இன்னும் சில ஆன்மீகப்பதிவர்கள் -2

சிவலிங்கங்களில் எத்தனை வகை உண்டு. என்பதை தாங்கள் அறிந்து கொள்ள வேண்டுமா? அல்லது சிவலிங்கத்தை தேவர்கள் பூஜித்த ஸ்தலங்கள் எவை, விலங்குகள் பூஜித்த தலங்கள் எவை சென்று தெரிய வேண்டுமா?

நீங்கள் இதற்காக சொடுக்க வேண்டிய வலைப்பூ வினோத சிவலிங்கங்கள். இவ்வலைப்பூவின் ஆசிரியர் சண்முகவேலு ஞான சம்பந்தம் அவர்கள்.

வினோத சிவலிங்கள் பதிவில் இவர் " 1001 சிறுலிங்கங்கள் கொண்ட சகஸ்ர லிங்கம் இராமநாதபுரம் மாவட்டம் ஆதிசிதம்பரம் என்று அழைக்கப்படும் திருஉத்ரகோசமங்கையில் உள்ளது" என்று ஆரம்பித்து பல அற்புத சிவலிங்கங்களைப்பற்றி அருமையாக எழுதியுள்ளார்.

விலங்குகள் பூசித்த சிவத்தலங்கள் தேவர்கள் பூஷித்த சிவத்தலங்கள் பற்றி அறிய கிளிக்கவும் sivanadiyars.blogspot.com. வலைப்பூவை ஆரம்பித்த இவர் தொடரவில்லை போல் தோன்றுகிறது. ஐயா அருமையான தொண்டை ஆரம்பித்திருக்கிறீர்கள் தொடருங்கள் என்று வலையுலக அன்பர்கள் சார்பாக கேட்டுக்கொள்கின்றேன்.


அடுத்து நாம் பார்க்கப்போவது ஒரு குழுப்பதிவு, பதிவர்கள் அனைவரும் அமெரிக்காவில் உள்ள நண்பர்கள். ஆன்மீகமும் தமிழும் இவர்களின் கண்களாக உள்ளன. இரண்டிற்க்காகவும் பல வலைப்பூக்களைப்படைத்து மணம் வீச செய்திருக்கின்றனர். அந்த அன்பர்கள்

தமிழரசன்

Sathia

முகவை மைந்தன்

ஆகிய மூவரே இந்த அன்பர்கள்.

முயற்சி திருவினையாக்கும எனப்து சத்யாவின் தாரக மந்திரம். இவரது கற்றது கைமண்ணளவு வலைப்பூவில் இவர் கூகுளின் புது உலாவியைப் பற்றி இப்படி பதிவிடுகிறார்.

"புரட்சி நாளைக்கு வருகிறது என்று இணையத்தை பத்துவைத்துவிட்டு இன்று மெதுவாக கூகிளாண்டவர் கடைசியில் ஒத்துக்கொண்டுவிட்டார். ஓய்ந்துபோயிருந்த இணைய உலவிச்சண்டையை ஆளுக்கு பாதியாக IEயும் FFம் பிரித்துக்கொண்டு நிம்மதியாக வாழ்ந்துவரும் இவ்வினிய காலத்தில் குட்டையைக் குழப்ப கூகிள் தன்னுடைய Chrome எனும் உலவியை நாளை வெளியிடுகிறது.

சில முக்கிய அம்சங்களாவன
1. திறந்தவூற்று மென்பொருள்............................" தமிழரசன் மொக்கை போடாதோர் சங்கம் வலைப்பூவில் அருமையான பல கட்டுரைகளை எழுதி உள்ளார்.

" யாதும் ஊரே! யாவரும் கேளிர்!" என்பது முகவை மைந்தனின் ஊக்கச்சொல்.

மூவரும் சேர்ந்து உருவாக்கிய வலைப்பூதான் நான்காயிரம் அமுதத் திரட்டு
இதுவரை பன்னிரண்டு ஆழ்வார்களின் திருச்சரித்திரமும் இடப்பட்டுள்ளது. ஆழ்வார்களை இவர்கள் இவ்வாறு அறிமுகம் செய்கின்றனர்.

ஆயர்க் குல ஆதவனின் பேரருளைப் பெற நமக்குப் பேருதவியாய் இருந்த அந்த பன்னிரு ஆழ்வார்கள் என்னும் அவதார புருசர்களின் திருப்பெயர்கள் இதோ.

