தெரியாத....தெரிந்த.....கண்டுபுடிச்ச பதிவர்கள்

சகாதேவன்
நிறைய பதிவுகள் போட்டிருக்கிறார். ஆனால் தமிழ்மணத்தில் அதிகம் வலம் வராத பதிவர்.
க்விஸ் போட்டிகள் நடத்துவதில் வல்லவர். வெகு விரைவில் தமிழ்மணத்தில் நடமாடி
தனக்கென உள்ள இடத்தைப் பிடிப்பார்.

கல்யாணவீடுகளில் பரிமாறப்படும் உணவு வகைகள் எவ்வாறேல்லாம் வீணாக்கப்படுகின்றன.
அதை எப்படி சரிசெய்யலாம்? என்று அக்கறையோடு சொல்கிறார், படியுங்கள்
உன் இலையில் மிளகாய், கரிவேப்பிலை, முருங்கைக்காய் தோல் ஆகியவைதான் இருக்கலாம். வேறு எதுவும் மிச்சம் வைக்கக்கூடாது
வீணாக்காதே

பழைய லாங்ப்ளே ரெக்கார்டுகளை சிடிக்களாகவோ நம் கணினியில் இறக்கவோ முடியும் என்பதை கேட்கும் போது எவ்வளவு சந்தோசமாயிருக்கிறது!!!பழைய ரெக்கார்டுகளை
தேடுங்கள
ப்ளே

YOU ARE REGULARLY IRREGULAR!! தலைப்பே நல்லாருக்கில்ல?
தன்னோட தலைமையாசிரியரைப் பற்றி நினைவு கூர்ந்திருக்கிறார். அதோடு அப்பதிவில்
சினிமா க்விஸும் வைத்திருக்கிறார். அங்கு போய் கண்டுபிடியுங்கள்!
ரெகுலர்

நேருவை பற்றிய நமக்குத் தெரியாத புதுத் தகவலொன்றைத் தருகிறார். இப்படிப் பட்ட தலைவர்கள் இனி எப்போது கிடைப்பார்கள்? என்று ஏங்க வைக்கிறார்.
ரோஜாவின்ராஜா


கோமா
வலையுலகத்தில் திடீரென நுழைந்து மடமடவென்று பதிவுகள் இட்டு ஒரு நல்ல இடத்தை பிடித்திருக்கும் பதிவர். ஆன்மீகத்தில் ஈடுபாடு உடையவர். வினாயகர், முருகன், ஆஞ்சநேயர்
மற்றும் நான் வணங்கும் அந்த ஆதிபராசக்தி மேலும் போற்றிகள் எழுதியவர்.
நல்ல நகைச்சுவையுணர்வும் தத்துவ சிந்தனையும் கொண்டவர்.


முருகனையும் ஔவையாரையும் செல்லமாக மோதவிட்டு ஒரு நகைச்சுவைப் பதிவைப் பாருங்கள்.
சுட்டதா சுடாததா


இவருடைய ஹ..ஹா..ஹாஸ்யம் பகுதியிலிருந்து சில சரவெடிகள்
ஹஹ்ஹஹ்ஹா
கொக்கா
அறுவை




ராமலஷ்மியின் முத்துச் சரம்
உங்களுக்கெல்லாம் நன்கு பரிச்சயமானவர். சீனா மாதிரி பின்னூட்டங்களால் பிரபலமானவர்.
எந்த பதிவின் போஸ்ட் எ கமெண்ட் -க்குப்போனாலும் அங்கே நமக்கு முன்னே இருப்பார்.
இவரது 'திண்ணை' பதிவு வலையுலகத்தையே ஒரு கலக்கு கலக்கிவிட்டது. நல்ல தமிழில்
அழகான சுவையான கவிதைகள் பல எழுதியிருக்கிறார், நல்ல கருத்துக்களையும் பின்னி.


