மதுரைப்பதிவர் மதுரையம்பதி.

இவர் மதுரையைச் சேர்ந்தவர். பிறந்து வளர்ந்தது எல்லாம் மதுரை.
கடந்த 12 வருடங்களாக பெங்களூரில் இருக்கிறார்.

இவரது பதிவுகள் பக்திரசம் சொட்டும் பதிவுகள்.
பார்த்து வியந்திருக்கிறேன்.

இதைத் தவிர அன்னையின் அழகைச்சொல்லும்
சொளந்தர்யலஹரி என்னும் வலைப்பூவிலும் கலக்குகிறார்.

பக்தி எண்ணங்கள் என்ற இப்பதிவில் ,..
எந்த யோகமும், செய்ய இயலாத நமக்கு இறையருள் கிடையாதா என்று பேசிக்கொண்டிருக்கையில் சட்டென நினைவில் வந்தது "த்வமேவ உபாயபூதோ மே பாவ இதி ப்ரார்தநா மதி: சரணாகதி:" என்னும் கீத வாக்கியம், கீதாம்மா வாக்கியமல்ல....கீதையில் கண்ணன் சொன்னது. அதாவது கர்ம/பக்தி/ஞான யோகம் செய்தால் அடையும் கிடைக்கும் பலன்களை, பரமாத்மாவின் திருவடியைப் பற்றி சரணாகதியானாலேயே கொடுத்து விடுகிறானாம். 'என்னையே சரணடை' என்றும் அடைந்தால் எளிதில் பலனளிக்கிறேன் என்றும் கூறுகிறான் கண்ணன். இறைவன் திருவடியை பற்றிக் கொள்வதே சிறந்தது, அதுதான் சரணாகதி. "நீ தான் உபாயம்; நீ தான் உபயம்; பலனும் நீயே" என்பதாக பிடித்துக் கொள்வது சரணாகதி.

இதைப் படித்தபோது எளியோர் வாக்காகிய செய்யும் தொழிலே தெய்வம்
என்ற கூற்றுதான் ஞாபகம் வந்தது. மேலும் பல விடயங்கள் இந்தப்
பதிவில் அறியலாம்.

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^


தச மஹா வித்யையில் ஒன்பதாவது ஸ்வருபமாக வருபவள் ராஜ மாதங்கி. இந்த அன்னையே ராஜ ஸ்யாமளா என்றும் அழைக்கப்படுகிறாள். சாக்தர்களில் சிறந்தவரான மஹாகவி காளிதாஸர் எழுதிய "ச்யமளா தண்டகம்" இவளைக் குறித்து எழுதியதே.

என்ற முகவுரையுடன் அன்னை ராஜமாதங்கியைப் பற்றிய பதிவும்
சியமளா தண்டக ஸ்லோகமும் மிக அருமை.
இதோ இங்கே பாருங்கள் அன்னையின் அருள் சிந்து படமும், பதிவும்.

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^

மதுரையம்பதி அவர்களின் மற்றொரு வலைப்பூவாகிய
சொளந்தர்யலஹரியிலிருந்து பதிவுகளை இங்கே பார்க்கலாம்.

தாய் மூகாம்பிகை படத்தில் ஜனனி ஜனனி பாடலுக்கு முன்பு
ஒரு ஸ்லோகம் ”சிவ சக்தயா” என்று வருமே அது சொளந்தர்யலஹரியின் முதல் ஸ்லோகம்.

அன்னையின் அழகை வர்ணிக்கும் அந்த ஸ்லோகம் பிறந்த கதை 1கதை 2 இங்கே.
************************************************************************

சொளந்தர்யலஹரியின் ஸ்லோகத்திற்கு இங்கே கொடுக்கப்பட்டிருக்கும்
விளக்கத்தால் அன்னையின் அழகுக்கு அழகு சேர்க்கப்பட்டுள்ளது.
பொருள் புரியாவிட்டால் எதுவும் நம் மனதில் நிலைக்காது.
பொருள் புரிந்துவிட்டாலோ சொல்லவே வேண்டாம்.

இதோ இந்த ஸ்லோகங்களைப் படித்துப் பார்த்துவிட்டுச் சொல்லுங்களேன்.

ஆனந்தலஹரி

ஆனந்தலஹரி 27 & 28

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^

அகில சராசர ஜனனி நாராயணி, கல்யாணி.

அகிலாண்ட கோடி பிரம்மாண்ட நாயகி, அபிராமி பட்டரைக்
காத்ததுபோல நம்மனைவரையும் காத்து அருள் புரியட்டும்.

அன்புடன்
புதுகைத் தென்றல்