ஒரு கை ஓசை கேட்டீரோ….?

என்ன நண்பர்களே, நேற்றைய அறிமுகங்களை எல்லாம் படித்துப் பார்த்தீர்களா? சரி, இன்றைக்கு என்னென்ன சுவராசியங்கள் உங்களுக்காகக் காத்திருக்கின்றன என்று பார்ப்போமா?

காதலர் தேசம்:

ஒவ்வொரு நாட்டிற்கும் ஒரு தேசிய மொழி இருப்பது போல, காதலின் தேசிய மொழி எது என்று தன் கவிதையில் ஆராய்ச்சி செய்கிறார் மணி.

நாமெல்லாம் சாலையோரமாய் நீர் தேங்கி நிற்பதைப் பார்த்தால் ஒதுங்கிப் போவோம். மகேசுக்கு ஆசை ஆசையாய்க் கவிதை வருகிறது.

அனுபவம் பலவிதம்:

டார்வின் தியரியைப் பற்றி குரங்கிலிருந்து மனிதன் வந்தான் என்று பொத்தாம் பொதுவாகச் சொல்லிவிட்டுப் போய்விடுகிறோம். ஆனால் நம் ராஜசங்கர் பொறுமையாகவும் எளிமையாகவும் புரிய வைக்கிறார்.  ஐன்ஸ்டைனின் தியரியையும் இவர் விட்டு வைக்கவில்லை.

தீபாவளிக்குப் புதுத் துணி எடுப்பது பற்றித் தனது நெகிழ்ச்சியான அனுபவங்களைக் கூறுகிறார் நம்ம (வருங்கால) கெணத்தூர் எம்.எல்.ஏ. நாகராஜ சோழன் எம்.ஏ. 

வழமையாக உலக பட விமர்சனங்கள் எழுதிவரும் ஜீ ஒரு அருமையான கொரிய மொழிப் படத்திற்கு விமர்சனம் எழுதியிருக்காரு. படத்தைப் போலவே விமர்சனத்திலும் காதல் வழிகிறது.

குழந்தைகளிடம் மோசமான வீடியோ கேம்கள் ஏற்படுத்தும் தாக்கத்தை அனுபவப் பூர்வமாகச் சொல்லுகிறார் மதுரை சரவணன்.

இந்தியாவில் தோன்றிய Nine unknown men என்ற 2000 ஆண்டு பழமையான ரகசிய அமைப்பினைப் பற்றிய அதி ஆச்சர்யத் தகவல்களை அளித்து வியப்பில் ஆழ்த்துகிறார் ப்ரவின்.

இன்றைய கதைசொல்லி:

ரிடையர் ஆனவர்களின் உணர்வுப் போராட்டத்தை வெகு யதார்த்தமாகச் சொல்லி நெஞ்சைத் தொடுகிறார்  ராம்மூர்த்தி கோபி.

இன்றைய புன்னகைப்பூ:

நம்ம ராஜகோபாலோட முழுநேர வேலையே டாக்டர் விஜய்யக் கலாய்க்கறதுதாங்க. சமீபத்துல இவர் சூப்பர் ஸ்டாரின் டாப் டென்ஸ் தொடர் பதிவு போட்டிருந்தாருங்க, அதுல கூட டாக்டர விடலேன்னா பாத்துக்குங்களேன்!

இன்றைய பிரபலம்:

தினம் ஒரு பிரபலங்களின் வரிசையில் இன்று வருபவர், அமெரிக்க வாழ் தமிழர் தமிழ் சசி. இவரது தெளிவான, தீர்க்கமான கருத்துக்கள் நிறைந்த கட்டுரைகள் படிப்பவர்களுக்கு நிறைவைத் தருபவை. தமிழனின் அடையாளப் போராட்டத்தைப் பற்றிய இவரது கட்டுரை அனைவரும் படிக்க வேண்டிய ஒன்று .

ஓக்கே நண்பர்களே,  இன்னும் பல சுவராசியங்களுடன் நாளை வருகிறேன்.