பள்ளிக்கூடம் போகாமலே! பாடங்களைப் படிக்காமலே! நான் இப்ப டீச்சர்!!

ஏம்மா! தூயா உன் அம்மா எங்கம்மா!? நீ காஃபி போட்டுக் கொண்டு வந்து கொடுக்குறே!

ஏம்பா, வீடு அமைதியா இருக்குறது உனக்கு பிடிக்கலியா!?

இல்லம்மா, ஆஃபீசுல இருந்து வந்து இம்புட்டு நேரமாகியும் உன் அம்மாவை காணலியே அதான் கேட்டேன்.

அப்பா! நீங்க நெட் கனெக்‌ஷன் வாங்கினாலும் வாங்கினீங்க. படிப்பு சம்பந்தமா தேடுறதுக்குக் கூட எங்களை கம்ப்யூட்டர் பக்கம் விடாம, அவங்களே 24 மணி நேரமும் உக்காந்துக்கிட்டு இருக்காங்கப்பா!சரி, அவங்க இம்சை இல்லாம நாங்க படிக்கலாம்ன்னு கண்டுக்கிடலை. ஆனா, இன்னிக்கு பீரோவுல இருக்குற பட்டு புடவை, நகைலாம் எடுத்து போட்டுக்கிட்டு, பியூட்டி பார்லர் போய் மேக்கப் பண்ணிக்கிட்டு வந்து காலைல இருந்து கம்ப்யூட்டர் முன்னாடியே உக்காந்துட்டிருக்காங்க.

அப்படியா! காலைல அப்ப சாப்பிடவே இல்லியா பசங்களா!?

சாப்பிட்டோம்பா! ஹோட்டல்ல இருந்து சாப்பாடு வர வச்சிட்டாங்க. அதுமட்டுமில்லாம ஒரு வாரத்துக்கு சாப்பாடு ஹோட்டல்ல இருந்துதானாம்.

ஏன் அப்பு!? அம்மாக்கு உடம்புக்கு முடியலையா! வாங்க, அம்மாக்கிட்ட போய் என்னன்னு கேட்டு வரலாம்.

ஏய் ராஜி! ராஜி! சனியனே எம்புட்டு நேரமா கத்துறேன். இங்க என்ன பண்ணிட்டு இருக்கே! பசங்களுக்கு சமைச்சு போடுறதை விட அப்படி என்ன முக்கியமான வேலை!?

எப்ப வந்தீங்க!? ஏன் இப்படி கத்துறீங்க!?

என்னது!? எப்ப வந்தீங்களாவா!? ஏண்டி நான் வந்ததுக்கூட தெரியாம இங்க என்ன பண்ணுறே!? அதுமில்லாம இதென்னடி வாய் வீங்குன அனுமார் மாதிரி லிப்ஸ்டிக் போட்டுக்கிட்டு இப்படி இருக்கே!

நான் பிளாக்கரா இருக்குறது உங்களுக்கு தெரியும்ல. என்னை மாதிரி நல்லா எழுதும் பதிவர்களை, சக பதிவாளர்களுக்கு அறிமுகப்படுத்த வலைச்சரம்ன்னு ஒரு பிளாக் ஆரம்பிச்சு சீனா ஐயா நடத்தி வர்றார். அவர்தான் என் திறமையை பார்த்து ராஜி! நீ நம்ம பிளாக்ல எழுதனும்மான்னு ரொம்ப நாளா கேட்டுக்கிட்டு இருந்தார். சரி போனாப்போகுதுன்னு ஒத்துக்கிட்டேன்.  

நீ நல்லா எழுதுறியா!? உன் திறமையைப் பார்த்து உன்னை கூப்பிட்டாங்களா!? சரி, அப்படியே கூப்பிட்டு இருந்தாலும் இந்த நகை, மேக்கப்லாம் எதுக்குடி!? 

ஏன்க! படிக்காமயே டீச்சர் ஆகிர்யிருக்கேன். டீச்சருக்கேத்த மாதிரி அழகா தெரியனுமில்ல! அதுக்குதான்.

அடிப்பாவி! ஏண்டி இம்படி அலம்பறே!? அப்படி என்னதான் எழுதி கிழிச்சிருக்கேன்னு நானும் பார்க்குறேன். நகரு.

இருங்க நீங்க போய் பார்த்தால் நான் எழுதுன எல்லாத்தையும் பார்த்துட்டு என்னைத் திட்டுவீங்க. அதனால, நானே சில லிங்க் எடுத்துக் கொடுக்குறேன் பாருங்க.

பேப்பர், நோட்டுல கிறுக்கிட்டு இருந்து, அறிவியல் வளர்ச்சி காரணமா பிளாக்ல கிறுக்குன முதல் கவிதை.

எனக்கும் சுமாராக் கவிதை எழுத தெரியும்ன்னு அப்பப்ப நான் போடும் அறுவைகள்

பிளாக்ல ஆண்கள் ராஜ்ஜியம்தான். அதனால, என் சகோதரர்கள் அவங்க வீட்டுல அடிவாங்காம காய்கறிகள் வாங்கி வந்து, சமைச்சு நல்ல பேர் எடுக்கனும்ன்னு நான் போட்ட பதிவுகள்.

டிப்ஸ் மட்டுமில்ல மொக்கையும் போட தெரியும்ன்னு நான் போட்ட பதிவு

நம்ம பசங்க பிறந்த நாளுக்கு நாம் மட்டும் வாழ்த்தினா போதுமா!? நல்லவங்க பலரும் வாழ்த்தினாதானே நல்லா இருக்கும்ன்னு நினைச்சு நான் போட்ட பதிவுகள் தூயா,   இனியா,  அப்பு , என் அப்பா அம்மா கல்யான நாள்

நாம அப்பபப்போ டூர் போன போது எடுத்த படங்களை வச்சு போடும் பதிவுகள்

போன வருசம் பதிவர் சந்திப்புக்கு போய் வந்த அனுபவம், இந்த வருசம் பதிவர் சந்திப்புக்கு போய் வந்த அனுபவம்

சந்தோசங்களில் சேர்ந்து சிரிக்க மட்டுமில்ல, துக்கத்தில் தோள் கொடுக்கவும் நாங்க இருக்கோம்ன்னு சொல்ற என் சகோதரர்களை நம்பி பகிர்ந்துக்கிட்ட சோகம்.

இதுமட்டுமில்லாம புண்ணியம் தேடி, ஐஞ்சுவை அவியல்,  கிராஃப்ட் ன்னு இன்னும் இருக்கு. போய் படிச்சு பார்த்து என்ன எழுதிக் கிழிச்சேனு பார்த்து வாங்க! உங்க கூட பேசிப் பேசி என் மேக்கப் கலைஞ்சுட்டுது. நான் போய் மேக்கப் போட்டு வரேன்.

மேலும் வாசிக்க...

குடியை விட நினைத்தவனை தழுவிய மரணம்

அனைவருக்கும் வணக்கம், இன்றைய பதிவு ஒரு தீர்வை எதிர் பார்கிறது, சமூக நிகழ்வை அலசுகிறது. இதில் நடைபெறும் உரையாடல் உண்மையே, சம்பவங்களும் உண்மையே.

இந்த உரையாடளில் கலந்து கொண்டவர்கள் நான், சுரேஷ் - தளிர் வலைத்தளம், எழில் - நிகழ்காலம் வலைத்தளம், மயிலன் (மருத்துவ மாணவர்) -மயிலிறகு வலைத்தளம், இன்னொரு சுரேஸ் - வீடு வலைத்தளம்.
தளிர் வலைத்தள நண்பர் சுரேஷ் ஒரு சம்பவத்தை சொன்னார்:

     " இரண்டு நாள் முன்பு கோவிலில் பூஜை செய்துவிட்டு கிளம்பும்போது வந்து நின்றான் அவன். ஒரு ஐம்பது ரூபா இருக்குமா? இருந்தும் இல்லை என்றேன்! ஒரு இருபது!.. ஒரு பத்து..! எதுக்கு என்றேன்? அவசரமாக வேணும் ப்ளீஸ் கவனி நண்பா! என்றான். இரு வரேன் என்று பக்கத்து நண்பர் வீட்டுக்குள் நுழைந்து அவரிடம் பேசிவிட்டு பத்து நிமிடம் கழித்து வந்த போதும் வாசலில் நின்றான். பரிதாபமாக இருந்தது. 1987ல் ஒன்றாக எட்டாம் வகுப்பு படித்தோம்! பத்தாவது வரை ஒரே பள்ளியில் ஒன்றாக படித்தவர்கள் நாங்கள்! அன்று அவன் ஒரு மளிகைக் கடை அதிபரின் மகன். செழிப்பான குடும்பம். இன்று வீதியில் இப்படி போவோர் வருவோரிடமெல்லாம் காசு கேட்டுக் கொண்டு இருக்கிறானாம்! திருமணமாகி ஒரு குழந்தை இருக்கிறது. இவனது மனநிலை பாதிக்கப்பட்டுவிட்டது. கிடைக்கும் காசை குடித்து அழிக்கிறான். வியாபாரம் செய்வதில்லை! இவனுடைய அண்ணன்களும் இவனை கவனிப்பது இல்லை! ஒரு வயதான தாய் இருக்கிறாள். அவள்தான் இந்த குடும்பத்தை கவனித்துக் கொள்கிறாள். நல்ல வேளை இவன் மனைவி படித்த பெண்ணாயிருந்தும் குடும்பத்தையோ இவனையோ கை கழுவ வில்லை! இப்படி ஆக என்ன காரணமாக இருக்கும்? யோசித்தேன்! அவனுடைய தந்தை மளிகை வியாபாரம் செய்யும் போது சாராயம் காய்ச்ச வெல்லம் விற்றார். கள்ளச்சாரயம் அப்போது பேமஸ்! இவரும் திருட்டுத்தனமாய் கொள்ளை விலைக்கு விற்றார். இப்போது மகன் குடித்துவிட்டு அழிக்கிறான். ஒன்றாக படித்தவனின் இந்த நிலை வருந்த வைத்தது! # feeling sad"

கலாகுமரன் : குடிக்கு அடிமை வேறு என்ன சொல்ல முடியும். என் அலுவலகத்தில் வேலை செய்தவர் தீபாவளி அன்று இறந்து விட்டார். ஒரு வருசத்துக்கு முன்பு தான் அவருக்கு கல்யாணம் நடந்தது. இவரின் குடிபழக்கத்தை நிறுத்த நாட்டு வைத்தியம் பார்த்திருக்காங்க. அதுவே இவருக்கு எமனாகிடுச்சு. இந்த வைத்தியம் சைட் எபக்ட் ஆகிடுச்சு என்று சொல்றாங்க.

