வலைச்சரத்தில் இன்று முதல் ......

வணக்கம் நண்பர்களே, எல்லாரும் நலம் என்று நம்பிக்கையுடன் இன்று முதல் ஒரு வாரத்திற்கு வலைச்சரத்தில் நான். அழைத்த சீனா சார் அவர்களுக்கு நன்றி.

பதிவு எழுத ஆரம்பித்து 18 மாதங்கள் கடந்தாகிவிட்டது. இப்படி ஒரு வலைப்பக்கங்களும் அதில் இவ்வளவு விசயங்களும் இருப்பதே தெரியாமல் இருந்தது. ஏதோ ஒரு வார இதழில் பரிசல்காரன் பதிவை படித்தேன், திருப்பூர் என் சொந்த ஊரு என்பதால் ஒரு ஆர்வத்தில் பார்த்தேன், நானும் ஒரு வலைப்பூ ஆரம்பித்து வைத்தேன். ஆனால் உபயோகிக்கவே இல்லை. பிறகு எந்த பதிவுகளையும் படிக்கக்கூட இல்லை. மேலும் ஒரு வருடம் கழித்து என் ஃப்ரெண்ட் , தமிழ் உதயன் என்னையும் எழுதும்படி கூறினார். எப்படி தமிழில் எழுதுவது, பின்னூட்டம் எதுவும் தெரியாது. ஒரு வழியாக எழுத ஆரம்பித்தாயிற்று.

வலைபதிவு ஆரம்பித்து இத்தனை நாள் வரை ஏதும் மனதில் நிற்பது போல எழுதியதாக நினைவில்லை., வலைப்பதிவு என்பது நம் மனதில் தோன்றியதை பகிரவே, சில நேரம் ஒரே நேரத்தில் எழுத நிறைய விசயங்கள் இருக்கும், பல நேரங்களில் ஒன்றுமே இருக்காது. இதுதான் எழுத வேண்டும் என்ற எந்த வரையறையும் இல்லாததால், நினைத்ததை எழுதுகிறேன், கதை உட்பட எல்லாம் ஒரு முயற்சிதானே.

இது வரை நான் எழுதியதில் என் மனதுக்கு நெருக்கமானது,,
போய்வா அப்பா , இந்த வருட ஆரம்பத்தில் என் தந்தை இறந்தபோது எழுதியது, கவிதை மாதிரி ட்ரை பண்ணியது, சில நேரம் மொக்கைகளை இப்படியும் எழுதுவது உண்டு.

அம்மாக்களின் வலைப்பூக்களில் எழுதுவது எல்லா பெற்றோர்களையும் சென்றடைவதால் உணவுமுறைகள் , ஆஸ்டோபோரிஸஸ், போன்ற மருத்துவ தகவல்களையும் எழுதுகிறேன்.

மேலும் தமிழ்நாடு ஐடியா முன்னேற்ற கழகம், ம்யுஸிக் மிக்ஸ் , என் சமையலறையில் போன்ற வலைப்பதிவுகளிலும் பதிகிறேன்.

என் புராணம் இதோடு போதும் , நாளைக்கு பிடித்ததும் படித்ததும் கொண்டு வருகிறேன்...

நாளை சந்திப்போமா?