முத்துச்சரங்கள்

சி அ : என்னப்பா தலைப்பை மாத்தீட்டீங்க, ஆன்மீகப்பதிவர்கள் முடிஞ்சிருச்சா?

அநேகமாக அனைத்து அன்பர்களும் ஆன்மீகத்தைப் பத்தி எழுதுறாங்க அனைவரையும் அடையாளம் காட்டுறது கஷ்டங்கிறதால், இன்னும் சில முத்துக்களை பற்றி மட்டும் சொல்ல வேண்டியிருக்கு அதுக்குள்ள எப்படிம்மா முடிக்கமுடியும்.

இவங்களுக்கு தனி மரியாதை கொடுக்கண்ணுமுண்ணு தனிபபதிவா போடறேம்மா.

பெ. அ : அப்படி யாரைப்பத்தி சொல்லப் போறேங்க.

மூணு பேரைப்பத்தி சொல்லப்போறேன் சுப்புதாத்தா, நா. கண்ணன் , பட்ட முத்து இவங்க தான் அந்த முத்துகள்.

சி. அ : சுப்பு இரத்தினங்கற சுப்பு தாத்தா தானப்பா சொர்ணாம்பிகா பின்னூட்டத்துல அற்புதமான கவிதை எழுதி அம்பாள் தங்க ரிஷப வாகனத்தில் பவனி வரும் அழகை எல்லாருக்கும் காட்டினாரு.

அவரே தான்ம்மா. ஸத்யம் சிவம் சுந்தரம். . ஆன்மீகம் அப்படீன்னு அருமையான பல ஆன்மீகத்தகவல்களை தொகுத்து தராரு நம்ம அன்பு ஐயா.

பெ அ: அது மட்டுமல்ல பலரோட வலைத்ததளத்துலிருந்து தேனீ மாதிரி தேனை சேகரித்து ஒன்னா தராரு சுப்பு தாத்தா.

சி. அ: இவருடைய செலெக்சன் சூப்பர்.

எத்தனை விதமாத்தான் இவரு எழுதறாரு,

தமிழ் மறை தமிழர் நெறி ,

நான் இரசிக்கும் வலைப்பதிவுகள்

சினிமா இராகங்கள்

எல்லாம் இவரோட வலைப்பூக்கள்.

மூவரும் : அருமையாக ஆன்மீக தொண்டு செய்து வரும் சுப்பு ஐயா, வாழ்த்த எங்களுக்கு வயதில்லை தங்களை வணங்குகிறோம்.
------------------------------------------------------

பெ அ : அடுத்து எந்த முத்தைப் பத்தி சொல்லப்போறீங்க.

மேன்மை கொள் சைவநீதி விளங்குக உலகமெல்லாம்.

ஹர ஹர நம: பார்வதி பதயே
ஹர ஹர மஹா தேவ

என்று சிவபெருமானோட புகழ் பாடற பட்டமுத்து ஐயாதாம்மா அவரு.

சி. அ : " சைவ சரபம் மா.பட்டமுத்து" ஐயாவோட பெரிய புராண சொற்பொழிவுகள் அத்தனையும் தேன்.

வீடியோவாக அருமையாக பதிவு செய்து வலைப்பூவில் இட்டுள்ளார் பட்டமுத்து ஐயா.

பெ அ: செயற்கரிய செய்து விடையேறும் எங்கள் பரமனின் அன்பர்கள் சரிதத்தை 63 Nayanmaars - 63 நாயன்மார்கள் ங்கற வலைப்பூவிலே நுகரலாம்.

திருமுல்லைவாயில் கொடியிடை நாயகி சமேத மாசிலாமணீஸ்வரோட அன்புத்தொண்டரான இவர் மற்ற அன்பர்களுடன் சேர்ந்து "நாங்கள் இலவசமாக நாயன்மார்கள் பற்றிய குறுந்தகடுகள் கொடுக்கிறோம். அனைவரும் பெற்று மகிழுங்கள்" ன்னு யான் பெற்ற இன்பம் பெருக இவ்வையகம்ன்னு அருமையான சேவை செய்யறாரு. வேண்டும் அன்பர்கள் குறுந்தகட்டைப் பெற்று நன்மையடைய வேண்டுகிறோம்.

பட்டமுத்து ஐயா வளர்க தங்கள் சிவத்தொண்டு. முக்கண் முதல்வரின் புகழ் தங்கள் சேவையின் மூலம் மேலும் பரிமளிக்க அவரிடம் பிரார்த்திக்கின்றேன்.
-------------------------------------------------

சி. அ : அப்பா நீங்க சைவரை ஒரு முத்துன்னு சொல்லீட்டீங்க அப்ப வைணவர்கள் சும்மா இருப்பாங்களா?

அரியும் சிவனும் ஒண்ணு அதை அறியாதவன் வாயில மண்ணுங்கறது உனக்கு தெரியாதாம்மா?

சி அ: இருந்தாலும் ஏன்ப்பா வலையில சண்டை போட்டுக்கறாங்க?

