங்களைப் படித்து, உங்களின் நண்பர்களுக்கும் பரிந்துரை செய்யவும்.

எரித‌ழ‌ல். - வாசன் எனும் 55 வயது இளைஞர் எழுதுகிறார். அப்பப்பா சரியான சிந்தனையாளர். இவரது பதிவுகளும், பின்னூட்டங்களும் கருத்து செறிந்தவை. பெரும்பாலும் சாடியடியாக இருக்கும். நிச்சயம் இவர் போன்ற பதிவர்கள் நம் பதிவுலகத்திற்கு தேவையானவர்கள்.

மணியின் பக்கங்கள் - எனும் பெயரில் மணிவண்ணன் எனும் நண்பர் எழுத துவங்கியிருக்கிறார். இந்தியா மற்றும் பிற நாடுகளில் உள்ள நகரங்களின் சிறப்பையும், வேறு சில சிறப்பு அம்சங்களையும் நமக்கு தொகுத்து தருகிறார். நல்ல முயற்சி.

வரசித்தன் பக்கங்கள் .. - எனும் வலைத்தளத்தில் மருத்துவர் அ. கிருஷ்ணேந்திரன் என்பவர் எழுதிவருகிறார். நமது உடல் மற்றும் மருத்துவம் சார்ந்த எண்ணற்ற கருத்துக்கள் செறிந்து கிடக்கின்றன. வாசித்துப்பாருங்கள் நிறைய தெரிந்துகொள்ளலாம். அவசியமாகத் தெரிந்துகொள்ளவேண்டிய பல விஷயங்கள் பொதிந்து கிடக்கின்றன.

புது(க்க)விதை.. - அண்ணாமலை எனும் நண்பர் எழுதத் துவங்கி இருக்கிறார். இவரது மூன்று அல்லது நான்கு வரிக்கவிதைகள் மிக அருமை. புரியும்படி உள்ளது. :-) இவரது மற்ற சிந்தனை தூண்டும் பதிவுகளும் அருமை. வாசித்து நண்பரை ஊக்கப்படுத்துங்கள்.

சிரிப்பு போலீஸ் - ரமேஷ் எனும் நண்பர் எழுத துவங்கி இருக்கிறார். மனுஷன் காமெடியில் கலக்குறார். போய் படிங்க. சிரிப்பு வருவது உறுதி. இவரு எழுதி இருக்கிற எல்லாப் பதிவுகள்லையும் நகைச்சுவை அருமையா இருக்கும். (எனக்கு மட்டும் ஒரு சந்தேகம்... பேரு ரமேஷ் - ரொம்ப நல்லவன் (சத்தியமா) -னு குறிப்பிட்டிருக்கார். இதுவும் தமாசா என்னன்னு... ;-)) )

பாற்கடல் - மயில்சாமி சக்திவேல் எனும் நண்பரின் புதிய வலைத்தளம். அழகு தமிழில் சிறப்பாக எழுதுகிறார். இவர் இடுகை மிகுந்த கவனத்துடன் பெரும்பாலும் பிழைகளின்றி உள்ளன. ரசிக்க, சிந்திக்க நல்ல பதிவுகள் இங்கு உள்ளன.

Riyas's - ரியாஸ் எனும் இந்த நண்பர் சில நல்ல கவிதைகளையும் கட்டுரைகளையும் எழுதி அசத்துறார். ஊக்கப்படுத்துங்க. இன்னும் நல்லா எழுதுவார்.

தமிழ் கணினி - எனும் வலைத்தளத்தில் எழுதும் தம்பி மா.மணிகண்டன் சமீபத்தில் தான் முதல் இடுகை இட்டிருக்கிறார். நிறைய உபயோகமான தளங்களின் முகவரியை இதில் அறிமுகப்படுத்தி இருக்கிறார். இன்னும் சிறப்பாக எழுத நான் வாழ்த்துகிறேன். நீங்களும் என்னோடு சேர்ந்து வாழ்த்துங்க.

