ஸ்ரீ ரங்கத்தில் வசிக்கும் திருமதி ஆதி வெங்கட் தமிழ் வாசி பிரகாஷிடமிருந்து ஆசிரியப் பொறுப்பினை ஏற்கிறார்.

அன்பின் சக பதிவர்களே ! 

இன்றுடன் முடியும் வாரத்திற்கு ஆசிரியப் பொறுப்பேற்ற - தமிழ் வாசி பிரகாஷ்   - தான் ஏற்ற பொறுப்பினை சரி வர, மிகுந்த  ஆர்வத்துடனும்,  பொறுப்புணர்வுடனும்,  ஈடுபாட்டுடனும் துணைப் பொறுப்பாசிரியர் என்ற நிலையில் - நிறைவேற்றி நம்மிடமிருந்து முழு மன நிறைவுடன் விடை பெறுகிறார். 

இவர் எழுதிய பதிவுகள்                         : 007
அறிமுகப் படுத்திய பதிவர்கள்            : 47
அறிமுகப் படுத்திய பதிவுகள்              : 59
பெற்ற மறுமொழிகள்                            :165
வருகை தந்தவர்கள்                              : 1527

 தமிழ் வாசி  பல் வேறு தலைப்புகளில் பதிவுகள் இட்டிருக்கிறார். பொதுவாக அனைத்துப் பதிவுகளிலும் - புதிய பதிவர்களை - அதிகமாக  எழுதாத பதிவர்களை - அவர்களை ஊக்கப்படுத்தும் நோக்கத்துடன் அறிமுகப் படுத்துவதை தலையாய கடமையாகச் செய்திருக்கிறார். ஐந்து பதிவுகளில் தமிழ் மண வாக்குகளை ஏழும் ஏழுக்கும் மேலும் பெற்று இருக்கிறார்.  

நல்ல பதிவர்களைத் தேடிப் பிடித்து - அவர்களீன் நல்ல பதிவுகளை அறிமுகப் படுத்தி உள்ளார். 

பதிவுகளை அறிமுகப் படுத்தும் போது அப்பதிவுகள் பற்றிய கருத்துகளையும் கூறி இருக்கிறார். பதிவர் பெயரும் பதிவின் பெயரும் சுட்டிகளும் கொடுத்து அறிமுகப் படுத்தி இருக்கிறார்.

தமிழ் வாசியினை  அவரது   கடும் உழைப்பினைப் பாராட்டி, வாழ்த்தி வழி அனுப்புவதில் பெரு மகிழ்ச்சி அடைகிறோம். 

ஸ்ரீரங்கத்தினைச் சேர்ந்த திருமதி ஆதி வெங்கட் நாளை முதல் ஆசிரியப் பொறுப்பேற்க  அன்புடன் இசைந்துள்ளார். 

இவர் பிறந்தது சிவகங்கைச் சீமையில். படித்தது வளர்ந்தது எல்லாம் கொங்கு நாடாம் கோவையில்… திருமணமாகி பத்து வருடங்கள் தலைநகர் தில்லியில் வாழ்க்கை… தற்சமயம் பூலோக வைகுண்டமாம் திருவரங்கத்தில் புகுந்த வீட்டினருடன் வாசம்… கோவை அரசினர் பாலிடெக்னிக்கில் இயந்திரவியலில் மூன்றாண்டுகள் பட்டயப்படிப்பும், திருமணத்திற்கு முன்பு வரை ஒரு சில இடங்களில் பணி செய்த அனுபவமும் உண்டு… வலையுலகில் மூன்று ஆண்டுகள் முடிந்து நான்காவது ஆண்டாக உலா வந்து கொண்டிருக்கிறார்....

இவர் கோவை2தில்லி என்ற தளத்தில் எழுதி வருகிறார். 

திருமதி ஆதி வெங்கட்டினை வருக வருக என் வரவேற்று வாழ்த்துவதில் பெருமை அடைகிறேன்.

நல்வாழ்த்துகள் தமிழ் வாசி பிரகாஷ்

நல்வாழ்த்துகள் திருமதி ஆதி வெங்கட்  

நட்புடன் சீனா