எழில் : உங்களின் பகிர்வு வருத்தமளிக்கிறது கலாகுமரன்
கலாகுமரன் : ஆங்கில மருத்துவத்தில் சைட் எபக்ட் சொல்லலாம். இது புரியல.
எழில் : நான் கேள்விப்பட்ட விஷயம் சரியான்னு தெரியாது ... அரைகுறை நாட்டு வைத்தியர்கள் பயன்படுத்தும் மருந்துகளில் ஆர்சனிக் முதலான விஷப் பொருட்கள் கலக்கறாங்களாம்

கலாகுமரன் :  ஆர்சனிக் கொடிய விசமாச்சே...சின்னவயசுல இருந்தே நண்பர் குடிச்சிட்டு இருக்கார். எல்லாம் சேர்த்துவச்சு உடம்ப பாழாக்கிடுச்சு. கடந்த ஆறு மாசமா குடியை விட்டு இருந்தார்.

எழில் : உடனடி வலி நிவாரணியாம்... கொஞ்சமா சேர்ப்பாங்களோ...
கலாகுமரன் : கடந்த ஆறு மாசமா உணவு முறையை சுத்தமா மாத்திட்டாரு. அது பயனில்ல ஆர்கன்ஸ் செயல் இழக்க ஆரம்பிச்சிடுச்சு. நண்பர்கள் சொல்றது இத நிறுத்த முயற்சி செஞ்சிருக்க வேண்டாங்கரது, இது எனக்கு இன்னும் அதிர்ச்சி கொடுக்கரதா இருந்துச்சு.

எழில் :  எத்தனையோ பேர் சில மது நிறுத்தும் முறைகள் கையாண்டு நலமாகியிருக்கிறார்களே... இவருடைய பிரச்சனை என்னவென்று தெரியவில்லை...
தெரிந்த ஒரு பையன் ஹோமியோ முறையில் ஹன்ஸ் பழக்கத்திலிருந்து மீண்டிருக்கிறானே..

கலாகுமரன் : மருந்து எடுக்க ஆரம்பிச்சப் பிறகு, கணயத்தின் சுரப்பு பாதிக்க ஆரம்பிச்சுது. வயிற்றில் நீர் கோர்க்க ஆரம்பிச்சிடுச்சு. முகம் கால்கள் வீக்கம். அதுக்கு பிறகு ஆங்கில வைத்தியர் கிட்ட போய் அத சரி செஞ்சாங்க. ஆனா பின் விழைவுகள் சரி ஆகல once failed not retrived.

எழில் :  ஓ...பரிதாபம் தான்.

கலாகுமரன் : எழில், போதை பழக்கம் வேற குடி பழக்கம் வேற.
உங்கள் கருத்து மயிலன்

மயிலன் : ஆயுர்வேதம் பக்கவிளைவுகள் அற்றது என்பது ஒரு போலி பிம்பம்.. மிளகு சாப்பிட்டால் சலி குணமாகும்.. இஞ்சிக்கும் சில மருத்துவ குணங்கள் உண்டு.. ஆனால் காரசாரமான இவை தொடர்ந்து உட்க்கொள்ளும் பட்சத்தில் மேல்உணவு குழாய்க்கு புற்றுநோய்க்கான காரணிகளாக மாறும் வாய்ப்பு உண்டு.. உடனே பொதுப்புத்தி மிளகு சாப்பிட்டால் புற்றுநோய் வருமென இதனை பொதுமைப்படுத்த பிரயத்தனப்படுத்ல் தவறு.. அலோபதி மருத்துவத்தில் நான்கு நிலை ஆய்விற்கு பின்னரே ஒரு மருந்து புழக்கத்திற்கு வரும்.. அதீத பக்கவிளைவுகள் கொண்டவை புழக்கத்திற்கு வருவதேயில்லை.. தவிர சில மருந்துகள் வெளி சந்தைக்கு வந்தப்பின் எதிர்பாரா பக்கவிளைவுகள் வந்துவிட்டால் உடனே பின்வாங்க படுகிறது... இதனை அங்கீகரிக்க கட்டுப்பாடு குழுக்கள் இருக்கின்றன.. ஆனால் ஆயுர்வேத்த்திற்கு வரையறுக்கப்பட்ட ஆய்வுகளும் தணிக்கைகளும் மிக குறைவு.. காலந்தொட்டு நம்பப்படும் பக்கவிளைவற்ற மருத்துவ வடிவம் இன்றும் ஏற்றுக்கொள்ளப்படுவது அறியாமை,, பக்கவிளைவுகள் ஆய்வுகள் பெரிதாய் நடப்பதில்லை.. செடிகளை மருந்து என நம்பும் கூட்டம் அரளியும் ஒரு செடி என்பதை மறந்துவிடுகிறது... மேலும்,ஒரு நண்பர் இங்கே சொல்லியிருப்பது போல போலி புல்லுருவிகளின் அயோக்கியத்த்தனமும் இதற்கு காரணம்.. விஷ தாதுக்களை கணிசமான அளவு கலந்து கொடுத்த்து உறுப்புகளை காலிபண்ணுகிறார்கள்.. மேலே இறந்ததாய் கூறப்பட்டவருக்கு குடியால் கெட்ட உறுப்புகளை இந்த தாதுக்கள் முழுதும் நாசமாக்கி இருக்கும்... லெட், காப்பர், ஆர்சீனிக் என எல்லாமே கல்லீரலையும் சிறுநீரகத்தையும் சீக்கிரம் செயலிழக்க வைக்கும்...


கலாகுமரன் : நன்றி மயிலன்...சுரேஸ்குமார், குடி பழக்கத்தை விட்டுடலாம்னு நினைக்கிறவங்களுக்கு உங்க அட்வைஸ்.

(வீடு வலைத்தளத்தள பதிவர் )

குடிய நிறுத்த சொல்லுகின்ற அனைத்து வைத்தியங்களும், பிளாட்பார மூலிகை அரைகுறை வைத்தியர்கள்தான், எந்த போதையையும் நிறுத்துவதற்கு ஆயுர்வேதத்தில் மருந்து கிடையாது...அத்தனையும் பக்கா பிராடு! அலோபதியில் மட்டும்தான் அதற்கான சிகிச்சையுள்ளது..அதுவும் அனைவருக்கும் ஏற்றது அல்ல...சாதாரண புகைபிடிக்கும் பழக்கத்தை நிறுத்த எடுக்கப்படும் அலோபதி மருந்தே பக்கவிளைவுகளை சிலருக்கு ஏற்படுத்தும். மனபயிற்சி, தியானம், யோகா போன்றவை பலன் தரும்.

இப்ப உங்களுக்கு ஒரு சந்தேகம் வரும் ஒவ்வொருத்தரும் ஒவ்வொரு இடத்தில இருக்கீங்க உரையாடல் எப்படி எங்கே?
இதுக்கு தான் மார்க் நமக்கு முகபுத்தகம் (Face Book) சமூக  தளத்தை ஏற்படுத்தி கொடுத்து இருக்காரே உலகத்தின் எந்த மூலையில் இருந்தாலும் உடனுக்கு உடன் தகவல் பரிமாற்றம் செய்ய முடியுமே.

இங்கு வெளியிடப்பட்ட  கருத்துக்கள் அவரவர் சொந்த கருத்தே, உங்களுக்கும் இதில் மாறுபட்ட கருத்து அல்லது முரண்பாடு இருக்கலாம், இருப்பின் பின்னூட்டத்தில் தெரிவிக்கவும். எந்த ஒரு மருத்துவரையோ மருத்துவத்தையோ இழிவு படுத்தும் நோக்கம் இல்லை என்பதை கவனத்தில் கொள்க.

* * * * *

நேற்று இரண்டு படங்கள் போட்டு இருந்தேன் அதில் முதலாவது ஒரே படத்தில் உள்ளீடாக (ஒன்றினுள் ஒன்றாக) விலங்குகளின் நிழல்கள் உள்ளன. யானை மேலே ஒரு மனிதனும் இருக்கிறான். அதில் கேட்கப் பட்ட கேள்வி எத்தனை விலங்குகள் உள்ளன.

மிருகம் vs மனிதன்

இதற்கு அறிவியல் பூர்வமான விவாதத்தின் படி, இயற்கையின் படைப்பில் மிருகமும், மனிதனும் இவ்வுலகத்தின் தோன்றிய உயிர்கள். விலங்குகள் ஒவ்வொன்றும் மில்லியன் ஆண்டுகளாக தோற்ற மாறுபாடும் வளர்ச்சியும் பெற்று வந்துள்ளன. விலங்குகளின் பிற்பாடு மனிதன் தோன்றி இருக்க வேண்டும் (டார்வின் கோட்பாடு)

மனிதன் மற்றும் மிருகம் இவற்றிற்கான வேறுபாட்டை ஈ.வே.ரா பெரியார்  கூறிய கருத்துக்கள் :

மனிதன் விலங்குகளிலிருந்து எந்த அளவு வேறுபட்டுக் காணப்படுகிறான் ? என்று சிந்திக்கோனும், மனிதன் என்பவன் மிருகங்களை, பறவைகளைவிட அறிவு அதிகம் பெற்றவன்; சுற்றுச் சார்புக்கு ஏற்றவாறு தனது அறிவின் காரணமாக மாற்றி யமைத்துக் கொண்டு வாழ்பவன் அவன் தான் மனிதன்,  ஆனால் இன்று நடப்பதென்ன? ஒருவனை யருவன் வஞ்சிக்கிறான் திருடுகிறான்; கொலையும் செய்கின்றான் என்றால் மனிதனுக்கும் மற்ற மிருகங்களுக்கும் என்ன மாறுபாடு இருக்கின்றது?

சரி அந்த கேள்விக்கான பதில் (8) அனைத்துமே.