மோவிதன் சோமசுந்தரம் எனும் நண்பர் முகமூடி எனும் வலைத்தளத்தில் கதை, சினிமா, கவிதை என பலவற்றை நம்மோடு பகிர்ந்துகொள்கிறார். சுவாரஸ்யமாக இருக்கிறது. நீங்களும் வாசித்துப்பாருங்களேன்.

பிற மொழிப்படங்கள்... தமிழில்... தெரியப்படுத்துறதுக்காகவே இந்த வலைத்தளத்தை நண்பர் ஜெய் ஆரம்பித்திருக்கிறார். இதன் மூலம் நமக்கு பல பிறமொழிப் படங்கள் குறித்து அறிந்து கொள்ளலாம். உலக சினிமா விரும்பிகள் பார்வையிடலாம்.

புதிதாக வலையுலகுக்கு வரும் நண்பர்களே! உங்களை வலையுலகம் அன்போடு வரவேற்கிறது. உங்களுக்கு இங்கு பல நட்புகள் கிடைக்கும். சிறந்ததை சிறப்பாக எழுத முயற்சியுங்கள். வாக்கு, பின்தொடர்பவர், பின்னூட்ட எண்ணிக்கை இவற்றை மனதில் வைத்து இயங்காதீர்கள். இவையனைத்தும் ஒன்றுக்கும் உதவாது. :-) வலையுலகே வாழ்க்கை என அனைத்து நேரத்தையும் இதிலே செலவிடாதீர்கள். உங்களிடம் செலவிட நேரம் அதிகம் இருந்தால் இங்கே வந்து பல தளங்களை வாசியுங்கள் நட்பும், கருத்தும் நிறைய கிடைக்கும்.

எனது நேரமின்மை காரணமாக இன்னும் பலரை அடையாளம் கண்டு அறிமுகப்படுத்த இயலவில்லை. மன்னிக்கவும்.

வாசகப் பெருமக்களே! இந்த புது வரவுகளையும் வாசித்து ஆலோசனை வழங்கி ஊக்கப்படுத்துங்கள்.

மீண்டும் நாளை சந்திப்போமே!

மேலும் வாசிக்க...

வலைச்சரத்தில் திசைகாட்டி - அறிமுகம் - ரோஸ்விக்

வலைச்சரம் வாசக உள்ளங்களுக்கு வணக்கம்.

இந்த வாரம் முழுவதும் இங்கு வலைச்சர ஆசிரியராய் எழுத என்னை அழைத்த அன்பின் சீனா ஐயா அவர்களுக்கு நன்றியினைத் தெரிவித்து என் பதிவுகளைப் பற்றிய அறிமுகத்தை தொடர்கிறேன்.

இணையங்களில் சுற்றித் திரியும் போது நமது வலைப்பதிவர்களின் எழுத்துக்கள் எனக்கு வாசிக்கக் கிடைத்தது. நாமும் எழுத வேண்டும் என்ற, எண்ணில் புதைந்திருந்த ஆவல் மீண்டும் மேலெழும்பியது. வலைப்பதிவர் கிரி என்னுடன் தற்சமயம் பணிபுரிந்து வருகிறார். அவருடன் ச்மூக செயல்பாடுகள், சினிமா குறித்து உரையாடும்போது வலையுலகில் அவை குறித்து நடைபெறும் காரசாரமான விவாதங்களை எனக்கு அறியத்தருவார்.

அவரிடம், ”நானும் இது போல் எழுத வேண்டும். ஆனால், இந்த BLOG தொடங்குவது குறித்து தெரியாது” என்றேன். அவர் www.blogger.com குறித்து எடுத்துரைத்தார். அவருக்கு எனது நன்றிகள்.

