கதம்பம் நான்கு....

காரியத்தி லுறுதி வேண்டும்;

பெண் விடுதலை வேண்டும்;

பெரிய கடவுள் காக்க வேண்டும்;

மண் பயனுற வேண்டும்,

வானகமிங்கு தென்படவேண்டும்;

உண்மை நின்றிட வேண்டும்.

நம்ம அதிரடி ஆட்டகாரர்கள் நல்லா விளையாடி ஸ்கோர் செய்துட்டாங்க கடந்த 3 நாளில். இனி உங்களை வீழ்த்த வர்றாங்க நம்ம பெளலர். அதிரடி பவுன்சர்கள் வரும் பீ கேர் புல் (உங்களைத்தான் சொன்னேன்)

வாடா மல்லிகை (திரைப்படங்கள்):

தமிழ்படங்களின் விமர்சனங்கள் பதிவுலகில் கொட்டிக்கிடகிறதுனு, ஹிந்தி படங்களுக்கு விமர்சனம் எழுதுறாரு நம்ம அன்பரசன். இவர் இவராகவே பார்த்து எழுதிய குஜாரிஷ் திரைப்படவிமர்சனம் நம்மளையும் பார்க்கதூண்டுதுனா இவர் ஜெயிச்சிட்டாருனுதானே அர்த்தம்?

தாமரை (சிரிப்பு):

அட ஆங்கிலம் கலக்காம தமிழ்ல எவ்வளவுதாங்க பேசமுடியும்? நம்ம பத்மினி மேடம் அடுமனைக்கு போய் (அதாங்க, பேக்கரியாம்) இவங்க பையனை தமிழ்ல பேச சொல்லுறாங்க. அவர் எதுக்கு என்ன பதில் சொல்லி இருக்காரு பாருங்க.

சூரியகாந்தி (சமூகப்பார்வை):

சமூகத்தில் பெண்களை போதைப்பொருளாகவே இன்னும் பார்க்கிறார்கள் என ஆதங்கபடுகிறார் தமிழ்வினை. இவரின் சமூகப்பார்வை நன்றாகவே பல பதிவுகளில் காணமுடிகிறது.

(கதை சொல்லும்) காந்தள்:

சமீபகாலமாய் சிறுகதைகளை எழுதி அசத்தி வருகிறார் ரமெஷ். எழுதற எல்லா கதைகளிலும் உயிரோட்டமா இருக்குது. ஒரு கண் தெரியாத மாணவனுக்கு பரிட்சை எழுத போய் அவனிடம் இருந்து பாடம் கற்று கொண்டதாக செல்லும் இந்த கதை உணர்வு பூர்வமா இருக்கு.

(பல்சுவை) பாரிஜாதம்:

பல்சுவை பதிவுகள் கொடுக்கும் மண்ணையின் செல்வன் சிவா அன்பைவிட ஆயுதம் எதுவும் இல்லை என்கிறார். இந்த வித்தியாசமான கற்பனை கண்டிப்பா எல்லோரையும் சிரிக்க வெச்சாலும் இந்த காலம் வந்தாலும் வரும்!

(கவிதை) ரோஜாக்கள்:

கனவுகள் காணாமல் போனதாக சொல்லும் ராஜி, கவிதைகளில் நம்மை கரைய வைக்கிறார். விரைவில் சதமடிக்கும் இவரிடம் இருந்து இனி மேலும் பல கவிதைகளை எதிர்பார்க்கலாம்.

(அனுபவ) அல்லி:

இதயம் பேசுகிறது பாலாஜி தன் நண்பரின் அனுபவமாக இந்த நிகழ்ச்சியை சொல்கிறார். என்ன தான் பெரிய ஆளா இருந்தாலும்  விளையாட்டாய் 12000 ரூ தொலைத்தால் எப்படித்தாங்க தூக்கம் வரும்?

(எப்பொழுதாவது எழுதும்) குறிஞ்சி:

அது ஏனோ தெரியவில்லை மாதத்திற்கு ஒரு பதிவுதான் எழுதுகிறார் திவ்யாம்மா. விதவிதமான சமையல் குறிப்புக்கள் வழங்குகிறார். மகள் திவ்யாவை பார்த்துக் கொள்வதற்கே நேரம் போதவில்லையோ?

ஒரு டவுட்டு: டியூஷன் மாஸ்டர் டியூசன்ல இருப்பார், ஸ்டேஷன் மாஸ்டர் ஸ்டேஷன்ல இருப்பார், அப்போ புரோட்டா மாஸ்டர் புரோட்டால இருப்பாரா? - கேக்குறாருங்க பெயர் சொல்ல விரும்பாதவரு.

அட இந்த அதிரடிக்கே ஆச்சரியப்பட்டா எப்படி? இன்னும் சில அதிரடி பெளலர்கள் வெயிட்டிங்... நாளைக்கு அட்டாக் தொடரும்...