சுய அறிமுகம்

அனைவருக்கும் அன்பு வணக்கங்கள்..
வலைச்சரம், நல்ல நல்ல வலை பூக்களை தன்னிடத்தே கொண்ட ஒரு வலைப்பூச்சரம். இதில் இதுவரை பல திறமைசாலிகள், அனுபவம் மிக்கவர்கள் பூத்தொடுத்திருக்கிறார்கள். அவர்களை தொடர்ந்து பூத்தொடுக்க இந்த சிறுவனையும் பெரிய மனதுடன் அழைத்த சீனா அய்யா அவர்களுக்கு நெஞ்சார்ந்த நன்றிகள்.

அரங்கின்றி வட்டாடி யற்றே நிரம்பிய
நூலின்றிக் கோட்டி கொளல்

நிறைந்த அறிவாற்றல் இல்லாமல் கருத்துக்களை அவையில் பேசுவது ஆடுவதற்கான கட்டம் இல்லாமல் சொக்கட்டான் ஆடுவதை போன்றதாகும் என்கிறார் திருவள்ளுவர்.
என் நிலையும் கிட்டத்தட்ட அதுதான். பல அனுபவசாலிகள் எழுதிய இந்த தளத்தில் எழுதுவது மிகப்பெரிய பெருமை என்றாலும் அதை சிறப்பாக செய்ய வேண்டுமே என்ற பயமும், மிகுந்த தயக்கமும் உள்ளது.

இந்த வலைச்சரத்தின் பெருமைக்கு, குறைவு வைக்காமல் எழுத எல்லாம் வல்ல இறைவனை வேண்டிக்கொண்டு என்னை பற்றிய சிறிய அறிமுகம்..

எனது பெயர் லோகு.. உலகுக்கே உள்ளாடை கொடுக்கும் டாலர் நகரத்தை சேர்ந்தவன். அச்சம் தவிர் என்ற வலைப்பூவில் கிட்டத்தட்ட 7 மாதங்களாகவும், காதல் மழை என்ற வலைப்பூவில் ஒரு மாதமாகவும் எழுதி வருகின்றேன்.. மொத்த பதிவுகள் 80 யை தாண்டினாலும், சொல்லிக்கொள்ளும் படி எதுவும் எழுதவில்லை.

இருந்தாலும் இதுவரை எழுதியதில் எனக்கு ஓரளவு திருப்தி அளித்தவை இவை தான்..
சொல்லாத காதல்,
தந்தை மகற்காற்றும் உதவி,
தண்ணீர் தேசம்

யார் இந்த தேவதை
பிரிவின் வலி
தேவதை வம்சம் நீயே

படித்து விட்டு உங்கள் கருத்துக்களை சொல்லுங்கள்..

வலையுலகை பொறுத்தவரை நிறைய பதிவர்களோடு பழ்க்கம் இல்லாவிடிலும், அவர்களின் பதிவுகளோடு நல்ல பழ்க்கம் உண்டு. நிறைய படித்து ரசிக்கிறேன் தினமும்.. என்னை கவர்ந்த பல பேரில் சிலரை இனி வரும் இடுகைகளில் பார்ப்போம்..

இந்த வாரத்தை வெற்றிகரமாக முடிக்க ஆசிர்வாதங்களும், அறிவுரைகளும் வழங்குங்கள்!!

நன்றி.. மீண்டும் சந்திப்போம்...

நட்புடன்,