போற்றுவார் போற்றலும் தூற்றுவார் தூற்றலும் போகட்டும் தங்கமணிக்கே !

அனைவருக்கும் வணக்கம்,

இங்கு ஒரு வார காலம் ஆசிரியராக பொறுப்பேற்பதில் மிகவும் மகிழ்ச்சி. வாய்ப்பு கிடைக்க காரணமானவர்களுக்கு மிக்க நன்றிகள். ஆரம்ப காலங்களில் வலைப்பூவில் வெறும் வாசகனாகவே இருந்தேன். இட்லி-வடையைத் தான் நான் முதன்முதலில் சுவைத்துவந்தேன். பிறகுதான் தெரிந்தது, மற்ற கடைகளிலும் வடை கிடைக்குமென்பது.

நானும், எனது வலைமனையும்  - ஓர் அறிமுகம்


வலைமனையில் நாமும் எழுதலாம் என்பது தெரியாத போது, பெயர் சொல்ல விருப்பமில்லாதவரின் தூண்டுதலில் சொந்தமா கடைய விரிச்சேன். கடை ரெடி சரக்கு வேணுமே ? நாள் பூரா ஆபீசுல வேலை செஞ்ச களைப்போட வீட்டுக்கு போனேன். சாப்பிடலாம்னு தங்கமணிய கூப்புட்டா, "முன்னாலேயே வந்திருக்கப்டாதா.. இன்னும் அரை மணி கழிச்சுத்தான் சாப்பாடு", தங்க்ஸின் பதில். ஒம்பது மணி மெகாத் தொடராம் டிவில. எனக்கு வந்த கடுப்புல கணணிய ஓபன் பண்ணி எழுதினேன் மொதோ மோதலா. அதாவது, நா வலைமனைல எழுத ஆரம்பிச்சதுக்கு தங்கமணியும் ஒரு காரணம், அதான் தலைப்புலயே மரியாதலாம். அந்த போஸ்டுக்கே, "இப்படியும் முதல் இடுகை இடலாமா - பலே பலே, நல்வாழ்த்துகள்", கமெண்டு போட்டு என்னைய பாராட்டுனது, 'அன்பின் சீனா' சார்தான்.

அப்புறம் ரெண்டு மாசத்துக்கு சொல்லுறாமாதிரி எதுவும் எழுதலை (சரக்கு இல்லை). குடும்பத்தோட பாத்துட்டு வந்த, அம்சமான 'சர்க்கஸ்' கலைச்சேவைய பாராட்டும் இந்தப் பதிவு விளைந்தது. டீசென்ட்டா எதைவேணாலும் வலைமனைல சொல்லலாம்னு தெரிஞ்சுகிட்டேன். அதனாலதான் இந்த மாதிரி பட்டாம் பூச்சி மேட்டர், எப்பவோ கேட்ட, படிச்ச, பாத்த மேட்டர்லாம், போட்டேன். படப்புதிர் போட எனக்கா ஒரு ஐடியா வந்துச்சு, போட்டேன். அப்புறம் இதே மாதிரி வசந்த், அருண்லாம் போடுறாங்கன்னு தெரிஞ்சதுனால நா விட்டுட்டேன். (ஹி.. ஹி.. அவுங்கள அளவுக்கு நம்மளால முடியலை..).

"இதே பாணில எழுதினா சரக்குல வீரியம் இருக்காது, மாதவா! மாத்தி யோசின்னு" மனசு சொன்னத இந்த மாதிரிலாம் எழுதினேன் , ப(ழ)டம் வரைய சொல்லிக் கொடுத்தேன்.

பிரபல பதிவர் டோண்டு ராகவன் தனியார் தொலைக்காட்சியில் ஒரு பேட்டில வந்தாங்க. நம்மளையும் பேட்டி எடுக்க வந்தா எப்படி இருக்கும்னு நான் கற்பனை பண்ணிப் பாத்தேன், அதப் படிச்சுப் பாருங்க.

கல்விக்கும் கற்பித்தவர்களுக்கும் மரியாதை செய்யறமாதிரி ஒரு பதிவும் குழந்தைகள் தினத்துக்கு ஒரு பதிவும் போட்டேன். 'ஸ்வீட்டா' இருந்திச்சி. குழந்தைகளின் பேச்சே தனிதான். அதனாலதான் என்னோட மூனு வயசுப் பொண்ணு சொன்னத எந்திரன் சினிமா விமர்சனமா பதிவிட்டேன்.

கதையே எழுதாத என்னை சவால் விட்டு எழுத வச்சாங்க நம்ம பரிசல்கார அண்ணாச்சி. காமெடின்னு நெனைச்சிகிட்டு என்னத்தையோ எழுதி அனுப்பினேன் அந்த சிறுகதை போட்டிக்கு.

ஒரு வழியா நூறாவதா இப்படி எழுதினத அருமை அண்ணன் கே.ஜி.கௌதமன், "உங்களுடைய ஒவ்வொரு பதிவிலும், ஏதாவது புதிய விஷயம் அல்லது புதிய கோணம் இருக்கும். அது உங்கள் படைப்பாற்றலுக்கு ஓர் எடுத்துக்காட்டு... .......பதிவுலகில், மேன் மேலும் புகழ் பெற எங்கள் வாழ்த்துக்கள்", என்று பாராட்டியது மிகவும் நெகிழ்ச்சியாக இருந்தது.

என்னைப் பற்றிய அறிமுகம் போதுமென நினைக்கிறேன். வரும் நாட்களில், நான் படித்த பதிவுகளை எனக்கு தோன்றியபடி வகைபடுத்தி அறிமுகம் செய்கிறேன். ஒவ்வொருநாளும், எனது பார்வையில் வித்தியாசமான ஒரு பதிவர் அல்லது பதிவை கடைசியாக சொல்லவிருக்கிறேன்.

இன்றைய அறிமுகம் - 'வித்தியாசமான பதிவுகள்', என் பார்வைப் படி.

இந்த உத்தமரு பண்ண 'திரை விமர்சனம்' மற்றும் இருபதாயிரம் ரூபாயை மாசம் மிச்சப் படுத்துவது எப்படின்னு இந்த கோகுல வாசரு, தந்த ஐடியா.
இந்த ரெண்டு பதிவுகளுக்கும் பக்கத்துல உள்ள படத்துக்கும் உள்ள ஒற்றுமை என்ன ? நாளை சொல்லுகிறேன்..

டிஸ்கி 1 : வள வள ஆசாமி, நா. பீ கேர்புல் ! (என்னையச் சொன்னேன்)
டிஸ்கி 2 : ஒவ்வொரு இணைப்பையும் சொடுக்கி படிக்க வேண்டிய அவசியம் இல்லை. பாதை மாறி போயிட்டா கம்பெனி பொறுப்பல்ல.

....... மத்ததலாம் அப்புறம் பாக்கலாம்.