நன்றி! வணக்கம்!

வலைச்சர நண்பர்களுக்கு இனிய வணக்கம்.

 கடந்த ஒரு வார காலமாக என் பதிவுகளை வாசித்துக் கருத்திட்ட அனைவருக்கும் நன்றிபல. இன்று உங்களுடன் பகிரவிரும்பும் சில தளங்கள் இதோ.

தொன்மை மொழி கற்றலுக்கான தளம் என்று சொல்லும் விசும்பு என்ற தளத்தில் தொல்காப்பியம் காணொளி மூலம் கற்கலாம்.

நேற்றுதான் அனைத்துலக மகளிர் தினம் கொண்டாடப்பட்டது. பிரபலங்களை பேட்டி கண்டு ஆஹா ஓஹோவென்று பேசியாச்சு..ஆனால் இன்னும் போராடவேண்டியது நிறைய உள்ளது என்று முகத்திலடிக்கும் ஒரு பதிவு. சர்.சி.வி.ராமன் பற்றிய அருமையான கட்டுரை அனைவரும் படிக்க வேண்டிய ஒன்று.

ஆட்டிசம் பற்றி அறிந்துகொள்ளுங்கள், மற்றவருக்கும் சொல்லுங்கள் என்று பதிவிட்டிருக்கும் பாலபாரதி அவர்களுக்குப் பாராட்டுகள்.

கண்தானம் செய்யச் சொல்லும் அருமைக் கவிதை நெல்லை பாஸ்கர் அவர்களின் கவிதைத் தளத்தில்.

குழந்தைகள் கதை கேட்டால் மூளையைக் கசக்கி யோசிக்க வேண்டாம், தமிழ் அறிவு கதைகள் என்ற தளத்தைப்  பார்த்துக்கொள்ளுங்கள்.

ஆட்டோமொபைல் தமிழன் என்ற தளத்தில் கார்கள் பற்றிய தகவல் நிறைந்து இருக்கிறது. உலகிலேயே வேகமான கார் எது என்று அறிய இப்பதிவைப் பாருங்கள்.

வாழிய வாழியவே தளத்தில் வேதியியல் ஆசிரியர் பற்றிய பதிவு உங்களின் பள்ளி நாட்களை நினைவுபடுத்தலாம்.

ப்ரியன் கவிதைகள் என்ற தளத்தில் நீல நிறை ஓடை என்ற கவிதை அருமை.
பட்டாம்பூச்சி துரத்தும் பிள்ளையின் குதூகலத்துடன் இவர் என்ன செய்கிறார் என்பதை அழகிய கவிதையில் சொல்லிவிட்டார்.

அருமையான கவிதைகள் நிறைந்த தளங்கள் மேலும் இரு தளங்கள் தமிழ் கவிதைகள் மற்றும் என் தமிழ்.

தவறாமல் பின்னூட்டம் இட்டு என்னை ஊக்கப்படுத்தும் நண்பர் ஸ்ரீனி அவர்கள் மகிழ்ச்சி பற்றி ஏதோ சொல்கிறார்..அவர் நிறைய எழுதினால் எனக்கு மகிழ்ச்சி!

வலைச்சரத்தில் இருந்து விடைபெற்றாலும், வலைத்தளத்தில் சந்திப்போம்.
 

நன்றி, வணக்கம்!
நட்புடன்,
கிரேஸ்