கத்தாழ காட்டு வழி....

கத்தாழங் காட்டு வழி
கள்ளிப்பட்டி ரோட்டு வழி
வண்டி கட்டிப் போறவளே
வாக்கப்பட்டு போறவளே

வண்டி மாடு எட்டு வச்சு முன்னே போகுதம்மா
வாக்கப்பட்ட பொண்ணு மனம் பின்னே போகுதம்மா
எட்டு மேல எட்டு வச்சு முன்னே போகுதம்மா
பொட்டு வச்ச பொண்ணு மனம் பின்னே போகுதம்மா.....

என் நிலைமைக்கு ரிமிக்ஸ் பண்ணிவிட்டேன்...

வலைப்பூ url வழி
இண்டெர்நெட் சாட் வழி
எழுதி கொட்டி போறவளே
'பை பை'சொல்லிட்டு போறவளே

9 பதிவு போட்டு முடிஞ்சு முன்னே போகுதம்மா
எழுதியவ பொண்ணு மனம் பின்னே போகுதம்மா..(x2)

ஹாஹா...ஆமாங்க ஒரு வாரம் ஆச்சு! வலைச்சாரத்தில் ஆசிரியராக இருந்து என்னால முடிந்தவரை சில நல்ல பயனுள்ள பதிவுகளை போட முடிந்தது என்று நினைக்கிறேன். இந்த வாய்ப்பை தந்த சீனா ஐயாவுக்கு நன்றி.. ஒரு வாரமா என்னை பொறுப்புள்ள புள்ளையா மாற்றியதற்கு நன்றி! நிறைய விஷயங்களை நானும் கற்று கொண்டேன்.

ஊக்கம் அளித்த அனைவருக்கும் நன்றி!:))
இனி இன்னொரு முறை வாய்ப்பு கிடைத்தால், இன்னும் அதிகமா உழைத்து நிறைய பதிவுகளை போட முயற்சிக்கிறேன்.

மேலும் வாசிக்க...

பிரித்து கிழித்து துவைத்து

என்ன துணி துவைக்க போறீங்களா தலைப்ப படிச்சவுடனே... வேட் வேட்! நான் துணி துவைக்கறது பத்தி சொல்லவரல... நம்மில் பதிவு எழுதும் பலர் செய்யும் ஒன்னு தான் இந்த 'பிரித்து கிழித்து துவைத்து'.....



புரியலையா?



திரைவிமர்சனங்களை பத்தி தான் சொல்றேன். படத்தை பார்த்துவிட்டு அதை பிரித்து, கிழித்து, துவைத்து...ஒரு வழியா ஆக்கிடுவோம்! சில நேரத்துல ரொம்ம்பப சிரிப்பா இருக்கும். இப்படிகூட விமர்சனம் செய்யலாமான்னு? நான் படம் பார்க்க செல்வதற்கு முன் தமிழ்மணத்தில் சினிமா பக்கத்திற்கு சென்று முதலில் பதிவர்களின் விமர்சனங்களை படித்துவிடுவேன். அவங்க சொல்லியிருக்கிற காமெடியான விஷயங்களை நினைத்து பல முறை சிரித்துள்ளேன், படத்தில் எப்போது வரும் என்றும் எதிர்பார்ப்பேன்.



நானும் ஒரு காலத்தில் திரைவிமர்சனம் என்ற பெயரில் ஏதோ ஒன்றை எழுதியவள் தான்! சும்மா கதை நல்லா இருக்கு, திரைக்கதை பரவாயில்ல அப்படின்னு ரொம்மப சாதாரணமா எழுதினேன். ஆனா, படிப்பவர்களுக்கு கதையை தெரிந்த கொள்வதைவிட வேறு ஏதேனும் புதுசா தெரிந்து கொள்ள தான் ஆசைப்படுவார்கள். எது நல்லா இருக்கு, நல்லா இல்ல என்பதை சுருக்கமா சொல்லிவிட ஒரு திறமை வேண்டும். அப்படிப்பட்ட ஒரு பதிவு தான் http://kusumbuonly.blogspot.com/2007/10/blog-post_14.html





குறிப்பா, விஜய், அஜித், சிம்பு, ரித்தீஷ் (அவர்கள் ரசிகர்கள் கோவிக்க வேண்டாம்) படங்கள் வந்தால் நம்மில் பலர் குஷியாகிவிடுவோம்! காரணம் ப்ளாக்கில் எழுத ஒரு சூப்பர் காமெடி பதிவு ரெடியாகிடும் என்ற சந்தோஷத்தில்! இப்போது பெரிய பட்ஜெட் படங்களும் அதில் அடங்கும்( குசேலன், தசாவதாரம்). தசாவதாரம் வந்த காலத்தில் ஒரு வாரம் வேற எத பத்தியும் தமிழ்மணத்தில் காணும்...இதே பேச்சு தான்! இப்போ குசேலன்.. குசேலன் திரைவிமர்சனங்களில் எனக்கு பிடித்தது

http://veerasundar.blogspot.com/2008/08/blog-post_03.html



இந்த விமர்சனத்தை எழுதிய வீரசுந்தர் இன்னொரு படத்திற்காக விமர்சனம் எழுதியிருந்தார்! படித்துவிட்டு, சிரித்து சிரித்து வயிறு புண்ணா போச்சு! http://veerasundar.blogspot.com/2008/07/blog-post_08.html

சிலர் வெறும் 'பிரித்து' எழுதும் வகையை சேர்ந்தவர்கள்! கிழிப்பது, துவைப்பது போன்றவற்றை அதிகமா செய்வதில்லை! சொல்ல வந்ததை நச்சென்று சொல்லிவிட்டு போய்கிட்டே இருப்பாங்க...basically, ரொம்ம்பப நல்லவர்கள்!!
http://pathividukiren.blogspot.com/2008/08/blog-post.html

சத்யப்ரியனின் 'உன்னாலே உன்னாலே' படத்தின் விமர்சனத்தை படித்து ரசித்தேன். நக்கல் விமர்சனங்களை எந்த அளவுக்கு ரசித்து படிப்பேனோ அதே அளவு, இது போன்ற விமர்சனங்களையும் ரசித்து படித்தேன். மனதில் பட்டதை வெளிப்படுத்த ஒரு திறமை வேண்டும். அது போன்ற பதிவுகளை எழுதுபவர்களின் தமிழையும் ரசிப்பேன். http://sathyapriyan.blogspot.com/2007/05/blog-post.html

மேலும் வாசிக்க...

