ஊக்கு வி(ற்)பவர்கள்

ஊக்குவித்தால் ஊக்கு விற்பவனும் தேக்குவிற்பான் என்பது எனக்குப் பிடித்த பொன்மொழியாகும்.

ஒரு விளக்கு ஒளிவிட்டு எரிய அகல், திரி, எண்ணை மட்டும் இருந்தால் போதாது அவ்விளக்கானது தொடர்ந்து எரிய தூண்டுகோல் என்பது அடிப்படைத்தேவையாகும்.

நீரின்றி அமையாது உலகு என்பதுபோல மறுமொழியிட்டு ஊக்குவிப்பவர்கள் இன்றி இயங்காது வலையுலகு.

மனம் விட்டுப் பாராட்ட ஒரு சிறந்த மனம் வேண்டும்.

மறுமொழியிடுவோர் பலவகைப்படுவர்.

• முழுமையாகவும், ஆழமாகவும் படித்து மனம் விட்டுப் பாராட்டுபவர்கள்
• மேலோட்டமாகப் படித்து மறுமொழியிடுவோர்.
• வருகையைப் பதிவு செய்வோர்.
• நிறையை மட்டும் சுட்டிச் செல்வோர்
• குறையை மட்டும் சுட்டிச் செல்வோர்
• வாக்களித்துவிட்டேன் எனப் பதிவுசெய்வோர்

என மறுமொழியிடுவோரைப் பாகுபடுத்தி உணரமுடியும்.

உண்மையான பாராட்டு ஒரு பதிவரை உயரத்துக்கு அழைத்துச்செல்லும்

பொய்யான பாராட்டு ஒரு பதிவரை  தவறான பாதைக்குஅழைத்துச்செல்லும் 

என்னும் சிந்தனையை முன்வைத்து..

மறுமொழியிட்டு ஊக்குவிக்கும் பதிவர்களை ஊக்குவிக்கும் சிறப்புப்பதிவாக இன்றைய தொகுப்பை வெளியிடுகிறேன்.

நான் கண்டவரை பின்வரும் பதிவர்களுக்கு ஒரு ஒற்றுமை உண்டு.

இவர்கள் யாரும் தன் வலைப்பதிவுக்கு மறுமொழி அதிகமாக வரவேண்டும் என்பதால் பலபதிவுகளுக்கும் சென்று மறுமொழியிடுவதில்லை.

எங்கு சிறந்த பதிவு கண்களுக்குத் தென்பட்டாலும் மனம் திறந்து பாராட்டும் பண்புடையவர்கள். அதனால் இன்றைய பதிவு இவர்களுக்காக..

31. திண்டுக்கல் தனபாலன் அவர்களின் உங்களின் மந்திரச்சொல் என்றபதிவு எனக்கு மிகவும் பிடித்த பதிவாகும்.

32.மஞ்சுபாஷிணி அவர்கள்  கதம்ப உணர்வுகள் என்னும் வலையில் எழுதிவருகிறார்.அவர்களின் அன்புப் பிணைப்பு என்னும் கதை எதிர்பர்க்கமுடியாத திருப்பங்களைக் கொண்டது.

33. வை.கோபால கிருஷ்ணன்  அவர்களின் சிரித்து வாழவேண்டும் என்ற இடுகை நகைச்சுவையை வாரி வாரி வழங்குகிறது.

34. இரஞ்சனி நாராயணன் அவர்களின் பிளாஸ்டிக் அழிவிலிருந்து உலகைக் காக்கமுடியுமா என்ற பதிவு காலத்துக்கேற்ற சிந்தனையாகவுள்ளது.

35. வெங்கட் நாகராஜ் அவர்கள் தம் வலையில் பதிவேற்றும் நிழற்படங்களைப் பார்ப்பதற்காகவே இவர் வலைக்கு நான் அடிக்கடி செல்வதுண்டு.

36. எஸ்.சுரேஸ் அவர்களின் ஹைகூ கவிதைகள் சிந்திக்கத்தகனவாக உள்ளன.

37. பாலகணேஷ் அவர்களின் வலைப்பதிவை நான் தொடர்ந்து வாசித்துவருகிறேன். நான் உயிரோடு இருக்கிறேனா என்று இவரது பதிவைப் பார்த்து என்னை நானே கேட்டுக்கொண்டேன்.

38. அமைதிச்சாரல் பதிவில்  நிழற்படங்களை நீண்ட நேரம் கண்டு மகிழ்ந்தேன்.

39. கோவை2தில்லி வலைப்பதிவில் நான் கண்ட ஆடைகளின் மீது மோகம் என்ற இடுகை உண்மையைப் புலப்படுத்துவதாக இருந்தது.

40. வரலாற்றுச் சுவடுகள் என்னும் வலைப்பதிவின் பெயருக்கு ஏற்ப இவர் பல்வேறு வரலாற்றுச் சுவடுகளைப் பதிவுசெய்துவருகிறார்.

என்ற கருத்தை இன்றைய சிந்தனையாகத் தங்கள் முன்வைக்கிறேன்.