யார் கடவுள்?? வலைச்சர செவ்வாய்
➦➠ by:
பலா பட்டறை ஷங்கர்
தென்னை மரத்தைப் பார்த்து வாழை மரம் என்று சொல்லும் குழந்தையை எப்படிக் கண்டிப்பது? அதன் பெயர் தென்னை மரம் என்று உனக்குத் தெரியுமா? நீதான் அதற்குப் பெயர் வைத்ததா? என்று அந்தக் குழந்தை திருப்பிக் கேட்பின் என்ன பதில் சொல்வோம்?.
யாரோ பெயர் வைத்தார். யாரோ வழி மொழிந்தார். தலைமுறை தலைமுறையாக அதன் பெயர் தென்னை மரம். பெயரில் என்ன இருக்கிறது?.
கூச்சல்களை ஒழுங்குபடுத்தி, வடிவம் கொடுத்து, ஒவ்வொன்றுக்கும் பெயர் கொடுத்து அதற்கும் மொழி என்று பெயர் வைத்து இது என் மொழி என்று சிலாகித்து
“ஏய் அது தென்னைமரந்தான், இந்தா பார் வாழை மரம் இப்படி இருக்கும் புரிஞ்சிதா?” என்று நமக்குச் சொல்லிக்கொடுத்ததை மீண்டும் குழந்தையின் மண்டையில் ஏற்றிப் பெயர் கற்றுக்கொள்ளும் பண்டிதனாக்குகிறோம்.
கிட்டத்தட்ட கடவுள் நம்பிக்கையும் ~ மறுப்பும் இதை ஒட்டியதுதான் என்று எனக்குத் தோன்றுகிறது. ஒன்று தென்னைமரத்தை தென்னை மரமென்றே ஏற்றுக்கொள் அல்லது அது என்ன என்று நிரூபி!. ஆயினும் கடவுளோ, தென்னையோ இதைப் பற்றியெல்லாம் கவலைப் பட்டதாய் எனக்குத் தெரியவில்லை. நல்ல காலம் அவற்றிற்கென ஏதும் மொழி இல்லை என்பதும் ஒரு காரணமாய் இருக்கலாம்.
~~~~~~~~~~~~~~~~~~~~~~~~~~~~~~
சரி, கடவுள் நம்பிக்கை பற்றி நான் படித்ததில் என்னைக் கவர்ந்த ஒரு பக்குவ பக்கம் திரு.ஏவிஎஸ் அவர்களின் ஞாயிறு தபால். படியுங்கள். தேடல்களுடன் அங்கே நீங்கள் ஆரோக்கியமாய் விவாதிக்கலாம். ஆனால் அந்த இடுகை ஏன் எழுதப் பட்டது? தூண்டிய பதிவர் யார்? என்ற கேள்விக்குள்ளும் நீங்கள் செல்வீர்கள் என்றால் நிச்சயம் ஒரு விஷயத்தை எப்படி தெளிவாக அணுகலாம் என்பது உங்களுக்குப் புரியவரும்.
மேலோட்டமாய் படித்து அல்லது நமது அடையாளங்கள் சார்ந்து பின்னூட்டம் இடுவதை விட எல்லாவற்றையும் கழட்டி வைத்துவிட்டு என்ன சொல்ல வருகிறார்கள் என்பது புரிந்தால், நம்பிக்கைகள் பற்றிய உங்கள் புரிதல்கள் உங்களுக்கு கைகூடும். :))
ரைட்!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
புலனாய்வு பத்திரிகைகள் நீங்கள் விரும்பிப் படிப்பதுண்டா எனில் வழிப்போக்கனின் கிறுக்கல்கள் என்ற வலைப் பூவில் திரு.யோகேஸ்வரன் அவர்கள் எழுதிய இந்த இடுகை நீங்கள் படிப்பது நலம். :-)
~~~~~~~~~~~~~~~~~~~~~~~~~~~~~~~~~~~~~~~~
புலனாய்வு பத்திரிகைகள் படிக்காமல் வெறும் இணையம்தானா? :-) எனில் பதிவுலகம் பற்றி சுவாரஸ்யமாக திரு.போகன் ~ அரிவை அரனில் எழுதியுள்ள இந்த இடுகை வாசிக்கலாம்.:) அப்படியே அவரின் இடும்பைக் கூர் என் வயிறே என்பதையும், மர்மயோகி அகத்தியர் என்ற தொடரையும் படித்துப்பாருங்கள்.