ரூம் போட்டு யோசிப்பாங்களோ??

உஷ்...யப்பா... நம்ம ஆளுங்க மூளை பயன்படுத்தி(சில நேரங்களில் பயன்படுத்தாம....) கேள்வி கேட்பதில் ரொம்ம்மபப கைதேர்ந்தவர்கள்! ரூம் போட்டு யோசிப்பாங்களோ, இல்ல போடாம யோசிப்பாங்களோ தெரியல்ல...

மனிதன் தன் மூளையின் 10% தான் பயன்படுத்துகிறானாம்... அதுக்கே இந்த பாடு!! டைப் டைப்பா யோசிச்சு, நம்மையும் யோசிக்க வைக்கும் பதிவுகளை பத்தி தான் பாக்கபோறோம்.


http://nejamanallavan.blogspot.com/2008/04/blog-post_12.html இந்த பதிவை படித்தபிறகு என் மூளை இரண்டு நிமிஷம் கலங்கி போச்சு யோசிச்சு யோசிச்சு!! எப்படிண்ணா இப்படிலாம்! முந்நூறு கிராம் மூளைக்குள்ளே இப்படி ஒரு சக்தியா!!! வாவ்வ்வ்!!

யோசிப்போம், யோசிப்போம், யோசிச்சுகிட்டே இருப்போம்ன்னு கங்கனம் கட்டி கொண்டு இருக்கும் வருத்தப்படாத வாலிபர்களின் எண்ணங்களை பாருங்க
http://vavaasangam.blogspot.com/2008/08/tamil-jokes.html

இப்படிகூட மூளை வேலை செய்யுமா? என்று நீங்களும் யோசிக்க ஆரம்பித்துவிடுவீர்கள்!

http://balajiulagam.blogspot.com/2008/07/blog-post_08.html நாட்டுக்கு நல்லது சொல்லும் பதிவுகள் நம்மை சமுதாய பார்வையுடன் யோசிக்க வைக்கின்றன.

http://dhans.wordpress.com/2008/02/28/thappu-sai/ தப்பு செஞ்சா தப்பா? இல்ல தப்பு செய்யலன்னா தப்பா? தப்ப தப்பா செஞ்சா தப்பா? சரி சரி விட்டுடுறேன்.... யோசிங்கப்பா யோசிங்க!


சும்மா பிறந்தோமா, சாப்பிட்டோமா, வாழ்ந்தோமா, இறந்தோமான்னு போனா, வாழ்ந்த வாழ்க்கைக்கு என்ன அர்த்தம்?

அதே மாதிரி...

சும்மா ப்ளாக் ஆரம்பித்தோமா, ஏதோ ஒன்னு எழுதினோமா, சும்மா இரண்டு பின்னோட்டம் போட்டோமா, முடித்தோமான்னு இருந்தா, வச்சிருக்கும் ப்ளாக்கிற்கு என்ன அர்த்தம்? மத்தவங்கள யோசிக்க வைக்கனும், அதில் தான் ப்ளாக் பெற்றதன் முழு அருமையை அனுபவிக்க முடியும்! :)

மேலும் வாசிக்க...

வாழ பிறந்தவள், வழுக்கி விழுந்தவள்

என்னங்க தலைப்ப பாத்தபிறகு என்னடா தலைப்பு இதுன்னு நினைச்சீங்களா....

நானும் இப்படி தான் நிறைய பதிவர்கள் எழுதிய பதிவின் தலைப்பை கண்டே வியந்து இருக்கிறேன். நான் ஆரம்ப காலத்தில் பதிவு எழுதும்போது கற்று கொண்ட ஒரு பாடம். பதிவுக்கு ஒரு நல்ல தலைப்பை வைப்பதைவிட, மத்தவங்களை ஈர்க்கும் தலைப்பை வைப்பது தான் சிறப்பு என்பதை அறிந்து கொண்டேன். அப்படி நம்மை ஈர்க்கும் தலைப்பை கொண்ட பதிவுகள் இதோ..



1) டிபிசிடி.. சென்னை பதிவர் சந்திப்பில் நடந்தது என்ன? அதிர்ச்சியூட்டும் தகவல்கள்!!!



2) பேருந்தில் நீயெனக்கு



3) ஏய்..ஓடிபோலாமா?



4) 5ம் classல் ஒரு லவ் லெட்டர்



5) சென்னை இன்னும் இந்தியாவில்தான் இருக்கிறது



6) ஆனாலும் காதலிக்கிறோம்



7) எழுபது வினாடி கடிகாரம்

விவேக் ஒரு படத்துல பஞ் பாலா அப்படின்னு ஒரு சீரியல் எழுத்தாளர் ரோலில் நடிப்பார். அவருக்கு வேலையா சீரியல் கதை எழுதுவது தான். அவர் இந்த சீரியலுக்கு தலைப்பு வைப்பது பத்தி ரொம்ம்ம்பப யோசிப்பார். மத்தவங்களை கவரும் வகையில் இருக்கனும் தலைப்பு அப்படின்னு சொல்லுவார்!! அதே தான் நம் பதிவுகளுக்கும்....