அதுவும் ஒரு தலைப்பு தானேம்மா? அதனால இருக்கும்.

பெ. அ : ஆனா நமக்குத்தான் ஹரிஹர பேதம் இல்லையே அதனால நாம் இப்ப ஒரு வைஷ்ணவரைப் பத்தி சொல்லலாமா?

நீ சொல்லீட்டா அதுக்கு அப்பீல் ஏது அப்படியே செய்துறலாம்.

சி. அ : அப்ப யாரைப்பத்தி சொல்லப்போறீங்கப்பா?

அவரு, ஆழ்வார்களோட அருளிச்செயல்களில ஆழ்ந்து போய், ஆழ்வார்க்கடியார்ன்னு பதிவுகள் எழுதுவறவரு,

சி. அ : பொன்னியின் செல்வனில வராரே அவராப்பா?

நான் ஙேன்னு முழிக்க,

இருவரும் அப்பா இப்படி ஒரு பேக்கா இருக்காரேன்னு கையைத் தட்டிகிட்டு சிரிக்கறாங்க!! ( எனக்கு ஒண்ணும் புரியல்ல உங்களுக்கு புரிஞ்சா பின்னூட்தத்தில சொல்லுங்க)

நா.கண்ணன் சார் தான் இந்த பதிவர்

இதயத்தின் மொழிகள் புரிந்துவிடில், மனிதர்க்கு மொழியே தேவையில்லை!

திருமொழி

ங்கற இவரோட பதிவுகளை படிக்காதவங்க அருமையான எதையோ இழந்துட்டாங்கண்னே சொல்லணும்.

சி அ: நெஞ்சம் மட்டுமா? கணினியும் மறப்பதில்லை! ங்கற பதிவு அருமை .

பெ அ : மூன்றாம் கண்ணுங்கற இவரோட பதிவுல

அருமையான புகைப்படங்கள்.

மொழி கடந்த பார்வை! (Third Eye) ன்னு அருமையான பதிவிட்டிருக்கறாரு கண்ணன் சார்.

மாலவன் மேல் மால் கொண்ட ஆழ்வார்களின் அருளால் ஐயா வளர்க தங்கள் கைங்கர்யம்.
__________________________________
இன்றைய தினம் மஞ்சாடும் மங்கை மணாளரின் மேற்கு முகமாம் சத்யோஜாத முக தரிசனம் பெறலாமா அன்பர்களே?

சத்யோஜாதம்: அரசம் பூ போல் வெண்மை நிறமாய் பிடரியில் மேற்கு நோக்கி இருக்கும் முகம். பஞ்ச பூதங்களில் பூமியை குறிக்கின்றது , ஐந்தொழிலில் படைத்தல் தொழிலைக் குறிக்கின்றது (பிரம்ம ஸ்ருஷ்டி காரண முகம்). ஐந்தெழுத்தில் 'ந'.

முதல் நாள் கிரி வலம் செய்யும் போது இம்முக தரிசனம் நன்றாக கிடைக்கின்றது. மற்ற முகங்கள் குவிந்து உள்ளன ஆனால் இம்முகம் மட்டும் குழியாக உள் வாங்கி இருக்கின்றது. இம்முகத்தை திருமயிலையிலே கபாலீஸ்வரர் மேற்கு நோக்கி எழுந்தருளியுள்ளார்.

ஸத்யோஜாதம் ப்ரபத்யாமி ஸத்யோஜாதாய வை நமோ நம:

பவேபவே நாதிபவே பவஸ்வ மாம் பவோத் பவாய நம:

என்னும் பஸ்சிம வக்த்ர ப்ரதி பாதக மந்திரத்தால் துதி செய்கின்றோம்.

மேலும் வாசிக்க...

அனைவரும் பார்த்து வியக்கும் சில ஆன்மீகப்பூக்கள-3

இப்ப நாம பார்க்கப்போறவரு தமிழ்ச்சங்கத்தின் ஒரு ஆசிரியர் , தமிழால் இணைவோம்; தமிழைப் போற்றுவோம்ன்னு தமிழின் பெருமைகளை எடுத்து காட்டுபவர்.

பெ. அ : இவரு அம்மன் பாட்டுலயும், முருகனருளிலும் எழுதுறாரு.
ஆத்திகம் வலைப்பூவுல ஆன்மிகத்தைப் பற்றி எழுதுறாரு.

டண் டண் டண் ...... அவர் தான் VSK அவர்கள்

சி. அ : இந்த அங்கிளோட ஒரு ரொம்ப உபயோகமான வலைப்பூவைப் பத்தி சொல்லுங்கப்பா.அதுவும் ஒரு குழுப்பதிவு 12 அன்பர்களின் பங்களிப்பு இதில இருக்கு, வலைபூவோட பேரு விக்கி பசங்க .

இந்த வலைப்பூவின் கருத்து : தெரிஞ்சிக்கோ! அறிஞ்சிக்கோ! தெளிஞ்சிக்க. உங்களுக்கு எந்த சந்தேகம் இருந்தாலும் இவங்க கிட்ட கேட்டா உங்களுக்கு பதில் கிடைக்குதுங்க.

