யார்பா அந்த சூர்ய பிரகாஷ் ?

தலைப்ப படிச்சிட்டு ரொம்ப திங் பண்ணிடாதீங்க! நான் யாருனு நானே சொல்லிடறேன் .

வகுப்ப கட் அடிக்கிறது ஒரு கலைங்க, அதுவும் சாப்பாட்டு வேலை முடிஞ்சு முதல் வகுப்பிற்கு வரும் ஆசிரியரின் கண்ணில் படாமல் மற்ற வகுப்பு மாணவர்களுடன் நைசா எஸ்கேப் ஆகி ரவுண்ட்ஸ் அடித்து கொண்டிருக்கும் HOD யிடம் சிக்காமல் லைப்ரரியில் இருக்கும் ஒரே கம்ப்யுடரை சென்றடைவதற்குள் ஒரு திகில் சினிமா பார்ப்பது போல இருக்கும்.

இவ்வாறு பல தடைகளை தாண்டி சென்றால் அந்த கம்ப்யுட்டரில் வேறு ஒருவன் அமர்ந்திருக்கிறான் ! சொல்லுங்கள் எவ்வளவு கோபம் வரும் ?. அது வேற யாரும் இல்லைங்க நம்ம பலே பிரபு !!

ஆமாங்க நாங்க ரெண்டு பேரும் ஒண்ணா தான் படிச்சோம் ! (சாரி பொய் சொல்ல விரும்பலை ஒண்ணா கல்லூரிக்கு போனோம், ஒரே பெஞ்சில் உக்கார்ந்தோம் திரும்ப வந்துட்டோம், படிக்க செய்லை :) )

என்ன பண்றான் ? ஏதோ 'பலேபாண்டியா' என்ற பெயரில் சைட் ஒன்றை பார்த்து கொண்டிருக்கிறான் ! அந்த நொடி, அந்த வினாடி , அந்த தருணம் தான் நான் முதன் முதலில் வலைப்பதிவை பற்றி கேள்விபட்டேன் !  என்னோட வலைபதிவுல ஜாயின் பண்ணுடா பண்ணுடான்னு ஒரே டார்ச்சர், போய் தொலைன்னு ஒரு நாள் ஜாயின் பண்ணேன் அன்று தான் நானும் ஒரு வலை பதிவை தொடங்கி ஒரு மிக பெரிய வரலாற்று கிராண்ட் என்ட்ரி கொடுத்தேன்.

அதோட பேர் நால்ரோடு (4 roads), பெயர் காரணம்லாம் கேக்காதீங்க, பிரபு  பலேபாண்டியா னு வச்சான் ப்ளாப் படத்தோட பேர் ! நான் அதவோட மொக்கையா யோசிச்சேன் :)

கிராண்ட் என்டிரியோட சரி அப்பறம் அந்த ப்ளாக் பக்கமே எட்டி பார்க்கலை. ரெண்டு வருஷம் கழிச்சு பார்த்தா நம்ம பிரபு கற்போம்  அளவுக்கு வளர்ந்து  நிக்கிறான் !!

இன்னைக்கு அந்த கற்போம் நிர்வாகம் இருவர் கீழ் வந்துவிட்டது ! யாருன்னு யோசிக்காதீங்க அந்த இன்னொருத்தர் நான்தான் :)

அப்புறம் கழுகு ல நானும் ஒரு உறுப்பினர்.
அப்படியே பசுமை விடியல் 
ஆண்டிராய்ட் கற்போம் 
ஸ்டார்ட் மியூசிக் 
Zero Mania, Mobile mania

வரைக்கும் இந்த சூர்ய பிரகாஷ் ஐ நீங்கள் சந்திக்கலாம். பேஸ் புக்கிலும் இருக்கேன்.

நான் வலை பதிவை பற்றி தெரிந்து கொண்டது இரண்டு வருடங்களுக்கு முன் தான் என்றாலும் இன்னும் ஒரு புதியவனை போலத்தான் உணர்கிறேன்.

ஒருநாள் திடிரென்று சீனா அய்யாவிடமிருந்து 'அன்பின் சூர்யா' என்ற அய்யாவின் டிரேட் மார்க் அழைப்பு !

அப்பொழுது ஜனகராஜ் பாணியில் எனக்கு நானே சொல்லிகொண்டேன்
"என்னமோ போடா "