'நச்'ன்னு இருக்கனும் தலைப்பு. தலைப்பில் உள்ள அதே ஈர்ப்பு பதிவில் உள்ள தகவலிலும் இருக்கனும்னு.. சொந்த கதையாக இருந்தாலும் சரி சோக கதையாக இருந்தாலும் சரி, எந்த விஷயத்தை பத்தி எழுதினாலும் அதை படிப்பவர்கள் மனதில் குறைந்தபட்சம் இரண்டு நிமிடங்களாவது இருக்கனும்.

நம் எழுத்துகள் அவங்க மனதில் ஒரு தாக்கத்தை ஏற்படுத்தனும். தாக்கம் என்றால் பெரிய தாக்கம் ஒன்னும் தேவையில்லை. சில பதிவுகளை படித்தால், நாம் புன்னகையிப்போம்! சிலது படிச்சா விழுந்து விழுந்து சிரிப்போம். இப்படி நம் உணர்வுகளை தூண்டும் நல்ல பதிவுகளை எழுத முயற்சிப்போம்!

அரிது அரிது மானிடராய் பிறத்தல் அரிது, அதைவிட அரிது நல்ல ப்ளாக்கரா பிறப்பது அரிது!!

(அவ்வ்வ்வ்வ்வ்.... ஒன்னுமில்ல நேத்திக்கு ராத்திரி சரியா தூங்கல்ல.. அதான் இப்படியலாம்....):)

மேலும் வாசிக்க...

நம்மால் முடியாதது, இவங்களால் முடியும்!

இந்த ஒரு வாரமா எனக்கு இதே வேலையா போச்சு! எத பத்தி சொல்றேன்னு தெரியுதா, போஸ்ட்களுக்கு தலைப்பு வைக்கறத பத்தி தான்! புதுசா தலைப்பு இருக்கனும் ஆனா, எழுதுவதற்கும் தலைப்புக்கும் சம்மந்தம் இருக்கனும்! எவ்வளவு கஷ்டம் தெரியுமா? அப்படின்னு நானும் என் மனசாட்சியும் ஒரு 'நீயா நானா' நிகழ்ச்சி எங்களுக்குள்ளேயே நடத்தி கொண்டோம்!

ஆனா, இதைவிட கஷ்டம் ஒரு பக்க கதை எழுதுவது! இப்ப இருக்குற அவசரமான நவீன காலத்தில், fast food காலத்தில், திடீர் சாம்பார், திடீர் ரசம் எல்லாம் வந்துவிட்டது. எந்த வேலையாக இருந்தாலும் சீக்கிரம் முடித்துவிட்டு போய்கிட்டே இருக்கனும் என்று தான் எல்லாரும் நினைக்கிறோம். அப்படிப்பட்ட காலத்திற்கு ஏற்ப, இப்போ ஒரு பக்க கதை எழுதும் பதிவர்கள் நிறைய பேர் இருக்காங்க...

எனக்கு கதை படிக்க பிடிக்கும். கதை தலைப்பு என்னை ஈர்க்கனும்! முதல் பத்தி படித்தவுடன் என்னுள் ஆவலை தூண்டோனும்! இப்படி எதுவும் நடக்கவில்லை என்றால், அந்த கதைய...ம்ம்ம்...சாரி! பிடிப்பதில்லை!படிப்பதில்லை!

ஆனா, நம்ம வலைப்பூ உலகில் ஏகப்பட்ட ஒரு நிமிடக்கதை/ ஒரு பக்கம் கதை எழுதும் வித்தகர்கள் உள்ளனர்.

இதில் பெயர் போனவர் நம்ம வினையூக்கி தான்! எவ்வளவு! எத்தன கதைகள். இப்போ சமீபத்தில் எழுதிய கதை. படித்தவுடனே நம் மனதில் ஒரு தாக்கம். 'அட' என்று ஆச்சிரியத்தில் நம்மை ஆழ்த்தும் கதைகள்.
http://vinaiooki.blogspot.com/2008/07/blog-post.html

எப்படி தான் யோசிப்பாங்களோ? ரூம் போட்டா, போடாமலா? ஒன்னும் தெரியல்ல.. ஆனா கதை மட்டும் அருமையா வந்துடும்! நான் ஒரு பதிவு எழுதவே மூச்சு வாங்கும். நம்ம இம்சை அரசிய பாருங்க, கதையும் எழுதி அதில் ஒரு கருத்தும் வைத்து, பின்னி பெடல் எடுப்பார். http://imsaiarasi.blogspot.com/2007/12/blog-post_15.html

எனக்கு கதை பிடிக்கனும்ன்னா, இந்த தலைப்பு விஷயத்த பத்தி சொன்னேல, அந்த ரகத்தை சேர்ந்தது தான் 'நித்யா, எனக்கு பயமா இருக்கு'. பதிவர் வெங்கட்ராமன் அவர்கள் எழுதிய கதை. தலைப்பே ஆவலை தூண்டியது. படித்து பார்த்து 'அட அழகா இருக்குது கதை' என்று சொல்ல வைத்தது.