WIKI காலத்தில் விக்கி பசங்களின் சேவை அருமையாக உள்ளது.
VSK ஐயாவிற்கும் மற்றும் அனைத்து விக்கிகளுக்கும் நன்றிகள்.
___________________________________

சி . அ : அடுதத பதிவர் யாருப்பா?

ஒப்பிலி அப்பனுக்கு இராக மாளிகை கட்டியவர்தான் நம்மோட அடுத்த அன்பர்.

ஒப்பில்லாத அப்பன் நம் ஒப்பிலியப்பன்
பொன்னப்பன் மணியப்பன் முத்தப்பன்
என்னப்பன் என் விண்ணகரப்பன் என்று
நம்மாழ்வார் துதித்த செல்லப்பன்

என்பது இவர் ஒப்பிலியபனுக்கு இவர் சமர்பித்த கவிதையின் ஒரு கண்ணி

.பெ அ : ஜீவி சார் தான் இந்த பதிவர் இல்லீங்க? .

ஆமா, ஆமா, பூ வனம் இவரோட நந்தவனம். எத்தனை எத்தனை எண்ணங்கள் நெஞ்சினிலே....

அவையெல்லாம் மலர்களாக பரிமளிக்கின்றன இந்த வலைப்பூவில்.

_________________________________________

அடுத்து நாம பார்க்கப் போற பதிவர் மிகவும் அன்பானவரு.

சி. அ : இப்பிடி ஈஸியா க்ளூ கொடுத்தா எப்படிப்ப, நீங்க அன்புடன் பாலா அங்கிளைத்தான சொல்றீங்க.நீயும் நல்லா தேறீட்டயே அவரேதான்.

பெ. அ:
தமிழ் உலா - என்றென்றும் அன்புடன், பாலா ஐயா எழுதும் வலைப்பூ.

சி. அ : ஓயுதல் செய்யோம் தலை சாயுதல் செய்யோம் உண்மைகள் சொல்வோம் பல வண்மைகள் செய்வோம் - இது தான் இவரோட கொள்கை முழக்கம்.

இவரோட திருப்பாவை பதிவுகள்தான் எனக்கு முதல் அறிமுகம், அருமையான விளக்கங்களோட ஆழமா கருத்துக்களோடும் எழுதியிருக்காரு. பாசுரங்களுக்கான படங்களும் சூப்பர்.

சி. அ : மொத்தம் 453 பதிவுகள் ஏழுதியிருக்காரு இல்லப்பா.

அதுமட்டுமில்லம்மா தமிழ் மண நடசத்திரமாவும் இருந்திருகாரு பாலா சாரு.

பெ அ : காலம் பொன்னானது கடமை கண்ணானது ன்னுட்டு கடிகாரத்தை காண்பிக்கறாறு, பதிவுக் கிடங்கு - இவரோட பழைய பதிவுகள்,

நான் வாசிக்கும், என்னை(யும்) வாசிக்கும் வலைப்பதிவர்கள் ன்னு அனைத்து வலைப் பதிவர்களையும் அடையாளம் காட்டுறாரு.

ஐயா வளர்க தங்கள் தொண்டு.
-------------------------------------

மேலும் வாசிக்க...

அனைவரும் பார்த்து வியக்கும் சில ஆன்மீகப்பூக்கள-2

அடுத்து நாம சொல்லப்போறாவரு "என் வாசகம்" பாடறவரு. திருவாசகம் போல இவர் வாசகங்களும் தேன்.

பெ.அ : அட ஜீவா வெங்கட்ராமன் ஐயாவைப்பத்தி சொல்ல வரீங்களா?

ஆமா இவரும் ரெண்டு விஷயத்தைப் பற்றித்தான் எழுதறாறு, அது ரெண்டுமே இவரோட ரெண்டு கண்ணுக.

சி.அ : அது ரெண்டும் என்னனு நான் சொல்லட்டுமா?

சொல்லு பார்க்கலாம்

சி அ : ஆன்மீகமும்,இசையும்தான் இவரோட இரு கண்கள் .

இசையால் வசமாக இதயம் எதுன்னு இசையை ஆராதிப்பவ்ர் ஜீவா சார்.

இவர் இப்பதிவுல கொடுத்துள்ள வாசகம் " என் அரசே யான் புகழும் இசையும் அணிந்தருளே".ன்னு இவர் பாமாலை பாடி ஆராதிக்கறார் இறைவனை.

பெ. அ : இவரோட ஆன்மீக அரிச்சுவடி அருமையான பதிவு.
மாதர் பிறை கண்ணீயானை ன்னு இவர் எழுதின பதிவும் அருமை.

இவர் நிச்சயம் ஒரு தங்கத்தாமரைதான்.

இவரோடத் தனித்தன்மை தமிழிசை பாடிய பல அன்பர்களின் பாடல்களை அன்பர்களிடத் கொண்டு வந்து சேர்ப்பதுதான். மிகவும் அருமையான சேவை செய்து வருகின்றார்.

