உடம்பு எப்படி இருக்கு? - வலைச்சரம் 2

வாங்க!!! வாங்க!!! நேத்து என்னோட கதை, கவிதைகளை படிச்சி
"ஒரு மாதிரி" ஆகியிருப்பீங்க, அதனாலென்ன சரி பண்ணிரலாம் :))

சரி........கோபபடாதீங்க பிரசர் ஏறிடும், அப்புறம் சாப்பாட்டுல உப்பை கம்மி பண்ணுங்கன்னு மருத்துவர் சொல்வாங்க,
அது ஏன்னு தெரிஞ்சுக்க பாருங்க இதை.

அப்புறம், நீங்களே சொந்தமா மாத்திரை, மருந்துகளை தேடி
ஓடாதீங்க. மருத்துவருக்கே, உடம்பு சுகமில்லை என்றாலும் அவர்
இன்னோர் மருத்துவரைத்தான் நாடனுமாம், சுய வைத்தியம் பாத்துக்கிட்ட ஒருத்தரின் நிலைமைய இங்கே போய்
படிங்க. இதை சொன்னவங்க Dr.எம்.கே.முருகானந்தம்.
****************************************

என்னாது!!! என் கவிதையை படிச்சதால, ஒருத்தர் மயக்கமாயிட்டாரா!!!
பாவமா இருக்கு, அவருக்கு முதலுதவி செய்வோமா, எப்படி
செய்றதுன்னு தெரியலையா, செல்லுங்கள் இங்கே, விடை கிடைக்கும்.

அளவுக்கு மீறனால் அமிர்தமும் நஞ்சுன்னு சொல்வாங்க,
அப்படி இருக்கயில பல்லி மிட்டாய் சாப்பிடற மாதிரி panadol
சாப்பிட்டா என்ன ஆகும் தெரியுமா, தெரியாதுன்னா இவர்
சொல்றத கேளுங்க . இந்த தளம்: மருத்துவம் பேசுகிறது!
*************************************

இந்த காலத்து சுட்டிங்க, ரொம்பவே துறுதுறுன்னு இருக்காங்க
ரொம்ப ஸ்டைலா டான்ஸ் வேற ஆடுவாங்க. எதிர்பாராம
அவங்களுக்கு முழங்கையில அடிபட்டா என்ன செய்யனும்ன்னு
இவங்க சொல்லி இருக்காங்க .

அநேகம் பேர் ரொம்ப ஸ்வீட்டானவங்க, அட பேச்சில இல்லங்க,
உடம்பில "சர்க்கரை" வச்சி இருக்காங்கன்னு சொல்ல வந்தேன்.
அவங்களுக்கு சுலபமா தொற்று நோய்கள் தாக்கும், இதை எப்படி
தடுக்கலாம்னு இதில் சொல்லி இருக்காங்க. சொன்னவங்க
தேவன்மாயம். தளம்:தமிழ்த்துளி.
*******************************

சுற்றுபுறத்தை எப்பவும் சுத்தமா வச்சிக்கோங்க, உங்க வீட்டு
பூந்தொட்டில தண்ணீர் தேங்கி இருந்தா அதுல கூட கொசு வளரும்
அபாயம் இருக்கு. கொசுவால பரவக்கூடிய நோய்கள்ள ஒண்ணுதான்
"டெங்கு". இது வந்தா நம் உடம்பில ஏற்படக்கூடிய அறிகுறிகளையும்,
இதில் இருந்து நம்மை பாதுகாத்துகொள்ளும் வழிமுறைகளையும் தெரிஞ்சுக்க
இங்கே செல்லுங்களேன்.
தளம்: Life at a Primary Health Centre - பொது சுகாதாரமும் மருத்துவமும்.
**********************************

இப்போ, இதே மாதிரி மருத்துவ இடுகைகள் வரக்கூடிய சில
புதிய தளங்களை பார்ப்போமே.

புது மலர்1, தளம்:வரசித்தன் பக்கங்கள்
இவங்க ஒரு மருத்துவர், May 2010 - இல் இருந்து எழுத
தொடங்கி இருக்காங்க.

பழைய தமிழ் படங்களில், ஹீரோ (அல்லது) ஹீரோயின்
சட்டுன்னு, எதிரி ரேஞ்சுக்கு பேசிட்டு அப்புறம் தனியா உக்காந்து
அழுவாங்க. கொசுவத்தி சுத்துன அப்புறமா தெரியும் அவங்களுக்கு
"கேன்சர்" இருக்குறதால அப்படி நடந்துகிட்டாங்கன்னு!! (தன் மேல
தன் துணைக்கு வெறுப்பு வரணுமாம்) அந்த கேன்சர் எப்படி
மனித உடம்புல வளருது, அதோட ஆரம்ப அறிகுறிகள்
என்னன்னு ரொம்ப தெளிவா சொல்லியிருக்காங்க , வரசித்தன்
பக்கங்களில்.
***********************************

புது மலர் 2, தளம்:FEEL & HEAL Physio Accu Centre
இவங்களும் மருத்துவர்தான், பிப்ரவரி 2010 - இல் இந்த தளத்தை
தொடங்கி இருக்கிறார்கள்.

"அக்குபஞ்சர்" பற்றி அனைவரும் கேள்வி பட்டிருப்போம். இதைப்பற்றிய
விரிவான தகவல்களோடு இவங்க ஒரு தொடர் எழுதுறாங்க,
அதோட சில டிப்ஸ் கொடுக்குறாங்க, ரொம்பவே சுவராசியமாய்
இருக்கு, இங்கே சென்று படித்து பாருங்களேன்.
************************************************

மேலே குறிப்பிட்ட இடுகைகள் உங்களுக்கு பயனளிக்கும்
என்ற நம்பிக்கையுடன் விடை பெறுகிறேன்.
மீண்டும் நாளை, இதிலிருந்து வேறுபட்ட பிரிவிலான (மருத்துவம் அல்லாத) இடுகைகளை பார்ப்போம்.

நன்றி.