அடுத்து ஒரு அணில் பிள்ளை குட்டியை கைகளில் வைத்து இருக்கிற படம். ஏதேனும் ஒரு காரணத்தினால் குட்டி அனாதையாக விடப்பட்டால் இன்னொரு அணில் பிள்ளை அதை தத்து எடுத்து பாதுகாத்து வளர்க்கும். ஆறறிவு உள்ள மனிதன் குழந்தையை குப்பை மேட்டில் வீசி செல்வதை பார்க்கிறோம். இந்த தகவல் மேலே கேட்கப்பட்ட கேள்விக்கு துணை பதில்.

இதே பதிலை தோழி எழிலின் பதிவில் இருப்பதை பார்த்து ஆச்சர்யம் அடைந்தேன் நீங்களும் படித்து பாருங்களேன்;

நிகழ்காலம் எழில் : சமூக சிந்தனை கட்டுரைகள். 

அணில் பிள்ளை......

பெரியாரின் சிந்தனைத்துளிகள் -9

வீடு சுரேஷ் சிறுகதைகள் : சமூக சுழலை, காட்சியை நம் கண் முன் கொண்டுவருகின்றன இந்த கதைகள்.

என்பிலதனை வெயில் காயும்

மல்லி என்கின்ற ராதா 



 மயிலிறகு மயிலன் குறுங்கதைகள்:

யார் பெண்ணே நீ?

 மணிமொழியும் மரணித்த பொழுதுகளும்...

 

பாசிடிவ் செய்திகள்  என்ற தலைப்பில் சமூக அக்கரை பதிவுகளையும், வார வாரம் ஞாயிறு வித்தியாசமான புகைப்பட பகிர்வுகளையும் 

எங்கள் ப்ளாக்கில் தருபவர்  K.G. கவுதமன்

ரசித்த பதிவில் இதுவும் : சோம்னாம் ரியலிசம்!



ரசித்தவை, நினைவில் நிற்பவை என்ற டைடில் கார்டில்  அனுபவ முத்திரைகளை பதித்து வருபவர் சுப்புதாத்தா
இதுவும் காபிதான்     சமீபத்திய பதிவு
சங்கீதம் தான் தெரியல்ல, கொஞ்சம் இங்கிதமாவது வேண்டாமோ..?
அது என்ன இங்கிதம் ? (எனக்கும் தெரியல !)





இணையத்தில் படித்ததின் தழுவல்!  ஆக இருந்தாலும் சுவாரசிய தழுவல் காட்சியை இரண்டொரு வார்த்தைகளில் வவரிப்பது சுவரஸ்யம் படித்து பாருங்கள் .

நான் பேச நினைப்பதெல்லாம் பிரபல மூத்த பதிவர் சென்னை பித்தன் அவர்களின்   தேடி வந்த ஆவி! 

 கார்த்திகைப் பூத்தூவிக்
காத்திருப்போம் மாவீரரே!
பார்த்திருங்கள்! போற்றும் நம்மீழம்
புலருமே விரைந்து!
மண்ணில் உறங்கிடும் வித்துக்கள்!.. கைவேலைப்பாட்டுடன்  கவிதைகளில் நம்பிக்கையும் விதைக்கிறார்   இளமதி.

அழகான வடிவமைப்போடு திரைபாடல் வரிகள், குறள் விளக்கத்துடன் ஒவ்வொரு பதிவையும் செதுக்கி நம்மை சிந்தனை வசப்பட செய்பவர் பதிவர்களால் "பின்னூட்ட புயல்" என்ற செல்லமாக அழைக்கப்படும் நண்பர் திண்டுக்கல் தனபாலன் அவர்களின் அனுபவப் பதிவுகளில் ஒன்று
சிரிச்சிட்டு போய்கிட்டே இருப்பேன்




திடங்கொண்டு போராடு - சீனு வின்
ரயிலோடும் பாதை  அனுபவப்பூர்வமான உணர்ச்சிகளை கொட்டி தீர்க்கிறது

அதி விரைவாகவும் பலவித சப்தங்களோடு பயனித்த ரயில் இறுதியில் மெளனமாக...நிசப்த இருளில்.... என்ற என்னுடைய பின்னூட்டத்தை பதித்தேன்.



அர்த்த ராத்திரி...!(சிறு கதை)  சமூக சிறுகதை  தவறு நெருப்பின் மேல் ஆசைப்பட்ட விட்டில் மீதா?  கவிதை தளத்தில் நண்பர் சீனி.





படக்கதை வழங்கியவர் :   ஜி.டி என செல்லமாக அழைக்கப்படும் காயத்ரி தேவி
குறிஞ்சி மலர்கள்... !!!


கழுகுக்கூட்டங்கள் எனும் கட்டுரையில் அவருக்கு ஏற்பட்ட மருத்துவ அனுபவம் பற்றி  சொல்கிறார் நண்பர் ஜோதிஜி தமது தேவியர் இல்லத்தில்...



முருகானந்தன் கிளினிக் என்ற வலைத்தளத்தில் மருத்துவம் சார்ந்த பதிவுகளை வழங்கி வருகிறார் டாக்டர் M.K. முருகானந்தன்

சிந்தனைக்கு இரண்டு படங்கள்

இது கிராபிக்ஸ் படம் அல்ல ஒரு பென்சில் ஓவியம் தத்ரூபமாக வரைந்தவர் ரஷ்ய ஓவியர் ஒளேகா மெலமோரி ( Olga Melamory)

 

"அவன் உன் அந்தரங்க பகுதியை தொட்டானா" -  "ஆ..மா"

இந்த கார்டூன் நகைச்சுவைக்காக மட்டுமல்ல... பெண்கள் மீதான வன்கொடுமையை பட்டவர்தனமாக  குறியீடாக சாடுகிறது. (மனிதன் மிருகத்தை விட மேலானவனா...!)

மீண்டும் உங்களை நாளைய பதிவில் சந்திக்கிறேன்,

அன்புடன்,

கலாகுமரன்.

மேலும் வாசிக்க...

நன்றி வலைச்சரமே !!

வலைச்சரத்தில் என்னுடைய கடைசி பதிவு. இது கொஞ்சம் வருத்தமாக தான்
இருக்கிறது. இனி வலைச்சரத்தை வாசிக்கும் வாசகனாக மட்டுமே உறவு வைத்துக் கொள்ள முடியும்.

இந்த ஒரு வாரம் தனிப்பட்ட முறையில் பல சாவல்களை தாண்டி தான் பதிவிட வேண்டியதாக இருந்தது. குறிப்பாக, என் கம்ப்யூட்டர் ஹார்ட் டிஸ்க் கிராஷ். எல்லா பதிவுகளும் அலுவலகத்தில் எழுதி, ட்ராப்டில் வைத்து ஒவ்வொரு நாள் காலை பப்ளிஷ் செய்ய வேண்டியதாக இருந்தது.

இந்த ஒரு வாரம் வாசகர்களிடம் மொக்கை போடாமல், என்னால் முடிந்த அளவுக்கு வலைப்பதிவுகளை திரட்டி பகிர்ந்துக் கொண்டேன் என்று நம்புகிறேன். குற்றம், குறை இருந்தால் எனது மின்னஞ்சல் முகவரிக்கு tmguhan@yahoo.co.in தெரியப்படுத்தவும்.

வலைச்சரத்தில் எனது கடைசி பதிவு என்பதால், வலைப்பதிவில் எனக்கு பிடித்தவர்களைப் பற்றி நான் பகிர்ந்து கொள்கிறேன்.

 *

யெஸ். பாலபாரதி. வலைப்பதிவர்களின் 'தலை யாய் இருந்தவர். இப்போது, பத்திரிக்கையில் ரொம்ப பிசியாக இருப்பதால், மிக அரிதாகவே பதிவிடுகிறார். இவர் எழுதும் 'ஆட்டிசம்" பட்டிய தொடரை வாசகர்கள் அவசியம் படிக்க வேண்டிய ஒன்று.

 *

என்.சொக்கன். பா.ரா கிழக்கில் இருக்கும் போது, நான் எழுத நினைக்கும் தலைப்புகளை சொல்வேன். ஒவ்வொரு முறையும் பா.ரா அவர்கள் 'சொக்கன் எழுதுறான்ப்பா' என்பார். இவர் நிஜமாகவே ஐ.டி. துறையில் வேலை செய்கிறாரா ? என்ற சந்தேகம் வரும். ஒரு முறை அவரை நேரடியாகவே கேட்டுவிட்டேன். நான் தூங்குவது குறைவு என்றார். எழுதுவதில் அசுர உழைப்பாளி என்று சொல்லலாம்.

 *

மருதன். இவரைப் பார்த்து பேசும் போது கம்யூனிசத்தை ஆதரிப்பவர்கள் இன்னும் இருக்காறார்களா என்ற எண்ணம் வந்தது. சே, பிடல் காஸ்ட்ரோ, லெனின் என்று எல்லா கம்யூனிசத் தலைவர்களை புத்தகம் எழுதியிருக்கிறார். மிக அரிதாகவே வலைப்பதிவு பக்கம் வருவார்.

 *

பத்ரி. கிழக்கு பதிப்பகத்தின் உரிமையாளர். பதிப்பு தொழிலில் எனக்கு மானசீக குரு. இவரை பார்த்து தான் நான் சூடுப் போட்டுக் கொண்டேன். இவர் மீது எனக்கு பல விமர்சனங்கள் இருந்தாலும், பதிப்பகத்தில் இவருடைய பதிவுகள் தான் எனக்கு உத்வேகமாய் இருந்திருக்கிறது.

*

அடுத்து, என் இனிய நண்பர்கள் 'கேட்டால் கிடைக்கும்' சுரேகா, கேபிள் சங்கர் மற்றும் வாசக நண்பர்களுக்கு என் நன்றியை இவ்விடத்தில் தெரிவித்துக் கொள்கிறேன்.

 நன்றி வலைச்சரமே !!

மேலும் வாசிக்க...

அனுபவம் புதுமை !!!

சமூகத்தில் நாம் ஒவ்வொரு நாளும் ஒவ்வொரு அனுபவத்தை சந்தித்துக் கொண்டு தான் இருக்கிறோம். சில அனுபவங்கள் ஒரு ஊழலில் அடுத்த ஊழலை மறந்துப் போவது போல் இருக்கும். ஒரு சில அனுபவங்கள் 83ல் கிரிக்கெட்டில் வெற்றிப் பெற்ற உலக கோப்பையை 2011 வரை நினைவில் வைத்து கொண்டது போல் நீங்காமல் இருக்கும்.

