வழியனுப்புதலும் வரவேற்பும்

இந்த வார ஆசிரியராகச் சிறப்பாகச் செயல்பட்ட அருமைச் சகோதரி நானானி 12 பதிவுகள் போட்டு 312 மறுமொழிகள் பெற்றிருக்கிறார். இது சராசரியாக 26 மறு மொழிகள் வருகிறது. இதிலிருந்தே தெரிந்து கொள்ளலாம் - பதிவுகளின் தரத்தினையும் அவை பெற்ற வரவேற்பினையும். வசூல் மகிழ்வாக இருந்த காரணத்தால் தான் கடையை மூடாமல் தொடர்ந்து வாரம் முழுவதும் செயல் பட்ட்டிருக்கிறார். அருமையான பதிவுகள் தந்து பல புதிய சுட்டிகள் கொடுத்தமைக்கு பாராட்டுகளும் நன்றிகளும்.

அன்பின் நானானி - வலைச்சரத்தின் சார்பில் வணங்கி வழியனுப்புகிறேன்.
நன்றி கலந்த நல்வாழ்த்துகள்
---------------------------------------------------------------------------

ஆகா - ஆகா - 04.08.2008 தொடங்கும் வாரத்திற்கு ஆசிரியராகப் பொறுப்பேற்கிறார் அருமைத் தோழி தமிழ் மாங்கனி. அவரைப் பற்றிய அறிமுகப் பதிவு இதற்கு முந்தைய பதிவாக - அவரது மனச்சாட்சியின் தூண்டுதலின் பேரில் பதிவாகி விட்டது. ஆகவே நான் வேறு புதிதாக அறிமுகப் படுத்த விரும்ப வில்லை.

கல்லூரி மாணவி - சிங்கையிலே பிறந்து வளர்ந்தவர். 21 வயதே ஆனவர். இளம் அறிவியல் (கணிதம்) பட்டப் படிப்பில் இறுதி ஆண்டு படிப்பவர்.
துறுதுறுப்பானவர். வலைப்பூ மூண்றாண்டுகளாக செம்மையாக நடத்திச் செல்பவர். கவிதை மழை பெய்பவர். 150 பதிவுகள் வரை பதிந்திருக்கிறார். ப.பா.ச விலும் உறுப்பினராகி கலாய்த்து வருகிறார். சமையல் தெரியும் என்கிறார். பார்க்கலாம்

நல்வாழ்த்துகள் தமிழ் மாங்கனி

Cheena (சீனா)