வலைச்சரத்தை கிரேஸ் சிறப்பித்துச் செல்ல, கருவாச்சி சிறப்பிக்க வருகிறார்!!!

வணக்கம் வலை நண்பர்களே,

இன்றுடன் முடிகிற வாரத்திற்கு ஆசிரியர் பொறுப்பேற்றிருந்த தேன் மதுரத் தமிழ் கிரேஸ் அவர்கள் தமது பணியை திறம்படவும், ஆர்வமுடனும், மிகுந்த பொறுப்புடனும் செய்து முடித்து நம்மிடமிருந்து முழு மன நிறைவுடன் விடை பெறுகிறார்.

அவர் எழுதிய பதிவுகள் மொத்தம் ஏழு. அவர் பதிவுகளுக்கு கிடைத்த மறுமொழிகள் மற்றும் பக்கப்பார்வைகள் கீழே படத்தில் பார்த்து அறிந்து கொள்ளுங்கள்.

கிரேஸ் அவர்களை வாழ்த்தி வழியனுப்புவதில் வலைச்சரக் குழு பெருமகிழ்ச்சி அடைகிறது.

நாளை முதல் துவங்கும் வாரத்திற்கு ஆசிரியர் பொறுப்பேற்க "கிராமத்துக் கருவாச்சி" என்னும் வலைப்பூவை எழுதிவரும் சகோதரி "கலைச்செல்வி" அவர்களை அழைக்கின்றேன். இவர் தன்னை கருவாச்சி என அழைப்பதிலேயே பெருமை கொள்கிறார். இவர் தனது சிறுவயதில் நெல்லைப் பக்கம் கிராமத்தில் இருந்தபடியால் தனது வலைப்பூ பெயரை கிராமத்துக் கருவாச்சி என கொண்டுள்ளார். 

கலை செல்வி தன் வலைப்பூவைப் பற்றி "எனது வலையில் நீங்கள் ருசிக்கும் ரசிக்கும்படி கருத்துக்கள் ஏதும் இல்லை என்று  நினைத்தாலும் ஏதோ ஒரு தத்தி பேசும் தமிழச்சியின் பாசப் பிணைப்பில் நனைந்த சுவையை உணர்வீர்கள்..." என சொல்கிறார்.

கருவாச்சியை வருக வருக என வாழ்த்தி வரவேற்று ஆசிரியர் பணியில் அமர்த்துவதில் பெருமகிழ்ச்சி அடைகிறேன்....

நல்வாழ்த்துகள் தேன்மதுரத் தமிழ் கிரேஸ்.

நல்வாழ்த்துகள் கலை செல்வி.

நட்புடன்,

தமிழ்வாசி பிரகாஷ்.