நண்பர்கள் சிலர் தங்களது பதுவுகளில் தினசரியில் நடந்த வித்தியாசமான அனுபவத்தை பகிர்ந்து கொண்டு, அவர்களின் அனுபவத்தையும் பாடத்தையும் நமக்கு கொடுத்திருக்கிறார்கள்.

*
சமூக அனுபவம்

'வீடுதிரும்பல்' மோகன் முன்பே வலைச்சரத்தில் பொறுப்பாசிரியர் ஏற்று பிரபலமானவர். அவர் முன் நடந்த சாலை விபத்துக்களைப் பற்றிய தனது அனுபவங்களை எழுதியிருக்கிறார். நமக்கு வண்டி ஓட்டும் போது கொஞ்சம் குடும்பதை நினைத்து ஓட்ட வேண்டும் என்ற பொறுப்புணர்வை கொடுத்திருக்கிறார். 

இனிய நண்பர் சுரேகா "கேட்டால் கிடைக்கும்" பதிவில் மூலம், நம்மிடம் நமக்கே தெரிந்து திருடும் கார்ப்ரேட் மால்கள், தியேட்டர்கள், பெரூந்துகள் என்று பல விஷயத்தை பகிர்ந்து பலருக்கு விழிப்புணர்வு ஏற்படுத்தியுள்ளார். இவர் எழுதும் பதிவால் நம்மை "எவனோ ஒருவன்" மாதவன் போல் ஆக்கிவிடுகிறார். சில இடங்களில் நானும் சண்டைப் போட்டு வெற்றிப் பெற்றுயிருக்கிறேன்.

மருத்துவார்களின் மாற்றத்தை நம் வாழில் கடந்து போது, பெரிய விஷயத்தை தனது சின்ன பதிவில் நொந்தக்குமார் சொல்லியிருக்கிறார்.

*
சுய அனுபவம்

சமூக பிரச்சனை மட்டும் அல்லாமல் ஒரு சிலர் தங்கள் அனுபவத்தை நகைச்சுவையாக எழுதியிருக்கிறார்கள்.

உலகநாதன் தனது வீட்டு சாவியை தொலைத்த அனுபவத்தை இனியவன் என்கிற உலகநாதன் சொல்லும் போது கொஞ்சம் சிரிப்பு தான் வருகிறது.

கிரி என்ற பதிவர் தனது சிங்கை பஸ் பயணத்தில் பார்த்த பக்திமானை பற்றிய அனுபவம் நல்ல நகைச்சுவையாக கொடுத்திருக்கிறார். இறுதியில், ‘தவசி’ பட நகைச்சுவை வீடியோ இணைப்பை கொடுத்து அந்த காட்சியோடு நடந்த சம்பவத்தை ஒப்பிட்டு நம்மை சிரிக்க வைக்கிறார்.

*
சாப்பாட்டு அனுபவம்

 பலருக்கு கேபிள் சங்கர் என்றால் சினிமா விமர்சனம் தான் ஞாபகம் வரும். ஆனால், எனக்கு அவர் எழுதும் சாப்பாடுக்கடை ஹோட்டல் தான் நினைவுக்கு வரும். வார இறுதியில் இவர் அறிமுகம் படுத்தும் ஹோட்டலுக்கு ஒரு முறை சென்று சுவைப்பதை வாடிக்கையாக்கிவிட்டேன். அவர் அறிமுகப்படுத்தும் உணவகங்களை நண்பர்கள் ஒரு முறை முயற்சித்து பார்க்கலாம். 

பஜ்ஜி சாப்பிடுவது எல்லாம் ஒரு அனுபவமா என்று நினைத்து தான் ருபக்ராமின் இந்த வலைப்பதிவை படிக்க தொடங்கினேன். படித்து முடித்ததும், நமக்கும் மழைச்சாரலில் சுடான வடை, பஜ்ஜி சப்பிட வேண்டும் போல இருந்தது. பஜ்ஜி கடை தேடி செல்கிறேன்.

மீண்டும் நாளை சந்திப்போம்.

மேலும் வாசிக்க...

உடைத்தெறியப்படும் மௌனங்கள்!

புதிய கட்டடங்கள், அழகு பாதைகள்
புதிய சட்டங்கள்..
எல்லாமே மாறிக் கொண்டிருக்கின்றன
உனது வீடு மட்டும்
அப்படியே இருக்கிறது 
ஓலைக் கூரையோடு -
நிறைவேறாத உனது கனவு போல

-அஷ்ரப் சிஹாப்தீன்

இனி இன்றைய எனது அறிமுக பதிவுகளை பார்ப்போம்!

சமுத்ரா- வார்த்தைகளில் இருந்து மௌனத்திற்கு என்ற பக்கத்தில் நண்பர் சமுத்ரா எழுதி வருகிறார். நிறைய பதிவர்களைப்போல் சினிமா அரசியல் பொழுதுபோக்கு என்று எழுதாமல் நிறைய அறிவியல் கட்டுரைகள் அணு அண்டம் அறிவியல்! எழுதுகிறார் இது போக வாராவாரம் பல விடயங்களை தொகுத்து  கலைடாஸ்கோப்  எனும் பல்சுவை தொகுப்பையும் எழுதுகிறார். அவ்வப்போது கவிதையும் எழுதுகிறார்

சே.குமார் மனசு என்ற தளத்தில் அனுபவம்,ரசித்தது,பிடித்தது,கவிதைகள் என நிறைய விட்யங்களை பகிர்ந்து வருகிறார். மற்றவர்களின் பதிவுகளுக்கு தொடர்ந்து பின்னூட்டம் போட்டு ஆதரவும் தெரிவிக்கிறார்.அன்மையில் வட்டியும் முதலும் ராஜு முருகனின் கட்டுரையொன்றை பகிர்ந்திருந்தார் படிப்பதற்கு இதமாக இருந்தது. இவ்வளவு பேரும் எங்க போறாங்க?

பாலா அவர்கள் பாலாவின் பக்கங்கள் என்ற தளத்தில் அருமையான பல பதிவுகளை எழுதியிருக்கிறார் சினிமா,அரசியல்,அனுபவம் என அதிலும் கிரிக்கெட் மீது கொண்ட காதலால் நிறைய விளையாட்டு பதிவுகளும் எழுதியிருக்கிறார் அவை யாவும் என்னை மிக கவர்ந்தவை. எப்படியிருந்தவங்க இப்புடி ஆயிட்டாங்களே என தற்போதைய சில தமிழ்சினிமா இயக்குனர்கள் பற்றியும் சுவையாக எழுதியிருக்கிறார்.கழுதை தேய்ந்து கட்டெறும்பானது. 

நிசப்தம் என்ற தளத்தில் அரசியல்,அனுபவம் மற்றும் வாழ்க்கையில் சந்திக்கும் வித்தியாசமான மனிதர்களை பற்றியும் மிகச்சிறப்பாக பதிந்து வருகிறார் நண்பர் வா.மணிகண்டன் இவர் எழுதியதில் மிகப்பிடித்த இரண்டு பதிவுகள்   முஸ்லீம்ஸ் ஏமாத்திடுவாங்க  முஸ்லீம்ஸ் ஏமாத்தமாட்டாங்க.

பட்டிக்காட்டான் பட்டணத்தில்   இது நண்பர் ஜெய்யின் தளத்தின் பெயர். அனுபவம், நகைச்சுவை காமெடி கும்மி என நகைச்சுவை மழை பொழிந்து கொண்டிருக்கிறார்.. தனது சின்ன வயது பாடசாலை அனுபவங்கள் பற்றி அவர் எழுதிய பதிவு விழுந்து விழுந்து சிரிக்க வைக்ககூடியது எனக்கு மிகப்பிடித்த பதிவுகளில் ஒன்று நான் நாலாப்பு பெயிலு.

கசியும் மௌனம் ஈரோடு கதிர் நகரத்து மண்ணில் பாய்ந்த கிராமத்து வேர் என தன்னை அறிமுகப்படுத்திக்கொள்கிறார். இவரின் அழகிய தமிழுக்கும் கவிதைக்கும் நச் என்றிருக்கும் கீச்சுகளுக்கும் நான் ரசிகன். ஒரு விமான விபத்தில் சிக்கி யாருமற்ற தீவொன்றில் தனியாளாய் நான்கு வருடங்கள் தனிமையில் வாழ்க்கையை நகர்த்தியவனின் உண்மையை கதை சொல்லும் cast away என்ற திரைப்படத்தை எவ்வளவு அழகாக விபரிக்கிறார் இங்கே. தனிமையின் மொழி-CAST AWAY!

மேலும் வாசிக்க...

நனைந்துவிட்டேன்,சற்றென்று பெய்த மழையில்!

சற்றென்று என்னை
கடந்து சென்று விடுகிறாய்
அங்கேயே சுற்றித்திரிகிறது மனசு
உன்னை ரசித்தபடியே
முன்னறிவிப்பில்லாமல்
வந்த மழையில்
ரசித்துக்கொண்டே நனையும்
விவசாயி போல!!

இது நான் கிறுக்கினது! இது போன்ற அபாயங்கள் இன்னும் ஒரு வாரகாலத்திற்கு உங்களை எதிர்பாராமல் தாக்கலாம் எதற்கும் தயாராக இருந்து கொள்ளுங்கள் என்ற எச்சரிக்கையோடு இன்றைய வலைச்சரத்தினை ஆரம்பிக்கிறேன். இன்று நான் படித்து ரசித்த/பிடித்த சில பதிவுகளை இங்கே அறிமுகம் செய்ய இருக்கிறேன். இவற்றை ஏற்கனவே நீங்கள் படித்திருக்கலாம். எல்லோரும் பிரபலமானவர்கள்தான்.

