சுபத்ராவிடம் இருந்து ஆசிரியர் பொறுப்பை கீதமஞ்சரி ஏற்கிறார்!!!

வணக்கம் வலை நண்பர்களே,

இன்றுடன் முடிகிற வாரத்திற்கு பொறுப்பேற்றிருந்த சுபத்ரா அவர்கள் தம் ஆசிரியர் பணியை ஆர்வமுடன் ஏற்று, மிகச் சிறப்பாக செய்துள்ளார். அவர் எழுதிய பதிவுகள், கிடைத்த மறுமொழிகள், பக்கப்பார்வைகளை கீழே உள்ள படத்தில் பார்த்து அறிந்து கொள்ளுங்கள்.

தமது பணியை சிறப்பாக செய்த சகோதரி சுபத்ரா அவர்களை மகிழ்ச்சியுடன் வாழ்த்தி வழியனுப்புவதில் பெருமகிழ்ச்சியடைகிறேன். 

நாளை முதல் தொடங்கும் வாரத்திற்கு ஆசிரியர் பொறுப்பேற்க, கீதமஞ்சரி எனும் வலைப்பூவை எழுதி வரும் சகோதரி கீதா அவர்களை அழைக்கின்றேன். இவர் ஏற்கனவே 2012-ம் ஆண்டிலும் வலைச்சர ஆசிரியராக பொறுப்பேற்றிருந்தார். எனவே அவரைப் பற்றிய அறிமுகம் உங்களுக்கு தெரிந்திருக்கும் என்றாலும், அவரைப் பற்றி சில வரிகள் முந்தைய அறிமுகப் பதிவிலிருந்தே தருகிறேன். 

இவர் பெயர் கீதா மதிவாணன். பதிவுகளில் கீதா என்றே குறிப்பிட்டுக் கொண்டிருந்தவர், பதிவுலகில் பலருடைய பெயர் கீதா என்றிருப்பதால் குழப்பம் தவிர்க்க கீதமஞ்சரி என்னும் இவரது வலைப்பூவின் பெயரையே இவரது பெயராகவும் பயன்படுத்தத் துவங்கியுள்ளார். மின்னணு மற்றும் தகவல் தொடர்பு பொறியியலில் பட்டயப்படிப்பு முடித்துள்ளார். 

வீட்டிலிருந்து ஒரு நல்லதொரு இல்லத்தரசியாக குழந்தைகளையும் குடும்பப் பொறுப்புகளையும் கவனித்துக் கொள்கிறார். இவருக்கு தமிழின்மீது தீராத காதலே உண்டு. தமிழ் மொழி, கலாச்சாரம், பாரம்பரியம், கலைகள் மீது அளவிலாப் பற்றுக் கொண்ட போதும், குடும்பநலனை முன்னிட்டு, தற்சமயம் ஆஸ்திரேலியாவில் வசித்துவருகிறார்.

கணவர் இயந்திரப் பொறியியலாளர். மகள் பன்னிரண்டாம் வகுப்பிலும், மகன் ஏழாம் வகுப்பிலும் படிக்கிறார்கள். கைவேலைப்பாடுகளில் இவருக்கு விருப்பம் உண்டு என்றாலும், அதைவிட எழுதுவதிலும் படிப்பதிலும் ஆர்வம் அதிகம் உடையவர்.

இவரை வாழ்த்தி வரவேற்று ஆசிரியர் பணியில் அமர்த்துவதில் பெருமகிழ்ச்சியடைகிறேன்.

நல்வாழ்த்துக்கள் சுபத்ரா....

நல்வாழ்த்துகள் கீத மஞ்சரி....

நட்புடன்,

தமிழ்வாசி பிரகாஷ்....