ஆனந்தியிடம் இருந்து பொறுப்பேற்கிறார் ஓட்ட வட நாராயணன்

அன்பின் சக பதிவர்களே !

இன்றுடன் முடியும் வாரத்திற்கு, ஆசிரியப் பொறுப்பேற்ற, தோழி ஆனந்தி - ஏற்ற பொறுப்பினை மிகுந்த கடமை உணர்வுடன் நிறைவேற்றி நம்மிடமிருந்து மகிழ்ச்சியுடன் விடை பெறுகிறார்.

இவர் ஏழு இடுகைகள் இட்டு, 125க்கும் மேலாக பதிவர்களை அறிமுகப் படுத்தி, ஏறத்தாழ 120 இடுகைகள் அறிமுகப் படுத்தி, 280க்கும் மேலாக மறுமொழிகள் பெற்றிருக்கிறார். பலப்பல புதிய அறிமுகப் பதிவர்கள் - பலப்பல புதிய அறிமுக இடுகைகள் - கடும் உழைப்பு - தேடிப் பிடித்து, பல்வேறு வகைகளில் தொகுத்து அழகாக வழங்கியமை பாராட்டுக்குரியது - வாழ்த்துக்குரியது.

தோழி ஆனந்தியினை வாழ்த்தி வழி அனுப்புவதில் பெருமை அடைகிறேன்.

நாளை துவங்கும் வாரத்திற்கு, ஆசிரியப் பொறுப்பேற்க இசைந்துள்ளார் ஓட்ட வட நாராயணன். இவர் சென்ற ஆண்டு ஜூலைத் திங்கள் இறுதியில், மாத்தி யோசி என்ற பதிவினில் இடுகைகள் இட ஆரம்பித்து, 150க்கும் மேலாக இடுகைகள் இட்டுள்ளார். 4900க்கும் மேலாக மறுமொழிகள் பெற்றுள்ளார். 55000 பேர் இவரது வலைப்பூவினிற்கு விஜயம் செய்திருக்கின்றனர். 180 பேர் பின் தொடர்கின்றனர்.

ஓட்ட வட நாராயணனை வருக வருக ! அறிமுகங்களை அள்ளித் தருக ! என வரவேற்று வாழ்த்துவதில் பெரு மகிழ்ச்சி அடைகிறேன்.

நல்வாழ்த்துகள் ஆனந்தி

நல்வாழ்த்துகள் ஓட்ட வட நாராயணன்

நட்புடன் சீனா