ஜோதிஜி 7வது நாள் - விதைகள் மலடா?

வணக்கம் நண்பர்களே

ஒவ்வொரு நாளும் நாம் பார்க்கும் இந்த உலகில், நாம் வாழும் ஊரில் எத்தனையோ மாறுதல்கள் நடந்து கொண்டே தான் இருக்கின்றது. நமக்கு எல்லாமே ஏற்புடையதாக இருக்காது. சிலவற்றுக்கு எதிர்க்க வேண்டும் என்று மனதிற்குள் மட்டும் தோன்றும்.

நம் வாழ்க்கை சூழ்நிலை அதை அனுமதிக்காது. அது சுயநலம், பொதுநலம், அக்கறையின்மை என்று என்ன பெயர் வேண்டுமானலும் வைத்துக் கொள்ளலாம். 

நாம் யாரையும் திருத்த வேண்டிய அவசியத்தில் பிறக்கவில்லை.  ஆனால் நாம் நம்மை திருத்திக் கொள்ள முடியும்.  மாற்றங்கள் என்பது மாறிக் கொண்டேயிருப்பது. மாற்றங்கள் என்பது நம்மிடம் இருந்து உருவாவது. நாம் உருவாக்கிக் கொள்ள வேண்டியது.  ஆனால் நாம் எல்லோருமே மற்றவர்கள் மாற வேண்டும் என்று தான் விரும்புகின்றோம். நம்மை மாற்றிக் கொள்ள விரும்புவதில்லை. ஆனாலும் நாம் மாற்றத்தை எதிர்பார்த்தே காத்துக் கொண்டிருக்கின்றோம்.

நம்மால் என்ன செய்ய முடியாது என்பதை நிதர்சனமாக உணர முடியும் என்பதைப் போல நம்மால் என்னவெல்லாம் செய்ய முடியும்? என்பதையும் யோசிக்க முடியும் தானே? 

அரசாங்கம் என்பது மிகப் பெரிய தொழிற்சாலையின் எந்திரம் போல உள்ள நம்மால் உணர்ந்து கொள்ள முடியாத ஒரு விசயம்.  ஆனால் நாம் என்ன உணர்ந்தோம் என்பதைப் பற்றி எழுத முடியும்.  நம் சந்தில் நடந்த அக்கிரமத்தை அப்படியே எழுத வேண்டும் என்ற அவசியம் இல்லை. ஆனால் அதன் பாதிப்புகள் என்ன? அதன் விளைவுகள் என்ன? இப்படி மாறிநடந்து இருந்தால் எப்படி இருந்து இருக்கும் என்று நம்மால் எழுத முடியும் தானே?

நாம் எழுதுவதற்கே திரைப்பட நடிகர் நடிகைகளைப் பற்றி மட்டுமே யோசிக்க விரும்பும் போது ஏன் மற்றவர்களை குறை சொல்ல வேண்டும்.

வலை எழுத்துக்கள் சாகாவரம் பெற்றது. உங்கள் தலைமுறைகளை தாண்டி நிற்கப் போவது. உங்களுக்கு எது வேண்டுமானாலும் பிடிக்கலாம் அல்லது பிடிக்காமலும் போகலாம்.  ஆனால் இரண்டையும் பற்றி எழுதி வைத்து விடுங்க.

காரணம் இப்போதைய சூழ்நிலையில் உங்களுக்கு பிடிக்காத காரணிகள் நீங்கள் அடுத்த வருடம் அந்த எழுத்தை நீங்களே வாசிக்கும் போது எந்த அளவுக்கு உங்கள் மாறுதல் அடைந்துள்ளது என்பதை உணர்ந்து கொள்ள உதவும். 

முடிந்தவரைக்கும் எழுதுங்க.

முயற்சிகளோடு எழுதுங்க.

எழுத்தில் உங்கள் வளர்ச்சி என்பது உங்கள் மனம் சார்ந்த வளர்ச்சி.

நிச்சயம் இந்த தளம் போன்ற ஒரு தளத்திற்குள் சென்றால் உங்களுக்குத் தெரிந்தவர் தெரியாதவர், பிடிக்காதவர், பிடிக்காதவர் என்று அத்தனை தளங்களையும் ஒரே சமயத்தில் பார்க்க முடியும்.  குறைவான நேரம் உள்ளவர்களுக்கு இந்த தளம் ஒரு வரப்பிரசாதம்.

தமிழ் ப்ளாக்கர்ஸ்

வரைச்சரம் மூலம் தான் உங்களை கண்டு கொள்ள முடிந்தது என்றார் முரளி. அப்படி என்றால் என்ன? 4 வருடங்கள் எழுதிக் கொண்டிருக்கும் எனக்கு இன்னமும் உழைப்பு தேவைப்படுகின்றது என்று அர்த்தம்.  இங்கு எவரும்  நிச்சயமானவர்கள் இல்லை. வேறு வழியே இல்லை. உழைத்துக் கொண்டே தான் இருக்க வேண்டும். உண்வுக்கு, இருப்பிடத்திற்கு விரும்பும் மற்ற விசயங்களுக்கு என்று நாம் பாடுபட்டுக் கொண்டே தான் இருக்க வேண்டும்.

உழைப்பும் களைப்பும் அண்ணன் தம்பிகள். ஒற்றுமையாக இருக்க வைப்பதில் தான் நம் மனம் முக்கிய பங்கு வகிக்கின்றது.  உண்மையாக உழைத்தால் களைப்பு வரும். இல்லையென்றால் வெறும் கொட்டாவி தான் வரும். மற்றவர்களைப் பார்த்து பொறாமைப்பட்டுக் கொண்டு கெட்ட ஆவிகளை சுமந்த ஜீவனமாகத்தான் வாழ முடியும்.

வாசிப்பு அனுபவம் என்பது வளரவேண்டியது.  குறுகிய குட்டையாக இருந்தால் அதற்கு பெயர் சாக்கடை என்று சொல்லி விடுவார்கள். இது போன்ற தளங்களுக்கும் நீங்கள் செல்ல வேண்டும்.

தமிழர் மேம்பாடு

எனக்கு பிடித்தது உங்களுக்கு பிடிக்க வேண்டிய அவசியம் இல்லை. ஆனால் ஒரு காலத்தில் எனக்கு பிடிக்காத விசயங்கள், இதுவெல்லாம் நமக்கு தேவைப்படாது என்று கருதிய விசயங்கள் அனைத்தும் குறிப்பிட்ட காலத்திற்குள் தேவையாய் மாறிய போது அதன் பின்னே சென்றுள்ளேன்.  

காரணம் எதையும் ஒதுக்குவதில்லை. தேவைப்படுவதை அப்போது எடுத்துக் கொண்டு மற்றவற்றை தேவைப்படும் சமயங்களில் எடுத்துக் கொள்ள தயாராய் இருந்துள்ளேன். காழ்ப்புணர்ச்சி என்பது வாசிப்பில் வந்து விட்டால் உங்கள் ந்யூரான்களை நீங்கள் முடக்கி வைத்துள்ளீர்கள் என்று அர்த்தம்.

கதவை மட்டுமல்ல.  ஜன்னலையும் திறந்து வைத்து விடுங்க.

ஜாக்கிரதையோடு நாம் வாழப் பழகிக் கொண்டால் தன்னளவில் மகிழ்ச்சியாக வாழ்ந்து கொள்ள முடியும் என்பது உறுதி தான்.  ஆனால் உங்கள் மகிழ்ச்சி மற்றவர்களுக்கும் கடத்த வேண்டும் என்றால் நீங்கள் திறந்த மனதோடு இருந்தால் தான் முடியும்.  தவறுகள் நடக்கும் போது, தவறுகள் உங்களை சோதிக்க அருகே வரும் போது தான் உங்களின் உண்மையான பலமும் பலவீனமும் உங்களுக்கே தெரியும் என்பதை எப்போதும் நினைவில் வைத்திருங்க.

நம்முடைய தவறுகள் நம்முடைய முதல் ஆசான்.

எது குறித்து வேண்டுமானாலும் எப்போது வேண்டுமானாலும் நாம் படிக்கலாம். ஆனால் அதை எப்படி எடுத்துக் கொள்கின்றோம் என்பது தான் இங்கே முக்கியம்.  மனம் என்பது குப்பையை அடைத்து வைக்கும் இடமல்ல.  ஆனால் குப்பைகள் சேர்ந்தால்?

நாம் தானே சுத்தமும் செய்ய வேண்டும். முடை நாற்றம் வருவதற்குள் பல சமயம் மூச்சு கூட போய் விடக்கூடிய ஆபத்தை அந்த குப்பைகள் உருவாக்கி விடக்கூடும்.

