கோலங்கள்.....

வலைச்சரம் – 2 மலர் - 5

மார்கழி மாதம் என்றவுடன் நம் நினைவுக்கு வருவது அந்த அதிகாலை பனியும், திருப்பாவை நாயகி ஆண்டாள், திருவீதி உலா வரும்போது சுடச்சுட கிடைத்த பொங்கல் மற்றும் கோலங்கள்!

இன்றைய வலைச்சரப் பகிர்வும் மார்கழி மாதத்தின் ஒரு நாளில் என்பதால் கோலங்கள் பற்றிய தளங்களை அறிமுகம் செய்யலாம் என்று நினைத்தேன். 

தென்னிந்திய கலாச்சாரத்தை பிரதிபலிக்கும் கோலங்களால் வீட்டுக்கு மங்களமும், லட்சணமும், அதைப் போடுவதால் நம் கைகளுக்கு பயிற்சியும் கிடைக்கிறது. அரிசி மாவினால் கோலம் போடும்போது அந்த மாவு, எறும்பு போன்ற சிறிய ஜீவன்களுக்கு உணவாகவும் அமைகிறது. புள்ளிக் கோலம், ரங்கோலி, சிக்கு கோலம் என்ற வகைகளுக்கா பஞ்சம். வெளிநாட்டவர்களும் நம்முடைய கோலங்களை பார்த்து வியந்து போகின்றனர்.  வாங்க இன்று கோலங்களைப் பற்றி நம் பதிவர்கள் என்னென்ன எழுதியிருக்காங்க என்று பார்க்கலாமா?

ஆலோசனை என்ற வலைப்பூ வைத்திருக்கும் பார்வதி இராமச்சந்திரன் அவர்கள் கோலம் போட வேண்டியதின் அவசியத்தையும், கோலங்களின் வகைகள், பூஜைக்கான கோலங்களும் அதன் பலன்களும் என இளைய தலைமுறைக்கு நல்ல கருத்துக்களை சொல்லி எடுத்துரைத்திருக்கிறார். நீங்களும் சென்று பாருங்களேன் அவரின் கோலங்கள்

மகி அவர்களின் கோலங்கள் கோலங்கள் பதிவைப் பாருங்களேன் - அவங்களுடைய கோலம் தொடர்பான மலரும் நினைவுகளைச் சொல்றாங்க.. ஊருக்கு வரும் போது ஆசை தீர கோலம் போடுவாங்களாம். எழுதியது மட்டுமல்லாது கண்களுக்கு விருந்தாக கோலங்களின் படங்களையும் பகிர்ந்திருக்காங்க!

ஸ்ரவாணி அவர்களின் தமிழ்க் கவிதைகள் தங்கச்சுரங்கம் என்ற தளத்தில் ஸ்ட்ரோக் கோலங்கள் போட்டு கண்களைக் கவர்ந்திருக்கிறார். படங்கள் ஒவ்வொன்றும் அவ்வளவு அழகு! அதே போல் மார்கழி கோலங்கள் என்ற பகிர்வையும் பாருங்கள்.  அவர் போட்டிருக்கும் கோலங்களை உங்கள் வீட்டு வாசலில் போட்டு நீங்களும் முயற்சித்து பார்க்கலாமே!

தேனம்மை லக்ஷ்மணன் அவர்களைப் பற்றி நான் சொல்லித் தெரியவேண்டியதில்லை. இவர் ஒரு சகலகலாவல்லி. இவருடைய கோலங்கள் தளத்தில் பத்திரிக்கைகளில் வெளியாகும் இவரது கோலங்களை பதிந்து வைத்திருக்கிறார். அந்தந்த பூஜை பண்டிகைகளுக்கேற்ற கோலங்கள் இங்கு உள்ளன.

மைதிலி கஸ்தூரி ரங்கன் அவர்களின் மகிழ்நிறை என்ற தளத்தில் கோலம் பற்றிய அவரது அனுபவங்களை எப்படி பகிர்ந்து உள்ளார் பாருங்களேன்!

பெண்மை என்ற தளத்தில் வாணி முத்துகிருஷ்ணன் அவர்களின் கோலங்கள் கண்களைக் கவர்கின்றன. கண்ணாடியில் பெயிண்ட் செய்தது போல் உள்ளது. செய்து வீட்டிற்கு வரும் விருந்தினர்களைக் கவரலாமே!

நீச்சல்காரன் அவர்களின் எதிர்நீச்சல் என்ற தளத்தில் பாரத பண்பாட்டின் கலாச்சாரத்தை பிரதிபலிக்கக்கூடிய கோலங்களை பற்றி பகிர்ந்து கொண்டிருக்கிறார் பாருங்களேன்!

விஜிகுமாரி அவர்களின் சின்னு ஆதித்யா என்ற தளத்தில் கோலங்கள் போடுவதன் ரகசியத்தை நம்முடன் பகிர்ந்து கொள்கிறார். வீட்டுக்கு மட்டும் அழகல்ல, நம் கைகளுக்கும் நல்ல பயிற்சியாக அமையும் என்கிறார்.

அம்மாவின் சமையல் என்ற தளத்தில் சமையல் மட்டுமல்ல பல ரங்கோலிகளும் இடம்பெற்றுள்ளன.

என்ன நண்பர்களே, இன்றைய வலைச்சரத்தில் வெளியிட்ட கோலங்களையும், அந்த பதிவர்களின் பதிவுகளையும் ரசித்தீர்களா!

நாளை மீண்டும் சந்திப்போம்......

நட்புடன்

ஆதி வெங்கட்

திருவரங்கம்.