பதிவுலக ஜாம்பவான்கள்

இந்தப் பதிவின் மூலம் நான் குறிப்பிடுபவர்கள் அனைவருமே கடந்த சில வருடங்களாக தொடர்ந்து உற்சாகமாக இயங்கி வருகிறார்கள். இவர்கள் ஒவ்வொருவரின் எழுத்துக்களுக்கும், இவர்களின் ஒவ்வொரு பகுதிகளுக்கும் தனிதனி வாசகர் வட்டம் உண்டு. இவர்களைப் பற்றி அறிந்ததில் இருந்து தொடர்ந்து வாசித்து வரும் தளங்கள், இன்றைய வலைச்சரத்தில் பதிவுலக ஜாம்பவான்களாக...     

பிலாசபி பிரபாகரன் 

இவர் எழுத்துக்கும் இவரது பிரபா ஒயின்சாப்பிற்கும் வாடிக்கையளர்கள் அதிகம். சிலர் இவரிடம் வாக்குவாதம் செய்ய பயப்படுவார்கள் என்று கேள்விபட்டுள்ளேன், சில பதிவுகளில் பார்த்தும் உள்ளேன். தான்  நினைப்பதை சற்றும் தயங்கமால் கூறுவார். உலக தமிழ் சினிமாவை விரும்பிப் பார்ப்பவர்(!). 

சற்றே வித்தியாசமான இவரது ஐம்பதாவது பதிவு

அஞ்சா சிங்கம் 

முதலில் பதிவர்களின் வாசகன் ஆகி பின்பு பதிவர் ஆனவர். மிகக் குறைவாகவே பதிவுகள் எழுதி வருகிறார். இவருடன் பேச ஆரம்பித்தால் பல வரலாற்று நூல்களையும் புதினங்களையும் தெரிந்து கொள்ளலாம். இதுவரை யாரும் அறிந்திரா மதங்கள் பற்றி எழுதப்போவதாக தொடர் ஒன்று ஆரம்பித்தார், பின்பு தொடராமலேயே விட்டுவிட்டார். 

மதம் (பாகம் ஒன்று )

ஆரூர் மூனா செந்தில் 

நான் பதிவெழுத ஆரம்பித்த புதிதிலேயே இவரை தெரியும், நேரில் பார்த்தது பதிவர் சந்திப்பிற்கு முன்னான  சந்திப்புகளில் வைத்து தான். இவரது சினிமா விமர்சனங்களுக்கு என்று தனி வாசகர் வட்டம் உண்டு.         

உணவகம் பற்றி இவருடைய பதிவு.  

வெங்கட் நாகராஜ்

டெல்லி வாழ் தமிழ்ப் பதிவர். இவரது மனைவி மற்றும் குழந்தை கூட பதிவர்கள் தான். அந்த அளவிற்கு பதிவுலகம் மீது காதல் கொண்ட குடும்பம். இவரது வலைபூ தவிர்த்து வல்லமையிலும் எழுதி வருகிறார். வாடா இந்திய சுற்றுப் பயணங்கள் சார்ந்த பயணக் கட்டுரைகள் புதிய தகவல்களைத் தரக் கூடியது.   

சுஜாதா கண்ட அன்றைய டில்லி!

கையளவு மண்     

இவரும் டெல்லி வாழ் தமிழ்ப் பதிவர். வெங்கட் நாகராஜ் அவர்களின் நண்பன், அவர் மூலம் தான் இவரது அறிமுகம் கிடைத்தது. அரசியல் அறிவியல் மற்றும் சமூகம் சார்ந்த பலவிதமான பதிவுகளையும் எழுதி வருகிறார்.

மூன்று புத்தகங்களின் அரசியல்

அவர்கள் உண்மைகள் 

அமெரிக்கவாழ் பதிவர். பதிவெழுதுவதை விட பதிவிற்கான படகலவையில் மிகவும் சிரத்தை எடுப்பவர். பரபரப்பான தலைப்புகளை வைத்து படிப்பவர்களுக்கு பல்பு கொடுப்பவர். 

விகடன் கொடுக்க மறந்த அவார்டுகளை இங்கு சென்று படியுங்கள் 

மோகன் குமார் 

தற்போது வெரைட்டி ரைட்டராக மாறியிருப்பவர். சமீபகாலமாக பல பதிவர்களின் எழுத்துக்களுக்கு தன் தளத்தில் வாய்ப்பு வழங்கி வருகிறார். இவர் எழுதி வரும் வானவில் பகுதிக்கு என்று தனியொரு வாசகர் வட்டம் உண்டு. வல்லமை இணைய இதழில் சட்ட ஆலோசனை வழங்குகிறார். பின் அதை வீடு திரும்பலிலும் பகிர்கிறார். சட்டம் சம்பந்தமான ஆலோசனை தேவைப்படின் இவரை அணுகலாம். ஆலோசனைகள் வழங்குவார்.

நீயா நானா - ஷூட்டிங் அனுபவங்கள்

மூன்றாம் சுழி 

"பத்திரிக்கையில எழுதுறவங்கள விட மூன்றாம் சுழி அப்பாதுரை நல்ல எழுதுவாரு" சமீபத்தில் வாத்தியார் பால கணேஷ் என்னிடம் கூறியது. எங்கள் பிளாக் ஸ்ரீராம் சாரும் இவருடைய வாசகர் என்பதை அறிவேன். நான்கு வருடங்களுக்கும் மேல் பதிவுலகில் எழுதி வருகிறார். 

காணாமல் போன காலம்