பொய்கையாழ்வார்
பூதத்தாழ்வார்
பேயாழ்வார்
திருமழிசையாழ்வார்
நம்மாழ்வார்
மதுரகவியாழ்வார்
குலசேகரஆழ்வார்
பெரியாழ்வார்
ஆண்டாள்
தொண்டரடிப்பொடியாழ்வார்
திருப்பாணாழ்வார்
திருமங்கையாழ்வார் ஆவர்.

இவர்கள் திருமாலின் பெயரில் நெக்குருக, நெஞ்சுருகப் பாடிய பாடல்களின் தொகுப்பே நாலாயிரத்திவ்ய பிரபந்தம் ஆகும். ஆழ்வார்கள் அனைவரும் பாடியது அய்யன் பெருமாளின் பெயரில் மட்டுமே என்றாலும் அவை பாடப்பெற்ற காலங்கள் வேறு வேறு. வெவ்வேறு காலங்களில் இயற்றப்பெற்ற இப்பாசுரங்களைத் தொகுத்து நாலாயிரத் திவ்ய பிரபந்தம் என்னும் பெயரில் நமக்கு அருளியவர் நாதமுனி ஆவார். இப்பாசுரத்தை நூல் என்று சொல்வதை விட பாடல்களின் தொகுப்பு என்னும் சொல்லே சாலப் பொருந்தும்.


இவர்களூடன்

Murali (முரளி)

மனதின் ஓசை

நசரேயன்

ஆகியோர் இனைந்து எழுதும் வலைப்பூ மாம்பழச்சாலை ஒரு நட்புவட்டத்தின் தமிழ் வேட்கை. தமிழ் இலக்கிய திரட்டு, தமிழ் இலக்கியத்தின் ஒரு அற்புத பொக்கிஷம்.

திரைக் க்டல் ஒடி திரவிய்ம் தேடும் அன்பர்களே அங்கும் ஆன்மீகத்தையும் தாய் தமிழையும் மறவாத உங்களை வாழ்த்துகிறோம். வாழ்க பல்லாண்டு, தொண்டு தொடர்க.

___________________________________________

திருக்கயிலாய யாத்திரையின் CD/DVD/ புத்தகம் வேண்டும் அன்பர்கள் அடியேனுக்கு muruganandams@rediffmail.com என்ற மின்னஞ்சலில் தங்கள் முகவ்ரியுடன் தெரிவித்தால் அனுப்பி வைக்கிறேன்.
* * * * *

எம்பெருமானின் காலடியிலிருந்து ஓடி வரும் நான்கு ஆறுகள் ஆசியா கண்டம் முழுவதையும் செழிப்பாக்குகின்றன, அவற்றில் ஒரு ஆறு

பார்வதித்தாயின் இருப்பிடம் டோல்மாவிலிருந்து

திருக்கயிலாய தரிசனம்

அன்னை மலைமகள் மரகத வல்லி

மீனாக்ஷி நீராடும் கௌரி குளம்

ஐயனின் முடியில் நாகம்

மலையரசன் பொற்பாவை கர்ப்பகிரகம் செல்லும் வழியில் கிடைக்கும் திருக்கயிலாய தரிசனம் கிழக்கு பகுதியின் நீட்சி.

ஓம் பர்வதம்

மலையில் இயற்கையாகவே பிரணவம் தெரிகின்றதா? ( தேவ நாகரி)

----------------------------------------------

இந்த மூன்று நாட்களும் தனியாக பதிவுகள் எழுத பெரிய அம்மணியும் , சின்ன அம்மணியும் கோபித்துக் கொண்டனர், அதன் விளைவு என்ன என்பதை அறிய நாளை வரை பொறுத்திருங்கள் அன்பர்களே.

மேலும் வாசிக்க...

இன்னும் சில ஆன்மீகப்பதிவர்கள் -1

அடியேன் வலைச்சரத்தில் எழுத ஆரம்பித்த போது சிறிது ஐயத்துடன்தான் ஆரம்பித்தேன் அதிகமாக ஆன்மீகப்பதிவுகளீயே எழுதி வலையிலும் அதிகமாக பார்க்கும் வலைப்பூக்களும் ஆன்மீகம் சம்பந்தப்பட்டவையே யார் வந்து படிப்பார்களோ தெரியவில்லை என்று குழம்பியே பதிவுகள் எழுத ஆரம்பித்தேன், மொக்கை பதிவுகளோ, கும்மியோ, அடியேன் அறியாதது, ஆயினும் சென்ற வாரக் கிடைத்த வரவேற்பு உண்மையிலேயே நன்றாக இருந்தது. குறிப்பாக திருக்கயிலை நாதரின் தரிசனம் இவ்வளவு அதிகம் பேர் பெற்றது மிகவும் மகிழ்ச்சியாக உள்ளது.