சி. அ : தமிழ்மண நட்சத்திரமாகவும் மின்னுராரல்லப்பா ஜீவா அங்கிள் .

ஆமாம்மா. மூணு பேரும் சேர்ந்து அவருக்கும் வாழ்த்து சொல்லலாமா?

ஜீவா ஐயா! வாழ்த்துக்கள் வளர்க தங்கள் சேவை..
----------------------------------------------------------------------
சி. அ : அப்பா எனக்கு என்னமோ பட்சி சொல்லுது நீங்க இப்பவும் ஒரு மதுரைக்காரரை மனசுல நெனச்சுட்டு இருக்கறேங்கன்னு.

எந்த பட்சிம்மா அது

சி அ : கருட பட்சிதான் அதுதானே நல்லதுக்கெல்லாம் முன்னால வருது,
சரி சரி உன்னோட கருடன் சரியாத்தான் சொல்லியிருக்கு,

இவரு பேருலயே மதுரை இருக்கு.

பெ. அ : அப்ப மதுரையம்பதி சாரைப் பத்தி சொல்லப்ப் போறீங்களா?

அருமையான கண்டு பிடிப்பு அவரேதான்.

சி: அ "ஞாலம் நின்புகழேமிக வேண்டுந் தென் ஆலவாயில் உறையும் என் ஆதியே!" தான் இவரோட தலைப்புல வ்ர்ற வாசகம் கவனிச்சீங்களா அப்பா?

கரெக்டா கவனிச்சிருக்கறயே திருஞான சம்பந்தரோட அதே வாசகத்தைதான் ஐயாவும் தன்னோட கருப்பொருளா கொண்டிருக்காரு.

பெ அ : மதுரையம்பதி ஐயா எழுதற தீராத வல்வினை தீர்த்த குருவின் திரு உருக்கொண்டு ஆராத இன்பச் சுகாதீதம் நல்கினள் அம்பிகையேன்னு சொல்ற ஆச்சார்ய ஹ்ருதயம்பதிவு குருவின் அருமையைச் சொல்றது சூப்பரா.

சி. அ: ஐயாவோட சௌந்தர்ய லஹரி . பதிவை அனைவரும் கட்டாயமா படிக்க வேண்டிய ஒன்னு.

குமரன் சாரோட இனைஞ்சு இவர் ஸ்தோத்ர மாலை பதிவும் அருமையோ அருமை.

ஆதி சங்கர பகவத் பாதரின் சிவமானஸ பூஜாவிற்கு அருமையான விளக்கம் தந்திருக்கிறார் இப்பதிவுல மதுரையம்பதி ஐயா

பெ அ : புதுகைத் தென்றல் அம்மிணி இவருக்காக ஒரு தனிப்பதிவே போட்டாங்க, அதுலிருந்தே ஐயாவோட எழுத்தை எல்லாரும் தெருஞ்சுக்கலாம்.
மதுரையம்பதி ஐயா மதுரை மீனாள் அருளால் தாங்கள் இது போல சேவை செய்து வர வேண்டும் என்று பிரார்த்திக்கிறோம்.
---------------------------------------------------------------
பெ. அ : இதுவரை நாம பார்த்த அத்தனை பேரோடயும் சேர்ந்து எழுதற ஒருத்தரை நாம் இப்ப சொல்லலாமா?

சரி அவரு யாரு?

சி. அ : அப்பா விளையாடாதேங்க உங்களுக்கு தெரியாதா என்ன?

தெரியல்ல நீயே சொல்லுமா.

சி. அ : T. R. C, ... தி. ர. ச என்னு எழுதுற சந்திர சேகரன் இராமசாமி சார் தான் நம்மோட இப்போதய நாயகர்.

இவரும் கண்ணன் பாட்டு, சிவன் பாட்டு, முருகனருள், ஆச்சார்ய ஹ்ருதயம் எல்லாத்துலயும் எழுதறாரு.

பெ. அ : இவரு கௌசிகம் ன்னும் கம்பன் கவிச்சோலையில் பூத்த கவிமலர்கள் ரெண்டு வலைப்பூக்களையும் எழுதறாரு,

ஐயா தங்கள் சேவையும் மேலும் வளர்ந்து நல்ல மணம் பரப்ப வாழ்த்துகின்றோம்.
----------------------------------------------------



இப்பதிவில் மாவகிடண்ண கண்ணி பங்கனின் கிழக்கு முகமாம தத்புருஷ முகத்தின் தரிசனம் பெறுங்கள் அன்பர்களே.

தத்புருஷம் : யௌவன பருவமுடையதாய் கோகம்பூ நிறமாய் கிழக்கு நோக்கி இருக்கும் முகம். பஞ்ச பூதங்களில் வாயுவை குறிக்கின்றது, ஐந்தொழிலில் காத்தல் தொழிலை (தத்புருஷ கவச திரோபவ காரண முகம்) குறிக்கின்றது. ஐந்தெழுத்தில் 'வ", ஐயன் மகேஸ்வர வடிவம். அம்மை ஞான சக்தி வடிவம்.