வானம் வெளித்த பின்னும் என்ற தளத்தில் கவிதைகளால் கதை பேசுபவர் ஹேமா அக்கா. யாழ்ப்பாணத்தில் பிறந்து யுத்தம் எனும் ராட்சசனால் துறத்தப்பட்டு தற்பொழுது சுவிசில் வசித்து வருகிறார். அவருடைய கவிதைகள் ஒவ்வொன்றும் உணர்வுக்குவியல்கள். அவரின் இன்னுமொரு தளமான உப்புமட் சந்தியில் 1970 களில் இலங்கையில் ஏற்பட்ட பெரும் பஞ்சத்தின் போதான மக்களின் நிலைமைகளை அழகாக விபரித்திருந்தார் பாணும் பஞ்சமும் ஸ்ரீமா அம்மாவும். கனத்த மனதுடனேயே படிக்க வேண்டியிருந்தது.

மாணவன் என்ற வலைப்பதிவை நீங்கள் பலர் அறிந்திருக்கலாம. அதில் மாணவன் என்ற பெயரில் எழுதி வரும் நண்பர் வரலாற்றில் சாதனைப்படைத்த பல வரலாற்று நாயகர்களை  பற்றியும் சிறப்பாக பதிந்து வருகிறார். படிக்கும் மாணவர்களுக்கும் வரலாற்றை தெரிந்துகொள்ள முற்படுபவர்களுக்கும் இது பயனுள்ள நிறைய தகவல்களை சொல்லும் தளமாகும். இது இது தான் சிறந்தது என குறிப்பிட்டு சொல்ல முடியாது எல்லாம் சேமித்து வைக்க வேண்டிய முத்துக்கள்தான்.

சிறந்த எழுத்து என்பது படிக்கும் போதே மனதில் பதிந்து உண்ர்வுகளில் நுழைந்து விட வேண்டும்.Warrior என்ற பக்கத்தில் தன் சிறப்பான எழுத்தாற்றலால் அற்புதமான பல பதிவுகளை எழுதிவரும் தேவா அவர்களை சிறந்த எழுத்தாளர் என்ச்சொல்வதில் எந்த தயக்கமும் இல்லை! அவர் எழுதியதில் எல்லாமே பிடித்தது என்றாலும் மிகப்பிடித்ததில் சில.
விடுமுறை நாளொன்றில்.
வாய்மை
 வானமகள் நாணுகிறாள்

இன்று உலகில் ஒவ்வொருநாளும் பல தற்கொலைகள் நடந்தவண்ணமே இருக்கின்றன. அவற்றுக்கான காரணங்கள் வெவ்வேறு விதமானவை! இவற்றில் பெரிய அழுத்தங்களால் அவமானங்களால் தற்கொலை செய்வோரை விட்டுவிடுவோம்! சின்ன சின்ன காரணங்களுக்காக அப்பா அம்மாவுடன் கோபித்துக்கொண்டெல்லாம் தற்கொலை செய்வோரின் மனநிலையைத்தான் புரிந்து கொள்ளமுடியவில்லை.அப்படி தன் உயிரை மாய்த்துக்கொண்டுதான் அவர்கள் பக்க நியாயங்களை புரிய வைக்க வேண்டுமா? அதன் பின் சம்பந்தப்பட்டவர்கள் மனதில் இவர்கள் விட்டுச்செல்வது அழிக்க முடியாத வேதனை அல்லவா? என்னைச்சுற்றியும் இதுபோன்ற சம்பவங்கள் நடைபெற்றிருக்கின்றன. என் மாமா ஒருவர் (அம்மாவின் தம்பி) தந்தை அடித்துவிட்டார் என்ற ஓரே காரணத்துக்காக தன்னுடைய 16 வயதில் விஷமருந்தி தற்கொலை செய்துகொண்டாராம்!, ஊரில் என்னுடன் கூடபடித்த மாணவியொருத்தி சிறிய காதல் பிரச்சினைக்காக தற்கொலை செய்துகொண்டால் அதுவும் 16 வயதில்! என் நண்பனொருவனும். தன் மனைவியும், அம்மாவும் எப்போதும் சண்டைபிடித்துக்கொள்கிறார்களே என்ற விரக்தியில் தற்கொலை செய்து கொண்டான் 6 மாத குழந்தை இருக்கையில்! ஏன் இப்படி? இதெல்லாம் தீர்க்க முடியாத பிரச்சினைகளா? இதெற்கெல்லாம் தற்கொலைதான் தீர்வா? என்று பல முறை நான் சிந்தித்ததுண்டு. இதே மனநிலையில் மயிலிறகு என்ற பக்கத்தில் எழுதும் மயிலன் அவர்களும் ஒரு பதிவெழுதியிருக்கிறார்.கவனத்திற்குரிய இரங்கற்செய்தி. அவர் ஒரு டாக்டர் என்பதால் அவர்களின் மனநிலையையும் அவற்றுக்கான காரணங்களையும் அருமையாக விபரிக்கிறார்.

ஹுசஸனம்மா அவருடைய தளத்தில் மிக சிறந்த கருத்துக்கள் கொண்ட அருமையான பதிவுகள் எழுதி வருகிறார். அவரின் டிரங்குப்பொட்டி   பல உலக நடப்புகளையும் சொல்லக்கூடியது. சுவாரஷ்யமான சிறுகதைகளும்   எழுதுகிறார். இன்னும் பலன் தரக்கூடிய பதிவுகள் பலவும் அங்கே கானக்கிடைக்கும். சின்ன  சின்ன வலிகளுக்கெல்லாம் வலி நிவாரணி மாத்திரைகள் பயன்படுத்துவதால் ஏற்பாடும் தீங்குகளை பற்றியும் சொல்கிறார். வலியெனும் வரம்.

கோமாளி என்னும் தளத்தில் எழுதிவரும் நண்பர் செல்வாவின் நகைச்சுவை கதைகள் எனக்கு மிகப்பிடித்தமானது. இப்போது அதிகமாக எழுதக்கானோம்! அவர் எழுதிய மீண்டும் ஒரு எலி என்ற சிறுகதை நான் இதுவரை படித்த நகைச்சுவை சிறுகதைகளில் மிகச்சிறந்தது என்பேன். நகைச்சுவை மற்றும் சிறுகதை விரும்பிகள் சென்றுவாருங்கள். இன்னும் ஒரு எலி.

மேலும் வாசிக்க...

2521.இறுதியில் ஒரு ரகசியம் சொல்றேன்

தொலைகாட்சியில் சில வினாடிகள் அறிமுகம்,ஆனால் அது தரும் பூரிப்பை பாருங்கள் !

அனைவருக்கும் பொங்கல் வாழ்த்துக்கள் ! என்னை விட்டுவிட்டு பொங்கல் சாப்பிடும் உங்கள் அனைவருக்கும் இனிப்பான அறிமுகங்கள் இன்றும் (கரும்பு யாரவது அனுப்புங்களேன் ருசிபார்த்து ரொம்ப நாளாச்சு ஹி ஹி )

குருநாதசுந்தரம் கவிதைகள் 

   இது அன்பர் குருநாதசுந்தரம் அவர்களின் தளம். புதுக்கோட்டையை சேர்ந்தவர் நல்ல தரமான கவிதைகள் படைத்தது வருகிறார் . படித்து பாருங்கள் அதில் எனக்கு பிடித்தவை ..

நானும் கரும்பலகையும் 

நானும் மாணவனும் 

இது எப்படி  

இங்கே நபர் ஷாபி அஹமது அறிவியல் மற்றும் தொழில்நுட்ப தகவல்களை காணொளி தொடராக தந்து வருகிறார் . மிகவும் பயனுள்ள தளம் பார்த்து பயனடைவோம் ....

எண்ணங்கள் ஆயிரம் 
சகோதரி ஆர்.வி.ராஜி அவர்களின் மணம்வீசும் வலைப்பூ இது.இங்கே போடோஷாப் பற்றிய தகவல்களும் கிடைக்கும் கவிதைகளும் கிடைக்கும்.படித்து பாருங்கள் எனக்கு இந்த கவிதைகள் ரொம்ப பிடித்தது ..

சிறந்த ஆயுதம்தானுண்டோ 

இது கொஞ்சம் ஓவரா தான் இருக்கோ 


தமிழ் இசை 

தமிழ் தேனை இசை என்னும் பருக இச்சை என்று சொல்லும் இசைபா குழுவினரான ஓஜஸ் மற்றும் தமிழ் ஆகியோரின் வலைப்பூ இது .இங்கே நல்ல நல்ல பாடல்கள் வரிகளுடன் கேட்டு மகிழலாம் .....

நேர்வழி 
இது சகோதரி ஆஷா பர்வின் அவர்களின் வலைப்பூ பல தலைப்புகளில் காரசாரமாக கதைகள்,கட்டுரைகள் எழுதி வருகிறார் மிகவும் புதியவர்! படித்து பயன்பெறுவோம் ..........
---------------------------------------------------------------------------------------------------

தந்திரங்கள் எல்லாம் மந்திரங்கள்
ஆனது ஆன்மிகத்தில் !
அருவருப்புகள் எல்லாம்
ராஜதந்திரங்களாம் அரசியலில் !
குப்பைகள் கூட படைப்புகள்
ஆனது கலையில் !
தோட்டத்து பூக்களில் கூட 
மாசுபடிந்து இருக்கையில் 
வலைப்பூக்கள் மட்டும் அழகான
வாசம்வீசும் வாடா மலர்களாவது
வலைசரத்தில் தினமும் தோரனமாவதாலே !

---என்று பாடி என் பணியை இன்றுடன் நிறைவு செய்கிறேன். இந்த 7 நாட்களும் உங்களுடன் நான் மிகவும் ஆத்மார்த்தமாக நடைபோட்டேன். வேலை பளுவுக்கு இடையில் நான் முடிந்த வரையில் புதியவர்களை அறிமுகம் செய்தேன் . குறைகளை மன்னித்து என்னை இந்த 7 நாளும் கவனித்து சிறப்பித்தது போல் தொடர்ந்து ஆதரவு தந்து இங்கே  அறிமுகமானவர்களின் பதுவுகளுக்கும் என் எழுத்துக்கும் சிறகு தந்து என்றும் சிறப்பிக்குமாறு வேண்டி விரும்பி கேட்டுகொள்கிறேன்.

வலைச்சர ஆசிரியர் சீனா ஐயாவுக்கும் அவரது குழுவினர்களுக்கும் என் மனமார்ந்த நன்றிகள்.ஆசிரியராக மட்டும் இன்று விடைபெறுகிறேன் என்றும் மாணவனாக வலைச்சரத்தில் தொடர்வேன் ...நன்றி நன்றி !