மறக்க முடியாத நினைவுகள்

தமிழ்நாட்டை விட்டு வேறொரு மாநிலத்தில் வேலை நிமித்தமாக உயர் பதவியில் வசிக்கும் இவர் அக்கறைபோடு பகிர்ந்து கொள்வதை படித்துப் பாருங்க.  நேரமில்லை என்பது ஒரு பொய்ச் சாக்கு என்பது மனதிற்கு தெரியும் தானே?

இது போன்ற தளங்களை உங்கள் நண்பர்கள் அனைவருக்கும் அவசியம் பகிர்ந்து கொள்ளுங்க.  நாம் இருப்பதை விட்டு விட்டு எத்தனையோ தேவையில்லாத விசயங்களுக்கு அலைந்து கொண்டு இருப்பது புரியும்.

சித்தவைத்தியன்

நான் நன்றாக எழுதக் கற்றுக் கொள்ள வேண்டும், எனது எழுத்து நடை நன்றாக வர வேண்டும் என்ற எண்ணம் கொண்டவர்கள் அவசியம் வளர்ந்த எழுத்தாளர்களின் தளங்களை போய்ப் பாருங்க.  சுருக்கமாக அவர்களின் வீச்சு எந்த அளவுக்கு நம்மைத் தாக்கும் என்பதை உணர்ந்து கொள்ள முடியும்.  அவர்கள் தான் சிறப்பானவர்கள் என்று அர்த்தமில்லை. ஆனால் கற்றுக் கொள்வதில் ஏன் நமக்கு ஒரவஞசகம்.

எழுத்தாளர் ராமகிருஷ்ணன்

எனக்கு படிக்க நேரமில்லை என்பவர்கள் மட்டும் இந்த தளத்திற்குள் சென்றால் உள்ளம் கொள்ளை போகும்.

எழுதுவதை கற்றுக் கொண்ட பின்பு உங்களை நிலைநிறுத்திக் கொள்ள இவர் சொல்லும் விசயங்களை நிச்சயம் கவனத்தில் எடுத்துக் கொள்ள வேண்டும்.

பலரின் தள வடிமைப்பு பார்த்து மனதளவில் அதிக ஆச்சரியம் அடைந்துள்ளேன். இப்போது தான் சற்று கற்றுள்ளேன். இவர் பங்கு முக்கியமானது.

ப்ளாக்கர் நண்பன்

நன்றி சீனா அய்யா அவர்களே. எனது வலைச்சரம் ஆசிரியர் பணி இத்துடன் முடிவடைந்தது.

உங்களின் சில விதிகளை உடைத்துள்ளேன் அல்லது மீறியுள்ளேன். உங்களின் அக்கறைக்கு நன்றி. உங்கள் அன்புக்கும் மரியாதைக்கும் என் வணக்கம்.

கோடுகள் என்பது நாம் உருவாக்குவது.  வானத்தில் இருந்து எவரும் வந்து போட்டு விட்டு போவதில்லை.  கோடுகள் உருவாவதற்கு முக்கிய காரணம் நம் எல்லை நமக்குத் தெரிய வேண்டும் என்பதே. ஆனால் நிச்சயம் என் எல்லைக்கோடு என்ன என்பதை உணர்ந்த இந்த வாரத்தில் பயணித்துள்ளேன். காரணம் இது வரைக்கும் பஞ்சாயத்து எதுவும் வரவில்லை என்பதே எனக்கு கிடைத்த அங்கீகாரம்.

நிச்சயம் சிலரை யோசிக்க வைத்துள்ளேன். என்னளவில் சிலரை அறிமுகம் செய்துள்ளேன்.  

ஆனால் இது முழுமையானது அல்ல.  அங்கீகாரம் என்பது சிறிய குழந்தைகள் முதல் சாவுக்கு அருகில் உள்ளவர்கள் வரைக்கும் தேடிக் கொண்டேயிருப்பது தான். நீங்கள் எதிர்பார்த்த தளங்கள் இங்கே அறிமுகம் இல்லாத பட்சத்தில் அது என் நேரக்குறைவின் காரணமாக உழைக்க முடியாத நிலை என்பதாக எடுத்துக் கொள்ளுங்க.  

மறுபடியும் சொல்கின்றேன். எழுதுவது மட்டுமே உங்கள் வேலையாக இருக்க வேண்டும்.  

விதைகள் உறங்கினால் நாம் பூமிப்பந்தில் பார்க்கும் எந்த காடுகளும், அதன் மூலம் வளர்ந்த உயிரினங்களும், இதன் மூலம் கிடைத்த பல நல்ல காரியங்களும் நம் வாழ்வில் கிடைத்திருக்காது. இந்த வசதியான சுகமான வாழ்க்கை நாம் வாழ்ந்திருக்க முடியாது.

கிண்டலும் கேலியும், நக்கலும் நையாண்டியும், வெறுப்பும், ஏளனமும், காழ்ப்புணர்ச்சியும் உங்களைச் சுற்றி வந்து கொண்டே இருக்கின்றது என்றால் நீங்கள் உறுதியாக வளர்ந்து கொண்டு இருக்கீறீர்கள் என்று அர்த்தம்.

நல்வாழ்த்துகள். 

இந்த 2013 வருடம் உங்கள் உண்மையான எண்ணங்கள் அக்கறையான உழைப்பின் மூலம் வெற்றி அடைய  

தேவியர் இல்லத்தின்  நல்வாழ்த்துகள்.

நன்றி நண்பர்களே.

நன்றி சீனா அய்யா அவர்களே.

மேலும் வாசிக்க...

ஜோதிஜி 6வது நாள் - நில் கவனி செல்

பட்டியலின் தொடர்ச்சி

1. இவரை நீண்ட நாட்களாக கவனித்துக் கொண்டே வருகின்றேன். ஆனால் மனுசன் அசராமல் ஆட்ட நாயகனாக இருப்பதோடு, முகநூல் முதல் அத்தனை இடங்களிலும் அசரடித்துக் கொண்டு இருக்கின்றார். இவர் ஒரு காம்ப்ளான் பையன்.

ஸ்ரீவில்லிபுத்தூ... ரத்னவேல் நடராஜன்

2. இவங்க விமர்சனத்தை ஆவலோடு எதிர்பார்ப்பேன்.  ஆனால் அதிகம் படித்தவர். குடும்பத் தலைவியாக இருப்பவர். ஆனால் எளிமையாக எப்போதும் படிக்க எளிதாக இருக்க வேண்டும் என்று எதிர்பார்ப்பவர். இவரின் தள பெயரும் சரி, எழுதும் விசயங்களும் சரி எவருக்கும் நிச்சயம் பிடிக்கும்.

அம்மாக்களின் வலைப்பூக்கள்

3. நான் ஆச்சரியப்பட்ட மிகச் சிறந்த வாசிப்பாளர். எதையும் அறைகுறையாக வாசிப்பதே இல்லை. தனக்கு தோன்றியவற்றை சமரசம் இல்லாத நிலையில் எழுதக் கூடியவர்

நினைவில் சில கனவுகள்

4. இவர் ஒரு விஞ்ஞானி, எது குறித்தும் பேசுவார். எளிதாக புரியவைப்பார்.

அலைபேசியை பிரித்து மேய்நதுள்ளார் பாருங்க.

பலாபட்டறை

5. இவர் எழுதிய விஸ்வரூபம் பற்றிய கட்டுரையை அதி வேக ரயில் பயணம் போல உங்களால் படித்து விட முடியும்.

விஸ்வரூபம்

மீண்டும் சந்திப்போம்.

மேலும் வாசிக்க...

ஜோதிஜி 5 வது நாள் - உருப்படியான நபர்கள்

சென்ற முறை நான் வலைச்சரத்திற்கு ஆசிரியராக பொறுப்பேற்ற போது ஒரு நண்பர் மூலம் ஒரு பஞ்சாயத்து உருவானது.  

அவர் என் பதிவை குறைத்து மதிப்பீட்டு எழுதி விட்டாய். இவ்வாறு எழுதியது எனக்கு உடன்பாடில்லை. நீக்கி விடு என்று பிடிவாதமாக இருந்தார். ஆனால் நான் எடுக்கும் முடிவில் என்றுமே பின்வாங்கும் பழக்கம் இல்லை. 

சென்ற பதிவில் புலவர் அய்யா சொன்னது போல துவைத்து காயப்போடுவது தான் என் வாடிக்கை.

