ரியாஸிடம் இருந்து "திடங்கொண்டு போராடு" சீனு ஆசிரியர் பொறுப்பேற்கிறார்.

வணக்கம் வலை நண்பர்களே,

      இன்றுடன் முடியும் வாரத்திற்கு ஆசிரியர் பொறுப்பேற்றிருந்த முஹமது ரியாஸ் அவர்கள் தனது ஆசிரியப் பணியை சிறப்பாக முடித்துள்ளார். இவர் தவிர்க்க இயலாத காரணத்தால் நான்கு இடுகைகள் மட்டுமே எழுதி தனது அறிமுக இடுகையோடு சேர்த்து மொத்தம் நாற்பதுக்கும் மேல் இடுகைகளை குறிப்பிட்டு அறுபத்து மறுமொழிகளுக்கும் மேல்  பெற்றுள்ளார். அவரை வாழ்த்தி வழியனுப்புவதில் பெருமகிழ்ச்சியடைகிறேன். 

       நாளை முதல் ஆரம்பிக்கும் வாரத்திற்கு திடங்கொண்டு போராடு எனும் வலைப்பூவை எழுதிவரும் சீனு அவர்களை வலைச்சர ஆசிரியர் பொறுப்பேற்க அழைக்கின்றேன். இவர் நெல்லை அருகே தென்காசியை சேர்ந்த இவர் முதுநிலை கணினி பயன்பாட்டு அறிவியல் படித்து விட்டு மென்பொருள் நிறுவனம் ஒன்றில், அமெரிக்க வர்த்தகத்தின் மென்பொருள் எஞ்சினின் பழுது நீக்கும் துறையில் கடந்த ஒரு வருடமாக சென்னையில் பணியாற்றி வருகிறார். புத்தகங்கள் வாசிக்கும் பழக்கத்தால் எழுதும் ஆர்வம் ஏற்பட்டு கடந்த ஒன்பது மாதங்களாக வலைப்பூவில் எழுதி வருகிறார்.

      சீனு அவர்களை வரும் வார ஆசிரியர் பொறுப்பேற்று சிறப்பாக இடுகைகளை எழுதிட வாழ்த்தி வரவேற்கின்றேன்.

முகமது ரியாஸ் அவர்களுக்கும் நல்வாழ்த்துக்கள்.
சீனு அவர்களுக்கும் நல்வாழ்த்துக்கள்.

நட்புடன்,
தமிழ்வாசி பிரகாஷ்.