செல்விருந்து ஓம்பி வருவிருந்து பார்த்தல்

அன்பின் பதிவர்களே

கடந்த ஒரு வார காலமாக சகோதரி புதுகைத் தென்றல் புயலாக வீசிச் சென்றார். இதுவரை உள்ள வலைச்சரப் பதிவுகளின் எண்ணிக்கைச் சாதனையை முறியடித்து புதிய சாதனை படைத்து விட்டார். நாற்பத்து ஐந்து பதிவுகள் ஒரு வார காலத்தில் பல்வேறு பணிகளுக்கிடையேயும் பதிந்துள்ளார் எனில் அது வியக்கத்தக்க சாதனை அல்லவா ?

அது மட்டுமா, புதிய முயற்சியாக, வித்தியாசமான சிந்தனையாக, ஒரு படப் பாடல் போல், ஒரு பதிவரைப் பற்றியும், அவரது பதிவுகளைப் பற்றியும் உள்ள செய்திகளை மட்டுமே பதிவுகளாகப் படைத்து விட்டார். வழக்கமாக துறை வாரியாக பதிவுகள் படைப்பதற்கு பதிலாக பதிவர் வாரியாக பதிவுகள் படைத்து விட்டார். இது புதுமை அன்றோ !

தேர்ந்தெடுத்த பதிவர்களோ வலைப்பதிவுகளின் ஜாம்பவான்கள். அவர்களின் சிறப்பினைச் சிறப்பாகச் சொல்லி விட்டார்.

அவருக்கு நல்வாழ்த்துகளுடன் கூடிய நன்றியினைத் தெரிவித்து வலைச்சரத்தின் சார்பினில் வழியனுப்புகிறோம். வாழ்க வளமுடன் !

-------------------------------------------------------------------------------------------

14.08.2008 முதல் தொடங்கும் இவ்வாரத்திற்கு ஆசிரியராக அருமை நண்பர் சஞ்செய் பொறுப்பேற்கிறார். இவர் வாழ்க்கை வாழ்வதற்கே என்ற கொள்கையை உடையவர். கடலை, கும்மி, மொக்கை தவிர தனக்கு வேறு ஒன்றும் தெரியாது எனப் பிரகடனப் படுத்துபவர். ஒன்றுக்கு மேற்பட்ட வலைப்பூக்களை வைத்திருப்பவர். சக பதிவர்களிடையே மொக்கையின் மூலமாக பெயர் பெற்றவர்.

புதுகைத்தென்றலின் சாதனையை முறியடிக்க நண்பர்கள் தூண்டி விடுகிறார்கள். ஆனால் இவரது பணிச்சுமை காரணமாக இவரால் முறியடிக்க முடியாது எனவும் நண்பர்கள் பேசுகிறார்கள். பொறுத்திரூந்து பார்ப்போம்.

வருக வருக சஞ்செய் - தருக தருக அருமையான பதிவுகளை.

நல்வாழ்த்துகள்

சீனா