ஐம்பதிலும் ஆசை வரும்...

பாக்குறதுக்கு சிக்குன்னு நம்ம ”அமலாபால்”  மாதிரி ஆகனும்-னு பெண்களும், ”தனுஷ்” மாதிரி ஆயிடனும்-னு ஆண்களும் நெனைக்கிறதுல எல்லாம் ஒரு குத்தமும் இல்லீங்க. நெனப்போட விடறதுதாங்க தப்பு. அப்புறம் என்ன தான்யா செய்யச் சொல்ற என்னை?. எங்க ஊர்ல தான் ஒரு ஜிம்மும் இல்ல, கும்மும் இல்லியே!  பிறகு என்ன தான் வழி? 

அதானே! என்ன தான் வழி...? வாங்க தேடுவோம்!

காட்சி : ஒன்று

கடந்த விநாகர் சதுர்த்தி அன்று போன மாதம் வாங்கிய புதுச்சட்டையை உடுத்திக் கொண்டு, நண்பர் ஒருவரின் புத்தக வெளியீட்டிற்குச் சென்றிருந்தேன். அங்கே என் நண்பருக்கும், எனக்குமிடையில் நடந்த உரையாடலைக் கேளுங்கள்.(சாரி படிங்க).

நண்பர்:- (மிக அருகில் அழைத்து) ”சத்ரியன் சட்டை எங்க வாங்கனீங்க?            நல்லாயிருக்கே!”.

நான் :- (எனக்கு பெருமை தாங்கவில்லை).பக்கத்தில இருக்கிற ”முஸ்தஃபா -வுல தான் அண்ணே”.

நண்பர்:- ஒஹ்..! முஸ்த்ஃபா-வுல 'பலாப்பழத்து'க்கெல்லாம் சட்டை விக்கிறாங்களா?, என்றாரே பாக்கலாம்,

நான்:- ???????!!!! (எம் பெருமையெல்லாம் பஞ்ச்சரான பலூன் மாதிரி ஆயிடுச்சி. நல்லவேளை, அதை யாரும் பாக்கல).

அந்த ஏளனத்துக்கான காரணத்த கேட்டீங்கன்னா நெசமாவே சிரிப்பீங்க. சொல்றேன். சிரிச்சிக்குங்க. எனக்கும் என் நண்பருக்கும் ஒரேயொரு வித்தியாசம் தாங்க.

அவரு ”வாரணம் ஆயிரம்” படத்துல வர்ர சூர்யா மாதிரி வயித்துல ஏழெட்டு ”பேக்” வெச்சிருக்கார். நான் ”அழகர்சாமியின் குதிரை” படத்துல வர்ர அப்புக்குட்டி மாதிரி வயித்துல ஒரேயொரு ”பேக்” தான் வெச்சிருக்கேன்.

SIX PACK இல்லாட்டி பரவாயில்ல. தொந்தியையாவது குறைக்கலாமேன்னு நெனைச்சி வழி தேடுனப்போ தான் கபால்-னு கண்ணுல பட்டுச்சி,

*சித்தார் கோட்டை என்னும் பல்சுவை வலைதளம்.அதில்,

 தொந்தி குறைய எளிய உடற்பயிற்சி 

என்ற அருமையான பதிவு. உடற்பயிற்சி எப்படி செய்ய வேண்டும் என்ற விளக்கம் போதாதென்று, வீடியோ படமும் இணைத்திருக்கிறார்கள். SIX PACK-ற்கு தயாராகுங்கள். 

 * பெண்களுக்காகவே,

உடற்பயிற்சி, சமையல் 

போன்ற அருசுவை தகவல்கள் அடங்கிய ஒரு பொக்கிஷ வலைதளம் அருசுவை கண்டும், உண்டும் பயன் பெறுங்கள்.

***

காட்சி : இரண்டு

1) நின்னா ஒக்கார முடியறதில்ல. ஒக்காந்த எழ முடியறதில்லே. என்னா பொழப்பு மனுசன் பொழப்பு?

2) ஹூம்...! ரொம்ப நாளா ஆசை. எக்ஸர்சைஸ் செய்யனும், செய்யனும்னு நெனைக்கிறது. அதுக்கு எங்க நேரமிருக்குது?

- இது போன்று உங்களில் பலரும் புலம்புவீர்கள்.

( அங்க மட்டும் என்ன வாழுதாம்....னு எங்க வீட்டு சமையல் அறையிலிருந்து ஒரு அசரீரி கேட்கிறது. அது ஒன்னும் இல்லடா டார்லிங்.  நீ அந்த ஆஃப் பாயிலுக்கு லேசா மிளகு தூவி எடுத்துட்டு வா) .