Optimist (இன்முகச்செவியர் ,அனைத்திலும் நன்மையே காண்பவர் ) களின் மனம் எப்படி செயல்படவேண்டும் என்ற ரகசியம் சொல்லும் காணொளி இதோ  உங்களுக்கு நான் விடைபெறும் முன் பரிசாக ............

மேலும் வாசிக்க...

2520.மீண்டு( ம் ) மீண்டும் வா

இன்றைய வீடியோ பார்த்தீங்களா .. மாடிப்படி ஏற மறந்தவர்களை கூட அதில் மீண்டும் ஏற வைக்க ஒரு சுவாரசியம் தேவைபடுது இல்லையா. அதே போல மிகவும் சிறந்த பதிவுகள் மூலம் நம்மை மகிழ்வித்த பலர் இன்று பிற சமுக வலைதளங்களின்(Facebook,Twitter,Google+ etc) ஆக்கிரமிப்பில் காணமல் போயி விட்டார்கள் . அவர்கள் அழைக்க இன்றைய பதிவை பயன்படுத்த சித்தம் !


டீக்கடை 
என் அருமை சகோதரர் சிராஜுதீன் அவர்களின் தளம். பல அரசியல் தலைப்புகளில் எழுதி வந்தார்.பதிவுகள் நச்சுன்னு இருக்கும் ஆனா இப்ப வீசிக்கொண்டு இருக்கிற நீலம் புயல் காரணமாக(FACEBOOK லோகோ நீலம் தானே ஹி ஹி ) இப்ப அதிகமா எழுதுவதில்லை. ஆனால் இப்போ குட்டி சொர்க்கத்தில் இருந்து டீக்கடையில் சகோதரி ஆமினா டீ மாஸ்டராக கை கோர்க்க நம்ம சிராஜ் அண்ணன் வடை பஜ்ஜி பகிர மீண்டும் சூடு பிடித்துவிட்டது இந்த டீக்கடை .............

மாணவர்களா பலி ஆடுகளா? 

டெல்லி மாணவி உயிரோடு இருந்திருந்தால் 

ஆ யு த எ ழு த் து 
நண்பர் ராஜகோபாலன் அவர்களின் தளம் இது . இங்கே அவரது அனுபவங்கள் ,ஆதங்கங்கள் ,கவிதைகள் என்று பல பதிவுகளின் மூலம் சிறப்பாக செயல்பட்டு வந்தார்.இப்போது அதிகம் முகநூளில் மட்டும் எழுதி வருகிறார் . அவர் மீண்டும் பதிவுலகில் வரவேண்டும் என்பது என் ஆசை ..

குழந்தைகள்........ வாழ்வியலின் வண்ணங்கள்

அன்னா ஹசாரே காகித காந்தியா ??? பெரிய பூஜ்ஜியமா ???


எண்ணங்களுக்குள் நான் 

இது நண்பர் பாருக் அவர்களின் தளம். இவர் நல்ல வாசிக்கும் பழக்கம் உள்ளவர்.நல்ல தரமான பதிவுகளின் மூலம் மிக குறுகிய காலத்திலேயே விகடன் அறிமுகம் கிடைக்க பெற்றவர். ஆனால் இவரும் இன்று முகநூளில் தான் அதிக நேரம் செலவு செய்கிறார். இவரும் பதிவேன்னும் படிக்கட்டுகளில் ஏற வேண்டும் என்பது என் ஆசை ...

கிராமத்து ஆலமரம் 

ஒரு கதவின் கதை 

இன்னொரு கதை சொல்லி 
 திருவல்லிக்கேணி கோபால்சாமி விஜயகோபால் அவர்கள் மீண்டும் பதிவு எழுத வந்து இருக்கார் . இவரின் சிறுகதைகளை படிக்க இனி இங்கே போயி  படிக்கலாம் ....

இவர்களை போல் பலர் இன்று நல்ல நல்ல பதிவுகள் மூலம் ஆசைகாட்டி, இன்று பல காரணங்களால் நம்மை மீண்டும் சந்திக்க மறுத்துவருகிறார்கள் ! அவர்கள் அனைவரும் மீண்டும் நம்மோடு இணைய அவர்களுக்கு அன்பு அழைப்புக்கொடுப்போம்  ஈமெயில்,எஸ்.எம்.எஸ் என்று தொடர்புகொண்டு அழைத்து வாருங்களேன் ....ஆனால் இந்த இரண்டு ஆண்டுகளில் நான் என் நண்பர் ஒருவர் மட்டும் அழைக்க முடியாத தூரத்திற்கு போய்விட்டார் அவர் நம்ம மாய உலகம் ராஜேஷ் ..... அவருக்கு என்ன ஆனது எப்படி மரணத்தை தொட்டார் என்று ஏதும் அறியேன் ..அவர் ஆத்மா சாந்தி அடைய இறைவனிடம்  பிராத்தனை செய்வோம் ........

                   மாய உலகம் ராஜேஷ் கண்ணீர் அஞ்சலி

ஆம் !நண்பர் ரமேஷின் இந்த தளம் வழியே எனக்கு இந்த செய்தி தெரியும்.அன்பு நண்பர் ரமேஷும் பதிவுலகிற்கு மீண்டும் வரவேண்டும் என்பது என் ஆவல் ....

இனி அறிமுகங்கள் .........

கடற்கரை 
இது நண்பர் விஜயனின் வலைத்தளம் இங்கே பல ஆச்சரியமான செய்திகளை தொடராக தந்து வருகிறார் .சென்று பாருங்கள் .ஆச்சரியங்கள் காத்து இருக்கிறது ..

கற்பனைகள் 
இது நண்பர் இளந்தமிழன் அவர்கள் இங்கே கவிதை தோரணமே கட்டி வருகிறார்.சென்று பாருங்கள் கவிதையின் மனமும் மணமும் கம கம என்று இருக்கு .....

நம்பிக்கையுடன் போகிறேன்

பிடித்திருக்கிறது என்கிறார் உங்களுக்கு பிடித்திரிக்கிறதா சென்று பாருங்கள் 

ஒரு பக்க கதைகள் ஓர் ஆயிரம் !!
இது பத்திரிக்கை உலகில் பிரபலமாக பல கதைகள் எழுதி வரும் நண்பர் பசி பரமசிவம் அவர்களின் தளம் .ஒரு பக்க கதைகள் படிக்க இங்கே போகலாம். இவரை பற்றி இங்கே சொல்லியதை நான் பெருமையாக நினைக்கிறேன் ...

சந்தனார் 
இங்கே இலக்கியம்,சினிமா,குறும்படம் உலகம் என பல தலைப்புகளில் பல அரிய தகவல்கள் கிடைகிறது சென்று பார்த்து சொல்லுங்கள் ...

பெண் என்னும் பதுமை 
இது சகோதரி சரளா அவர்களின் வலைபக்கம் . இங்கு நீதி கதைகள் ,கவிதைகள் கட்டுரைகள் என பல பதிவுகள் உங்களுக்கு காத்திருக்கு ....

ரகசிய முத்தம் 

பிரசவம் ( நானும் என் எழுத்தும் )

ஓடியன் 

இது நண்பர் லக்ஸ்மணன் அவர்களின் வலைபூ ..புதியவர் கும்கி என்ற பெயரில் முதல் பதிவே அசத்தல்..மேலும் நல்ல பதிவுகளுக்கு காத்திருக்கிறோம் நண்பரே ..........

இன்று என் வலைப்பூவில் உள்ள மீள் பதிவை பார்க்கும் முன் அது ஏன் எழுதினேன் என்று சொல்ல விரும்புகிறேன் ..சென்ற வருடம் ஒரு கல்யாணதிற்கு சென்ற போது எனக்கும் என் நெருங்கிய உறவினர் ஒருவருக்கும் நடந்த உரையாடல் இது ...

நான்: நல்ல இருக்கீங்களா அண்ணே ! புது நாடு புது வேலை எல்லாம் எப்படி இருக்கு அண்ணே ?
அவர்:நல்லா  இருக்கேன் !நான் இப்ப என் கம்பனியின் ஜி எம் ஆயிட்டேன் தம்பி !
நான் : ரொம்ப சந்தோசம் அண்ணே பெருமையா இருக்கு !
அவர்:தம்பி எனக்கு இப்ப ஒரு பெரியா ஆலமரம் சிக்கி இருக்கு அதை அப்படியே வேரோட புடுங்கி நம்ம ஊருக்கு கொண்டுபோயி செட்டில் ஆகுற வரைக்கும் ஓயமாட்டேன்ன்னு சொல்லி சிரித்தார் ....

இதை பல பேர் முன்பு சபையில் தான் சொன்னார் ..எனக்கு தூக்கி வாரி போட்டது .. ஒரு மனிதன் முதலாளிக்கு செய்யும் துரோகத்தை கொஞ்சம் கூட குற்றவுணர்வு இல்லாமல் சொல்ல முடிகிறதே என்ற என் ஆதங்கம்,கேள்வி அனைத்தும் மனதில் பதிந்தது பின்பு ஒரு நாள் இப்படி கவிதையாக வெளிவந்தது .......அது

வெள்ளை மாளிகையும் முதலாளியின் தற்கொலையும் 

அன்பு நண்பர்களே ,அருமை சகோதரர்களே இன்றைய அறிமுகங்கள் பலரை சென்று அடைய வாக்களியுங்கள் ,மேலும் அவர்களின் எழுத்தாற்றல் புத்துணர்வு பெற அவர்களின் தளத்திலும் உங்கள் கருத்தை பதிவு செய்யுங்கள். இன்றைய அறிமுகங்களில் உங்களுக்கு மிகவும் பிடித்துப்போனது யாரை என்றும் கருத்தில் இங்கு சொல்லுங்கள் .இதுவே வலைச்சரத்திற்கு நாம் செய்யும் சிறப்பாக இருக்கும் ...............

இன்று இவ்வளவுதான் மீண்டும் நான் நாளை வருவேன் ....

மேலும் வாசிக்க...