நாம் வாழும் இந்த சமுதாயத்திற்கு நல்லதொரு திசையை நம் எழுத்து காட்ட வேண்டும் என்ற நோக்கிலே இதற்கு “திசைகாட்டி” எனப் பெயரிட்டேன். நல்ல கருத்துக்களையும் பதிய ஆரம்பித்தேன். இது போல் கருத்து சொல்லி எழுதும் பலரை என் காதுபடவே சிலர் “பெருசா கருத்து சொல்ல வந்துட்டானுக. அப்படி என்னத்தை கிழிக்கப் போறானுக” என்று சொன்னதில், நானும் தயங்கி அவ்வப்போது மொக்கைப் பதிவுகளும் இட ஆரம்பித்து விட்டேன்.

இருப்பினும், அதிகமான வாக்குகள், பின்னூட்டங்கள், பின் தொடர்பவர்கள் எனும் கணக்கில் என்றும் ஆர்வம் இருந்ததில்லை.

நான் எழுதிய முதல் பதிவு “புது உலகம் இந்த பதிவுலகம்" - ஆனந்த விகடனில் குட் பிளாக் பகுதியில் பரிந்துரைக்கப்பட்டது.

தண்டனைகள் கடுமையாக்கப்பட்டால் தவறுகள் குறையும் என்ற என் கருத்தை ”தண்டனைகள் தப்பினால் தப்புக்கள் குறையுமா?”- ல் பதிவு செய்துள்ளேன். பெரும்பாலானோர்க்கு இதில் உடன்பாடு இருக்கும் என்று நம்புகிறேன்.

உறவுகள் குறித்து “மரணம் இணைக்கும் உறவுகள்” - ல் பதிந்துள்ளேன். வாசித்துப் பாருங்களேன்.

இன்றைய காலக்கட்டத்தில் தேவையில்லாத சில காரணங்களால் திருமணங்களை தள்ளிப்போடுகின்றனர். இது குறித்து இரண்டு பாகங்களாக, ”தள்ளிப்போகும் திருமணங்கள் யாராலே?”, “தள்ளிப்போகும் திருமணங்கள் யாராலே?-2” எனும் தலைப்பில் எழுதியுள்ளேன். இந்தக் கட்டுரை, சிங்கப்பூரில் பதிவர்கள் இனணந்து இயங்கிவரும் “மணற்கேணி” என்ற குழுமத்தினரால் தொகுத்து வெளியிடப்பட்ட நூலில் பிரசுரிக்கப்பட்டுள்ளது.

உலக வெப்பமயமாதல் குறித்து கிடைத்த தகவல்களை தொகுத்து மூன்று பாகமாக “பனி உருக்கி உலகழிக்கும் நம் பணி (புரட்டும் அபாயம்)...

” எனும் தலைப்பில் பதிந்துள்ளேன்.

செல்வம் சேர்த்தலும், அதை முறையாகக் காத்தலும் குறித்து “செல்வாக்கில்லா செல்வம்...” - ல் பதிந்துள்ளேன். வாசித்துப் பயன்பெறுங்களேன்.

ரயில் பயணம் பலருக்கும் பிடித்த ஒன்று. எனது அனுபவங்களையும் தொகுத்து ரயிலின் மீதான காதலை “ரயில் - தாலாட்டும் மற்றொரு தாய்...” பதிவில் சொல்லியிருக்கிறேன். 

மேலே நான் குறிப்பிட்ட பதிவுகள் மற்றுமன்றி, என்னுடைய பிற பதிவுகளையும், கவிதைகளையும், மொக்கைகளையும் ரசிப்பீர்கள் என்ற நம்பிக்கையில் தொடர்ந்து எழுதி வருகிறேன்.

என் பதிவுகளைப் பற்றிய அறிமுகம் இத்தோடு நிறைவு பெறுகிறது. வரும் நாட்களில் இன்னும் பலரின் உபயோகமான, ரசிக்கக் கூடிய வலைத்தளங்களை உங்களுக்கு அறிமுகப்படுத்துகிறேன்.

மேலும் வாசிக்க...