கீதமஞ்சரியின் வணக்கம்

அன்பார்ந்த வலையுலக உறவுகளே…

வணக்கம். 

கடந்த மார்ச் 2012- இல் அன்புக்குரிய திரு.வை.கோபாலகிருஷ்ணன் ஐயாவின் பரிந்துரை மற்றும் மதிப்புக்குரிய திரு.சீனா ஐயாவின் அழைப்பின் பேரில் வலைச்சர ஆசிரியர் பொறுப்பை ஏற்றேன். ஏற்றுக்கொண்ட பொறுப்பை ஓரளவு சரியாகவே நிறைவேற்றினேன் என்று நம்புகிறேன். 

கிட்டத்தட்ட இரண்டாண்டுகளுக்குப் பிறகு மறுபடியும் அந்தப் பொறுப்பு என்னைத் தேடிவந்துள்ளது. மீண்டும் என்னை வலைச்சர ஆசிரியராகப் பணியாற்ற அழைப்பு விடுத்துள்ள திரு.சீனா ஐயா அவர்களுக்கும் என்மேல் அவர் வைத்திருக்கும் நம்பிக்கைக்கும் என் உளமார்ந்த நன்றி.

முதல் நாளான இன்று என் சுய அறிமுகம். உங்களில் பலருக்கும் என்னை முன்பே அறிந்திருக்க வாய்ப்புள்ளது என்றாலும் புதியவர்களுக்காக என் சிறு அறிமுகம்...

2008 முதல் பதிவுகள், நிலாச்சாரல், தமிழ்மன்றம் போன்ற பல இணையதளங்களில் எழுதிவந்தேன். மார்ச் 2011 இல் என் வலைப்பூவான கீதமஞ்சரியைத் துவக்கினேன். இடையில் சில தொய்வுகள் உண்டானாலும் இன்றுவரை தொடர்ந்து எழுதிக்கொண்டிருக்கிறேன். அதற்கு முக்கியக் காரணம் வலையுலக உறவுகளான உங்களுடைய ஆக்கபூர்வமான மறுமொழிகளும் உற்சாகம் தரும் வாழ்த்துக்களுமே. அனைவருக்கும் என் மனமார்ந்த நன்றியை இவ்வேளையில் தெரிவித்து மகிழ்கிறேன்.

சமீபத்தில் சிறுகதைகள்.காம் தளத்தில் அலமேலுவின் ஆசை என்ற என் கதை எழுத்து மற்றும் ஒலிவடிவத்தில் பகிரப்பட்டது மற்றொரு கூடுதல் மகிழ்வு. என் குரலில் கதையை இங்கு கேட்கலாம்.

இதுவரை பல கவிதைகள், சிறுகதைகள், தொடர்கதை, கட்டுரைகள் என்று எழுதியிருந்தாலும் மனத்துக்கு மிகவும் நெருக்கமாய் இருந்து நிறைவு தந்தது, நெடுநல்வாடை பற்றிய என் புதுக்கவிதை முயற்சி. பலருடைய வாசிப்பும் பாராட்டும் பெரும் ஊக்கம் தந்து இனிதே நிறைவு செய்ய உதவியது.

என் பதிவுகளிலிருந்து உங்களுக்கு நான் பரிந்துரைக்கும் சில பதிவுகள் இதோ..

1.   நிராகரிக்கப்படும் சரணாகதிகள் – கவிதை

2.   நிறக்குருடு – சிறுகதை

3.   என்றாவது ஒருநாள்… - ஆஸ்திரேலிய காடுறை கதை

4.   பிளாட்டிபஸ் – ஆஸ்திரேலியாவின் அதிசய உயிரினம் - கட்டுரை

5.   அதிசயப் பெண்மணி ஹெலன் கெல்லர் – கட்டுரை

6.   ஆஸ்திரேலியப் பள்ளிகள் அறிமுகம்  – கட்டுரை

7.   நெடுநல்வாடையை நுகரவாருங்கள் – கவிப் பொழிப்புரை

நாளை முதல் என்னைக் கவர்ந்த சில வலைப்பூக்களின் அறிமுகங்களைக் காணலாம். புதியவர்களையும் பழகியவர்களையும் ஒருவருக்கொருவர் அறிமுகப்படுத்தி உற்சாகமாய் கைகுலுக்கும் வகையில் ஒரு அற்புதப் பாலமாய் அமைந்த வலைச்சரத்துக்கும் அதன் நிர்வாகிகளுக்கும் நன்றி அறிவித்து இப்போது விடைபெறுகிறேன்.

நாளை மீண்டும் சந்திப்போம். 

நன்றி. வணக்கம்.