பல தருணங்களில் கதைகள் படித்து முடித்த பிறகு, மனசுக்குள் ஒரு வலி கலந்த ஒரு சுகம் ஏற்படும்! நம் ஆழ்மனங்களை தொடும் வல்லமை படைத்த கதைகள் ஏராளம். அப்படிப்பட்டது தான் கார்த்திகேயன் எழுதிய அழகிய அம்மு.

http://vijayabharathi.blogspot.com/2006/10/this-is-my-first-attempt-towards-short.html
இந்த வலைப்பக்கத்துக்கு சொந்தக்காரர் ஒரு மருத்துவர். தற்போது அமெரிக்காவில் மேற்படிப்பு படித்து கொண்டு இருக்கிறார் டாக்டர் விஜி. இவங்க கதை எழுதுவதில் அதுவும் மர்ம கதைகள், பேய் கதைகள் எழுதுவதில் அதிகம் ஆர்வம் கொண்டவர். இவர் எழுதிய முதல் கதையே நல்லா இருந்துச்சு.

last but not the least அதிக அறிமுகம் தேவைப்படாத நம்ம திவ்ஸ். நான் அவரை அப்படி தான் அழைப்பேன். மனசுக்குள் மத்தாப்பூ என்பது வலைப்பக்கம் மட்டும் அல்ல... எழுத்துகள் வழி மத்தாப்பூ வரவழைக்கும் ஆற்றல் பெற்றவர். கதை எழுதுவார் பாருங்க.. படித்து கொண்டே இருக்கலாம். romance, love, relationships போன்ற கதை எழுதுவதில் இவருக்கு நிகர் இவரே!
கதைகளுக்கு ஏற்ப படங்களுடன் போட்டு, அசத்திடுவார்!

http://manasukulmaththaapu.blogspot.com/2008/06/blog-post_11.html

அதாங்க, நம்மில் பலரால் முடியாத ஒன்றை இவர்களால் மட்டுமே செய்ய முடிகிறது? கதை எழுதுவதே கஷ்டம், அதிலும் ஒரு பக்க கதை எழுதுவது மகா கஷ்டம். நமக்கு கஷ்டமாக இருப்பதை இவங்க இஷ்டத்தோடு செய்வதை பார்த்து நாம் வாழ்த்துவோம்! :)

மேலும் வாசிக்க...

உங்க வயிறு புண்ணா போக....

ஐயோ நான் யாரையும் திட்டல்ல.. சாபம் விடல....

கீழ்காணும் பதிவுகளை படித்தால், நிச்சயம் உங்க வயிறு புண்ணா போயிடும்னு சொல்ல வந்தேன்:))) பல வலைப்பக்கங்களில் எழுதும் பதிவர்களின் நகைச்சுவை எழுத்தை கண்டு தான் நானும் நகைச்சுவை/கலாய்த்தல் பதிவுகளை எழுத ஆரம்பித்தேன். குறிப்பா எனக்கு இந்த சினிமா நடிகர்/நடிகைகளை வைத்து கலாய்ப்பது ரொம்ம்மபப பிடிக்கும்! இதுல என்ன தப்பு இருக்கு?



(பில்லா அஜித் குரலில் இதை படிங்க) ஏய், வரலாற ஒரு நிமிஷம் புரட்டி பாருங்க... அது நமக்கு கத்து கொடுத்தது ஒன்னே ஒன்னு தான். நாலு பேரு சிரிக்குறாங்கன்னா.. மத்தவங்கள கலாய்க்குறதுல தப்பே கிடையாது!

இப்படி என்னை கவர்ந்த ஒரு பதிவு. இதுல specialist நம்ம வெட்டிப்பயல்!

http://vettipaiyal.blogspot.com/2008/06/blog-post_23.html
http://vettipaiyal.blogspot.com/2008/08/blog-post.html



டிப்ஸ் மற்றும் செய்திகள் சொல்லுறேன்னு.. சொல்லி.. சரி அத ஏன் கேட்குறீங்க.. நீங்களே படிச்சு தெரிஞ்சுக்குங்கோ!

http://sultangulam.blogspot.com/2008/08/blog-post.html


கும்மியடிக்க இங்க நிறைய பேருக்கு சொல்லி கொடுக்க தேவையில்ல. அது நிறைய பேருக்கு கைவந்த கலை!


http://kummionly.blogspot.com/2008/07/blog-post_31.html

தத்துவம் எப்படி பிறக்கும்? பசியில் பிறந்தா... http://tamizh2000.blogspot.com/2007/12/blog-post_23.html#links

பாடல்களுக்கு ஏற்ற உண்மை என்ன? http://engineer2207.blogspot.com/2007/03/174.html

எனக்கு வலைப்பக்கங்களில் படிக்க பிடித்தது இது போன்ற நையாண்டி, நக்கல், நகைச்சுவை விஷயங்கள் தான்! சிரிச்சு சிரிச்சு வயிறு புண்ணா போயிடும்! சில சமயம், இரவு தூங்கும்போதுகூட சிரிச்சுகிட்டே இருப்பேன்... வாய்விட்டு சிரித்தால் நோய்விட்டு போகும்! இப்படி நோய்விட்டு போக வைக்கும் இதுபோன்ற வலைப்பதிவர்கள் டாக்டர்கள் தான்!

ஐயா... எல்லாருக்கும் டாக்டர் பட்டம் கொடுத்துவிடலாம்!!! :)

மேலும் வாசிக்க...

பிரபலங்களின் பக்கங்கள்

'technology has very much improved' என்ற நகைச்சுவை வசனம் ஒன்னு இருக்கும் மகளிர் மட்டும் படத்துல. இப்போது வளர்ந்து வரும் தொழில்நுட்பத்திலும் மற்ற தகவல் தொடர்பு சாதனங்களிலும் முக்கிய இடத்தை பிடித்து இருக்கு வலைப்பக்கங்கள்! டைரி எழுதி பழக்கிய நம்மில் பலரும் வலைப்பக்கத்தை ஒரு 'இண்டர்நெட் டைரி' என்று கூறுகிறோம்.