சீனா அய்யா சொன்னது போல குறிப்பிட்ட பதிவுகள் என்று வலைதளத்தில் உள்ளவற்றை என்னால் அறிமுகம் செய்ய முடியவில்லை.  காரணம் ஒரு நல்ல மாமரத்தில் உள்ள எந்த கனி நல்லது என்று எப்படி சுட்டிக் காட்ட முடியும்.  மொத்த மரமும் இனிப்பாக இருக்கும் போது இந்த பழத்தை மட்டும் உண்டு பாருங்கள் என்று எப்படி சொல்ல மனம் வரும்?

சீனா அவர்களே அடுத்த பதிவில் நீங்க சொன்ன கோரிக்கையை நிச்சயம் நிறைவேற்றுகின்றேன்.

தமிழிலில் உருப்படிகள் என்ற வார்த்தையை கேள்விப்பட்டு இருக்கீங்களா?  நல்ல உருப்படியான வேலை செய்து இருக்கிறாய்? என்று எங்கள் ஊர் பக்கம் பாராட்டிச் சொல்ல இந்த வார்த்தையை பயன்படுத்துகின்றார்கள்.

நான் பார்த்தவரைக்கும் இந்த தமிழ் இணையத்தை தாங்கள் எழுதும் வலைபதிவுகள் மூலம் முடிந்த வரைக்கும் சமூகத்திற்கு சேர வேண்டிய உண்மையான கருத்துக்களை சொல்பவர்கள், இதை ஒரு மாற்று ஊடகமாக கருதுபவர்கள், தங்கள் எழுத்துப் பணியை பொழுது போக்குக்கு அப்பாற்பட்டு கொண்டு செல்ல வேண்டும் என்று நினைப்பவர்கள், தங்கள் பகுதியில் உள்ள விசயங்களை அப்படியே தெரிவிக்க வேண்டும் என்று விரும்புவர்கள் என்பவர்களை பட்டியலிட்டு உள்ளேன்.

சில குழும வலைதளத்தின் உள்ளே நுழையும் போது நீங்கள் இவர் இந்த பகுதியில் இருந்து கொண்டு தான் எழுதிக் கொண்டு இருக்கின்றாரா? என்பது போன்ற ஆச்சரியங்கள் தோன்றக்கூடும்.

அறிமுகப்படுத்தி வைப்பது என் கடமை.

அறிந்து கொள்வது உங்கள் பொறுப்பு.

சேர்தளம்

தொழிற்களம்

உறவோடு

ஈரோடு வலைபதிவர் குழுமம்

கோவை வலைபதிவர் குழுமம்

 தமிழ்மலர்

வெட்டிக்காடு

நினைத்தேன் சொல்கின்றேன்

ஊரான்

ரா.சிவானந்தம்

எனது எண்ணங்கள்

(இந்த பட்டியல் தொடரும்)

குழும பதிவுகளின் உள்ளே நுழைந்து அதில் உள்ள ஒவ்வொரு பதிவுகளை யும் நீங்கள் நேரம் கிடைக்கும் போது பாருங்கள். பல ஆச்சரியங்கள் கிடைக்கக்கூடும். இந்த குழும பதிவுகளின் மூலம் ஏறக்குறைய 50 பதிவுகளுக்கு மேல் உள்ளதால் உங்கள் தேர்வுக்கு ரசனைக்கு இதனை விட வேறு எதுவும் தேவையிருக்காது. உணர்ந்தால் உத்தமம்.

கடந்த மூன்று நாட்களாக வலைச்சரத்தில் நான் அறிமுகப்படுத்தும் பதிவுகளை, விசயங்களை உள் வாங்கிக் கொண்டிருக்கும் நட்புகளுக்கு என் இனிய வணக்கம். பொதுவாக என் பதிவில் அல்லது என் பதிவு வெளியிடும் எந்த தளத்திற்கும் எவர் விமர்சனம் செய்தாலும் அவர்களுக்கு முடிந்தவரைக்கும் பதில் அளிப்பது எப்போதும் என் வாடிக்கையான வழக்கம்.  ஆனால் இந்த முறை முடியாமல் போய்விடுகின்றது. மொத்தமாக சனிக்கிழமை அன்று ஒவ்வொருவருக்கும் தனித்தனியாக பதில் அளித்து விடுகின்றேன்.

காரணம் தொழில் வாழ்க்கை தினசரி நடவடிக்கையோடு மற்றொரு வேலையும் மும்முரமாக நடந்து கொண்டிருக்கின்றது. 

வருகின்ற 27/01/2013 (ஞாயிற்றுக்கிழமை) அன்று திருப்பூரில் பல்லடம் சாலையில் அமைந்துள்ள டிஆர்ஜி நவீன கூட்ட அரங்கில் என்னுடைய முதல் புத்தகமான டாலர் நகரம் வெளியாகின்றது. சட்டமன்ற உறுப்பினர், பிரபல எழுத்தாளர்கள், மற்றும் ஏராளமான பதிவர்களின் நிகழ்ச்சியாக இதனை நடத்த திட்டமிட்டுள்ளோம். 

இதில் தமிழ்ச்செடி, சேர்தளம், தொழிற்களம் போன்ற அமைப்புகள் இணைந்து நடத்துகின்றது. திருப்பூருக்குள் இருந்து வலைபதிவுகளில் எழுதிக் கொண்டிருக்கும் அத்தனை பதிவர்களின் அவர்களைப் பற்றி விபரங்களை உள்ளடக்கிய ஒரு விழா மலர் ஒன்றும் இந்த நிகழ்ச்சியின் வாயிலாக வெளியிட உத்தேசித்துள்ளோம். 

தமிழ்வழிக்கல்வி என்பதை தனது அயராது முயற்சியின் மூலம் திருப்பூரில் எழுத்தாளர் திரு. சுப்ரபாரதி மணியன் மற்றும் திரு. தங்கராசு போன்றவர்கள் தங்களது தாய்த்தமிழ் பள்ளி என்பதன் மூலம் சாதித்து காட்டிக் கொண்டிருக்கிறார்கள்.  

அவர்களைப் பற்றிய அறிமுகமும், திரு. தங்கராசு அவர்கள் நடத்திக் கொண்டிருக்கும் தாய்த்தமிழ் பள்ளிக்குழந்தைகளின் பன்முகத் திறமையை, அற்புத ஆற்றலை உலகத்திறகு எடுத்துச் செல்லும் வண்ணம் அவர்களின் பாடல் நிகழ்ச்சிகளையும் நடத்த திட்டமிட்டுள்ளோம். 

இந்த குழந்தைகளின் நடன நிகழ்ச்சியை திரு. சகாயம் அவர்கள் கலந்து கொண்டு திருப்பூர் உறவோடு தளம்  ஏற்பாடு செய்த நிகழ்ச்சியின் மூலம் கண்ட போது ஆச்சரியப்பட்டுப் போனோன் என்பதை விட திகைத்துப் போய்விட்டேன என்பது தான சரியான வார்த்தையாக இருக்கும். 

நாம் எத்தனை விசயங்களை இழந்து கொண்டு இருக்கின்றோம் என்பதை இதன் மூலம் உணர்ந்து ஒரு குற்ற உணர்ச்சி என் உள்ளே உறுத்திக் கொண்டிருந்த காரணத்தால் இந்த நிகழ்வின் மூலம் இவர்களுக்கு ஒரு வெளிச்சத்தை உருவாக்க வேண்டும் என்று நினைத்துள்ளேன்.

இது குறித்து மேலும் அறிய மேலே உள்ள தளத்தில் உள்ள காணொளி காட்சிகளை கண்டு கொள்ள முடியும். இதனைப் பற்றி தனியாக என் பதிவில் வெளியிட நினைத்துள்ளேன். 

கோவை, ஈரோடு முதல் மற்ற இடங்களில் உள்ள வலைபதிவில் எழுதிக் கொண்டிருக்கும் அத்தனை நண்பர்களுக்கு இந்த அழைப்பிதழ் அனுப்பி வைக்கப்பட உள்ளது. இது தொடர்பான வேலையில் அதிகம் கவனம் செலுத்த வேண்டியிருப்பதால் சீனா அய்யா நம்பிக்கையுடன் கொடுத்த இந்த வாய்ப்பை முறைப்படி முடித்து வைப்பது தான் நியாயமாகும்.  

ஞாயிற்றுக் கிழமை (ஜனவரி 27) காலை 9  முதல் மதியம் 1 மணி வரையிலும் நடக்க இருக்கிறது என்பதால் நிச்சயம் பலராலும் இந்த விழாவில் கலந்து கொள்ள வாய்ப்பிருக்கும் என்று நினைக்கின்றேன். பல நல்ல சமூகம் சார்ந்த மண்ணுக்கும் மக்களுக்குமாய் போராடிக் கொண்டிருப்பவர்களும் இந்த நிகழ்வில் உரையாற்றப் போகின்றார்கள். 

