கோவை ஆவி விமலனிடம் இருந்து ஆசிரியப் பொறுப்பேற்கிறார்

அன்பின் சக பதிவர்களே !

இன்றுடன் முடியும் வாரத்திற்கு ஆசிரியப் பொறுப்பேற்ற நண்பர் விமலன் தான் ஏற்ற பொறுப்பினை மிகுந்த கவனத்துடனும் ஈடுபாட்டுடனும் ஆர்வத்துடனும் நிறைவேற்றி மன நிறைவுடன் நம்மிடமிருந்து விடை பெறுகிறார். 

இவர் கடும் பணிச்சுமையின் காரணமாக பதிவுகளை அறிமுகப் படுத்துவதற்குப் பதிலாக பதிவர்களை, அவர்களைப் பற்றிய கருத்துகளுடன் தளங்களை அறிமுகப் படுத்தி இருக்கிறார். 
பெரும்பாலும் தளங்களீல் உள்ள சிறந்த ஒரு பதிவில் இருந்து தேவையான வரிகளைத் தந்திருக்கிறார்.

இவர் எழுதிய பதிவுகள்                                               : 007
அறிமுகப் படுத்திய பதிவர்கள் / தளங்கள்         : 035
அறிமுகப் படுத்திய பதிவுகள்                                   : 005
பெற்ற மறுமொழிகள்                                                    : 182
வருகை தந்தவர்கள்                                                       : 716

 நண்பர் விமலனை பாராட்டுகள் கலந்த நல்வாழ்த்துகளுடன் வழி அனுப்புவதில் வலைச்சரக் குழுவினர் பெரு மகிழ்ச்சி  அடைகிறோம். 

நாளை துவங்கும் வாரத்திற்கு ஆசிரியப் பொறுப்பேற்க அன்புடனும் ஆர்வத்துடனும் இசைந்துள்ளார் கோவையினைச் சார்ந்துள்ள நண்பர் கோவை ஆவி. 

இவரது இயற்பெயர்   கோவை ஆனந்தராஜா விஜயராகவன் என்பதே.  இதன் சுருக்கமே கோவை ஆவி. 

கணினியில் பொறியியல் பட்டம் பெற்ற இவர் ஆறு வருடங்கள் அமெரிக்காவில் தங்கி பணிபுரிந்து விட்டு தற்சமயம் கோவையில் சுயதொழில் செய்து வருகிறார். 

2008 ல் முதன் முதலாக பதிவுலகிற்கு வந்தவர்.. ஆங்கிலத்தில் எழுதப்பட்ட அந்த வலைப்பதிவு வாசகர்கள் வரவேற்பு அதிகம் இல்லாத காரணத்தால், கோவை ஆவி என்ற பெயரில் 2010ல் தமிழில் ஒரு வலைப் பதிவை ஆரம்பித்து இன்று நூற்றுக்கும் மேற்பட்ட வாசகர்கள் விரும்பி படிக்கும் வண்ணம் எழுதிக் கொண்டிருக்கிறார்.

நண்பர் கோவை ஆவியினை  வரவேற்று வாழ்த்துவதில் பெருமை அடைகிறோம். 

நல்வாழ்த்துகள் விமலன்

நல்வாழ்த்துகள் கோவை ஆவி 

நட்புடன் சீனா