வழிகாட்டிகள்

என் பள்ளி கல்லூரி நட்புகளையும் தாண்டி ஒரு ஆரோக்கியமான நட்பு வட்டம் பதிவுலகம் மூலம் கிடைக்கும் என்பதை சற்றும் எதிர்பார்க்கவில்லை. அப்படி அமைந்த சில நடப்புக்களைப் பற்றி இன்று 

கோவைஆவி - ஆனந்த விஜயராகவன்   

http://www.kovaiaavee.com/

சற்றே வித்தியாசமான பெயருடன் வலம்வரும் ஆவி பழகுவதற்கும் வித்தியாசமானவர் தான். தனது பதிவுகளில் ஆவி தொட்டுப் பார்க்காத பகுதிகளே கிடையாது எனலாம். சிறுகதை, நாவல், பயணக்கட்டுரை, அனுபவம், ஆராய்ச்சி, கவிதை, பாடல் என்று அனைத்து வகையிலும் குறைந்தபட்ச பரிட்சார்த்த முயற்சியிலாவது இறங்கியிருப்பார். தற்போது எழுதிவரும் கடவுள் என்னும் கோட்பாடு நான் மிகவும் விரும்பி வாசித்துவரும் பகுதி. சிறந்த திட்டமிடலுடன் எழுதினால் பெருத்த வரவேற்பை பெறுவதற்கான வாய்ப்புகள் அதிகம். பெரும்பாலான சமயங்களில் ஆவிக்கும் எனக்கும் பல விசயங்களில் ஒத்த கருத்துக்கள் நிலவும். சிலசமயகளில் கடும் வாக்குவாதங்களும் நிகழும். அப்படி நிகழும் வாக்குவாதங்களின் போது எங்கள் இருவருக்குள் இருக்கும் மற்றொரு குணம் 'நாங்கள் இருவரும் பிடிக்கும் முயலுக்கு எப்போதும் மூன்றே கால்கள் தான்'. சிலசமயம் தனது பதிவுகளை ஜஸ்ட் லைக் தட்டாக ஹாண்டில் செய்வதால் பல முக்கியமான பதிவுகள் இந்த ஜஸ்ட் லைக் தட் முன்பு காணாமல் போய் விடுகின்றன, அதனை மட்டும் ஆவி கவனத்தில் கொண்டால் நன்றாக இருக்கும். 

உறக்கம் பறித்த ஸ்னேகிதியே !! 

கடவுள் எனும் கோட்பாடு -1 (காக்கும் காவலன்)

ஸ்கூல்பையன்          

http://schoolpaiyan2012.blogspot.com/

பதிவுலகத்தின் ஒரு பரந்த வாசகதளத்தில் இயங்கிவரும் ஸ்கூல்பையன்  தானும் ஒரு வாசகராய் இருந்து பதிவராக மாறியவர் தான் . பெரும்பாலும் அனுபவக்கட்டுரைகளும் சினிமா விமர்சனமும் எழுதிவரும் ஸ்கூல்பையன் அவ்வபோது சிறுகதைகளையும் எழுதுவார். முன்பெல்லாம் இடைவெளிவிடாமல் எழுதிக்கொண்டிருந்தவர் தற்போது ஏனோ இடைவெளிகளுக்கு நடுவில் எழுதிக்கொண்டுள்ளார். அதற்கும் காரணம் இல்லாமல் இல்லை. அவருடைய குட்டிக்குழந்தைகள் குட்டி பதிவெழுத கூட அனுமதிப்பதில்லை என்பதுதான் நிதர்சனம். ஸ்கூல்பையனின் பதிவுகளை அவரது முதல் பதிவில் இருந்து தொடர்ந்து வருவதால் அவரது எழுத்தில் ஏற்பட்டிருக்கும் முதிர்ச்சியை காண முடிகிறது. யாரிடமும் அதிகம் பேசாத ஸ்கூல்பையனிடம் அதிகம் வாயைப் பிடுங்கியவன் நானாகத்தான் இருப்பேன் என்பது என் அவதானிப்பு. அவ்வகையில் அவரிடம் ஏராளமான சுவாரசிய கதைகள் இருக்கின்றன. ஸ்கூல்பையனுக்கு கூறவிழைவது எழுதுதலில் கூடுதல் கவனம் செலுத்துங்கள் சார்.

எதிர்பாராத இனிய சந்திப்பு

எழவு

*****

ப்ளாக்கர் நண்பன் 
http://www.bloggernanban.com/

பாசித்தை தெரியாதவர்கள் வேண்டுமானால் பதிவுலகில் இருக்கலாம் ஆனால் ப்ளாகர் நண்பனை தெரியாதவர்கள் ம்கூம் இருக்கவே முடியாது. எனக்கொரு பிரச்சனை என்றால் யார் வீட்டு கதவ தட்டனும் என்று தெரியாது ஆனா என் பிளாகுக்கு ஒரு பிரச்சனைன்னா இவர் வீட்டு கதவு எப்போதுமே திறந்திருக்கும். அறிமுகமான பதிவர்கள்தான் என்றில்லை யார் இவரிடம் உதவி என்று கேட்டாலும் ப்ளாக் சம்மந்தமாக தன்னிடமிருக்கும் பதிவுகளை வாரி வழங்கக்கூடிய தன்னிரகரில்லாத நண்பன் ப்ளாகர் நண்பன் :-) தொழிநுட்ப பதிவுகளையும் கடந்து தனது அனுபவ பதிவுகளை எழுத இவர் வைத்திருக்கும் மற்றொரு வலைப்பூ நண்பன் பக்கம். ஏனோ தெரியவில்லை இவரும் தற்போது பதிவுகள் எழுதுவதை குறைந்துவிட்டார். தொடர்ந்து எழுத வேண்டும் என்பது காமடிகும்மியின் பேரவா...!