உங்கள் ஆதரவை கோருகின்றேன். 

முழுவிபரங்களை அடுத்த வாரம் என் தேவியர் இல்லத்தில் வெளியிடுகின்றேன். அழைத்துச் சொன்னவுடன் நான் ரயில் முன்பதிவு செய்து விட்டேன் என்ற சீனா அய்யாவுக்கு என் சிரம் தாழ்ந்த வணக்கங்கள்.

ஈழப்போர் ஏன் நடந்தது? இலங்கை பெற்ற வெற்றிக்கு பின்னால் உள்ள சர்வதேச  சமூகம் என்னவெல்லாம் செய்தது என்பதை அறிந்து கொள்ள விரும்புவர்கள் மட்டும் சொடுக்க

மேலும் வாசிக்க...

ஜோதிஜி 4வது நாள் - முகம் காட்டும் கண்ணாடி

இன்று சமூக இணைய தளங்கள் நமது வாழ்க்கையோடு ஒன்றாக கலந்து கொண்டே நம்மை மாற்றிக் கொண்டும் வந்து கொண்டிருக்கின்றது என்பதை அறிவிர்கள் தானே?

வெறுமனே வலைபதிவுகள் என்பதோடு நிற்காமல் உங்கள் எண்ணம் பரந்து பட்டு செல்ல வேண்டும்.  

ஆனால் ஒவ்வொரு நிலையிலும் உங்களின் கவனம் சரியாக இருக்க வேண்டும். பெண்கள் என்றால் இன்னும் சற்று அவகாசம் எடுத்துக் கொண்டு முயற்சிக்க வேண்டும்.  பயந்து கொண்டே இருந்தால் பறவைகள் மட்டும் தான் இந்த உலகில் பறந்து இருக்க முடியும். 

இன்று கண்டங்களை நாள் கணக்கில் கடக்க முடிய காரணமே யாரோ ஒருவர், ஏதோவொரு சமயத்தில் எடுத்த துணிச்சலான முடிவு.

ஆனால் நாம் வேடிக்கை பார்க்க மட்டும் விரும்புகின்றோம். விதாண்டாவாதம் செய்யவும் விரும்புகின்றோம். 

இன்று முகநூல் (ஃபேஸ்புக்), ட்விட்டர் ,கூகுள் ப்ளஸ் (கூகுள் கூட்டல்), ஆர்க்குட் (இது இப்போது வலு இழந்து விட்டது). இது தவிர தொழில் ரீதியான தொடர்புகளுக்கு லிங்டு இன் போன்ற சமூக தளங்கள்.

இப்படி ஒரு உலகம் இருக்கின்றது எனபது உங்களுக்குத் தெரியுமா?

இதனால் என்ன பலன் என்றாவது தெரியுமா?

வலைபதிவுகள் எனறால் குறைந்த பட்சம் 300 வார்த்தைகளாவது கோர்வையாக எழுதத் தெரிய வேண்டும். குறைந்த பட்சம் படிப்படியாக கற்றுக் கொள்ளவாவது வேண்டும்.  அப்போது தான் அதுவொரு முழுமையான பதிவாக இருக்கும்.  கொஞ்சம் தொழில் நுட்ப அறிவு, திரட்டி குறித்த விழிப்புணர்வு போன்றவைகளை அவசியம் கற்று இருக்க வேண்டும்.

ஆனால் முகநூலில் நான்கு வரிகளில் நீங்க சொல்லும் ஒரு விசயம் நான்கு கண்டங்களையும் தாண்டி அதற்கு அப்பாலும் சென்று சில சமயம் பிரளய்த்தை உருவாக்கும்.

பல சமயம் வெகுஜன இதழ்களில் இதன் மூலம் பிரபல்யமாகவும் மாற உதவும்.

ட்விட்டர் என்பதற்கு வரிகள் கூட தேவையில்லை. நான்கு வார்த்தைகளில் நச்சென்று ஒரு விசயத்தை உங்களால் செதுக்க முடிந்தால் போதும்.  வாய்ப்புகள் அநேகம். உங்கள் திறமைகளை எந்த இடத்தில் எப்படி பயன்படுத்திக் கொள்ள வேண்டும் என்பதை நீங்கள் தான் தீர்மானித்துக் கொள்ள வேண்டும்.

சிலருக்கு எதைப் பார்த்தாலும் பயம் அலர்ஜி என்றால் போர்த்திக் கொண்டு படுத்து விட வேண்டியது தான்.  அப்போது கூட டெங்கு கொசு வந்து ஹலோ ஹலோ சுகமா? என்று கேட்கத்தான் செய்யும்? என்ன செய்ய முடியும்?

என்னுடைய அறிமுக பதிவில் என்னுடைய முகநூல், கூகுள் கூட்டல் (GOOGLE PLUS)   ட்விட்டர் பற்றி கொடுத்துள்ளேன். 

முயற்சிப்பதில் தவறில்லை. ஆனால் நிதானமாக காலடி எடுத்து வைங்க.  பலமுறை நான் பகிரும் படங்கள் பெரும்பாலும் முகநூலில் இருந்து எடுத்து போடுவது தான். 

நான் பார்த்தவரைக்கும் மிக மோசமான விசயங்களும் மிக மிக நல்ல விசயங்களும் இந்த முகநூலில் நமக்கு எளிதாக கிடைக்கின்றது. தேர்ந்தெடுப்பது நமது பொறுப்பு. 

பலர் இந்த முகநூல் மூலம் சப்தம் இல்லாமல் பல அரிய சாதனைகளை செய்து கொண்டு இருக்கின்றார்கள்.

கீழே உள்ள தகவல்களை படித்துப் பாருங்க.

ஃபேஸ்புக்ல என்ன சாதிச்சாலும் இதை லாகவுட் பண்ணினா ஒருத்தனுக்கும் தெரியாது - இந்த ஃபேஸ்புக் ஸ்டேட்டஸை வச்சி இரண்டு ரூவா ஒரு கிலோ அரிசி கூட வாங்க முடியாது - இந்த உட்கார்ந்து மேகஸின்ல படிச்சிட்டு அதை தமிழ்ல்ல போடுறதுக்கு எங்காவது கோயில்ல உட்கார்ந்து பிச்சை எடுத்தா அஞ்சு பத்து கிடைக்கும், இப்படின்னு பல நண்பர்கள் கூறக்கண்டேன். ஃபேஸ்புக் மூலம் அடுத்தவங்க என்ன சாதிசசங்கன்னு நான் சொல்றதை விட நான் என்ன சாதிச்சேன்னு பட்டியல் போடு சொல்கிறேன் இதை ஒவ்வொரு வருடமும் செய்வேன்.

2012 ஃபேஸ்புக் மூலம் என்னுடைய சொந்த உழைப்பில், சொந்த பணத்தில் ஒன்னு இல்லை இரண்டு இல்லை ஆயிரம் இல்லை லட்சம் இல்லை 5 லட்சம் மக்களுக்கு மேல் பயனடைந்துள்ளார்கள் அதுவும் தினமும். இதை சொல்வது என் பிரதாபத்தை நானே புகழ்வதற்க்கு அல்ல - ஃபேஸ்புக் ஒரு அருமையான தளம் இதன் மூலம் நீங்கள் நிறைய பெறுவீர்கள் என உறுதியுடன் சொல்லி - ?புறம் பேசுவதும், தனி மனித விமர்சனமும் கூட ஒரு வண்புணர்வும் விபாச்சாரமும் போல" எண்ணி அதை சொல்லும் நண்பர்களையும் இரட்டை வேடம் போடும் நண்பர்களையும் உதாசீனம் செய்து நீங்கள் உங்களுக்கு என்ன நல்லது முடியுமோ அதை செய்யுங்கள்.

1. சமச்சீர் ஆன்லைன் கல்வி - www.samacheeronline.com 2011ஆம் ஆன்டு ஆரம்பிக்கப்பட்டு இதன் மூலம் ஒன்றாம் வகுப்பு முதல் 12 ஆம் வகுப்பு வரை மாணவர்களுக்கு தேவையான் அத்தனை பாடபுத்தகங்களும் பிடிஃப் செய்யபட்டு பல வித வசதிகளுடன் ஆரம்பித்த நான் இன்று 4 லட்சத்தி 31 மெம்பர்கள் உள்ளனர். இதில் தினமும் 6000 - 18,000 வரை லாகின் செய்கின்றனர். பள்ளி விடுமுறை முடிந்து அடுத்த வருடம் பள்ளி திறக்கும் வரை புக் வராமல் சுமம இருக்கும் குழந்தைகள் இந்த புத்தகத்தை யூஸ் வெய்கின்றனர். 