இம்முகத்தை

ஓம் தத்புருஷாய வித்மஹே மஹாதேவாய தீமஹ’ தந்நோ ருத்ர: ப்ரசோதயாத் என்னும் ப்ராக் வக்த்ர ப்ரதி பாதக மந்திரத்தால் துதிக்கின்றோம்.

View of Holy Kailash ( South face and East face) from Astapath, the place where first thirthangara attained nirvana. The closest point to south face.

VIEW OF HOLY KAILASH FROM DARCHEN BASE CAMP

Unlike the other three faces we don't get the darshan of east face alone, mostly with south face only. This is because of the extension of east face to Dolma pass which lies on the parikrama route. In the following photos we will find the east face as sun lit side.

மேலும் வாசிக்க...

அனைவரும் பார்த்து வியக்கும் சில ஆன்மீகப்பூக்கள-1

நவீன நாரதர் KRS

சி அ : என்னப்பா இந்த பதிவுல உங்களுக்கு ரொம்ப பிடிச்ச சப்ஜெக்ட் பத்தித்தானே?.

சந்தேகம் என்ன ஆன்மீகம் தான் அதுலயும் அனைவரும் பார்த்து வியக்கும் சில பதிவர்களை அறிமுகம் செய்யலாம்னு இருக்கேன்.

பெ. அ : அதான் அவங்களைப் பாத்து எல்லாரும் மூக்கில விரல வைக்கிறாங்கன்னு சொல்றேங்களே பின்ன அவங்களுக்கு எதுக்கு அறிமுகம்.

நீ சொல்றது கரெக்ட்தான் , அவங்க எல்லாம் குன்றின்மேல் இட்ட விளக்குகள், அதனாலதான் அனைவரும் பார்த்து வியக்கும்ன்னு தலைப்பு கொடுத்திருக்கேன்.

சி. அ : சரிப்பா, யாரை மொதல்ல சொல்ல போறீங்க?

இவரை சிலர் பதிமூன்றாம் ஆழ்வாருன்னு கூப்பிடறாங்க, சிலர் விஷ்ணுங்கறாங்க, ஒருத்தர் கண்ணாங்கறாங்க, வேறொருத்தர் வைணவ வாரியாருங்கறாங்க, சன்மத காவலர்ங்கறாங்க, மறு பக்கம் வருத்தபடாத வாலிபர் சங்கத்துல இவரை இளையனாருன்னு புகழ்றாங்க, துளசி டீச்சர் ***-உனக்கு ஆப்பு ஏலோ ரெம்பாவாய்ன்னு தலைப்பு போட்டுட்டு இவரை புகழறாங்க.

பெ.அ : எனக்கு புரிஞ்சு போச்சு, தமிழ் இவர் கையில் மட்டும் எப்படி இப்படி வளையுதுன்னு நானும் ரொம்பத்தடவை ஆச்சரியப்பட்டிருக்கேன். சேந்தானார் சரிதத்தை எவ்வளவு அருமையா தில்லை நடராசன் தின்பானா ஏழை வீட்டுக் களியை? ன்னுட்டுகொடுத்தாரு.

சி. அ : அம்மா எனக்கும் அவர் யாருன்னு தெரிஞ்சு போச்சு , அவரோட பதிவுகள் எல்லாத்துலையும் குறைஞ்சது நூறு பின்னூட்டங்களாவது இருக்கும், இத்தனைக்கும் பொறுமையா, அருமையா எப்படி பதில் தரார்ன்னு நானும் ஆச்சிரியப்பட்டிருக்கிறேன்.

இவ்வளவு கூறிய பின்னுமா அன்பர்களே தெரியவில்லை அவர் தான் The Great kannabiran, RAVI SHANKAR (KRS). ஆன்மீகமும் காதலும் எனது இரு கண்கள் என்று கூறும் இவர் ஒரு சகல கலா வல்லவ்ன், எழுதுகின்றார், பாடுகின்றார், வரைகின்றார் எல்லாவற்றிலும் இவர் வல்லவர். கண்ணன் பாட்டு, முருகனருள், சிவன் பாட்டு, அம்மன் பாட்டு எல்லாத்திலயும் இவரின் பங்கு உண்டு.

சி. அ : அப்பா இவர் எழுதின சுப்ரபாத பதிவு நெசமாவே சூப்பர்ப்பா,

இன்ன்னொரு பதிவு சிவலிங்கம் ச்சே "அதை"யா குறிக்கிறது? சூப்பரோ சூப்பர்.

இவர், குமரன், சைலஜா, கவிநயா எல்லாம் ஒன்னா சேர்ந்து பல அருமையான பதிவுகள் தர்றாங்க.