2013-ல் சிறந்த 10 பதிவுகள்

நீங்கள் ப்ளாக்கரில் டொமைன் வைத்துள்ளீர்களா?

*****

ஹாரிபாட்டார் 

ideas.harry2g.com

யுத்தம் ஆரம்பம் என்னும் தொடர்கதை எழுதத் தூண்டியதன் மூலம் ஒட்டுமொத்த பதிவுலகத்தையும்  பக்கம் திருப்பிப் பார்க்கச் செய்தவன் ஹாரி. ஒரு முறையான கோர்வை இல்லாமல் கடிவாளம் பூட்டப்படாத குதிரையாக பயணித்த அந்த கதை இன்று எங்கோ ஒரு சுவத்தில் போய் முட்டிக்கொண்டு நிற்கிறது என்றே தெரியவில்லை. எப்படியாவது அதனை ஒரு முழு வடிவத்திற்கு கொண்டுவர வேண்டுமென்பது ஹாரியின் ஆசை. சினிமா குறித்த பதிவுகள் அவ்வபோது சிறுகதைகள் எழுதிய ஹாரி தற்சமயம் எப்போதாவது மட்டுமே எழுதுவதால் அதிகம் கவனிக்கப்படுவதில்லை. பதிவுகள் மற்றும் பிறபதிவர்களின் பதிவுகளுக்கு கருத்துக்கள் எழுதுவதில்லையே தவிர தொடர்ந்த சைலண்ட் ரீடராகத் தான் இருந்து வருகின்றான். மீண்டும் உற்சாகமாக பழையபடி தனது பாமிற்கு வரவேண்டும் என்று வேண்டுகோள் விடுக்கிறது சங்கம்.

சுஜாதாவின் 10 தூண்டில்கள்
ஐ லவ் யூ அப்பம்மா
*****

அரசன் - கரைசேரா அலை 

karaiseraaalai.blogspot.in 

முதலில் அரசனை ஒரு கவிஞனாக மட்டுமே தெரிந்த எனக்கு அவருக்குள் பொதிந்து கிடக்கும் இலக்கிய ஆர்வம் மெல்ல தான் தெரிந்தது. கிட்டத்தட்ட என் புத்தக ரசனைகளோடு ஒத்துப்போகக் கூடிய ஒருநபர். சமீப காலமாக அனுபவம் சார்ந்த பதிவுகளையும் சமூகக் கோபங்களையும் பதிவு செய்யத் தொடங்கியுள்ளார். அரசனுக்கு இயல்பாய் வசப்படும் வார்த்தைகள் அவரது பலம் இருந்தும் சிலசமயம் அவை கடிவாளம் கட்டபடாமல் அத்துமீறிப் போவது போன்ற எண்ணம், அதை மட்டும் கருத்தில் கொண்டால் நலமாய் இருக்கும்.   

        பைத்தியப் பேச்சுக்கள் ...

       ஒன்பது ரூபாய் நோட்டு - சினிமா அல்ல வாழ்க்கை ....

   

*****

  

வரலாற்றுச் சுவடுகள் 

http://varalaatrusuvadugal.blogspot.in/

முழுக்க முழுக்க அறிவியல் மற்றும் வரலாறு சார்ந்து எழுதும் வரலாற்றுச் சுவடுகளின் உண்மைப் பெயரை எவ்வளவோ முயன்றும் கண்டுபிடிக்க முடியாததால் காமடிகும்மி அவருக்கு வைத்த பெயர் வசு. இவருடைய பதிவுகள் மிக நீளமானதாக அதே நேரம் அறிவியல் பௌதீக கருத்துக்கள் அடங்கியவையாக இருந்தாலும் வாசிப்பின் சுமை தெரியாமல் சுவாரசியமாக கூடியவர். இரண்டாம் உலகம் பற்றி எழுதிய இவரது பதிவை நான் படித்திரா விட்டால் புவியில் அப்படி ஒரு திட்டம் நிகழ்ந்து கொண்டுள்ளது என்பதே எனக்கு தெரிந்திருக்காது. பதிவெழுத ஆரம்பித்த புதிதில் மிக தீவிரமாகவும் உற்சாகமாகவும் எழுதிய வசுவை பிற்கால வரலாறு முன்பொரு காலத்தில் வரலாற்றுச் சுவடுகள் என்றொரு பதிவர் வரலாறு குறித்த பதிவுகள் எழுதிக் கொண்டிருந்தார் என்ற நிலை வந்தாலும் வந்துவிடும்... மீண்டும் அவர் எழுத ஆரம்பிக்க வேண்டும். காரணம் தமிழ் வலையுலகம் தவறவே விடக்கூடாத பதிவர். 

ரெண்டாவது உயிர்கோளம் 

தக்சசீலம் அழிந்து போன வரலாறு