தினமும் இதன் மெம்பர்ஷிப் ஏறி கொண்டே செல்கிறது. இதில் மொத்தம் 18 லட்சம் பக்கங்களை உள்ளடக்கிய போர்ட்டல் - இதில் விளம்பரமோ அல்லது ஒன்றுமே கிடையாது. இது 2 லட்சமாக இருந்தபோது தேணம்மை லக்ஷ்மனன் மற்று மற்ற பத்திரிக்கையாளர்கள் இதை ஆர்ட்டிக்களாக போட்டு 4 லட்சம் பிளஸ் வரை போனது.

2. ஆன் லைன் தமிழ் கல்வி மற்றூம் டெக்னிக்கள் கோர்ஸ் கல்வி போர்ட்டல் - http://www.samacheeronline.com/tamillearning/ இதை ஆரம்பித்து ஆரம்ப தமிழ் முதல் பட்டதாரி தமிழ் பாடம் வரை ஒலி ஒளி வசதியுடன் அமைக்கபட்ட இட்ந்ஹ போர்ட்டலுக்கு உலகம் முழுவது தமிழ் கற்க இது வரை 2லட்சத்தி 13 ஆயிரம் பேர் மெம்பராக இலவசமாக தமிழ் கற்கின்றனர்.

3. நாக் 60 டேஸ் சேலஞ் - www.nag60days.com இது இந்த வருடம் மட்டும் 280 மக்கள் சேர்ந்து சுமார் 3415 கிலோ வரை உடம்பை குறைத்து ஆரோக்யமால இருக்கின்றனர். இதில் 19 வயதில் இருந்து 70 வயது ஆட்கள் வரை மெம்பராக உடம்பை குறைத்தது மட்டுமல்ல ஒரு பத்து வயது இளமையாகி புது லைஃப் ஸ்டைலோடு நோய் நொடியின்றி இருக்கின்றனர். இது அனைத்தும் ஒரு புதுமையான 3டி ஃபார்முலாவை கொண்டு மருந்து மாத்திரை என்று ஒரு மன்னாங்கட்டியும் இல்லாமல் குறைக்கபட்ட சாதனை. சாதாரண ஃபேஸ்புக் மெம்பரில் இருந்து முண்ணனி நடிகை, நடிகர்கள் வரை இதில் பயனடைந்து உள்ளனர்.

4. தமிழ் நாடு பிளட் டோனர்ஸ் - www.tnblooddonors.comலட்சக்ககனக்கில் டேட்டாபேஸை கொண்ட ஆன்லைன் ரதத வங்கி போர்ட்டல் - இப்போது வெறும் சென்னை மட்டும் தான் உள்ளது 2013ல் இது அனைத்து தமிழக நகரங்களின் டேட்டாபேஸ் மற்றூம் இதில் சில சிறப்பு வசதிகளை கொண்டுள்ள இலவச போர்ட்டல்.இதன் பயன் பாடு 1.7 லட்சத்திற்க்கும் மேல்.

5. செக் யுவர் ஹார்ட் - www.checkyourheart.us /

www.asknagravi.com/heart

உங்களின் வயது, பிளட்பிரஷர், கொலஸ்ட்ரால் டீட்டெயில் மற்றும் இன்னும் சில டீட்டெயிலை போட்டால் ஒரு நிமடத்தில் உங்களின் இருதய நிலை உங்களுக்கு ஹார்ட் அட்டாக் வரும் சதவிகிதம் எத்தனை வருடங்களில் வரும் என்பதை சொல்லும் அற்புத இலவச போர்ட்டல். இதன் பயன் பாடு 3 லட்சத்திற்க்கும் மேல்.

6. ஈக்குவல் மேட்ரிமோனி - www.equalmatrimony.com

ஊனமுற்றோருக்காக அரம்பிக்க பட்ட இலவச கல்யாண போர்ட்டல். இதை நடத்த முடியாமல் போனதற்க்கு சில ஆட்கள் பலம் இல்லாதது தான். இதற்க்கு டிமிட்ரி - கார்த்தி கருணா உதவி செய்ய வந்த போது இதை 2013ல் வெற்றீ கரமாக நடத்தி முடிப்பேன். இதன் மூலம் ஒவ்வொரு ஊரிலும் ஒரு இலவச சுயம்வரம் இந்த மக்களுக்காக நடத்தி அவர்களுக்கும் நாம் வாழ்வில் ஒரு ஒளி ஏற்றி வைப்போம்.

இந்த வருடம் நாக்லேப்ஸ் வியாபர விஷயம் என்பதால் பட்டியல் இடவில்லை. புது மற்றூம் உதவி இயக்குனர்களுக்காக ஒரு புது முயற்சியை 2013 ஜனவரி 14ல் தொடங்குவேன். 

இது போக சபரி, வானரசன் போன்ற பல பேர் உதவி செய்யும் இந்த ஃபேஸ்புக் நெட்வொர்க் ஒரு அருமையான வரப்பிரசாதம். எனக்கு கிடைத்த 9000 பிளஸ் இந்த ஃபேஸ்புக் நட்பு தான் என்னை இதை செய்ய வைத்தது. 

இதற்க்கு கார்ணம் நீங்கள் நீங்கள் நீங்கள் தான். 

நன்றியுடன் - நாகராஜன் ரவி.

உங்களால் தினமும் ஒரு மணி நேரம் தான் ஒதுக்க முடிந்து இந்த இணையம் பக்கம் வர முடிகின்றது என்றால் அந்த ஒரு மணி நேரத்திற்குள் ஓராயிரம் விசயங்களை உள்வாங்கிக் கொண்டு ஒதுங்கி விட முடியும்.  காற்றில் தூசி, நாற்றம், மணம், வாசம் என்று எல்லாமே கலந்து தான் இருக்கும். 

நாமும் வாழ்ந்து தானே ஆக வேண்டியிருக்கிறது.

குழந்தைகளைப் பற்றி நினைத்துப் பார்க்க ஒரு தொடர்

படங்கள் 4 தமிழ் மீடியா.காம்

மேலும் வாசிக்க...

ஜோதிஜி 3வது நாள் - மூன்று க(பெ)ண்கள்

வலையுலகில் கடந்த இரண்டு வருடங்களாகத்தான் இணையத்தில் உள்ள பெண்களை அடையாளம் கண்டு கொள்ள முயற்சிக்கின்றேன்.  

ஒவ்வொரு முறையும் தமிழ்மணம் நடத்தும் பரிசுப் போட்டியில் பெண்களுக்கென்று தலைப்புகள் கொடுத்து இறுதியாக தேர்ந்தெடுக்கப்பட்டு பரிசளிப்பது வழக்கம். அதன் மூலம் தான் இணையத்தில் பெண்கள் யார் யார் இருக்கின்றார்கள்? எது குறித்து எழுதுகின்றார்கள்? என்பதை கவனித்து இருக்கின்றேன்.

தேவியர் இல்லத்தோடு குடும்ப ரீதியான வட்டத்தில் தொடக்கம் முதல் இருப்பவர் டீச்சர் துளசி கோபால். எனக்குத் தெரிந்து இந்த வலைபதிவுலகில் மிக மூத்தவர். புனைப் பெயர்கள் எதுவுமின்றி தன் பெயரோடு புகைப்படத்தோடு இந்த இணைய உலகில் தொடக்கம் முதல் இருக்கும் சாதனைப் பெண்மணி. 

அடுத்து தொடர்பில் இருப்பவர் தேனம்மை லஷ்மணன். 

இது தவிர பலரும் தேவியர் இல்லத்திற்கு வந்து நம்பிக்கையோடு விமர்சனம் அளித்து நம்பகத்தன்மையோடு இன்று வரையிலும் வருகை தந்து கொண்டிருந்தாலும் சமீப காலத்தில் சின்மயி பிரச்சனை கொளுந்து விட்டு எறிந்த போது தான் இணையத்தில் உள்ள பெண்கள் குறித்து இன்னும் பல விதங்களில் புரிந்து கொள்ள முடிந்தது. .

இணையத்தில் உள்ள ஆண் பெண் என்ற பாகுபாடு இல்லாமல் 50 வயதுக்கு மேற்பட்ட அத்தனை பேர்களையும் ஆச்சரியத்துடன் பார்ப்பது என் வழக்கம்.  காரணம் வயதாக உடலில் ஏற்பாடும் பிரச்சனைகள், பாதிப்புகள், தனிப்பட்ட குடும்ப பிரச்சனைகள், உருவாகும் மன அழுத்தம், விரக்தி மனப்பான்மை, ஒட்டாத தன்மை, தள்ளாமை, தலைமுறை இடைவெளி எண்ணங்கள் என்று இது போல ஏகப்பட்ட மனம் உடல் சார்ந்த போராட்டங்களை தினந்தோறும் தாண்டி வர வேண்டும். 

