க_, க__. க____ க____

_()_ 

வணக்கம் எப்படிச் சொல்லட்டும்!!

இங்கு Māori மரபுப் படியானால்... மூக்கும் மூக்கும் முட்டிக்கொள்வார்கள்.

தமிழர் முறைப்படி!!!

கைகூப்பினால் மட்டும் வணக்கம் தெரிவிப்பதாகிவிடுமா!

'கௌஷி' - சந்திரகௌரி சிவபாலன், யாருக்கு எப்படி வணக்கம் தெரிவிக்கவேண்டுமென்று விளக்குகிறார் இங்கே. அவரது உதிர்ந்த ரோஜாக்கள் கண்கலங்க வைக்கும். எல்லாமே அருமையான இடுகைகள் என்பேன்.

 

நானும்... ரசிக்கிறேன்.. ருசிக்கிறேன்..  மாதவன் இளங்கோவின் வலைப்பூவை. எளிமையான, எழுத்துப் பிழையில்லாத அழகுதமிழுக்கு ஒரு உதாரணம் இவர் வலைப்பூ. இடுகை அமைப்பில் ஒரு நேர்த்தி இருக்கும். எழுத வேண்டும், பகிர்ந்துகொள்ள வேண்டும் என்பதை விட, எதையும் நேர்த்தியாகச் செய்ய வேண்டும் என்னும்  சிரத்தையும் ஈடுபாடும் உள்ளவர் என்பதைப் படித்துப் பார்த்தால் புரிந்துகொள்வீர்கள். என் பார்வையில் பட்ட இவரது நிறங்கள் - ஒரு பார்வை சிறுகதை வெகு அருமை. ஏராளமான கட்டுரைகளும் இவரது தளத்தில் சிதறிக் கிடக்கின்றன.

'தேவை எனில் ...இனிய உளவாக இன்னாத கூறலும் ...இனிது' என்று நினைக்கும் கன்யாகுமரியைச் சேர்ந்த பிரபுதாஸ், வலைப்பூ இடுகைகள் கொஞ்சம் முரண். ஒரு படம்... பொருத்தமாக ஒரு குறிப்பு. நீளமாக இராது இடுகைகள். இவர் வலைப்பூவில் உலவினால் இன்னதுதான் என்றில்லாமல் எதிர்பாராதது கண்முன்னே வந்து நிற்கும்.  நிச்சயம் ஒவ்வொருவருக்கும் சுவைக்க எதுவாவதொன்று இருக்கும். பிரபுதாஸ் அணில் வளர்த்த அனுபவம் சோகம். ;( ஆனால் அவர் பேகனாக மாற முனைந்த அனுபவம்... புன்னகைக்க வைக்கிறது. :-)

//நிஜமாவே பேகன் மயிலுக்கு போர்வை போர்த்தினாரா ?// ஆமாம், போர்த்தினார். ஆதாரத்தோடு நிரூபிக்கட்டுமா! :-)

அருகே போர்த்தக் கேட்டு ஆடிக்கொண்டு அமர்ந்திருந்த ஆட்டைக் கூடக் கவனிக்காமல் மயிலுக்கு மட்டும் போர்த்தினார். :-) 

பிரபுதாஸின், 'வாழ்க்கை அதனினும் சிறிது' என்னும் கவிதை, இந்த 'டைரி'... இரண்டையும் மறக்காமல் படித்துவிடுங்கள்.

செல்வாவின் கவிதைகள் வெகு அற்புதமாக இருக்கும். பாசமான பாட்டிக்கு என்றொரு கவிதை... அது கவிதையல்ல, பாட்டிக்குப் பேத்தியின் கடிதம். நிச்சயம் உங்கள் மனதைத் தொடும்.
 

அப்படியே கிளம்பிப் போய்... தமிழ்வாசலைத். திறந்து உள்ளே நுழைந்து பாருங்கள். தன்னைக் கவிஞர் வைரமுத்து அவர்களின் ஏகலைவன் என்கிறார் நாகபட்டினத்தில் வசிக்கும் இரா. ச. இமலாதித்தன். அவரது கிறுக்கல்கள்... கிறுக்கல்களா அவை! இங்கே. இலக்கியவாதி என்பவர்... நாங்கள்தான் என்கிறார். :-) (இந்த... 'எங்களைப்' பற்றி என் தனிப்பட்ட கருத்து ஒன்று இருக்கிறது. இங்கு வேண்டாம். எப்போதாவது இமாவில் உலகில் பகிர்கிறேன்.) சமயத்தில்...  எனக்கொன்றும் தெரியாது என்றும் சொல்லுவார். 'இதை விட இது நன்று,' என்று குறிப்பிட்டுச் சொல்ல இயலாதவை இவரது கிறுக்கல்கள்.

வலைப்பூவின் பெயர்... 'விசு Awesome' அவர்களது துணிக்கைகளா! அல்லது விசுவின் awesome மின் துணிக்கைகளா!! எதுவாக இருந்தால் என்ன! வலைச்சரத்திற்காக இவர் சரம் வாங்கிய கதை அதாவது... காதில் சரம் வாங்கிய கதை சுவாரசியம். இவர் கலாய்க்க ஆரம்பித்து எட்டே எட்டு மாதங்கள்தான் ஆகின்றன. என் சந்தேகம்... இவர் தனிமை விரும்பியோ!!

இடுகைக்கான தலைப்பு... கதை, கவிதை, கட்டுரைக் கதம்பம். சரியாக ஊகித்தீர்களா! :-)

"ஹ்ம்! போயும் போயும்... கடைசி பெஞ்ச் மாணவி மாதிரி இருக்கிற இமாவைப் போய் ஆசிரியர் நாற்காலியில் அமர்த்தினேனே!" - இது சீனா ஐயா mind voice. :-)

சிரியுங்கள், சிரியுங்கள், சிரித்துக்கொண்டே இருங்கள்.

வாழ்க்கை வாழ்வதற்கே!