வலை வீசம்மா வலை வீசு

வலைச்சர நட்புகளுக்கு இனிய வணக்கம்.
 
வலை வீசம்மா வலை வீசு 
வலைச்சரம் தொடுக்க வலை வீசு
மீனுக்காக  இல்லை கடலில் 
மலருக்காக  வீசு கணினியில் 
என்றே களிப்பாய் வலை வீசிக்கொண்டிருக்க
என்னவர் சொன்னார் புளிப்பாய் ஒரு செய்தி
நான்கு மணிமுதல் இரண்டு மணிவரை
நாளை இல்லை இணையத் தொடர்பு
உடனே சொடுக்கினேன் புது இடுகையை
உங்களுடன் பகிர சில தளங்களை

பசித்தும் அழவில்லை பாலுக்கும் அழவில்லை என்று குழந்தை எசப்பாட்டு பாடுகிறது தாலாட்டிற்கு, ஏன் அழுகிறது என்றும் சொல்கிறது. காவியமும் கவியும் சேர்ந்திருக்குமோ என்றறிய பாருங்கள் இனியாவின்  காவியக்கவி.
காட்டாறு முற்றத்திலே ஓடுது என்று சொல்வாரைக் கண்டால் எப்படி இருக்கும்?
கேட்கிறார் பாருங்கள் ஒரு கேள்வி, பூக்கள் பூக்கிறதே புகழுக்கு ஏங்குகிறதா?

இலக்கியம், எழுத்தாளர்கள், கவிதைகள், புத்தகங்கள் என்று பலவற்றையும் பதிவு செய்திருக்கிறார் லோகேசு, புதுத்தமிழ் என்ற தளத்தில். இவரின் சுதந்திரத் தினம் மணம் வீசவில்லை, ஏன் என்று பாருங்கள். ஆண் குழந்தைகளுக்கான தமிழ் பெயர்கள், பெண் குழந்தைகளுக்கான தமிழ் பெயர்கள் என்று சுட்டிக்  கொடுத்துள்ளார்.

குழந்தைகளிடம் எதை வேண்டுமானாலும் கொடுப்பதா என்று கேட்கின்றனர் நான்குபெண்கள் தளத்தில்.
அட, இந்த இடுகையை எழுதியிருப்பவர் ரஞ்சனி அம்மா.
இந்த வரலாற்றை நீங்கள் பள்ளியிலோ கல்லூரியிலோ  படித்திருக்கவே மாட்டீர்கள்.

 ஊதா கலரு ரிப்பன் என்று பாடியதெல்லாம் போதும், கருப்பு ரிப்பன் பற்றி என்ன சொல்றாங்க தீபா பாருங்கள். எனக்கு வாழைமரம் வளர்க்க வேண்டும் என்ற ஆசையைத் தூண்டிவிட்டது வாழை மரத்தின் கதை .

இங்கு எழுத்தாக நான் என்று சொல்லும் மிருணாவின் இன்னொரு நாள் புலர்வதைப் படியுங்கள், சைக்கிள் எனும் தளத்தில்.  தட்டான்கள் பிடிக்க,பட்டாம்பூச்சி பறக்க பால்ய வனம் அருமையாய் இருக்கிறது.

முக்கியமாக உங்கள் பதிவுகளை யாரும் திருடாமல் இருக்க இந்தப் பதிவைப் படிங்கள். பெரியாரின் நூல்களையும் இங்கே பகிர்ந்திருக்கிறார்.

எண்ணங்கள் பலவிதம் மகாலக்ஷ்மிக்கு தனக்கு மட்டும் தேநீர் போட பிடிக்காதாம், ஏன் என்று பாருங்கள்.

கிளிகளின் பேச்சை எவ்வாறு ஆராய்கிறார் பாருங்கள் நிலாமகள்.

படித்து உங்கள் கருத்துகளை இடுங்கள்..இணைய இணைப்பு  வந்ததும் ஓடி வருகிறேன் படிக்க..நன்றி!

நட்புடன்,
கிரேஸ்