எனவே இன்னும் பல பதிவுகள் ஆன்மீகப்பதிவர்கள் பற்றி எழுத விழைகின்றேன. அநேகமாக அனைவருமே சில விழுக்காடு ஆன்மீகம் கலந்தே எழுதுகின்றனர். இதுவரை வலைச்சரத்தில் கூறப்பட்டவர்கள அனைவ்ரும் அதிக சதவீதத்தில் எழுதுபவர்கள். இன்னும் எண்ணற்ற அன்பர்கள் எழுதிக்கொண்டிருக்கின்றனர். அவர்களை அடியேன் கண்டு கொள்ளாதது அவர்கள் குற்றமல்ல அடியேன் குற்றமே. வலைப்பதிவுகள் எழுதும் நேரம் போக சிறிது நேரமே மற்ற வலைப்பூக்களை காண முடிகிறது என்பதால். ஆகவே ஆன்மீக பதிவராக அடையாளம் காட்டப்பட விருப்பமுள்ள அன்பர்கள் பின்னூட்டத்தில் தெரிவித்தால் தங்களையும் அறிமுகப்படுத்துகிறேன்.

இப்பதிவின் முதல் அன்பர் SP VR சுப்பையா அவர்கள். இவரை எல்லாரும் வாத்தியார் என்று அழைக்கின்றனர். இவர் உண்மையாகவே வலைப்பூ மூலம் ஜோதிடம் பாடம் நடத்துகிறார். இவரது வலைப்பூவும் வகுப்பறையே ஆனால் பிரம்பில்லாமல், கண்டிப்பும் இல்லாமல், கனிவை மட்டும் மனதில் கொண்டு பாடம் நடத்தும் வாத்தியாரின் வகுப்பறை!. ஆனால் வ்ருகைப்பதிவேடு மட்டும் உள்ளது. இவரின் மாணாகக்ர்களின் பெயரால இது நிறைந்துள்ளது.

தன்னைப்பற்றி ஐயா என்ன சொல்லுகின்றார் பாருங்கள்.

எல்லாம் விதித்தபடிதான் நடக்கும் என்றிருக்கும் போது, நீ கவலைப் பட்டு என்ன ஆகப் போகிறது? என்பார் கவியரசர் கண்ணதாசன்.என்னைக் கவலையில்லாத மனிதனாக மாற்றியது அவருடைய எழுத்துக்களும் பாடல்களும்தான. கவலையில்லாத மனிதன் என்று ஆகிவிட்ட பிறகு என்னைப் பற்றி வேறு என்ன உயர்வாகச் சொலல முடியும்?

இவரது மற்றொரு வலைப்பூ பல்சுவை. இவ்வலைப்பூவில் சுப்பையா அவர்கள் வாழநினைத்தால் வாழலாம் வழியாயில்லை பூமியில் ஆழக்கடலும் சோலையாகும் ஆசையிருந்தால் நீந்திவா! என்று அனைவருக்கும் ஊக்கம் தருகின்றார்.

"பொருள் கொண்ட பேர்கள் மனம் கொண்டதில்லை
தரும் கைகள் தேடி பொருள் வந்ததில்லை!
மனம் என்ற கோயில் திறக்கின்ற நேரம்
அழைக்காமல் அங்கே தெய்வம் வந்து சேரும்!"
- கவிஞர் வாலி யின் பாடலுடன் அழகு முருகனின் வாகனமாம் மயிலை தன் பதிவில் இட்டுள்ள வாத்தியார் ஐயா முருகனருள் பாடுகின்றார். தேவகோட்டையை சேர்ந்த இவர் இப்ப என்ற ஊருக்காரர் ( கொங்கு) ஆயிட்டாருங்க. சுப்பையா அவர்களே தங்கள் சேவை இன்னும் சிறக்க பிரார்த்திக்கின்றேன்.

