விமலன் குமாரிடம் இருந்து ஆசிரியப் பொறுப்பினை ஏற்கிறார்

அன்பின் சக பதிவர்களே ! 

இன்றுடன் முடியும் வாரத்திற்கு ஆசிரியப் பொறுப்பேற்ற அருமை நண்பர் குமார் தான் ஏற்ற பொறுப்பினை இன்றுடன் முடித்து விட்டு நாளை முதல் பொறுப்பேற்க இருக்கும் நண்பர் விமலனிடன் பொறுப்பினை ஒப்படைக்கிறார்.

குமார் வலைச்சரப் பதிவுகளைப் புது விதமாகக் கொண்டு சென்றிருக்கிறார்.  பதிவுகள் சுய அறிமுகம், குலவைப் பாட்டு, கெட்டவனுக்கு எட்டா, திருவிழாக்கள், ஆசிரியர்கள், பிரபலங்கள், கிராமத்து கவிதை, அறிந்த முகங்கள் என்ற தலைப்புகளில் எழுதி இருக்கிறார்.

ஒவ்வொரு தலைப்புகளின் கீழும் பல்வேறு உப தலைப்புகள் - சிறு பகிர்வு, பிரபலம், கதையாசிரியர்கள். கவிஞர்கள், பல்சுவை, சமையல், விவசாயம், மருத்துவம், தொழில் நுட்பம், சினிமா, போன்ற உப தலைப்புகளில் பதிவர்களை அறிமுகம்  செய்திருக்கிறார். 

மேலும் இவரைக் கவர்ந்த கவிதை என்னும் உப தலைப்பில் பதிவர் அல்லாத பழனி இராகுல தாசன் , அரசி, மீரா, கண்ணதாசன், முத்துலிங்கம், ராஜாராம் ஆகிய கவிஞர்கள் எழுதிய கவிதைகளை பகிர்ந்திருக்கிறார்.

அடுத்து வீடியோ என்னும் உப தலைப்பில் தமிழருவி மணியன், நெல்லை கண்ணன், மங்கையர்க் கரசி, விஜய் ட்வியில் சூர்யா நடத்திய போட்டி, வை.கோ போன்ற பல பேச்சாளர்களின் சிறந்த பேச்சுகளின் காணொளிகளை இணைத்திருக்கிறார். 

இறுதியாக குறுங்கவிதை என்னும் உப தலைப்பினில் பதிவிற்கு ஒரு கவிதை எழுதி இருக்கிறார். 

இவர் எழுதிய பதிவுகள்                        : 009
அறிமுகப் படுத்திய பதிவர்கள்         : 067
அறிமுகப் படுத்திய பதிவுகள்            : 138
பெற்ற மறுமொழிகள்                             : 239
வருகை தந்தவர்கள்                               : 1364

இவரது பதிவுகளைப் படிக்கும் போது - இவரின் கடும் உழைப்பு, ஈடுபாடு, தனித்துவம் ஆகியவை பிரமிக்க வைக்கின்றன. 

குமார் மிகுந்த மன நிறைவுடன் நம்மிடமிருந்து விடை பெறுகிறார். 

அருமை நண்பர் குமாரினை பாராட்டுகள் கலந்த நல்வாழ்த்துகளுடன் வழி அனுப்புவதில் வலைச்சரக் குழுவினர் பெருமை அடைகிறோம். 

நாளை துவங்கும் வாரத்திற்கு ஆசிரியப் பொறுப்பேற்க அன்புடனும் ஆர்வத்துடனும் இசைந்துள்ளார் நண்பர் விமலன். 

விமலனின்  சொந்த ஊர் விருதுநகர் அருகிலுள்ள பெரிய பேராலி கிராமம்.  சமூகம் கற்றுகொடுத்தவற்றிலிருந்தும்,இவர்ன் சார்ந்து நிற்கிற தொழிற்சங்கம் கைபிடித்து அழைத்து சுற்றிக்காட்டியவற்றிலிருந்துமாய் மற்றும் சாமன்யர்களில் வாழ்க்கையிலிருந்துமாய் சிதறிக் கிடப்பவவற்றை எழுத வாய்த்திருக்கிற வரம் பெற்றவனாய் இருக்கிறார். 

நண்பர் விமலனை வலைச்சரக் குழுவின் சார்பாக வருக வருக என வரவேற்று வாழ்த்துவதில் பெரு மகிழ்ச்சி அடைகிறேன். 

நல்வாழ்த்துகள் குமார்

நல்வாழ்த்துகள் விமலன்

நட்புடன் சீனா