இதளைத் தாண்டி நீண்ட நேரம் இந்த இணைய உலகில் செயல்படும் சிலர் எனக்கு உண்மையான சாதனையாளர்களாகவே தெரிகின்றார்.  

வயது இருக்கும் போது ரத்தம் சூடாக இருக்கும் வரையிலும் தத்துவம் முதல் அறிவுரை வரை என்ன வேண்டுமானலும் கூறலாம்.  

ஆனால் நம் உடம்பில் ஒரு ஆரோக்கிய கோளாறு என்றதும் தொடக்கத்தில் மருத்துவ உலகத்தை நாடுவோம். பிறகு ஆன்மிக உலகத்தை நோக்குவோம். அதையும் தாண்டி கோளறு பதிகம் பக்கத்தை திருப்புவோம். 

ஆனால் இது போன்ற மன உளைச்சல் அடையும் சமயங்களில் எவரும் சமூகத்தை குறித்து மற்றவர்கள் நலன் குறித்து யோசிக்கக்கூட நினைப்பதில்லை.  தனக்கு வந்தால் தான் தெரியும் தலைவலியும் கழுத்துவலியும் என்பது போல மனிதர்களின் இயல்பான குணம். 

இதில் பாலினம் பாகுபாடில்லை. நான் பார்க்கும் சிலர் நல்ல அனுபவம் பெற்றிருந்தாலும் அவர்களின் அனுபவத்தை பகிர்ந்து கொள்ளத் தெரியாமல் அல்லது விருப்பம் இல்லாமல் கும்மியோடு கும்தலக்கா என்று தான் எழுதிக் கொண்டிருக்கிறார்கள்.

உடம்புக்குத்தான் வயதாகின்றது.  ஆனால் மனதிற்கு என்றுமே வயதாவது இல்லை. உணர்பவர்கள் வெகு குறைவே.

ஆனால் இந்த வருடத்தில் மூன்று பேர்களை கவனிக்க முடிந்தது.  மூத்த தலைமுறை அடுத்த தலைமுறை இளைய தலைமுறை.

வயதின் அடிப்படையில் இவர்களை பிரிக்கவில்லை. எழுதிய கருத்துக்களின் அடிப்படையில் தான் பிரித்துள்ளேன்.

ரஜ்ஜனி நாராயணன்.

வலைபதிவு உலகத்தில் நான் நுழைந்த போது வேர்ட் ப்ரஸ் தளத்தில் (நானே உருவாக்கிக் கொண்டது) எழுதிக் கொண்டிருந்தேன். நண்பர் நாகா நீங்க ப்ளாக் ல் எழுதினால் உங்கள் வீச்சும் வேகமும் விரைவாக சென்றடைய வசதியாக இருக்கும் என்று துபாயில் இருந்தபடியே இப்போது நான் எழுதிக் கொண்டிருந்த தளத்தை உருவாக்கிக் கொடுத்தார். அப்போது நான் அவரிடம் இன்னும் இரண்டு தளங்களை உருவாக்கி தந்து விடுங்க. நிறைய எழுத ஆசைப்படுகின்றேன் என்றேன். உங்களால் உங்கள் பணியில் இருந்தபடி சமாளிக்க முடியாது என்று கண்டிப்புடன் மறுத்து விட்டார். அப்போது கோபம் இருந்தாலும் அவர் சொன்னதன் உண்மையான அர்த்தத்தை பின்னாளில் தான் உணர்ந்து கொண்டேன்.

ஆனால் இவங்க எத்தனை தளங்கள் வைத்திருக்கின்றார்கள் தெரியுமா. ஒன்றல்ல. மூன்று. மூன்றுமே முத்து தான்.

இரண்டாவது எண்ணம்

எனர்ஜியின் ரகசியம்

திருவரங்கத்திலிருந்து 

கோவில் பிரகாரத்தை சுற்றிச் சுற்றி உள்ளே வந்து கொண்டே இருந்தேன்.  கலக்கியிருக்காங்க. என்னுடைய பெரிய பதிவுகள் தொடர்ச்சியான பதிவுகள் பார்த்து சிலர் எப்படி நேரம் கிடைக்கின்றது என்று கேட்பர். ஆனால் இவரைப் பார்த்து எனக்கு கேட்கத் தோன்றவில்லை. காரணம் நமக்கு ஒன்றில் ஆர்வம் இருந்தால், அடைய வேண்டும் என்ற வெறி இருந்தால், அதையே சர்வகாலமும் யோசித்துக் கொண்டேயிருந்தால் இமயமலையின் உச்சி கூட எளிதில் அடையும் தூரம் தான்.

இவரின் உழைப்பு அபாரம் என்பதை விட பிரமித்துப் போயிவிட்டேன்.. என்று சொல்வது தான் சரியாக இருக்கும். 

அனுபவம், அறிவியல், ஜாலி, சுயபுராணம் என்று நான்கு திசைகளிலும் சிக்ஸராக விளாசி தள்ளிக் கொண்டேயிருக்கின்றார்.  80 சதவிகிதத்திற்கு மேல் தனது அனுபவங்களை சாறாக்கி கொடுத்துள்ளார். 

நிச்சயம் ஒருவர் அனுபவங்களை எழுதும் போது நாம் அந்த வாழ்க்கை வாழ்ந்த அனுபவத்தை பெற்று விட முடியும். 

மற்றொரு ஆச்சரியம் கூகுள் கூட்டல், முகநூல் என்று எல்லா பக்கங்களிலும் தனது காலடித் தடத்தை பதித்துள்ளார்.  வந்தேன் போனேன் என்றில்லாமல் நின்று நிதானித்து அவகாசம் எடுத்துக் கொண்டு அப்ளாஸ் வாங்குகின்றார்.  

இது தவிர மற்ற தளங்களில் வேறு எழுதுகின்றார். இவர் வயதில் நான் இந்த அளவுக்கு ஆரோக்கியத்தோடு புரிந்துணர்வுவோடு இருப்பேனா என்று தெரியவில்லை.

பெண் என்னும் புதுமை என்ற பெயரில் கோவை மு.சரளா எழுதிக் கொண்டிருக்கின்றார்.  ஆனால் என்ன புதுமை என்று எந்த இடத்திலும் சொல்லக் காணோம். 

திருப்பூரில் நடந்த விழாவில் இவரை சந்திக்க முடிந்தது. நான் பார்த்தவரைக்கும் தமிழ் மொழியை பாடமாக படித்து அந்த துறையிலேயே ஆசிரியர் பணி செய்து கொண்டிருப்பவர்களின் பங்களிப்பு என்பது வலையுலகில் மிக மிக குறைவு.  அப்படியே எழுதினாலும் அது வெகுஜன வாசிப்பாக இருப்பதில்லை.  விதிவிலக்குகளை இதில் கொண்டு வர வேண்டாம்.  

ஆனால் இவரிடம் நான் ஆச்சரியப்பட்ட சமாச்சாரம், எழுதும் கட்டுரைகளில் எழுத்துப்பிழைகள் இருப்பதில்லை.  எனக்கு இன்னமும் இது சவால் தான்.  தப்பித்து வந்து விடுகின்றது. அடுத்து கல்வெட்டு போல வார்த்தைகளை செதுக்கத் தெரிகின்றது.  கலந்துரையாடல்களில் தனது மனதில் உள்ள கருத்துக்களை நறுக்குத் தெறித்தாற் போல எடுத்து வைக்க முடிகின்றது. மேடைப் பேச்சில் பேச முடிகின்றது என்று பன்முக அவதாரமாய் செயல்பட முடிகின்றது. 

ஆனால் கல்வித்தகுதி என்பது தொழில் நுட்ப பட்டபடிப்பு.  கல்லூரியில் பணிபுரியும் வேலையும் கூட இதே தான்.  ஆனால் மொழி வளமை என்பது அமுதசுரபி போல இருக்கின்றது. ஆனால் கவிதையை விட்டு கொஞ்சம் வெளியே வந்தால் இவரின் மயக்கம் தாண்டிய  பல படைப்புகளை கொண்டு வர முடியும் என்பது என் தனிப்பட்ட கருத்து.

கண்மணி அன்போடு

இந்த (2012) வருடத்தில் என்னைக் கவர்ந்த முதல் பெண் பதிவர் இவரைப் பார்த்ததும் என் பெண் குழந்தைகள் கல்லூரி செல்லும் போது எப்படி இருப்பார்கள் என்று இவரை வைத்து யூகித்துக் கொள்ள முடிந்தது. நல்ல வேளை வங்கி அதிகாரியாக இருக்கும் அப்பா மகள் மேல் வைத்த புரிந்துணர்வு, அம்மாவின் அரவணைப்பு பெற்ற கணமனி கொடுத்து வைத்தவர் தான்.  ஆங்கிலத்தில் வேறு ஒரு தளம் வைத்துள்ளார்.