~~~~~~~~~~~~~~~~~~~~~~~~~~~~~~~~~~~~~~~~
ஸ்மைலிகளில் உணர்வுகளைத் தெரிவிக்கும் இந்தக் காலத்தில் புத்தக வாசிப்பை வலியுறுத்தும் திரு.மோகன் ~ மோகனச்சாரலில் எழுதிய அக்கா மகனுக்கு ஒரு பிறந்த நாள் கடிதம். நம்மில் எத்துனைப் பேருக்கு இது போன்று ஒரு கடிதம் வந்திருக்கும்?
~~~~~~~~~~~~~~~~~~~~~~~~~~~~~~~~~~~~~~~~
நிறைய பெண் குழந்தைகளுக்கு அப்பா ஹீரோதான். ஆனாலும் அனாமிகா துவாரகன் ~ அப்பாவை ஹீரோவாக நினைப்பதில் உள்ள சிக்கல்கள் பத்தி ஒரு இடுகை எழுதி இருக்கிறார். நிறைய ரெளவுத்திரமும், ஆதங்கமும் படக்கூடிய ஒரு கோபக்கார சகோதரி!.
~~~~~~~~~~~~~~~~~~~~~~~~~~~
முடிவாக காட்சியில் ~ திரு.சாம்ராஜ் எழுதிய மதுரை பற்றி வந்த இந்தக் கட்டுரை உறங்கா நகரம் (முன்னொரு காலத்தில்)
அதிலிருந்து சில வலிகள்!!
“
மூணு மணிக்கு இட்லி சாப்பிட போகிறேன் என்பவனை என்னால் புரிந்து கொள்ள முடியவில்லை என்றார் மதுரையில் பொறுப்பேற்ற வடக்கத்திய உயர்காவலதிகாரி. தங்க பதக்கம் திரைப்படத்தின் எஸ் பி செளத்ரியின் வசனத்தில் சொன்னால் “அந்த ராத்திரி நாங்க ரெண்டு பேர் மட்டும் தான் இருப்போம்” என்றார்கள். எல்லாம் அடைக்கப்பட்டன, நிறுத்தப்பட்டன. டீக்கடைகள் பனிரெண்டு மணிக்கு மேல் சாராய கடைகளை போல் இயங்கின. ஒரு மணிக்கு விளக்கணைத்து இருட்டில் இட்லி சாப்பிட வேண்டிய கட்டாயம். போலிஸ் வேனின் சக்கரத்தின் கீழ் ஒரு கலாச்சாரம் நசுங்கியது. யுகம் யுகமாய் தூங்காத மதுரை வலுக்கட்டாயமாக அடித்து ”உறங்க” வைக்கப்பட்டது.
சமகாலத்து இரவு நேரத்து மதுரை வீதிகள் என்னை அழ வைக்கின்றன. எவ்வளவோ பார்த்த புது மண்டபத்து யாளிகளும் என்னோடு சேர்ந்து கண்ணீர் விடுகின்றன. புது மண்டபத்தின் வாசலில் இருந்த புராதன குழியை மூடி மார்பிள் பதித்து விட்டார்கள். பதினோரு மணிக்கு மேல் அங்கு “வேறொரு” வியாபாரம் களைகட்டும். கீழ்பாலமும் போனது. அதன் எளிய இரவு வியாபாரங்களும் காணாமல் போயின. “இரவு பறவைகள்” எங்கே போயினர்? “பீம புஸ்டி அல்வாக்காரரை எவரேனும் பார்த்தீரா? கரகாட்டகாரனின் கரகம் எந்த பரணில் உறங்குகிறது? சாமி கள்ளழகரையே நேரத்தோடு வரச் சொல்கிறது “நிர்வாகம்”.
ஹும்ம்..!
:( மீண்டும் சந்திப்போம்.
அன்புடன்,
ஷங்கர்.