இப்படி இண்டர்நெட் டைரி வைத்திருக்கும் பல பிரபலங்களின் பக்கங்களை படிக்கும்போது சற்று வித்தியாசமா இருக்கும். இந்த ஷாருக் கான், அமிதாப் பச்சான் எல்லாம் வச்சுருக்காங்களாம் வலைப்பூக்கள்! ஆனா, இவர்களே எழுதுவதில்லை! அவங்க PA இல்ல.. PRO..இல்ல.. வேற ஏதாச்சு கம்பெனி எழுதும் அவர்களின் சார்பில். உண்மையில், தானே வலைப்பூ எழுதும் பாலிவுட் நடிகர்களில் ஒருவர் சல்மான் கான் தான் என்று கேள்விப்பட்டேன்!

அந்த வரிசையில், நமக்கு தெரிந்த சிலர்...

பாடகி சின்மயி. கன்னத்தில் முத்தமிட்டாள் பாடலை பாடி பிரபலம் அடைந்தவர். அதுக்கு அப்பரம் பல பாடல்களை பாடி இருக்கிறார். சூப்பர் சிங்கர் போன்ற நிகழ்ச்சிகளையும் வழிநடத்தும் வல்லமை படைத்தவர். தனது வலைப்பூவில் அவர் அனுபவங்களை பற்றி, குறிப்பா வெளிநாடு இசை நிகழ்ச்சிகளின் அனுபவங்களை பற்றி எழுதியிருக்கிறார். (ஆங்கிலத்தில் தான்)

பாடகி பாப் ஷாலினி. சிறு வயது முதல் பாடல் பாடி கொண்டு இருக்கிறார்.சில தொலைக்காட்சி நிகழ்ச்சிகளிலும்கூட நடுவராக வந்துள்ளார். இவர் பாடிய 'உன்னை பார்த்ததுமே..." என்ற bit song காதல் படத்தில் பிண்ணனி இசையாக வரும்! எனக்கும் ரொம்ம்ம்ம்ம்ம்ம்பபப பிடிக்கும் அது!!

ஆங்கில rap பாடல்களின் சாயலை தமிழ் பாடல்களில் கொண்டு வந்தவர்களில் இவர் ரொம்ம்ம்ம்ப்பப முக்கியமானவர். இவர் தான் பாடகர் blazze. நிறைய பிண்ணனி இசைக்கு rap பாடல் பாடியிருப்பார்!

"பாபா...B to the A to the B to the A! baba.. that's what we say!" என்று பாபா படத்தில் பாடியிருந்தார். அந்த குரலுக்கு சொந்தக்காரர் blazzeeeeeeee!

'என்னடி முன்னியம்மா' ரீமிக்ஸ் பாடல் காட்சியில் இவர் தோன்றியிருப்பார்!!

பாடலாசிரியர் யுகபாரதி அவர்களும் வலைப்பூ வைத்துள்ளார். இவர் எழுதிய 'பொறி' பட பாடல் பேருந்தில் நீ எனக்கு ஜன்னல் ஓரம் என்ற பாடல் எனக்கு ரொம்ம்ம்ப பிடிக்கும். நிறைய கவிதைகள், தமிழ் சம்மந்தப்பட்ட செய்திகளை தாங்கி நிற்கிறது இவரது வலைப்பக்கம்.

'தமிழ் எம் ஏ' படத்தின் இயக்குனர் ராம் அவர்களுக்கும் ஒரு சொந்த வலைப்பக்கம் இருக்கு. அவரது முதல் படமான தமிழ் எம் ஏ படத்தின் திரைக்கதை வடிவத்தை தன் வலைப்பக்கத்தில் போட்டு இருக்கிறார்.. பாருங்க
http://directorram.blogspot.com/2008/06/blog-post_15.html

இவரது ஒவ்வொரு பதிவும் எனக்கு ஆச்சிரியத்தை தந்தது! இவருக்குள் இருக்கும் உணர்வுகளை அழகு தமிழில் எழுதவதை கண்டு நான் பிரமித்துபோய் இருக்கிறேன்.
http://directorram.blogspot.com/2008/06/blog-post_22.html

பிரபலங்கள் ரசிகர்களிடையே தொடர்பு வைத்து கொள்ள இதுபோன்ற வலைப்பக்கங்கள் உதவியாக உள்ளன!:)

மேலும் வாசிக்க...

நாங்க புதுசா எழுதும் பதிவர் தானுங்க...

இந்த பதிவுக்கு என்ன தலைப்பு வைக்கலாம்னு யோசிச்சுகிட்டு இருக்கும்போது, ஒரு பாட்டு ஞாபகத்துக்கு வந்துச்சு

"நாங்க புதுசா கட்டிக்கிட்ட ஜோடி தானுங்க..." நம்ம வாத்தியார் பாட்டு!
சரி பாட்டு வரிய கொஞ்சம் ரீமிக்ஸ் பண்ணி நம்ம பதிவுக்கு தலைப்பா வச்சுட்டேன்.

செல்லமே விஷால், காதல் சந்தியா, பருத்திவீரன் கார்த்தி, பாய்ஸ் சித்தார்த், வாலி ஜோதிகா....இவங்களுக்கும் நான் அடுத்து சொல்ல போகும் பதிவர்களுக்கும் ஒரு பெரிய ஒற்றுமை இருக்கு!

எப்படி விஷாலும், சந்தியாவும், கார்த்தியும், சித்தார்த்தும், ஜோதிகாவும் மேற்கொண்ட படங்களில் மூலம் புதுமுகங்களாக அறிமுகம் ஆனார்களோ, அதே போல

பொடி பொண்ணு, மது, ஸ்வேதா, கார்த்திகா, கார்த்திக் ஆகியோர் வலைப்பூ உலகிற்கு புதுசுங்கோ!!