அடுத்த ஆன்மீகபப்திவர் கண்ணன் பாட்டு பாடுற மடல்காரர் இவரது வலைப்பூ மடல்கள் அருமையான கவிதைகள் நிறைந்த வலைப்பூ. இவர் தனனை இவ்வாறு அறிமுகப்படுத்திக்க்கொள்கின்றார் " தன் தகவல் " என்று.
. Madal Kadai - மடல் கடை யில் அருமையான சரக்கு வகைகள் உள்ளன், என்ன சரக்குகள் என்று தாங்களே சென்று கண்டு கொள்ளுங்கள்.
மேலும் மடல் கட்டுரை வலைப்பூவில் அருமையான கட்டுரைகளை எழுதுகின்றார்.


அடுத்து நாம் காணப்போகும் அன்பரின் பதிவுகளை இது வரை கண்டு மகிழ்ந்தவர்கள் மூன்று லட்சத்திற்க்கும் மேற்பட்டவர்கள்.
http://siththan.com/

http://saibaba.siththan.com/

http://homoe.siththan.com/

இவையெல்லாம் ஐயாவின் சில வலைப்பூக்கள்.

இவர் பெயரே ஒரு புதுமை ஞான வெட்டியான். உலோகத்தை வெட்டி எடுத்து எல்லோருக்கும் பயன்படுமாறு தருபவர்கள் போல ஞானத்தை வெட்டியெடுத்து அனைவருக்கும் வழங்குபவர்.

பக்தி, யோகம், ஞானம், ஆன்மிகம், இலக்கியம், சித்தர் இலக்கியம், இறைவன் வழிபாடு, ஆன்ம விழிப்பு, ஆலயங்கள், தத்துவம், Thamizh Classics & Poetry எல்லாம் இவர் வலைப்பூக்களில் அடக்கம்.

பிரபுலிங்க லீலை - 2.25

அடிகளிற் சிலம்பு

புத்த னிச்சம் படினும் பொறாமையை
எய்த்து மற்றை யிருமணத் தம்மியில்
அத்தன் வைத்த அடிக்கம லங்களின்
முத்த ரிச்செஞ் சிலம்பு முழங்குற.

புத்து அனிச்சம் - புதிய அனிச்சமலர்.
எய்த்தும்- உணர்ந்திருந்தும்.
அத்தன்-இறைவன்.
முத்து அரி-முத்துக்களைப் பரல்களாகக் கொண்ட.

இருமணம் என்பது மலையரசன் மகளாகப் பிறந்து மணம் புரிந்ததையும், மலையத்துவச பாண்டியன் மகளாகப் பிறந்து மணம் புரிந்ததையும் குறிக்கும். இவ்விரு மணங்களிலும் அம்மியின்மீது இறைவன் வைத்த பாதங்கள் எப்படி இருந்ததாம்? இப்பாதங்களைக் கண்டு புது அனிச்ச மலர் பொறாமை கொண்டதாம். இப்படிப்பட்ட பாதங்களில் இறைவன் முத்துப் பரல்கள்களை உள்ளடக்கிய சிலம்பு அணிந்துள்ளார். இது தில்லையில் ஆடும் ஐயனின் சிலம்புகளைப்பற்றி ஐயா எழுதிய ஒரு பதிவு.

திருவாசகம், கந்தர் கலி வெண்பா, சிவ வாக்கியர் பாடல்கள் எல்லாம் பற்றி எழுகிறார் ஞான வெட்டியான் ஐயா.

---------------------------------------------------------

திருக்கயிலாய யாத்திரையின் CD/DVD/ புத்தகம் வேண்டும் அன்பர்கள் அடியேனுக்கு muruganandams@rediffmail.com என்ற மின்னஞ்சலில் தங்கள் முகவ்ரியுடன் தெரிவித்தால் அனுப்பி வைக்கிறேன்.

* * * * *

இன்றைய தினம் அகோர முக தரிசனம் ஆனால் அருகில் இருந்து அல்ல தூரத்தில் இருந்து இவ்வாறு பார்க்கும் போது திருக்கயிலாய மலையின் முழு தரிசனமும் பெறுகின்றோம்.