2003-ல் எழுதிய இக்கவிதை எக்காலத்துக்கும் பொருந்தும்.கல்வியை வியாபரமாக்கி மாணவர்களின் எதிர்காலத்தை தங்களது சுயநலத்துக்காக அடகு வைத்துள்ள அவலநிலையை
தோலுறித்திருக்கிறார்
வியாபாரக்கல்வி


அதே போல் முதன்முதலாக பள்ளிக்குச் சேர வரும் குழந்தைகளுக்கு தேவையில்லாமல்
இண்டர்வியூ, பொதிக்கழுதை மாதிரி புத்தக மூட்டை....யாரோட பொட்டியை நிரப்ப இவையெல்லாம். எல்கேஜி படிக்கும் ஒரு குழந்தை சுமந்து கொண்டு வரும் 'பேக்பாக்'-ஐப்
பார்த்தால் பாவமாயிருக்கும்.
எல்கேஜி


மக்களை, குறிப்பாக பெண்களை அடிமையாக்கி வரும் டிவி தொடர்களை....அதிலேயே
வீழ்ந்துகிடக்கும் அவலத்தை தன் கவிதையால் சாடுகிறார். உறைக்குமா?
டிவிசீரியல்

ஞானவெட்டியான்
இவர் இப்போது வலையுலகத்திலேயே இல்லை போலும். தேடினேன் கிடைக்கவில்லை.
நான் தமிழ்மணம் படிக்க ஆரம்பித்த புதிதில் என்னைக் கவர்ந்த பதிவர்களில் ஒருவர்.
இவர் தரமிறக்கித் தந்திருக்கும் பாடல்களில்.....குறிப்பாக பழம் பாடல்களை கேட்டுக்கொண்டேயிருப்பேன். நந்தனார் படத்தில் எம்.எம்.தண்டபாணி தேசிகர் பாடிய
'என்னப்பனல்லவா..என் தாயுமல்லவா..பொன்னப்பனல்லவா பொன்னம்பலத்தவா..'
பாடலை திரும்பத் திரும்ப கேட்டுக்கொண்டேயிருப்பேன். ஃபுல் வால்யூமில்! ரங்கமணி
திட்டுவார்...'பக்கத்து (அடுத்தவீட்டு)சுவரில் 'டொக்டொக்'என்று சத்தம் கேக்கும்..குறை!'
என்று. ஆம்! இருந்தது கலிபோர்னியாவில் அல்லவா? அந்த சூழ்நிலையில் இப்பாட்டு
வித்தியாசமாய் ஒலிக்கும்.

இப்போதான்(3/8/08..11:15 PM)கண்டுபுடிச்சேன்..கண்டுபுடிச்சேன்....ஞானவெட்டியானைக் கண்டுபுடிச்சேன்!!!வேறொரு
பெயரில்.
இங்க வாங்க
அதே போல் பழைய நல்ல நல்ல பாடல்களை 'திரையிசை' என்ற பதிவில் நாம் கேட்கும் விதம் தரவிறக்கம் செய்து தருகிறார்.
என் பதிவில் பின்னோட்டமிட்ட சிவமுருகனின் பதிவுக்கு எதேச்சையாக போன போது, அங்கே
கிடைத்தார் ஞானவெட்டியான்! நன்றி சிவமுருகன்!

மேலும் வாசிக்க...

கண்மணி அன்போட சொன்னவை

கண்மணி
ஜங்ஃபுட்,ஃபாஸ்ட் புட் போன்ற நிகழ்கால கலாச்சாரத்தினால் விளையும் தீமைகள் பற்றி
உறைக்கும்படி(உப்பு காரமல்ல)நச் நச் நச் நச் என்று சொல்லியிருக்கிறார். வயிற்றை அடைத்து கொழுப்பைக்கூட்டும் இவ்வகை உணவுகள் நம் நாட்டு சீதோஷ்ண நிலைக்கு சரிவராது.
படிச்சிட்டு இவைகளை சாப்பிடுவதைக் குறைத்தால் நல்லது
இதப்படிங்க