பொடி பொண்ணு


கடி கவிதை, ஜோக், வீடியோ, சமூக சிந்தனை போன்ற விஷயங்களை பற்றி நல்லா எழுதுகிறார். இவர் எழுதிய 'பேருந்து படிக்கட்டுகளில் பயணம் செய்யும் ஹீரோக்களுக்கு' என்னும் பதிவு என்னை மிகவும் கவர்ந்தது.



மது


இவர் மதுவின் பதிவுகள் என்ற வலைப்பக்கம் மூலம் அறிமுகமானவர். தொடர்கதை, சொந்த அனுபவங்கள், நகைச்சுவை போன்றவற்றை எழுதுகிறார். அறந்து போன காலணியும் அது தொடர்பான நினைவுகளும் என்ற பதிவில் தன் கருத்துகளை ரொம்ப நல்லாவே எழுதியிருப்பார்.



ஸ்வேதா



இவர் தற்போது MCA படித்து கொண்டிருக்கிறார். கொஞ்ச காலத்துக்கு முன்னாடி தான் வலைப்பூ ஆரம்பித்தார். முதன் முதலாக தமிழ் பதிவு எழுதியிருப்பதை அவரே அழகாக சொல்லியிருக்கிறார் இப்பதிவில். இவரது ஸ் எம் ஸ் பதிவுகளை படித்து பார்த்தால், சிரிக்காம இருக்க மாட்டீங்க!

http://sshwetha.blogspot.com/2008/07/sms.html

http://sshwetha.blogspot.com/2008/06/sms-mokkais_29.html

http://sshwetha.blogspot.com/2008/06/sms.html



கார்த்திகா



நிறைய பெண் பதிவர்கள் அறிமுகமாகி கொண்டு வருகிறார்கள்.. அந்த வரிசையில் கார்த்திகா என்பவர் நல்ல பல கவிதைகளை தன் வலைப்பக்கத்தில் எழுதியிருக்கிறார். 'சிறுமிகள் நிறைந்த என் தெரு' என்று கவிதை சூப்பரோ சூப்பர்!!! அந்நியன் படத்துல ஒரு வசனம் சொல்லுவார் பிரகாஷ்ராஜ் 'இவன் இந்த உலகத்துக்கு ஏதோ சொல்ல வறான்'. அந்த மாதிரி, கார்த்திகா தனது கவிதைகள் மூலம் ஏதோ ஒன்னு சொல்ல வறாங்க...:)



கார்த்திக்

கடைக்குட்டி பதிவர் என்றே சொல்லலாம். இப்போதான் காலேஜ் முதல் ஆண்டு சேர்ந்து இருக்கிறார். சென்னைக்கு வந்த தன் அனுபவங்களையும் வார இறுதி நாட்களின் அனுபவங்களையும் சுவைப்பட அழகா எழுதும் திறன் படைத்தவர். நட்புக்கு ரொம்ப முக்கியத்துவம் கொடுப்பார். ஏன் என்று இங்கே பார்த்து தெரிந்து கொள்ளுங்க

http://rainbowstreet-karthik.blogspot.com/2008/07/blog-post_22.html

இவரது பதிவுகள் அதிகமாக காலேஜ் பற்றியும், நண்பர்கள் பற்றியும், காலேஜ் கேண்டீன் பற்றியும் இருக்கும். ஆக, ஏதோ ஒரு இளைஞனின் டைரியை படிப்பதுபோல் தோன்றும். என்னை கவர்ந்த இவரது பதிவுகளில் ஒன்று தான் இது

http://rainbowstreet-karthik.blogspot.com/2008/07/blog-post_07.html

இவங்க புதுசா எழுதும் பதிவர்கள், ஆக நாம் அனைவரும் ஊக்குவிப்போம் அவர்களை!!

என்னது ஊக்கு 'விற்க' தெரியாதா???
சரி ஒரு hair pin?
அதுவும் தெரியாதா....
சரி ஒரு hair band??
அதுவும் தெரியாதா....

சரி ஏதாச்சு ஒன்ன வச்சு நம்ம ஆதரவை அவர்களுக்கு தெரிவிப்போம்!

மேலும் வாசிக்க...

வாங்க சாப்பிடலாம்!

வாழ்வதற்காகவே சாப்பிடும் ஒரு கூட்டம் இருக்கு! சாப்பிடுவதற்காகவே வாழும் ஒரு கூட்டம் இருக்கு! யார் எப்படி இருந்தாலும், இங்க முக்கியமான ஒரு மேட்டர்- சாப்பாடு!


"சாப்பிட தெரிந்தவன் மனுஷன்

எல்லாத்தையும் சாப்பிட தெரிந்தவன் பெரிய மனுஷன்"

அப்படின்னு ஜல்ஸா அடிகளார் சொல்லி இருக்காங்க கிட்டதட்ட 4000 வருஷத்துக்கு முன்னாடி. எனக்கு உணவில் பிடித்தது, அசைவம் தான். அதிலும் கோழின்னா.... பூகம்பமே வந்தாலும், கோழி சாப்பிட்டு முடிச்சுட்டு தான் தப்பிச்சு ஓடி போக பாப்பேன்! அப்படி ஒரு கோழி பிரியர்.