அசரடித்து விட்டார் என்பதை விட ஆச்சரியப்படுத்தி விட்டார். திருப்பூரில் நடந்த உறவோடு என்ற அமைப்பை அதன் அடிப்படை கட்டமைப்பு சம்மந்தபட்ட விசயங்களை தொழிற்களம் அமைப்புக்கு உருவாக்கிக் கொடுத்தேன். படிப்படியாக அவர்களே வளர்த்தார்கள். சில நாட்களுக்கு முன் திரு சகாயம் அவர்களை வைத்து ஒரு விழா நடத்தினார்கள்.  

அந்த விழாவில் இவர் தொகுத்து வழங்கியது, பேசிய விதம், உற்சாகப்படுத்திய விதம் என்று எல்லாமே இளங்கன்று பயமறியாது என்பதைப் போலவே எனக்குத் தெரிந்தது. பயோ டெக்னாலஜி படிப்பும், தமிழ் வார்த்தைகளில் கொண்ட ஆர்வமும் ஆச்சரியப்படுத்தியது. 

இவர் உறவோடு தளத்திற்கு எழுதிய ஒரு கட்டுரை திருத்துவதற்காக என் வசம் வந்தது.  துள்ளல் நடை போலவே இருந்தது.  ஏறக்குறைய நடவடிக்கையும் அப்படித்தான் இருந்தது. உற்சாகம் நிறைந்த பெண்மணி என்பதா குழந்தை என்பதா? 

உண்மையிலேயே கண்மணி தான்.

வலைபதிவு அனுபவம்

விமர்சன கலையை வளர்த்துக் கொள்ளுங்க. எழுதுவதை விட விமர்சனம் செய்து இந்த வலைபதிவுகளில் திரும்பி பார்க்க வைத்தவர்கள் பல பேர்கள். 

ஆயிரம் வார்த்தைகளில் எழுதும் கட்டுரையை 50 வார்த்தைகளில் யாரும் யோசிக்காத வகையில் நீங்கள் விமர்சனமாக எழுத கற்றுக் கொண்டால் உங்களுக்குள் இருக்கும் எழுத்தாற்றலின் திறமை உச்சமானது என்று அர்த்தம்.  அந்த வகையில் தனது எழுத்தின் மூலம், தான் வைக்கும் விமர்சன பாங்கின் மூலம் என்னை அதிகம் கவர்ந்தவர் அகலிகன்.

நான் முதன் முறையாக முயற்சித்த தொடர்கதை. ஆச்சரியப்படுத்திய விமர்சனங்கள், அக்கறைகள், என்னை நான் உணர்ந்து கொண்டதும் இதற்குப் பிறகே. பெண்ணே நீ யார்? 

படங்கள் 4 தமிழ் மீடியா.காம்

மேலும் வாசிக்க...

2வது நாள் - வெளிச்சம் எட்டுத்திக்கும் பரவட்டும்

இந்த 2013 வருட முதல் நாளில் கணேசனிடம் இருந்து தொடங்குபவர்களுக்கு தேவியர் இல்லத்தின் இனிய ஆங்கில வருட புத்தாண்டு வாழ்த்துகள். உங்கள் வலிமையான எண்ணங்கள் உங்கள் வாய்ப்புகளை அருகே வரவழைக்கட்டும். 

நான் ஆசாமி தான். 

நம்பிக்கை உள்ளவர்களுக்கு அந்த தொந்தி கணேசனின் அருள் பார்வை கிட்ட என்று தான் சொல்ல வந்தேன்.

வலைபதிவு அனுபவம்

என் எழுத்தை யாரும் படிப்பதில்லை. பாராட்டுவதில்லை, விமர்சனங்கள் கூட அதிகம் வருவதில்லை. நான் போட்டுக் கொள்கின்ற ஓட்டு மட்டுமே. அதுவும் மின் தடையில் வாய்ப்பில்லை என்ற புலம்பும் மக்களா? 

காதை கொஞ்சம் கிட்ட கொண்டு வாங்க.

அங்கீகாரத்தை தேடிக் கொண்டே இருந்தால் நீங்க சவலைப்பிள்ளை என்று அர்த்தம். அது உங்கள் மன உளைச்சலைத் தான் அது அதிகமாக்கும். பெட்டிக்கடையில் போய் சற்று எட்டி நின்று பாருங்கள். நூற்றுக்கணக்கான புத்தகங்கள் தொங்கிக் கொண்டே தான் இருக்கும். ஆனால் நீங்க குறிப்பிட்ட புத்தகத்தை வாங்கி விட்டு வேறு எதையும் திரும்பிக் கூட பார்க்காமல் தானே வந்து விடுறீங்க. 

அப்படி என்றால் என்ன? 

எல்லா பத்திரிக்கையும் முதல் வருடத்திற்குள் அவர்கள் லட்சியத்தை அடைந்தவர்களாக இருப்பார்கள் என்று நம்புகின்றீர்களா?

இலவசமாய் கூகுள் அய்யா கொடுத்த இந்த வாய்ப்புக்கே இந்த அட்டகாசம் செய்ய உங்களால் முடிகின்றதென்றால் லட்சக்கணக்கனா முதலீடு போட்டு தமிழ்நாடு முழுக்க பேய் மாதிரி அலையும் பத்திரிக்கை உலகத்தை நினைத்துப் பாருங்க.

எழுதுங்க. எழுதுவது மட்டும் உங்கள் வேலையாக இருக்க வேண்டும். அதற்கு மேலும் உடனடியாக நீங்க கவனிக்கப்பட வேண்டும் என்றால் மட்டும் கீழ்க்கண்ட வேலைகளை தினமும் செய்யவும். பஞ்சாயத்து மேடையில் உட்கார்ந்திருப்பவர்களிடம் நடிகர் வடிவேல் மாதிரி நிற்க நேர்ந்தாலும் ஆச்சரியப்படுவதற்கில்லை.

1.   எல்லா பதிவுகளிலும் உங்கள் விமர்சனத்தை எழுதி வைத்து விடுங்க.

2.   நான் உனக்கு ஒட்டு போட்டுவிட்டேன். த.ம. 50 என்பது போல எழுதி வைக்க மறந்து விடாதிங்க.

3.   பகிர்வுக்கு நன்றி என்பதை தனியாக எழுதி வைத்து பல பதிவுகளை ஒரே சமயத்தில் திறந்து கட் அண்ட் பேஸ்ட் போட்டு விட்டால் நேரம் மிச்சம்.

4. பொழைக்கின்ற பொழைப்பை விட்டு விட்டு கணினி முன்னால் உட்கார்ந்து கொண்டிருக்கும் போது வரக்கூடிய தலைவலி முதுகு வலிக்கு மருந்து என்று எடுத்து வைத்துக் கொள்ள மறக்க வேண்டாம்.

5. அரசியல் பதிவுகளில் சம்மந்தம் இல்லாத விமர்சனத்தை போட்டுவிட்டு வந்தால் உங்கள் புகழ் பிச்சுக்கிட்டு நாறும்.

6.     ஏதாவது ஒரு கட்சி ஆதரவை காட்டி கன்னாபின்னாவென்று தூக்கு தூக்குன்னு தூக்கி எழுதுங்க.

7.  அப்புறம் வலையில் உள்ள லாபி மக்களிடம் கெஞ்சி கூத்தாடி என்னையும் உங்க ஜீப்ல ஏத்திக்கிங்க என்ற சொல்லி அவங்க பின்னாலே போனா நிச்சயம் ஓட்டு அறுவடையை மகசூல் செய்து விடலாம்.

ஒரு வருடம் கழித்து நீங்க என்ன எழுதியிருக்கீங்க என்று பார்த்தால் கக்கூஸ் திறக்காமலேயே வரும் கப்பு வாடை போல கமகம என்று உங்க மூக்கைத் துளைக்கும். 

எழுதுவது என்பது முதலில் உங்களுக்ககாக என்று இருக்கட்டும். அப்புறம் மற்றவர்களைப் பற்றி யோசிக்கலாம். எவரும் படிக்கவில்லையே என்பதால் தடா, பொடா போன்ற சட்டங்கள் நம் மேல் பாயாது என்பதையும் நினைவில் வைத்திருக்கவும். எழுத தேவை முதலில் மனத்திருப்தி அதற்கு பிறகு படிப்படியாக பயிற்சி. நிச்சயம் பார்க்கப்படுவிர்கள். பல சமயம் ரட்சிக்கப்படுவீர்கள்.