பாப்பா பாட்டு
கண்மணி தொடர்விளையாட்டாக ஆரம்பித்த இப்பதிவில் நானும் சம்மன் இல்லாமல் ஆஜராகியிருக்கிறேன். காரணம் அழைப்பு அப்படி. மறந்து போன தமிழ் ஆங்கிலம் நர்சரி
ரைம்ஸ் எல்லாம் நினைவு படுத்தி பதிவிட கேட்டிருந்தார். மறந்தால் அல்லவோ ஞாபகப்படுத்த?
எட்டு திசைகளிலும் இருந்து வந்து விழுந்த குட்டீஸ் பாட்டுகள் ரொம்ப சுவாரஸ்யமானவை
இங்கே வாங்க


நாய் தொலஞ்சு போனா..
ஜியோபோன்!!!நாய்களுக்கான ஒரு போன். பலவகை செல்போன்களுக்கிடையில் இது ஒரு வித்தியாசமான போன். செல்ல நாய்(நாய்யின்னு சொன்னால் எத்தனை பேர் அடிக்க வருவாங்க?)
கழுத்தில் இதை கட்டிவிட்டு கவலையில்லாமல் இருக்கலாம். GPS மூலம் இயங்கும். நாய் தொலைந்து போனால் இது தரும் சிக்னல் மூலம் இருக்குமிடத்தைக் கண்டுபிடித்துவிடலாமாம்.
பாருங்க

மேலும் வாசிக்க...

சித்திரமும் வெள்ளந்தியும் அம்மாஞ்சியும்

சதங்கா
சதங்காவின் சித்திரம் பேசுதடி.கட்டங்கள் போட்டு வரைய கத்துத்தருகிறார். சின்ன வயதில் இது போல் கட்டங்கள் போட்டு யானை, புலி பொன்றவௌகளை வரைய கற்றுக் கொண்டது, ஞாபகம் வருதே....
கத்துக்குங்க

காட்டாறு

'சிலுசிலுப்பை குச்சி'--குச்சி ஐஸ் தாத்தா
கிராமத்து தாத்தா டவுனுக்குப் போனபோது கண்ட புதுப் பண்டமான குச்சிஐஸை ஆசையோடு
பேரப்பிள்லைகளுக்கு வாங்கி பையில் வைத்துக் கொண்டு வீடு போய் வெறும் குச்சியை மட்டும் கண்டு வெள்ளந்தியாய் விழித்ததை கவிதை நடையில் சொல்லியிருக்கிறார்.
ரொம்ப ரசிச்சேன்.
ரெண்டு, குச்சி மட்டும் அதிலிருக்க
சிலுசிலுப்பும் அடங்கியிருக்க
திருதிருவென புரியாது
விழி தாழ்த்தி
அயர்ந்தாரே
அப்பாவி தாத்தா!

குச்சி


அம்பி எனும் அம்மாஞ்சி

இவரது 'தகப்பன்சாமி'பதிவு என் போன்று பிள்ளைகளிடம் கணினி உபயோகப்படுத்துவது எப்படி என்று கற்றுக்கொண்டதையெல்லாம் ஞாபகப்படுத்தியது.
நம்மோட ப்ளாஷ் பேக்கெல்லாம் தெரியாமல், 'இதுகளுக்கென்ன தெரியும்?' என்று நினைக்கும் இளம்தலைமுறைகளுக்கு கீழ் கண்ட வரிகள் போய்ச்சேரட்டும்.
'பொறுமையாக எனக்கு பயிற்சி அளித்து, திருத்திய அவர்களின் பொறுமையில் தசாம்சமாவது (அய்யோ! படம் இல்லீங்கணா! பத்தில் ஒரு பங்குனு சொல்ல வந்தேன்) எனக்கு வாய்க்காதா என்ன'
சுப்பன்

மேலும் வாசிக்க...