மாதவிப்பந்தல் ஒரு பிரம்மகமலம் என்பதில் ஐயமில்லை
.
மூவரும் கோரஸாக KRS ஐயா! தாங்கள் வாழ்க பல்லாண்டு! வளர்க தங்கள் தொண்டு!.எல்லோரும் உங்களுக்கு பட்டம் தந்திருக்கறாங்க நாங்களும் உங்களுக்கு நவீன நாரதருன்னு பட்டம் தர்றோம்.
-------------------------------------------------------------------------------------
பெ. அ : அடுத்தது குமரன் சாரை பற்றி சொல்லலாங்களா?

நீ சொன்னா அதுக்கு நான் மறுப்பு சொல்ல முடியுமா? அப்பிடியே செய்துறலாம்.



சி. அ : இதுக்கு முதல்ல எழுதின பதிவுல அபிராமி அந்தாதிக்கு விளக்கம் எழுதின கூடல் மாநகர அஙகிள்ன்னு சொன்னீங்களே அவராப்பா?.



பெ அ : ம்ம்ம்ம் இருங்க இருங்க , இவருதானே புல்லாகிப் பூண்டாகி நினைத்ததும் நடந்ததும் ன்னு அருமையான தொடர் கதை எழுதினாரு?.



சரியா சொன்னமா, ஆன்மீகமும் இலக்கியமும் இவரது இரண்டு கண்கள்.

அடியேன் சிறிய ஞானத்தன் என்று அடக்கமாக சொல்லிக் கொள்ளும் இவர் எழுவதோ பெரிய ஞானங்களைப் பற்றித்தான்.

ஆழ்வார்களின் அருளிச்செயல்கள் நாலாயிர திவ்விய பிரபந்தத்திற்க்கும் பொருள் விளக்கம் சொல்ல ஆரம்பிச்சிருக்காரு.



பெ.அ : இவரும் கண்ணன் பாட்டு, சிவன் பாட்டு, அம்மன் பாட்டு, முருகனருள் அத்தனையிலும் கலந்து கொள்றாரே.



இவர் திருப்பாவைக்கு ஒரு வலைப்பூவும் எழுதியுள்ளார்.

இரண்டாவது தடவை தமிழ் மணத்தின் நட்சத்திர பதிவாளர் ஆன வெகு சிலருல இவரும் ஒருத்தருங்களிருந்தே இவரோட எழுத்து வன்மை அனைவருக்கும் புரிஞ்சிருக்குமே.

மூணு பேரும் சேர்ந்து இவரையும், தங்கள் சேவை மேலும் சிறக்கன்னு வாழ்த்துகிறோம்.
------------------------------------------------------------------------------------
சி அ : இப்ப ஒரு தலைவியைப் பத்தி சொல்லலாமா அப்பா?
எந்தத் தலைவிம்மா?

பெ அ: வலைத்தலைவிதான் அதாவது வலை அன்பர்கள் அன்போட தலைவின்னு கூப்பிடற கீதா சாம்பசிவம் அம்மாவைப்பத்தித்தான்.

இவங்களோட காலடி சுவட்டிலே அப்படியே அடியேன் எழுதுறேன்னோன்னு சில சமயம் சந்தேகம் வரும். இவங்க முதல்ல ஆன்மீகப் பயணம் பதிவு திருக்கயிலாய யாத்திரை பற்றி இவருதான் எழுதினார் அதுவும் , மிகவும் அருமையாக எழுதியிருக்கிறாங்க இவங்க.

பெ. அ : இவங்க நேபாளத்தின் வழியாக போனாங்க நீங்க இந்தியா வழியாக போனீங்க அல்லவா ?

அதேதான் அதனால ரெண்டு பேரு பதிவுகளிலும் நிறைய மாறுதல்கள் உள்ளன அதனால இஷ்டப்பட்டவங்க வந்து தாராளமா படிக்கலாம் முதல்ல படிச்சதையே மறுபடியும் படிப்போமோன்னு பயம் வேண்டாம்.

சி. அ : யாத்திரையை விட்டு நீங்க மறுபடியும் அவங்க எழுதற நடராஜரைப் பற்றியும் எழுதுறீங்க இல்லப்பா? (மனசுக்குள்ள ... ஈயடிச்சான் காப்பி)
ஆமாம்மா, ஆனா அவங்க அளவுக்கு ஆழமாக ஆராய்ச்சி செய்து எழுத நிச்சயமா நம்மாள முடியாதும்மா. அவ்வளவு ஆத்மார்த்தமா எழுதறாங்க அவங்க, simply superb.

பெ. அ : இதை தவிர இவங்க எண்ணங்கள் என்னும் வலைப்பூவிலே "கதை கதையாம் காரணமாம்னு" இராமாயண கதையை சூப்பரா சொல்லிட்டு வராங்க.

சி .அ : அந்த பதிவுல ஆடிப் பூரத்த்தன்னிக்கு "திருவாடிப் பூரத்து ஜெகத்துதித்தாள் வாழியேன்னு" , ஆண்டாள் பற்றியும் அவங்களோட திருப்பாவையைப் பற்றியும் ஒரு சூப்பர் பதிவு போட்டிருக்காங்களே அதைப் படிச்சீங்களாப்பா?

