விஜயன் துரைக்கு விடை கொடுத்து தமிழ் இளங்கோவை வரவேற்கின்றோம்

வணக்கம் வலை நண்பர்களே,

இன்றுடன் முடிகின்ற வாரத்திற்கு ஆசிரியர் பொறுப்பேற்றிருந்த துரைராஜ் @ விஜயன் தனது பணியை மிகுந்த ஆர்வமுடன் ஏற்று மொத்தம் பதினான்கு இடுகைகளை பதிந்து சுமார் நூறு கருத்துரைகள் வரை பெற்றுள்ளார்.  

விஜயன் பதிந்துள்ள இடுகைகளின் தலைப்புகள் கீழே:

கேட்க ...ரசிக்க ..சில வலைப்பூக்கள்; பார்க்க ரசிக்க...சில வலைப்பூக்கள்.; இவர்களை தெரியுமா ??; நான் ரசித்த கவிதை பதிவுகள்:; நான் வியக்கும் பதிவர்கள் (பாகம்-2); நான் வியக்கும் பதிவர்கள் (பாகம்-1); நட்பூ; காதலர் தின சிறப்பு வலைச்சரம்:; தொழில்நுட்ப பதிவர்களுக்கு நன்றிகள்..!; வலைப்பூ தோட்டக்காரன்; அறிவியல்...அறிவு...அறிவுரை..; வலைப்பூக்களின் வாசம்:; இலவச மின் புத்தகங்கள்..; வலைச்சர ஆசிரியர் பொறுப்பு இந்த வாரம் என்னிடம்..!

மேற்கண்ட இடுகைகளில் இலவச மின் புத்தகங்கள்..; என்ற இடுகை ஆயிரம் பக்கப் பார்வைகளுக்கும் மேல் பெற்றுள்ளது. பாராட்டுக்கள் விஜயன். இத்துணை இடுகைகளையும் இணைய தள மையத்திலிருந்து பதிந்துள்ளார். 

அவரை வாழ்த்தி வழியனுப்புவதில் பெருமகிழ்ச்சியடைகின்றேன்.

நாளை முதல் துவங்கும் வாரத்திற்கு  "எனது எண்ணங்கள்" என்ற வலைப்பூவை எழுதி வரும் தி. தமிழ் இளங்கோ அவர்களை ஆசிரியர் பொறுப்பேற்க அழைக்கின்றேன். திருச்சியில் வசித்து வரும் இவர் அரசாங்க வங்கி ஒன்றில் 29 ஆண்டுகளாக காசாளர்/எழுத்தர்/முதுநிலை எழுத்தர் எனப் பணி புரிந்து விருப்ப ஓய்வு பெற்று, இலக்கியம், பழைய தமிழ் திரைப்படங்கள், பாடல்கள், போட்டோகிராபி மற்றும் வலைப்பதிவு என பலவற்றிலும் ஆர்வமுடன் தமது ஓய்வை பயனுள்ளவையாக மாற்றி வருகிறார்.  

தி. தமிழ் இளங்கோவை வருக.... வருக... என வாழ்த்தி வரவேற்று வலைச்சர ஆசிரியர் பொறுப்பில் அமர்த்துவதில் பெருமகிழ்ச்சியடைகின்றேன்.

நல்வாழ்த்துக்கள் விஜயன் துரை.
நல்வாழ்த்துக்கள் தி. தமிழ் இளங்கோ.

நட்புடன்,
தமிழ்வாசி பிரகாஷ்.