கயல்விழி முத்துலெட்சுமியின் பெருமுயற்சி!!

கயல்விழி முத்துலெட்சுமி

குழந்தைகளின் தனி உலகம்
குழந்தைகளோடு இருக்கும் போது நாம் ஜாக்கிரதையாக பேசவேண்டும். கள்ளம் கபடம் இல்லாத அவர்கள் மனதில் நல்லவைகள்தான் நிரம்பியிருக்கின்றன். பெரியவர்கள் பேசுவதைப் பார்த்துத்தான் நல்லது கெட்டது இரண்டையும் கற்றுக்கொள்கிறார்கள். ஆகவே பேசும் போது நிதானித்துப் பேசவேண்டும் பெரியவர்கள். குழந்தைகளுக்கு பெற்றோர்தான் முன்
மாதிரிகள் என்று உஷார்படுத்துகிறார். படிக்கவேண்டியது...அதன்படி நடக்கவேண்டியதும்கூட!!
கடைசி வரிகளில் பதிவர்களுக்கு ஒரு நெத்தியடி!!
இன்று சர்வ சாதாரண மாக பெரியவர்களாகிய நம் வலைப் பதிவர்கள் கெட்ட வார்த்தைகளை உபயோகிக்கும் நிலையைப் பார்க்கிறோம்.பிள்ளைமனம்

இழப்பின் வலிகள்
பெண்கள் இன்றும் சந்தித்துக்கொண்டிருக்கும் இழப்புகளையும் வலிகளையும் வேதனையோடு
சொல்கிறார். பெண்களுக்கான invicible fence-சும் அதைத் தாண்டிவரத்தெரியாத, போன
தலைமுறையையும் தண்டிக்கொண்டிருக்கும் இன்றைய தலைமுறையும் பற்றி வலியோடும் ஆறுதலோடும் சொல்லியிருக்கிறார்.
வலிகள்

விதவிதமாய் வித்தியாசமாய்.....தோசைகள் சுட்டுத்தருகிறார். இதை பற்றி அப்பவே பின்னூட்டத்தில் என்னோட யானை, பூனை தோசைகள் பத்தி பீத்தியிருக்கிறேன்.
தோசை

தில்லியில் சிறுவர் சிறுமிகள் எப்படி கண்ணன் பிறந்தநாளை....கிருஷ்ணஜெயந்தியை கொண்டாடுகிறார்கள் என்பதை படங்களோடு காட்டியிருக்கிறார். வித்தியாசமாயிருக்கிறது.
பொங்கல் சமயத்தில் 'சிறுவீட்டுப் பொங்கல்' என்று சிறுமிகள் சின்ன மண் அடுப்பு வைத்து
அதில் சின்ன பானை வைத்து பால் காய்ச்சி கொண்டாடுவார்கள். மேலும் பிள்ளைகள்
அவரவர் வீட்டிலிருந்து உப்பு, புளி, அரிசி மற்றும் தேவையான சாமான்கள் கொண்டுவந்து
கூட்டாஞ்சோறு சமைப்பார்களே? அதுபோலிருக்கிறது. அவர்களின் ஒற்றுமையும் பலப்படுகிறது,
இது போன்ற விழாக்களால்! இங்கேயும் அது போல் ஆரம்பிக்கலாமா?
முகுந்தா முகுந்தா

மேலும் வாசிக்க...

சிவ...சிவ....சிவ....சிவாக்கள்!!

மங்களூர் சிவா

"share market is a place where money gets transfers from un-patient people to patient people" - Warren Buffet
ஷேர் மார்க்கெட் பத்தியும்..பங்குகள் வாங்கும் விதம் பத்தியும் புரியும்படி வியாகச் சொல்லியிருக்கிறார். மங்களூர் சிவா, Think Big என்ற பதிவில்
ஷேர் பண்ணிக்குங்க

நெல்லை சிவா

ரியல் எஸ்டேட்டின் அசுர வளர்ச்சி பத்தி அசந்து போய் அவரிடிட்ட பதிவு. கனவு இல்லம்
கனவேவா? உண்மை நிலையை பிட்டுவைத்திருக்கிறார்.