படிக்காம இருப்பனா? படிச்சிட்டேனே, திருப்பாவை , நாச்சியார் திருமொழி இரண்டையும் அற்புதமா எடுத்து எழுதியிருக்காங்க.

சி. அ : இப்ப கணபதிராயன் அவனிரு காலைப் பிடிப்போம்னுட்டு விநாயகரைப் பத்தியும் எழுதிட்டு வராங்க இல்லப்பா?

பெ. அ : இவங்களும் மதுரைக்காரங்களா?
அட! எப்படி கரெக்டா சொல்ற? சரி

மூவரும் : அவருக்கும் வாழ்த்து சொல்லுவோமா? அருமையான தொண்டு செய்யும் கீதாம்மா, வளர்க தங்கள் தொண்டு.
-----------------------------------------------


நீயேந்தும் கிளியாக
நான் மாறக் கூடாதோ? - உன்
காலடியில் ஒரு மலராய்
நான் சேரக் கூடாதோ?

சி. அ : என்னப்பா திடீர்ன்னு பாட ஆரம்பிச்சிட்டீங்க, வலைச்சரத்துல பதிவு எழுதறதை விட்டுட்டு, எதாவது நட்டு கிட்டு கழண்டிடுச்சா?

அப்படித்தான்னு வெச்சுக்கோவே இவங்க கவிதையைப் படிக்கறவங்க எல்லாம் இப்படித்தான் ஆயிடறாங்க.

பெ.அ : யாருங்க அவங்க.

கண்ணனுக்குத் தந்த உள்ளம் அப்படின்னு ஒரு அருமையான தொடர் கதையும் எழுதியிருகங்க இப்ப சொல்லு அவங்க யாருன்னு.

பெ. அ : யாருன்னு இன்னும் தெரியல்லையே.

சி. அ : மம்மி ட்யூப் லைட் , இது கூடவா தெரியல்லை, கவிநயா அவங்களை சொல்றாரு அப்பா.

பெ. அ: "நினைவின் விளிம்பில்..." உணர்வுகளின் மீறலில் நினைவின் விளிம்பில் தளும்பும் எண்ணங்கள்...கவிதைகளாய், கதைகளாய், இன்னும் பல ரூபங்களாய்... அருமையான கவிதைகளை எழுதுறாங்க.

" நினைச்சுட்டீங்க! அதை சொல்லீடுங்க :) ன்னு அவர் பின்னூட்டம் இடச்சொல்லும் பாணி சூப்பர்.

சி. அ : இப்பத்தான் அவங்க 50வது பதிவு போட்டு தங்க விழா கொண்டாடியிருக்காங்க,

அவங்களுக்கும் ஒரு ஓ! போடலாம். இன்னும் பல கவிதைகள் எழுதி நல்ல மணம் பரப்பு வேண்டுகின்றோம் கவிநயா.
------------------------------------------------------------------
இன்று தியாகராஜரின் அகோர முகம் எனப்படும் தெற்கு முக தரிச்னம் பெற்று இன்புறுங்கள் அன்பர்களே.

div align="center">

Nandi facing the Lord - எம்பெருமானுக்கு எதிரே மலை வடிவில் நந்தி

On the right side is Lord Ganesh - வலப் பக்கம் முழு முதற் கடவுள் கணேசர்

தெற்கு முகம் - அகோர முகம் : தக்ஷ’ணாமூர்த்தி ரூபம். இந்தியாவை நோக்கியுள்ள முகம். யாத்திரை செல்லும் போது முதலில் தரிசனம் தரும் முகம். திருமுக வதனம், முக்கண்கள், ஜடா முடி முதலியன தரிசனம் தரும் முகம். வலப்பக்கத்திலே கணேசரையும் எதிரே நந்தியெம்பெருமானையும் தரிசனம் தரும் முகம். யம துவாரத்திலிருந்தும் தரிசனம் செய்யும் முகம். மூன்று நாட்கள் தரிசனம் தரும் முகம். மானசரோவர் மற்றும் இராக்ஷஸ் தால் தடாககங்களிடமிருந்தும் தரிசனம் செய்யும் முகம்.

மேலும் வாசிக்க...

குருநாதருக்கு வணக்கம்

பொற்றாமரை குளக்கரையார்

சி. அ: என்னப்பா? , ஒருத்தரைப் பத்தித்தான் இந்தப் பதிவுல எழுதப்போறீங்களா?

ஆமாம்மா குருர் பிரம்மா, குருர் விஷ்ணு , குருர் தேவோ மஹேஸ்வர: ன்னு தானே அம்மா சொல்லியிருக்காங்க. அதனால குருவுக்கு எப்பவுமே மரியாதை தரனுமல்லமா.

சி. அ: இந்த குருநாதர் உங்களுக்கு என்ன எல்லாம் சொல்லிக் குடுதுத்தாருப்பா?