முதலில் என் ரசனையை சொல்லி விடுகின்றேன்.  நான் வலைதளத்தில் தொடர்ச்சியாக படித்தே ஆக வேண்டும் என்று முடிந்தவரைக்கும் தொடர்வது என்பது இந்த தளங்கள் தான்.

வினவு,   சவுக்கு   கலகக்குரல்.  கீற்று,   பூவுலகின் நண்பர்கள்.

இது தவிர 4 தமிழ் மீடியா தளம் தொடங்கி தினமணி வரைக்கும். 

என்னைச் சுற்றிலும் உள்ள உலகத்தை இவர்கள் எழுத்தின் மூலம் உள்வாங்கி விடுவதுண்டு. அதற்குப் பிறகு தான் மற்ற வலைதளங்கள். அடிப்படையில் நான் புத்தக ப்ரியன். காரணம் நான் பார்க்கும் சமூகத்திற்கும், நான் வாழும் சமூகத்திற்கும் உள்ள வித்தியாசங்களை ஒவ்வொரு நாளும் உள்வாங்கி வைத்துக் கொள்ள விரும்புகின்றேன்.  கடினமான விசயங்களை உள்வாங்கிக் கொண்டு எனக்கு தகுந்தாற் போல எளிமையான வாழ்க்கையில் அதை பொருத்தி வைத்து விடுகின்றேன்.

எது குறித்தும் எப்போதும் எந்த பயமும், படபடப்பும் எனக்கு வருவதில்லை. இது தவிர மின் அஞ்சல் மூலம் வருகின்ற அத்தனை தளங்களையும் படித்து விடுவதுண்டு. அதற்கு பிறகு தான் மற்ற தளங்களை நேரம் கிடைக்கும் போது ஒரு சுற்று சுற்றி வருவதுண்டு. ஒரு வரி கவர்ந்தால் கூட ஒரு விமர்சனத்தை எழுதி வைத்து விட்டு வந்து விடுவதுண்டு.

அறிமுகம் வவ்வால்.

இவரின் தளத்தை இந்த வருடம் முழுக்க அதிகம் படித்துள்ளேன்.  ஒரு கட்டுரையை இரண்டு மூன்று முறை வந்து படித்து விடுவேன். இன்னமும் படிக்க வேண்டிய கட்டுரைகள் நிறைய உள்ளது.  நான் படிக்கும் எந்த நல்ல தளத்தையும் என் வட்டத்தில் உள்ள நண்பர்களிடம் பகிரிந்து கொள்வதுண்டு. அது போல ஒரு நண்பருக்கு அனுப்பிய போது அவர் இந்த தளத்தின் முதலாளி கௌபாய் என்றார்.  

எழுத்து  நடை சொல்ல வந்த நோக்கம் தெளிவாக இருந்தாலும் வாசிப்பவர்களுக்கு ஒரு நம்பகத் தன்மையை உருவாக்கும் அளவுக்கு ஒரு புரிதல் வேண்டும் என்றார். 

உங்கள் பார்வை தவறு என்றேன். 

காரணம் அவரவர் என்ன நினைப்பாரோ என்று யோசித்துக் கொண்டே ஒருவன் எழுதினால் அதற்குப் பெயர் எழுத்தல்ல. மளிகைச் சாமான் பட்டியல் போலத்தான் இருக்கும் என்றேன். 

இவர் யார் என்றே வலையுலகில் இருக்கும் எவருக்கும் தெரியாது. சென்னையில் உள்ள நண்பர் அண்ணே அவர் எது குறித்தும் பேசுகின்றார். ஆனால் எல்லாவற்றிலும் மிகத்தெளிவாக இருக்கினறார். நாங்களும் முயற்சி செய்கின்றோம். கண்டுபிடிக்க முடியல என்றார். 

பல வலைதளங்களில் இவரின் பின்னூட்டத்தை பார்த்த போது என்ன மனுஷனடா இவர்? இவருக்கு தெரியாத விசயங்கள் இந்த உலகத்தில் ஏதாவது இருக்குமா? என்று கூட பல முறை யோசித்து இருக்கின்றேன்.  ஆனால் எதார்த்தவாதி. எவரைப்பற்றியும் கவலைப்படுவதில்லை. 

எடுத்த விசயங்களில் எந்த சமரசத்தையும் எடுத்துக் கொள்வதில்லை.  நீக்கு போக்கு ம்ஹிம் பேச்சே இல்லை. ஒரே போடு. மண்பானை போல சுக்குநூறாக நொறுங்கி விடும்.

கக்கூஸ் பற்றி எழுதினால் கூட அதில் உள்ள கப்பு வாடையை நீக்கி விட்டு விஞ்ஞானப் பார்வையில் புகுத்தி பிச்சு உதறிவிடுவார்.  ஆனால் பெயருமே ஒரு மாதிரியானது தான்.  சடசடவென்று அந்த இருட்டுக்குள் நம்மை நோக்கி வருவதைப் போல பறந்து வருமே அந்த வவ்வால் தான். ஆனால் நிச்சயம் மன இருள் நீங்கி வெளிச்சம் பரவும்

தேடல் உள்ளவர்கள் தான் வெளிச்சத்தை தேடுவார்கள்.

எழுத தொடங்கிய காலம் 2006  MAY 02

எழுதிய தலைப்புகள் 235

 +++++++++++++++++++++++++++++++++++++

அறிமுகம் தங்கம் பழனி.

இவர் நாமக்கல் மாவட்டத்தில் உள்ள சிறிய கிராமத்தில் இருக்கின்றார். குறுகிய காலத்தில் நிறைவான வளர்ச்சியை அடைந்துள்ளார்.  இவரின் தளம் என்பது எனக்கு இந்த ஆண்டில் முக்கியமான தளம்.  

காரணம் இவர் எழுத்துக்கள் மூலம் இயற்கை மருத்துவங்களைப்பற்றி என்னால் அதிகம் வாசிக்க முடிந்தது.  என் அடிப்படை வாழ்க்கையில் அதிகம் மாறுதல்களை கொண்டு வந்து சேர்த்தது.  வலைதளத்தின் மூலம் வணிக ரீதியான சாத்தியக்கூறுகளையும் அதிகம் எழுதுகின்றார். 

தொழில் ரீதியாக வலைபதிவுகளை பயன்படுத்துபவர்கள் தங்கள் பேச்சுத்திறமையை அவசியம் வளர்த்துக் கொள்ள வேண்டும். ஒவ்வொரு நாளும் காலை வேலையில் மட்டுமே என்னால் தொழிலுக்கு அப்பாற்பட்ட பல விசயங்களில் கவனம் செலுத்த முடியும். 

மற்ற நேரங்களில் தொடர்பு எல்லைக்கு வெளியே தான். ஆனால் நம்மில் அநேகம் பேர்களுக்கு காலை என்பது தொடங்குவதே எட்டு மணிக்கு என்பதாகத்தான் இருக்கின்றது. ஆனாலும் நாம் ஜெயிக்க வேண்டும் என்று ஆசைப்படுகின்றோம்.

நம்மைத் தேடி வாய்ப்புகள் எப்போது வேண்டுமானாலும் வரலாம். எங்கள் ஏற்றுமதி துறையில் நடு இரவு, அதிகாலை, பகல் என்றே எந்த வித்தியாசமும் இல்லை. உலகத்தின் ஒரு பக்கம் இரவு. ஒரு பக்கம் பகல் என்று இருப்பதால் எங்களைப் போன்றவர்களின் வாழ்க்கை 24 மணி நேரமும் அலர்ட் ஆறுமுகமாகத்தான் வாழ வேண்டியிருக்கிறது..  

நான் பார்த்தவரைக்கும் ஆச்சரியப்படுத்தும் எழுத்துத் திறமையை கொண்டு கொண்டவர்களின் பேச்சுத் திறமை குறிப்பிட்டு பாராட்டும் அளவுக்கு இருந்ததே இல்லை. எழுதுவது என்பது உங்கள் திருப்திக்கான விசயம். ஆனால் பேசுவது என்பது தான் உங்கள் வாழ்க்கைகான விசயம் என்பதை எப்போதும் மறந்து விடாதீர்கள்.

இன்று மனநலம் உடல்நலம் இரண்டும் நமக்கு அவசியம் தானே.

பெயர் தங்கம் பழனி

எழுதிய தலைப்புகள் 375

எழுத தொடங்கிய காலம்  SEP' 2010

கொஞ்சம் ஆரோக்கியம், நிறைய  சுவை. உள்ளே நுழைந்து படித்துப் பாருங்கள்.

மேலும் வாசிக்க...