மார்க்கெட்டில் அப்பப்ப வரும் புது பொருட்களுக்கு நல்ல விளம்பரம் கொடுப்பார். பொருளின்
ப்ளஸ்- மைனஸ்களையும் விலாவாரியாகச் சொல்லுவார். இங்கே புது செல்போன் பத்தி சொல்கிறார்.
டையல் பண்ணுங்க

வடிவேலு, கஞ்சா கருப்பு, மயில்சாமி, திருநெல்வேலி பெருசு. இந்த நாலு பேரை அவரர்களாகவே கதாபாத்திரங்களாக வைத்து 'வலைப்பூ..தலைப்பூ..வாழப்பூ!' என்ற தலைப்பில்
ஒரு காமெடிக் கதை எழுதியிருப்பார். க்ரேஸி மோகன் நாடகம் போல் கலகலவென்று ஓடும்.
ஒரு முழுநீள படமாகவோ அல்லது ஒரு படத்தின் காமெடி ட்ராக்காகவோ பயன் படுத்தினால்
பிச்சுக்கிட்டு ஓடும்.
சிரிங்க


இன்னொரு சிவாவும் இருக்கிறார். நாகை சிவா. இவர் பதிவுகள் படித்ததில்லை. மூன்று சிவாக்களுக்காக் இவர் பதிவு போய் பார்த்தேன். சென்ற பொங்கலுக்கு அழகான படங்களுடன்
பொங்கல் வாழ்த்து சொல்லியிருக்கிறார்.படங்கள் அருமை. பூஜை அறையும் பால் பொங்ககும்
படங்கள் நல்லாருக்கு. நிறைய பேர் பார்த்திருக்கிறார்கள். பார்க்காதவர்கள் பாருங்கள்.15/1/08அன்று இட்ட பதிவு.
பொங்கல் வாழ்த்து



அரசாங்கம் தமிழைசெம்மொழி ஆக்குவது பற்றிய பலவிதமான முரண்பாடுகளை ஆதங்கத்தோடு சொல்லியிருக்கிறார். அவரது கருத்துக்கள் எனக்கும் உடன்பாடுதான்.
செம்மொழி என்று பீத்திக்க்கிட்டு அவர்களது தொலைக்காட்சி செய்திகளிலேயே தமிழை கொலைசெய்வதும் இலக்கணப்பிழையோடு வாசிப்பதும் காதில் நாராசமாக ஒலிக்கும்
பதிவுகளில் தமிழ் வாழ்வது பற்றி ஆறுதலடைகிறார்.

இன்று தமிழில் தொடர்ந்து பலர் எழுதுவதற்கு பதிவுலகமும் ஒரு காரணமாக இருக்கிறது என்பதற்கு நாம் எல்லாமே ஒரு உதாரணம் தான். இதே போல் வரும் சமுதாயமும் இருக்குமா? அவர்களில் பலரை(சிலரை) பொறுத்த வரை தமிழ் ஒரு பேச்சு மொழியாக மட்டும் தான் இருக்கிறது என்பது கண்க்கூடான உண்மை. அதை மாற்ற அரசாங்கமோ, தமிழ் வளர்ச்சி துறை, செம்மொழிக்கான துறையோ ஏதும் திட்டம் வைத்து செயல்ப்படுத்துகிறதா என்று எனக்கு தெரியலை. தெரிந்தவர்கள் கூறலாம். என்கிறார் நாகை சிவா.

செம்மொழி என மார்தட்டிக் கொள்ளும் நம் மொழியை ராஜ்யசபாவில் பேச முடியவில்லை.
செம்மொழி

மேலும் வாசிக்க...