2519.அறிமுகத்திற்கே அறிமுகம்

நம்ம பதிவுலக அறிமுகங்களுக்கு முன் இந்த உலகிற்கே அறிமுகம் ஆகும் ஒரு குழந்தையின் வீடியோவுடன் தொடங்குவோமா 

பொயட் நட்சத்திரா
 பல அருமையான கவிதைகளை அடுக்கி வைத்து வருகிறார்.இங்கே போயி பார்த்து ரசித்து சொல்லுங்கள் நான் சரியா இல்லை தவறா என்று ....

சிக்கன வாழ்விற்கான குறிப்புகள்

இன்றைய உலகில் சிக்கனமாக வாழ்வதன் அவசியத்தைக் கருத்தில் கொண்டு, சிக்கன வாழ்விற்கான பல்வேறு குறிப்புகளை பகிர்ந்து கொள்ளும் பதிவுகள் இங்கே காண கிடைகிறது ...

காகித பூ

குரங்கின் கைப் பூமாலை  என்று சொல்லி ரொம்ப புதுசா தொடங்கி இருக்கிறார் இரவி துரைராஜ் இரண்டு கவிதைகளும் பூக்களாக தான் இருக்கிறது பூமாலைக்காக காத்திருக்கிறோம் நண்பரே ..நீங்களும் போயி பாருங்களேன் 

கடல் பயணங்கள்

இங்கே நண்பர் சுரேஷ் குமார் தனக்கு பிடித்தவை பற்றி நம்மிடம் சொல்லி நண்பராக விருப்பம் தெரிவிக்கிறார் ! நட்பு பாராட்ட ஆவல் உள்ளதா பயணக் கட்டுரைகள் உங்களுக்கு பிடிக்குமா அப்ப இவர் உங்கள் நண்பரே ....

VELKR.BLOGSPOT.COM 

இது நண்பர் வேல்குமாரின்  வலைத்தளம் மிகவும் புதியவர் இதில் கவிதை,நகைச்சுவை  என எல்லாமே இருக்கு படிங்க ..வாசிப்பின் மகத்துவமும் கூட சொல்றார் ..படிக்காட்டி அடிப்பாரோ ஹி ஹி 

மனச்சாட்சி 

இங்கே நண்பர் முத்தரசு ஒரு அராஜகமே பண்ணுறார் படங்களும் கானொளிகளும் அதற்க்கான விளக்கங்களும் பேஷ் பேஷ் ரொம்ப நல்லா இருக்கு ... அதில் எனக்கு பிடித்தவை

மாத்துராங்கலாமா...

கவியாழி 

இங்கே அருமையான கவிதைகள் படிக்க ரசிக்க இருக்குதுங்க. ஒருமுறை படித்து பாருங்கள் நீங்கள் அதன் தரத்தை விவரிக்க என்னை போலவே வார்த்தையன்றி தவிப்பிர்கள் ...அதில் 

மதமின்றி மனிதனாக முடியுமா

அகத்தை ஆள ஆணவத்தை அடக்கு

இணைய நிலா 

 என்ற தலைப்பில் நண்பர்  பிறைநேசன்  இப்ப தான் எழுத தொடங்கி இருக்கிறார் .முதல் பதிவே ரொம்ப வித்தியாசமான கசப்பான உண்மையை சொல்லி இருக்கார் அது

அம்மாவின் மறுபக்கம்

இந்த வலைபூவிற்கு செல்வதற்கும் இமயமலை ஏறுவதற்கும் என்ன சம்பந்தம்  நண்பர் ரூபனின் எழுத்து படைப்புகளுக்கு சென்று பாருங்கள் தெரியும். நல்ல கவிதைகள் பல இங்கே இருக்கு ...மேலும் அவரிடம் பேசும் பாக்கியமும் கிடைத்தது இலங்கை தமிழ் கேட்பதற்கே மாதவம் செய்ய வேண்டும். இந்த இலங்கை தமிழை காக்கவும் கூட ..........

பூந்தளிர் என்னும் வலைப்பூவில் சகோதரி சிவகாமி அவர்கள், கேளடி பெண்ணே ,தேங்காய் பால் பாயசம் செய்து குழந்தை வளர்ப்போம் என்கிறார் ...
மிகவும் புதியவர் மூன்று பதிவுகளும் முத்துக்கள் தொடருங்கள் சகோ நாங்களும் உங்கள் பின் வருகிறோம்

அறிமுகம் 

இது தாங்க நம்ம தலைப்பு செய்தி ! இது பல்சுவை தகவல்கள் தரும் ஒரு வலைத்தளம்.பல புதிய தகவல்கள் தருகிறது இந்த தளம் சென்று பாருங்கள் !



வலைச்சரத்தில் ஆசிரியராக இருக்கும் போது மீள் பதிவுகள் மட்டும் தானா புதுசா ஏதும் இல்லையா என்று நண்பர்கள்,ரசிகர்கள் facebook,twitter ,ஈமெயில் ,தொலைபேசி மூலம் தொடர்பு கொண்டு கேட்பார்கள் என்று எண்ணினேன் .ஆனால் அப்படி ஒன்னும் நடக்கவில்லை எனவே நானாகவே புதிய முயற்சி ஒன்று செய்து இருக்கிறேன் இன்று ..ஹி ஹி நான் மிகவும் ரசித்து கேட்ட ஹிந்தி பாடல் ஒன்றுக்கு தமிழ் வார்த்தைகள் கொடுத்து பார்த்து இருக்கிறேன்
என்னுடன் பாட தயாரா வாங்க பாடுவோம் ..........

இசை ஆர்வமுண்டோ ?வாங்க நீங்களும் பாடலாம் !

இன்று இந்த பக்கத்தில் கண்டு ரசித்த ஓவியங்கள் அனைத்தையும் வரைந்தது நம்ம அன்பு ஐயா வை.கோபாலகிருஷ்ணன் அவர்கள். அவரின் ஓவியங்களை அனுமதியின்றி உரிமையுடன் பகிர்ந்து பெருமை கொள்கிறேன் நன்றி ஐயா !

அன்பு நண்பர்களே ,அருமை சகோதரர்களே இன்றைய அறிமுகங்கள் பலரை சென்று அடைய வாக்களியுங்கள் ,மேலும் அவர்களின் எழுத்தாற்றல் புத்துணர்வு பெற அவர்களின் தளத்திலும் உங்கள் கருத்தை பதிவு செய்யுங்கள். இன்றைய அறிமுகங்களில் உங்களுக்கு மிகவும் பிடித்துப்போனது யாரை என்றும் கருத்தில் இங்கு சொல்லுங்கள் .இதுவே வலைச்சரத்திற்கு நாம் செய்யும் சிறப்பாக இருக்கும் ...............

மேலும் வாசிக்க...

2518.சிரிக்க !ரசிக்க !வலிக்க .........

மேலே உள்ள வீடியோ பார்த்து சிரித்தீர்களா ... இன்று நான் படித்து படித்து வாய்விட்டு சிரித்த பதிவுகளை முதலில் பாப்போம்

பக்கி-லீக்ஸ். (உண்மையின் உரைகல்)

பெயரை பார்த்ததும் நான் சீரியஸ் பதிவர் போல என்று உள்ளே நுழைந்தேன், ஆனால் வடிவேலு,சந்தானம் ஸ்க்ரீனில் செய்யும் வேலையை இவர் எழுதியே 

செய்து விட்டார் .. படித்து பாருங்கள் சிரித்து மகிழ்வீர்கள் .. அதில் எனக்கு பிடித்தவை 

பாட்சா-நக்மா அஜால்- ரகுவரன் குஜால்- விமர்சனம்.

yaarukku Yaaro-2012 /யாருக்கு யாரோ..தமிழ் சினிமாவில் புறக்கணிக்கப்பட்ட நல்ல திரைப்படம்.

மௌன தேசம்.

 RIZI என்னும் பதிவர் அரசியல்,நாட்டு நடப்புகள்,நகைச்சுவை என எல்லாவற்றையும் கலந்து எழுதி வருகிறார் இங்கே .அதுல எனக்கு பிடித்த நகைச்சுவை தொகுப்புகள் சில ...

ஜஸ்ட் சும்மா ஜாலி 

சனிப்பெயர்ச்சி குருப்பெயர்ச்சி அப்படின்னா என்னங்க..!

ஹே நான் இன்னும் பேச்சிலர்தான்..!

புன்னகையே வாழ்க்கை

இங்கே தரமான பல பதிவுகள் பார்க்கலாம் .நல்ல நகைச்சுவைகளும் கிடைக்கும் அதில் 

நண்பன் - இம்சை தாங்க முடியலப்பா....

வெட்டிப் பசங்களுக்கு மட்டும்....

நகைச்சுவை.காம் 

இங்கே நண்பர் சிவக்குமார் பல நகைச்சுவை துணுக்குகள் தந்து சிரிக்க வைக்கிறார் ...அதில் 

ஒரு கவிதை...

டீச்சர்

நண்பர் பிரபு கிருஷ்ணா அவர்களின் வலைப்பூ இது .இங்கே கதை ,கவிதை,சமுகம்,சினிமா  என்ற பல தலைப்புகளில் பதிவுகள் எழுதி வருகிறார் .நம்ம இன்றைய தலைப்பு நகைச்சுவை தானே அதுனால கட்டிங் கவிதைகள் என்ற பதிவை பாருங்கள்! அட இவரு மக்கள் என் பக்கம் சத்யராஜ் ரசிகர் போலங்க இதையும் பாருங்க கடவுளாதல் 

நல்லா சிரிச்சீங்களா .. சரி இப்ப ஓவியங்கள் பார்க்க ரசிக்க போவோமா ..வாங்க 

நண்பர் கலா குமரன் இந்த வலைதளைதில் பல ஓவியங்களை மிக அழகாக நமக்கு அறிமுகம் செய்கிறார் ..  எல்லாமே பார்த்து ரசிக்க வேண்டியவை அதில்

ஓவிய மேதை நார்மன் ராக்வெல் (Part1)

ஓவிய மேதை நார்மன் ராக்வெல் (Part 2)

மேலும் நண்பர் கலாகுமரன் இனியவை கூறல் என்னும் துணை தளத்தில் பல தகவல்கள் தந்து அசத்தி வருகிறார் ..