புராணங்களின் படி இம்முகம் தொங்கிய தாடி உடையதாய் வெளிப்பட்ட பற்களுடையதாகி, கண்டோர்க்கு அச்சமாய் கரிய நிறமாகி வயதான முகம் போல் வலத்தோளில் தெற்கு நோக்கி இருக்கும் முகம். பஞ்ச பூதங்களில் இம்முகம் அக்னியை குறிக்கின்றது. ஐந்தொழிலிலே அழித்தல் தொழிலை (சம்ஹார காரண முகம்) குறிக்கின்றது. ஐந்தெழுத்தில் 'சி'. ஐயன் அகோர ருத்ர ரூபம். அம்மை இச்சா சக்தி.

அகோரேப்யோத கோரேப்யோ கோரகோர தரேப்ய:

ஸர்வேப்யோ நமஸ்தே அஸ்து ருத்ர ரூபேப்ய

என்னும் தக்ஷ’ண வக்த்ர ப்ரதி பாதக மந்திரத்தால் துதி செய்கிறோம்.

The south face is known as AGHOR- represents the destroyer, one who dissolves everything in the end at the time of dissolution.

View of Holy Kailash South face during June

Yama Dwar and Kailash -

யம பயம் போக்கும் யம துவாரம் மற்றும் திருக்கயிலாயம்

View of Kailash from Yamdwar Nandi in front of the Lord -

இது வரை அலி ரோட்டிலிருந்து கண்ட தரிசனம் இனி வருவது யமதுவாரத்திலிருந்து கண்ட தரிசனம்

காளை நாதன் கயிலை நாதன் எதிரே ( நன்றி KRS)

Kailash towers above the surrounding mountains ( about 2000m) -

žரிய சிம்மாதனத்தில் அமர்ந்து உலகை இரக்ஷ’க்கும் ஜகன் நாயகி நாயகனின் தரிசனம் நந்தியுடன்

Nandi in front of the Lord - நந்தி தேவர் தரிசனம்

மேலும் வாசிக்க...

தேவ மாதா பிறந்த நாள்

ஆரோக்கிய அன்னை

இன்று செப்டெம்பர் 8ம் தேதி "தேவ மாதா மேரியன்னை" பிறந்த நாள். அன்னை மேரி ஆரோக்கிய அன்னையாக அருள் புரியும் தலம்தான் வேளாங்கண்ணி. காரைக்காலில் பணி புரிந்து கொண்டிருந்த போது இப்புனிதஸ்தலத்திற்க்கு பல முறை அடியேன் சென்றுள்ளேன் .

இந்நாளை ஒட்டி கொடியேற்றத்துடன் பத்து நாள் சிற்ப்பு விழா வேளாங்கண்ணியில் நடைபெறுகின்றது. அப்போது பாய்மரக்கப்பலில் உள்ளது போல் உள்ள கொடி மரத்தில் ஆரோக்கிய அன்னையின் கொடி பட்டொளி விசி பறப்பதை காணக் கண் கோடி வேண்டும். தேரோட்டமும் மிகவும் சிறப்பாக நடைபெறும்.

கோவா, கேரளா, தமிழ்நாடு பக்தர்கள் ஆயிரக்கணக்கில் இச்சமயத்தில் கூடுகின்றனர் வேளாங்கண்ணீயில். பக்தர்கள் தங்குவதற்கு சிறப்பு ஏற்பாடுகள் செய்யப்பட்டிருக்கும்.

அடியேன் சிறுவனாக இருந்த போது அன்னை வேளாங்கண்ணி திரைப்படம் வெளி வந்தது, அதில் வரும்

நீலக்கடலின் ஓரத்தில் நீங்கா இன்பக் காவியாமாம்...
தென்னை உயர பனை உயர செந்நெல் உயர்ந்து வளம் செழிக்கும்
வேளாங்கண்ணி என்னும் ஊராம்
என்ற பாடலும்

கருணை மழையே மேரி மாதா கண்கள் திறவாயோ
கண்கள் கலங்கும் ஏழை மகனின் கால்கள் தருவாயோ.
என்ற பாடலும் மனதை விட்டு என்றும் அக்லாதவை.

அன்பான மாந்தரே கூடுங்களே
ஆரோக்கிய மாதவைப் பாடுங்களேன் என்று பாடி மேரியன்னையை ( மாரியம்மனை) வழிபடும் அனைவருக்கும் அன்னையின் இந்த அவதார தினத்தில் நல்வாழ்த்துக்கள்.

ஆரோக்கிய அன்னையின் அருமைக்கதையை அறிந்து கொள்ள சொடுக்குங்கள் KRS ஐயாவின் வலைப்ப்திவு http://madhavipanthal.blogspot.com/2008/09/blog-post_07.html

மேலும் வாசிக்க...