நாம் உண்ணும் உணவுமுறையில் சில மாறுதல்களையும், எளிய உடற்பயிற்சிகளையும் தொடர்ந்து கடைப்பிடித்து வந்தால் உடலமைப்பிலும், உடல் நலனிலும் நாளடைவில் பெரிய மாற்றத்தை உணர்வீர்கள். அனைத்து வயதினருக்கும் ஏற்ற உணவுமுறையை

சகோதரி ஸ்நேகிதி அவர்கள் ”என் இனிய இல்லம்”  என்னும் வலைதளத்தில்,

உணவு பிரமீட் 

என்ற தலைப்பில் பதிவு செய்திருக்கிறார். அவர் தளத்தில் ஏராளமான சமையல் குறிப்புகளும் குவிந்துக் கிடக்கிறது.  அடுப்படியில் வேலை செய்யும் ஆண்(மேன்)மக்களுக்கு பேருதவியாய் இருக்கும்.

***

”மனம் என்னும் மந்திரப் பெட்டக(ம்)”-த்தைஒருமுகப் படுத்த பழகி விட்டோமானால், மாபெரும் சிக்கல்களைக் கூட எளியமுறையில் தீர்த்துக் கொள்ளும் சிந்தனைத் திறன் நமக்கு கைவந்து விடும். ’தன்னை அறிய’ முயன்றவர்களுக்கு இதன் வீரியம் தெரியும். தன்னையறிதல் என்பது ஒரு கலை. தனது ஆற்றலையும், அறிவையும் உணர்த்தும் வல்லமை மிக்கது. மனத்தை ஒருமுகப்படுத்த ஒரே வழி தியானம் செய்வது தான். தியானம் என்றால் அது சாமியார்களின் சமாச்சாரம் என்று ஒதுங்கும் நபர் நீங்களென்றால்,   உங்களுக்குகாகவே,

நம் எழுத்து சித்தர் - திரு.பாலகுமாரன் அவர்கள், தனது வலைப்பூவில்

  கற்றுக்கொண்டால் குற்றமில்லை 

என்ற கட்டுரையில் விளக்கம் கொடுக்கிறார். பிடித்திருந்தால் கற்றுக்கொள்ள முயற்சி செய்யுங்கள். 

***

நடிகர் சிவகுமார் அவர்களுக்கு இப்போது வாய்ப்பு கொடுத்தாலும் அவர் மகன் சூர்யாவுக்கு போட்டியாக கதாநாயகனாக நடிப்பார். அவரின் இளமை ரகசியம் என்னை போன்ற பலரையும் வியப்பில் ஆழ்த்துவது மறுக்கமுடியாத உண்மை. அந்த இளமைக்குக் காரணம் அவர் செய்துவரும் யோகாசனம் தான். முதுமையடைவதை தடுக்க முடியாது.ஆனால், தள்ளி போடலாமே!  

”சத்குரு சிறீ பதஞ்சலி மஹரிஷி” என்னும் வலைப்பக்கத்தில் ”ஆன்ம விடுதலை நமது பிறப்புரிமை” என்னும் முழக்க வரிகளோடு 

யோகாசனம்  

என்னும் பதிவில் குறிப்பிட்டிருக்கிறார்கள்.கற்று பயன் பெறுங்கள். அது மட்டுமன்றி இன்னும் ஏராளமான தகவல்கள் அத்தளத்தில் இருக்கிறது .

****

எல்லாம் இருந்தும் நிம்மதியான, போதுமான உறக்கம் இல்லையென்றால் வாழ்வின் மேல் வெறுப்பு ஏற்பட்டு விடுகிறது. அதற்கான மூலகாரணம் நாமேதான். போதிய ஓய்வின்றி ஓடிக்கொண்டே இருக்கிறோம். மன உளைச்சலில் தவிக்கிறோம். அதற்கொரு எளிய தீர்வினை,

“வனப்பு”  என்னும் அவரது வலைதளத்தில் சகோதரி சந்திரகௌரி அவர்கள் 

  உறக்கம் கண்களைத் தழுவட்டுமே 

என்ற தலைப்பில் எளிதான சில அறிவுரைகளைப் பகிர்ந்திருக்கிறார். படிச்சிட்டு தூங்குங்க. 

***

 நான் தூங்கச் சொன்னேன் -றதுக்காக, ஆஃபிஸ்ல ஆணி புடிங்கிக்கிட்டே வலையில மேயுறவங்க தயவு செஞ்சி பதிவ படிச்சிட்டு அங்கயே தூங்கிடாதீங்க. உங்களுக்கு புண்ணியமா போகும்!

குறிப்பு: தலைப்புக் காரணம்.ஆரோக்கியமாய் வாழ ”ஐம்பதிலும் ஆசை வரும்”-னு சொல்ல வந்தேன். ஹி.ஹி.ஹி

***

”தன்னை அடக்கப் பழகிக் கொண்டவன் எதற்கும் வசப்பட மாட்டான். அவனே வாழத் தகுதியுள்ளவன்.”     -   சுவாமி விவேகானந்தர்.