கதம்பம் மூன்று...

பெண்ணுக்கு ஞானத்தை வைத்தான் - புவி
பேணி வளர்த்திடும் ஈசன்;
மண்ணுக் குள்ளே சிலமூடர் - நல்ல
மாத ரறிவைக் கெடுத்தார்

அட நம்ம பதிவர்கள் நல்லாவே 2 நாளாக ஆடறாங்க போல இருக்கே! சரி நம்பிக்கையுடன் மேலும் சில பதிவர்களை இன்று களமிறக்குகிறேன்.

(பல்சுவை) பாரிஜாதம்:

ரோஜா பூந்தோட்டத்திற்கு போனேன், என்ன அழகா வளர்த்து இருக்காங்க மேட்டுப்பாளையம் மகளிர் மேல்நிலைப்பள்ளி மாணவியர். மாணவ பருவத்திற்கே உரிய நக்கலும் நையாண்டியும் இவர்கள் பதிவுகளில் எந்த அளவுக்கு இருக்கிறதோ அதே அளவிற்கு சாதிக்க வேண்டும் என்ற வெறியும் இவர்கள் எழுத்தில் காணமுடிகிறது.

சூரியகாந்தி (சமூகப்பார்வை):

நாம் சிறு வயதில் பார்த்து ரசித்த தெருக்கூத்து கலையின் இன்றைய நிலையை விவரிக்கிறார் தமிழாசிரியர் தி.பரமேசுவரி. சரளமான எழுத்து நடை ஒரு தமிழாசிரியருக்கு வருவதில் ஆச்சரியம் இல்லை. ஆனால், இவரிடம் கற்றுக்கொள்ள நிறைய இருக்கிறது தமிழில்.

(கவிதை) ரோஜாக்கள்:

தன் கவிதை தமிழால் நம் இதயத்தில் சாரல் அடிக்க வைக்கிறார் தமிழ்காதலன். எங்கிருந்துதான் பிடிக்கிறாரோ சில தமிழ் வார்த்தைகளை... அவ்வளவும் அருமை

(கதை சொல்லும்) காந்தள்:

நன்றாகவே யோசித்து கதை எழுதுகிறார் இந்த யோசிப்பவர் (அட, இவர் பேருதாங்க யோசிப்பவர்). டைம் டிராவலை மையமா வெச்சி எழுதி இருக்குற சற்றே பெரியதான இந்த சிறுகதை முடிவு வித்தியாசமாவே இருக்கு.

(அனுபவ) அல்லி:

ஒரு அடிப்பட்ட அணில் எப்படி தன்னுள் மனிதத்தை துளிர்க்க வைத்தது என்பதை உணர்வுபூர்வமாக விவரிக்கிறார் விஜய். கவிதைகளில் தான் கலக்குவார் என எதிர்பார்த்து போனால் இப்படி ஒரு அனுபவத்தின் மூலம் மனிதத்தை உணர்த்துகிறார்.

வாடா மல்லிகை (திரைப்படங்கள்):

அழகாய் திரைவிமர்சனங்கள் எழுதுவதில் பிரபாகரும் ஒருவர். தனக்கு பிடித்த காட்சி, கதாநாயகன், நாயகியின் நடிப்பு, இயக்கம், ரசிகனின் பார்வை என வகைப்படுத்தி ஒவ்வொரு திரைப்படத்தையும் விவரிக்கிறார். நந்தலாலா படத்திற்கு என்ன பரிந்துரை வழங்குகிறார் பாருங்கள்.

தாமரை (சிரிப்பு):

சரி உங்களுக்கு ஒரு கேள்வி - உயிர்னா என்ன? இப்படி ஒரு கேள்வியை உங்கள் குழந்தை கேட்டால் என்ன பதில் சொல்வீர்கள். இப்படி ஒரு இக்கட்டான நிலையில் மாட்டி முழிக்கிறார் நம்ம பாபு. மத்தவங்களை இவர் கொஞ்சம் நஞ்சமாவா இம்சை செஞ்சாரு! இவருக்கு இது தேவைதான்.

(எப்பொழுதாவது எழுதும்) குறிஞ்சி:

எப்பொழுதாவது எழுதினாலும் உருப்படியாய் எழுதுகிறார். இந்த சோலைஅழகுபுரத்திற்கு சென்றால் நீங்கள் உங்கள் கவலையை சிறிது நேரமாவது ஒதுக்கிவைப்பது உறுதி. நன்றாக சிரிக்கவைக்கிறார். தொடர்ந்து எழுதினால் நன்றாக இருக்கும்.

அப்பாடி, 3 நாள் பேட்டிங் முடிஞ்சது. நல்லா ஸ்கோர் பண்ணி இருக்கேன்னு நினைக்கிறேன். நாளைல இருந்து பெளலிங் ஆரம்பிக்கலாம்.

ஆங்... கேட்க மறந்துட்டேனே.....

ஒரு டவுட்டு: டூர் போறவங்களை டூரிஸ்ட்டு சொல்லலாம், டெரர் பிளாக்குக்கு போறவங்களை டெரரிஸ்ட்டு சொல்லலாமா? - கேட்டது சாட்சாத் டெரர் பாண்டியனேதான்.