தூயாவின் சமையல் கட்டு(http://thooyaskitchen.blogspot.com/)

வலைப்பக்கத்துல ஏகப்பட்ட சமையல் குறிப்புகள். என்னை கவர்ந்தது கோழி வறுவல் http://thooyaskitchen.blogspot.com/2007/07/cashew-chicken.html

கோழி பிரியாணி http://thooyaskitchen.blogspot.com/2007/02/blog-post.html

கேரளத்து மீன் குழம்பு http://thooyaskitchen.blogspot.com/2008/08/blog-post.html



படிக்கும்போதே, சூப்பரா இருந்துச்சு! செஞ்சு பாத்தா, எப்படி இருக்கும்னு நினைச்சு பாருங்க! இவங்க வலைப்பக்கத்துல, வெறும் சமையல் குறிப்புகள் மட்டும் இல்லாமல், சமையல் செய்யும் மற்ற முறைகள் பற்றியும் சொல்லி இருப்பாங்க. ரொம்ப பயன் உள்ளதாக அமைந்திருக்கின்றன! படங்களுடன் குறிப்புகளை தந்து, ரொம்ப colourfulலா பதிவுகள் இருக்கும் இவங்க வலைப்பூவில்!
http://thooyaskitchen.blogspot.com/2008/07/blog-post_31.html

என் அப்பா போன்றவர்களுக்கு மேலே உள்ள சுட்டி ரொம்ப பயனுள்ளதா இருக்கும். ஏன்னா, அவரு முட்டை பொறிக்கனும்னு சொல்லி, வீட்டுல இருக்குற எல்லா பாத்திரத்தையும் உருட்டி, உடைத்து, பாதி பாத்திரத்த காலி செஞ்சுடுவார். :)))

நிறைய சமையல்குறிப்புகளை தாங்கி நிற்கிறது தமிழ் சமையல் வலைப்பூ திரட்டி http://thamizhcooking.blogspot.com/

சமையல் செய்வது என்பது ஒரு பெரிய கலை. அது எல்லாருக்கும் ஈசியா வராது. (சிலருக்கு வரவே வராது..... யோவ் அதுக்கு ஏன் எல்லாரும் என்னைய பாக்குறீங்க...)

எங்க அம்மா என்கிட்ட அடிக்கடி சொல்ற விஷயம் "சமைக்க கத்துக்கோ சமைக்க கத்துக்கோ". இரண்டு மாசத்துக்கு முன்னாடி, சரி நம்மளும் வேட்டையில இறக்கலாம்னு சமையலறைக்குள் போய், சமைக்க ஆரம்பித்தேன். கோழி குழம்பு வைக்கலாம்னு நினைச்சு... எல்லாத்தையும் செஞ்சேன். கடைசில பாத்தா, கோழி குழம்பே வரல்ல...

சமையல் புத்தகத்த பாத்து தான் செய்தேன். ஆனா, புத்தகத்தில் ஒரு பெரிய தவறு இருந்துச்சு!! அடுப்ப on பண்ணனும்னு சொல்லவேவேவே இல்லப்பா!!!:)

மேலும் வாசிக்க...

ஹாலோ மக்கள்ஸ்!

hi hi hi hi (vivek's styleல படிங்க)

அனைவருக்கும் வணக்கம்ங்கோ!! நான் தான் தமிழ்மாங்கனி. இந்த வாரத்தில் என் பதிவுகளை தான் நீங்க பாக்க போறீங்க..(யாருப்பா அங்க...தலையில அடிச்சுக்கிறது...)

முதல என்னைய பத்தி சொல்லிடுறேன்... சரி சரி அதுக்கு முன்னாடி, இந்த அறிமுகம் பதிவுல என்னைய பத்தி மேலும் சொல்ல, நான் வந்தே தீருவேன்னு ஒருத்தங்க ரொம்ப அடம்பிடிச்சாங்க. அவங்க வேறு யாரும் இல்ல.... என் மனசாட்சி தான்! ஹிஹிஹி....என் மனசாட்சியும் வந்து இருக்கு. எல்லாரும் ஜோரா ஒரு தபா கை தட்டுங்க!!

மனசாட்சி: ஹலோ வணக்கம் மக்களே!

நான்: என்னைய பத்தி அறிமுகம் செஞ்சுகிட்டு இருந்தேன். நீ அதுக்குள்ள வந்துட்டே.

மனசாட்சி: ஆமா, இவங்க பெரிய புதுமுக ஹீரோயின்! உனக்கு அறிமுகம் வேற....

நான்: ஏய் nonsense மாதிரி பேசாதே! முதல் பதிவு என்னைய பத்தி சொன்னா தான் மக்களுக்கு என்னைய பத்தி நல்லா தெரிஞ்சுப்பாங்க...

அன்பு சக பதிவர்களே, என் புனைபெயர் தான் தமிழ்மாங்கனி. இயற்பெயர், நயன் தாரா, சிம்ரன், ஜோதிகா என்று சொல்ல தான் ஆசை. இருந்தாலும், இதைவிட ஒரு அழகான பெயருக்கு சொந்தக்காரி, இயற்பெயர் காயத்ரி. சிங்கையில் பிறந்து, வளர்ந்து...

மனசாட்சி: ஏய், நிறுத்து, பிறந்த, ஒகே ஒத்துக்குறோம். வளர்ந்தியா?? ஹாஹா....வளர்ந்தேன்னு மட்டும் சொல்லாத...

நான்: ஓய், என்ன கிண்டலா? இந்த வயசுக்கு இந்த உயரம் போதும்! மனசாட்சி பேசுறத்த கண்டுக்காதீங்க.. சரி என் மேட்டருக்கு வறேன். சிங்கையில் இப்போது bsc maths 3rd yr படிக்குறேன்.

மனசாட்சி: காலேஜுக்கு போயிட்டு போயிட்டு வர, படிக்கிறீயா இல்லையான்னு எனக்கு தானே தெரியும்!

நான்: ஏய், நீ அடங்க மாட்டீயா!

மனசாட்சி: same to u!

நான்: குறுக்க குறுக்க பேசாம, என் அறிமுகத்த முடிக்கவிடுறீயா! அப்பரம்.. எங்கவிட்டேன்.. ஆ.. படிச்சுகிட்டு இருக்கேன். நான் வலைப்பூ எழுத ஆரம்பித்து 3 வருஷத்துக்கு மேல் ஆகிவிட்டது. இருந்தாலும் அடிக்கடி எழுதும் பழக்கம் சமீபத்தில் தான் ஒட்டிகிச்சு!

