நினைவின் விளிம்பிலிருந்து வலைச்சரத்திற்கு…

வலைச்சர நண்பர்களுக்கு வணக்கம். நலந்தானே?

“எத்தனை நாள்தான் நினைவின் விளிம்பிலேயே உலாத்திக்கிட்டு இருப்பே? இங்கிட்டுக் கொஞ்சம் வந்து பாரேன்”, அப்படின்னு எனக்கு வலை(ச்சரத்தை) விரிச்சவர், சீனா ஐயா. அவருக்கு முதலில் என்னுடைய நன்றிகள்.

“அச்சோ! ஏழு நாளும் எழுதணுமா?!” அப்படின்னு பயம்மாத்தான் இருந்தது. அட, எனக்காக இல்லீங்க, உங்களுக்காகத்தான்! பாவம்ல நீங்க? ஆனா எவ்வளவோ பட்டுத் தெளிஞ்ச நீங்கல்லாம் என்னையும் சகிச்சுக்குவீங்க தானே? :)

கவிநயா, என்னோட புனை பெயர். பெயர் சூட்டு விழாவெல்லாம் இல்லாம, நல்ல நாளெல்லாம் பார்க்காம, நானே ஒரு நாள் வெச்சுக்கிட்டேன். பெயர்க் காரணம் தெரிஞ்சுக்கணும்னு ஆசையா இருந்தா, இங்கே வந்து பாருங்க! அமெரிக்காவில் வாசம். கணினித் துறையில் வேலை. பரத நாட்டியம் ஆடுவேன், சொல்லியும் தர்றேன். எழுதறதில் தனி விருப்பம். வாசிக்க ஆள் இருந்தாலும் இல்லேன்னாலும் ஏதாச்சும் எழுதிக்கிட்டே இருக்கணும் எனக்கு. தமிழ்க் குழுமங்களில் எழுதி, பிறகு இணைய பத்திரிகைகளில் எழுதி, கடைசியா ‘நினைவின் விளிம்பில்…” வந்து செட்டில் ஆயிட்டேன்! இப்போ வல்லமை மின்னிதழின் ஆசிரியர் குழுவுக்கு என்னாலான சிறு சிறு உதவிகள் செய்யறேன். ஆன்மீகத்தில் கொஞ்சம் ஈடுபாடு உண்டு.

என்னுடைய எழுத்துப்  பயணம் (குக்கிராம டூர் மாதிரி ரொம்பச் சின்னதுதானுங்க), எழுத்தின் மீதான மயக்கம், இது ரெண்டையும் பற்றிய சுய புராணங்களை என் வலைப்பூவில் பகிர்ந்திருக்கேன்.

கவிதை வடிவம் தான் முதலில் எழுத ஆரம்பிச்சது. பிறகு சிறுகதை, குறுங்கதை, தொடர்கதை, கட்டுரை, மொழிபெயர்ப்புக் கவிதை, இப்படிப் பல வடிவங்கள்லயும் கை வெச்சாச்சு! எனக்கே பிடிச்ச, கொஞ்சம் வித்தியாசமா இருக்கும், அப்படின்னு நினைக்கிற படைப்புகளை இங்கே பகிர்ந்திருக்கேன்… நேரம் கிடைக்கும் போது வாசிச்சுப் பார்த்து, உங்க கருத்துகளைப் பகிர்ந்துக்கிட்டா, நன்றியுடையவளா இருப்பேன்.

கவிதைகள் தான் நிறைய… மற்றதெல்லாம் கொஞ்சம் கொஞ்சம்…

கவிதைகளில் சில -

சாமி பாட்டு – கணபதி தாள்கள் போற்றி!

பாப்பா பாட்டு – ஆனை பாரு! யானை பாரு!!

சோகக் கவிதை – காணவில்லை!

தேசப் பற்றுக் கவிதை – நாளைத் தரணியில் இந்தியர் நாம்…

பரதக் கவிதை – தத்தோம் தகதோம் தரிகிட தத்தோம்!

காதல் கவிதை – ரகசியமாய்…

சிறுகதைகளில் சில -

ஒற்றைக் கொலுசும், ராஜகுமாரனும்

பூங்குழலியும் வந்தியத் தேவனும் என்ன ஆனார்கள்?

சுண்டக் காயும் சுண்டைக்காய்

காணாமல் போனவர்கள்

சிறகு முளைத்த சின்னப் பூ

குறுந்தொடர் (எழுதினதே இவ்ளோதான்!) -

கண்ணனுக்குத் தந்த உள்ளம்

மறந்து(ம்) விடாத உறவுகள்

அவள் வருவாளா?

கட்டுரைகளில் சில –

மின்னஞ்சலெல்லாம் பொன்னஞ்சலல்ல

கோவிலுக்கு ஏன் போகணும்?

காஃபியா, கோப்பையா?

நீங்க பணக்காரரா, பிச்சைக்காரரா?

இரத்த தானம் பண்ணப் போறீங்களா?

போதும் போதும்னு நீங்க எழுந்து ஓடறதுக்குள்ள நானே நிறுத்திக்கிறேன் :) நாளைக்கு மீண்டும் பார்க்கலாம்!

அன்புடன்

கவிநயா