வலைப்பூவுக்கு உங்க அப்பன அறிமுகம் செய்தவரும், யுனிகோடில எப்படி எழுதறதுன்னு சொல்லிக் கொடுத்தவரும் அவருதாம்மா அதனாலே அவருக்கு ஒரு தனிப் பதிவு.

பெ. அ : யாருங்க அவரு?

சஸ்பென்ஸ், நேரடியா சொல்ல மாட்டேன் க்ளுவேண்ணா தரேன் , ரெண்டு பேரும் கண்டு பிடீங்க பார்க்கலாம்.

வலைப் பூவிலே மீனாக்ஷி அம்பாளுக்கு கோவில் கட்டின மதுரைக்காரருதான் என்ற குருநாதர்.

சி.அ : நான் கண்டு பிடிச்சுட்டேன், நான் கண்டு பிடிச்சுட்டேன்.

பெ அ. : ரொம்பத்தான் குதிக்காத யாருன்னு சொல்லு.

சி அ : குமரன் அங்கிள் தானே!

இல்லையே அவர் அபிராமி அந்தாதிக்கு தானே அருமையான விளக்கம் கொடுத்தாரு.

பெ. அ : அஸ்கு புஸ்கு அழுகுணி ஆட்டம்.

சி. அ : இருங்க ஒரு நிமிசம் யோசிட்டுட்டு சொல்றேன்...................... ஆஹா சிவமுருகன் அங்கிள் தானே.

அவரேதான் தொட்டனைத்தூறும் மனற்கேணி

மணற்கேணி அல்ல இது மனக் கேணி அதிலிருந்து
அருமையான எண்ணம் வந்து, தான் பிறந்த மதுரையில் அரசி கொண்டை முடி அலங்கரித்து, கொஞ்சும் கிளி கையில் வைத்து சொக்கேசரையே சொக்க வைத்த மீனாக்ஷி அம்மன் ஆலயத்தின் ஒவ்வொரு சிறப்பையும் வலைத்தளங்களைத் தேடித் தேடி முந்நூறு புகைப்படங்களுக்கும் மேலாக பதிவிட்டு ஒரு வலைக் கோவிலே அமைத்துள்ளார் சிவ முருகன்.

முதன் முதலாகப் பார்த்த வலைப்பூவும், அடியேன் வலைப்பூ ஆரம்பிக்க காரணமாக இருந்த வலைப்பதிவும் இந்த மீனாக்ஷி அம்மனின் வலைப்பூதான்.

சி. அ : சிவ முருகன் அங்கிள்தான உங்களை தேன் கூட்டுக்கும், தமிழ் மணத்துக்கும் அறிமுகம் செஞ்சு வச்சாரு?

ஆமாம்மா என்ற ஆதி காலத்து பதிவுகளைப் பாத்துட்டு ஏன் நீங்க தேன் கூட்டுல பதிவிட கூடாதுன்னு வழி காட்டியவரும் இவர்தான்.

பெ அ: நீங்க சின்ன வயசுல பாடின உங்களுக்கு பிடிச்ச திருப்பாவையும் திருவெம்பாவையும் இவரும் பதிவிட்டிருகாருல்ல மார்கழிப்பாவை ங்கற பதிவுல திருப்பாவைக்கு தேசிகன் அவரோட அருமையான விளக்கத்துக்கும் சுட்டி கொடுத்திருக்கிறாரு.

சி.அ : நடன கோபால நாயகி

மஹிஷாசுர மர்த்தினி ஸ்தோத்திரம்

சித்தர் பாடல்கள் ,

சௌராஷ்ட்டிர திருக்குறள்

ன்னு ஏகப்பட்ட வலைப்பூக்கள அவர் எழுதுறாருங்க

இன்னொரு மதுரைக்காரரு குமரன் சாரும் இவரோட சேர்ந்து பல வலைப்பூக்கள் எழுதராரு.

SAP பத்த்தின வலைப்பூவ்வும் அருமை.

இன்னும் சொல்லீட்டே போகலாங்க ஆனா பதிவு அதிக நீளமாயிரும்ன்னு இத்தோட முடிச்சுக்கறேங்க.

கோடிக் கோடி நன்றிங்க குருநாதரே. வளர்க தங்கள் தொண்டு.

*************

அம்பலத்தாடும் ஐயனின் ஐந்து முகங்கள்

East face of Holy Kailash (Sun lit side) - திருக்கயிலாய கிழக்கு முகம் ( தத்புருஷ முகம்) - சூரிய ஒளியில் மின்னும் முகம்

Holy Kailash West face - திருக்கயிலாய மேற்கு முகம் ( சத்யோஜாத முகம்)

South face of Holy Kailash - தக்ஷ’ணாமூர்த்தி தரிசனம்- கயிலாய தெற்கு முகம் (அகோர முகம்) கணேசருடன்

Kailash Sunlit North Face - சூரிய ஒளியில் தங்கமென மின்னும் வடக்கு முகம் (வாம தேவ முகம்)

Aerial view of Kailash - வானத்திலிருந்து கையிலங்கிரி காட்சி( ஈசான முகம்)

மேலும் வாசிக்க...