மனசாட்சி: அத ஏன் கேட்குறீங்க மக்களே. ரொம்ப முத்திபோச்சு பைத்தியம். எத பாத்தாலும், என்கிட்ட சொல்லுவா, "இத பத்தி ப்ளாக்ல எழுதனும்". அன்னிக்கு ஒரு சின்ன புள்ளைங்க பார்க்ல சைக்கிள் ஓட்டிகிட்டு இருக்கும்போது, கீழே விழுந்துட்டா, அத பாத்துட்டும்... இதை தான் சொன்னா!! முடியல என்னால...

நான்: ஏய் மனஸ்!

மனசாட்சி: என்னது...மனஸ்சா???

நான்: ஆமா, நாங்கலாம் யூத்.. அப்படி தான் ஷாட்டா ஸ்டைலா கூப்பிடுவோம்!

மனசாட்சி: அட பாவிகளா? நீங்களாம் திருந்தவே மாட்டீங்களா?

நான்: முதன் முதலில் ஆரம்பித்தது http://www.enpoems.blogspot.com/

என் கவிதைகளை மட்டும் இந்த ப்ளாக்கில் போடலாம் என்று ஆரம்பித்தேன். ஆனா, அதுக்கு அப்பரம்... ஏதோ ஓரளவுக்கு கதை எழுத முயற்சித்தேன், திரைவிமர்சனம், அனுபவங்கள் என்று எல்லாம் கலவையும் சேர்ந்துடுச்சு! சமீபத்தில் தான் 150வது பதிவை வெற்றிகரமாக எழுதி போட்டேன். அதை படிக்க இங்கே செல்லவும். 150வது பதிவு

என் ப்ளாக்கில் எனக்கு பிடித்த சில பதிவுகளின் சுட்டியும் 150வது போஸ்ட் பதிவில் உள்ளது.

மனசாட்சி: நான் தாங்க எல்லாத்துக்கும் கஷ்டப்பட்டேன். ஒவ்வொரு தடவையும் எழுதும்போது 'இது நல்லா இருக்குமா? நல்லா வருமா? ஏதாச்சு தப்பா போயிடுமா? எத்தன hits வரும்? அப்படி இப்படின்னு என்னைய போட்டு கொன்னு எடுத்துடுவா! பெரிய இம்சை இவ!

நான்: ஓய் மனஸ், சும்மா உள்ள இருக்கும் உனக்கும் என்ன தெரியும், வெளி உலகத்துல வாழும் எங்களுக்கு தான் பதிவு எழுதும் கஷ்டம் புரியும்!:)))

நான்: அப்பரம், நான் எழுதிய கலாய்த்தல் பதிவு ஒன்றை படித்துவிட்டு, மை ஃபிரண்ட் பயமறியா பாவையர் சங்கத்துல சேர அழைப்பு வச்சாங்க. சரி அங்கயும் எழுத ஆரம்பித்தேன். ஏதோ என்னால முடிஞ்ச சேவை...

மனசாட்சி: கண்டிப்பா இந்த நாட்டுக்கு தேவையே இல்ல....

நான்: நீ சும்மாவே இருக்கமாட்டீயா. என் imageயை totalலா damage பண்ணிகிட்டு இருக்கே...

மனசாட்சி: சரி விடு விடு! இதலாம் அரசியல சகஜமப்பா... அப்பரம் தமிழ்மாங்கனி ஒரு ஜோக் வலைப்பக்கம் ஆரம்பிச்சா... http://www.enjokes.blogspot.com/

ஆனா... ஏன் அடிக்கடி ஜோக் போட மாட்டேங்குற?

நான்: நான் என்ன மனஸ் பண்றது? டைமே கிடையாது! இந்த வலைச்சாரத்தில் நல்லா எழுதனும்னு யோசிச்சு யோசிச்சு.... இதுக்கே டைம் சரியா இருக்கு!

மனசாட்சி: ஆமா...லூசுத்தனமா உன் விளையாட்டு புத்திய காட்டாம, வலைச்சாரத்தில் நல்ல பதிவா போட்டு புன்னியத்த தேடிக்கோ!

நான்: எனக்கு நல்லா வேணும் இதலாம்!! ஓகே, அப்பரம் என்னை பத்தி வேற என்ன சொல்லலாம்.....ம்ம்ம்.... சூப்பரா சமைப்பேன்! ஆமாங்க.. சூப்பரா சுடுதண்ணி
வைப்பேன்!

மனசாட்சி: அட த்தூ... வெட்கமா இல்ல உனக்கு! இப்படி சொல்ல... சமையல் குறிப்பு பத்தி எத்தனையோ பதிவு இருக்கு! அத பாத்து படிச்சு செஞ்சு பாரு!!!

நான்: ஏய் தேங்கஸ் மனஸ்!

மனசாட்சி: என்ன, சமைக்க போறீயா? வெரி குட்!

நான்: இல்ல இல்ல.... வலைச்சாரத்துல அடுத்த பதிவு என்ன போடலாம்னு தெரியல... நீ சூப்பரா ஒரு ஐடியா கொடுத்துட்டே. சமையல் வலைப்பக்கங்கள் பத்தி தான் அடுத்த பதிவு! ஐடியா கொடுத்ததற்கு நன்றி மனஸ்!

இதுக்கு தான் சொல்றது... ஆளுக்கு ஒரு மனசாட்சி வேணும்னு!!!

மனசாட்சி: நீ திருந்தவே மாட்ட போல தெரியுது!:))

மேலும் வாசிக்க...