கண்ணதாசனின் நகைச்சுவைகள்..[ஜோ...க்...ஸ்]

பாடும் பறவைகள் [Song birds]

பூனைக்கு மணி கட்டுவது யார் என்று சொல்லுவாங்க ஆனா இவர் பூனை சிறை சென்ற செய்தி துணுக்கு சொல்லுறார் இவரின் நண்பர்கள் உலகத்தில் பல்சுவை துணுக்குகள் நறுக்கென்று இருக்கிறது ரசிக்கலாம் வாங்க ..

நண்பர் இளா என்கிற ராஜா வேடிக்கையாய் ஒரு விளையாட்டு விளையாட அழைக்கிறார். படம் பார்த்து கதை சொல்லனுமாம் நன்றாக தான் இருக்கு இந்த புதிர்போட்டி இன்று நானும் விடை சொல்லி இருக்கேன் சரியான்னு போயி பாக்கணும் ......அப்ப நீங்க ...........

இன்று சிரித்தோம்,ரசித்தோம் இப்ப வலிமிகுந்த என் கவிதை ஒன்றை மீள் பதிவாக இன்று என் பக்கத்தில் பகிர்ந்துள்ளேன்.இது எனக்கு ஏற்பட்ட ஒரு அனுபவத்தின் பிரதிபலிப்பு இதில் படிந்து இருக்கும் ரத்தம் மட்டுமே கற்பனை மற்றவை நிஜம் .........

கொலை +தற்கொலை =சிறை

சாக துணிந்த ஒரு மிடில் கிளாஸ் மனசாட்சியின் வலியை கவிதையாக
சொல்லி இருக்கேன் ...

அன்பு நண்பர்களே ,அருமை சகோதரர்களே இன்றைய அறிமுகங்கள் பலரை சென்று அடைய வாக்களியுங்கள் ,மேலும் அவர்களின் எழுத்தாற்றல் புத்துணர்வு பெற அவர்களின் தளத்திலும் உங்கள் கருத்தை பதிவு செய்யுங்கள். இன்றைய அறிமுகங்களில் உங்களுக்கு மிகவும் பிடித்துப்போனது யாரை என்றும் கருத்தில் இங்கு சொல்லுங்கள் .இதுவே வலைச்சரத்திற்கு நாம் செய்யும் சிறப்பாக இருக்கும் ...............

மீண்டும் நாளை சந்திபோமா ............ 

மேலும் வாசிக்க...

2517.சிகரெட்டும் சின்சியாரிட்டியும்

இன்றைய வீடியோ பார்த்தாச்சா ,புகைபிடிக்கும் நண்பர்கள் உறவினர்களுக்கு இதை அவசியம் போட்டு காட்டுங்க நண்பர்களே .ஒரு மாற்றம் வரலாம் அல்லவா ... இன்று இந்த வீடியோவுடன் தொடங்க என்ன காரணம் சமுதாய அக்கறை மற்றும் சுற்று சூழல் பாதுகாப்பு போன்ற தலைப்புகளில் எழுதும் பதிவர்களின் அறிமுகங்கள் இன்று எனவே தான்

நம்ம பாலா அண்ணே ரொம்ப பிரபலமான பதிவர் தான் ஆனா கொஞ்சம் நாளா எழுதாம இப்ப மறுபடியும் எழுத வந்து இருக்கார் .இவர் எழுதாம இருந்ததற்கு காரணம் கரண்ட் கட் தானாம் .ஹி ஹி ஆனா கூடங்குளம் பிரச்சனைகள் பற்றி இவர் கொடுத்த பதிப்புகளும் பங்களிப்பும் பாராட்டுக்குரியவை .நன்றி நண்பா தொடர்ந்து உங்கள் பதிவுகளுக்கு காத்துக்கொண்டு இருக்கிறோம். என்ன மாதிரி பதிவுகள் என்றால் ..........
வாருங்கள் நண்பர்களே பசுமை உலகம் படைப்போம்.
பள்ளி குழந்தைகளுக்கு அரசுப் பேருந்துகளால் ஆபத்து!

நதியின் வழியில் ஒரு நாவாய்

நண்பர் ஸ்ரீநிவாசன் இந்த வலைதளத்தில் பொதுநலம்,வரலாறு விவசாயம் போன்ற தலைப்புகளில் அருமையாக எழுதி வருகிறார் . அதில் மிகவும் பயனுள்ள தகவல்கள் பல இருக்கு படித்து பாருங்கள் ..

மருத்துவமனை அவலங்கள்

சாலை விபத்துகளும் பாதுகாப்பும் -1

கொசுக்களும் ஒழிப்புமுறைகளும்

மருமகள்

இது பெண்களுக்கான தளம் ..முதல் பக்கமே அதிரடியா தொடங்குது .ஆனா அங்கு கிடைக்கும் தகவல்கள் அனைத்தும் பொக்கிஷம் போன்றவை பெண்களே சட்டங்கள் சரியாக பயன்படுத்தி வெற்றி பெற இங்கே போங்க ..அதில் 

பணியிடத்தில் தொந்தரவு செய்யும் ஆண்களை ஒடுக்க புது வழி!

விவாகரத்து செய்யப்போகும் இந்திய மருமகள்களுக்கு ஒரு முக்கியமான "டிப்ஸ்"

நண்பர் செந்தில் குமார் அவர்கள் இங்கே பெயருக்கு தகுந்தார் போல் வித்தியாசமாக பல தகவல்கள் தருகிறார் .குடி குடியைக் கெடுக்காது என்கிறார் என்னான்னு கேளுங்க போயி ,மேலும் பல ஆரோக்கியமான செய்திகளும் சொலுறார் ..

மரம் முழுவதும் மருத்துவ குணம் கொண்ட முருங்கை

பேரீச்சம் பழத்தின் நன்மைகள்

கொட்டுமுழக்கம்

இது பத்திரிக்கை உலகில் வலம்வரும் நண்பர் கி.ச.திலீபன் அவர்களின் தளம் இங்கே நல்லதை சொல்லி வருகிறார் அதில் 

கொட்டி முழங்கிய இசை செத்து மடியுது!

வனப்பாதுகாப்புச் சட்டங்களால் வதைக்கப்படும் பழங்குடியின மக்கள்

அவை நாயகன் 

        சாலை விதிகள் பற்றியும் விபத்துக்களை குறைப்பது பற்றியும் இங்கே ஒவ்வொரு பதிவிலும் கூறி வருகிறார் முன்னால டிரான்ஸ்போர்ட் ஆபிசர் அவை நாயகன் என்ற பெயரில் . நாலு பேருக்கு நல்லது செஞ்சாலே நாயகன்னு சொல்லுவோம் இவர் கோடி பேருக்கு நன்மை செய்யுறார் . பார்த்து படித்து பயன்பெறுவோம்....

மனமென்னும் வான்வெளியில் என்ற தலைப்பில் நண்பர் சுவாமிநாதன் முருகவேல் பல நல்ல பதிவுகள் எழுதி வருகிறார் அதில் நமது இன்றைய தலைப்பிற்கு பொருத்தமாக இரண்டு பதிவுகள் கண்டேன் பகிர்ந்தேன்

இன்னலற்ற வாழ்க்கை வாழ -சாலை பாதுக்காப்பு 

வாக்களிப்பது கடமை 

அம்பாள்புரம் தெரியுமா?, எனக்கு தெரியாது ,ஆனால் இப்ப நம்ம செந்தில் குமார் மூலமா நிறையா தெரிந்து கொள்ள போகிறோம் மிகவும் புதிய பதிவர் இவர் இவரும் பொறுப்பா ஒரு பதிவு எழுதி இருக்கார். எல்லா சாமியும் ஒன்னு தான் என்கிற பதிவு தாங்க அது படித்து பாருங்கள்

டெல்லி கற்பழிப்பு அசம்பாவதிர்க்கு பிறகு தான் பலர் கொந்தளித்து பதிவுகள் எழுதி இருக்கோம்,ஆனால் புதிய மாதவி என்ற வலைப்பூவில் இதை பற்றி 2008 லேயே எழுதி விட்டார் இப்படி ஊடங்களும் ஊடறு பெண்களும் என்ற தலைப்பில் ,மேலும் மானுடம் போற்றுதும் என்ற மனிதநேயத்தை சுட்டிக்காட்டியுள்ள பொறுப்பான பதிவும் போற்றவேண்டியது தான் பாருங்கள் 

வால்மார்ட் வருகை குறித்து அலறல்கள் கேட்டுகொண்டு இருக்கும் நேரத்தில்
நம் அனைவரின் பொறுப்புபையும் நமக்கு ஞாபகமூட்டுகிறார் நண்பர் முத்து நிலவன் இங்கே “பொழுதெலாம் எங்கள் செல்வம் கொள்ளை கொண்டு போகவோ- நாங்கள் சாகவோ" .  இவரது வலைப்பூ இது வளரும் கவிதை பல இலக்கிய தகவல்களின் சங்கமம் இது .....

இன்று சின்சியராக எழுதும் இவர்களை அறிமுகம் செய்து நான் என் சின்சியாரிட்டியும் நிரூபித்துவிட்டேன் ஹி ஹி பூவோடு சேர்ந்து நாறும் மணம்பெறும் என்பதை போல ...

இன்று உங்க வலைப்பூவில் என்ன...  என்ன ... என்று கேட்க்கும் அன்பர்களுக்கு இதோ ஒரு கொடுமையான சம்பவத்தை மையமாக வைத்து விஸ்வரூபம் விஷபரிட்சையே என்று ஒரு கவிதை கதை சொல்லிருக்கேன் பாருங்கள் நிறை குறை சொல்லுங்கள் 

அன்பு நண்பர்களே ,அருமை சகோதரர்களே இன்றைய அறிமுகங்கள் பலரை சென்று அடைய வாக்களியுங்கள் ,மேலும் அவர்களின் எழுத்தாற்றல் புத்துணர்வு பெற அவர்களின் தளத்திலும் உங்கள் கருத்தை பதிவு செய்யுங்கள். இன்றைய அறிமுகங்களில் உங்களுக்கு மிகவும் பிடித்துப்போனது யாரை என்றும் கருத்தில் இங்கு சொல்லுங்கள் .இதுவே வலைச்சரத்திற்கு நாம் செய்யும் சிறப்பாக இருக்கும் ...............

மேலும் வாசிக்க...