இவ்வாரமும் தொடரும் ஆசிரியர்

அன்பின் அருமை அன்பர்களே !

கைலாய மலை சென்று எம்பெருமானைத் தரிசித்து, நமக்கெல்லாம் ஆன்மீகப்பூக்களை அறிமுகப் படுத்தி வரும் அருமை நண்பர் முருகானந்தம் என்ற கைலாஷி, இன்னும் திருக்கையிலை நாதரின் பல்வேறு முகங்களையும் பதிவிலிட்டு, இன்னும் பல்வேறு ஆன்மீகப் பதிவுகளை அறிமுகம் செய்ய வேண்டி இருப்பதால் இவ்வாரமும் அவரையே ஆசிரியராகத் தொடர்ந்து பணியாற்ற வேண்டிக் கேட்டுக் கொண்டதின் பேரில், அவரும் இவ்வாரமும் ஆசிரியராகத் தொடர்கிறார்.

அவரது பணி சிறக்க நல்வாழ்த்துகள்

சீனா

மேலும் வாசிக்க...

இன்னுமொரு வாரம் எழுதும்

திருக்கயிலை நாதரின் பொன் முகங்கள்

வடக்கு முகம்

சூரிய ஒளி விழும் முகம் கிழக்கு
நேராக உள்ளது தெற்கு முகம்

வடக்கு முகம்


வடக்கு மற்றும் கிழக்கு பின் புறம்
சிவ லிங்கத்தின் தாரா போல் உள்ள பகுதி.

பொன்னிற எம்பெருமான்

எம்பெருமானின் சாதாரண தோற்றம்.

(படங்களின் மேல் கிளிக்கி பாருங்கள் முழு தோற்றத்தையும் காணலாம்)

இது வரை நடந்த கதை:

சீனா ஐயா வலைச்சரத்தில் செப்டெம்பர் மாதம் தாங்கள் ஆசியராக இருக்க சம்மதமா? எதோ ஒரு வாரத்தை தேர்ந்தெடுங்கள் என்று கேட்ட போது, முதலில் 8ம் தேதியிலிருந்து எழுதுகின்றேன் என்று ஒத்துக்கொண்டு ஓய்வாக இருந்த சமயம் ஒரு 6 பதிவுகளை எழுதி pendriveல் எடுத்துக்கொண்டு வெளியூர் பணி நிமித்தமாக சென்று விட்டேன்.

திடீரென்று ஒரு நாள் ஒரு மின்னஞ்சலில் ஐயா ஒன்றாம் தேதியிலிருந்தே எழுத முடியுமா? என்று கேட்டிருந்தார். முதலில் வெறும் ஆறு பதிவுகளை வைத்துக்கொண்டு என்ன செய்வது என்று அவரிடம் ஐயா அதிகமான பதிவுகளை இட முடியாது முடிந்த வரை பதிவிடலாமா? என்று கேட்க அவரும் வானம் தான் எல்லை தங்களின் வானம் எதுவோ அது வரை தாங்கள் தொடுங்கள் என்று அனுமதியும் தந்தார்.

ஆகவே முதலில் விநாயகர் சதுர்த்தி சிறப்பு மலர் பற்றி யோசித்திருக்கவில்லை, விநாயகரை பற்றியும் சொல்ல வேண்டும் அதே சமயம் அன்பர்களையும் அறிமுகப்படுத்த வேண்டும் என்ன செய்வது என்று யோசித்த போதுதான் ஞான கணேசர் குழுப் பதிவுகளை அடையாளம் காட்டி அதில் எனக்காக ஒரு பாட்டு மலரையும் ஆரம்பி என்று ஆணையிட்டார். KRS அவர்களும் ஒத்துக் கொண்டார். விநாயக்ர் பாடல் துவங்கும் நாளை ஆவலுடன் எதிர்பாருங்கள்.

பகலில் பணி நிமித்தம் சென்று விட்டதால் இரவில்தான் பதிவுகளை பதிவிட சமயம் கிடைத்தது. ஆயினும் தமிழ் மணத்தில் பதிவிட மறந்து விட்டேன் அதை சுற்றி காட்டி சரி செய்தார் சீனா சார்.

ஆறு பதிவுகளைப்பிரித்து, ஒன்று கூட்டி இந்த முதல் வாரம் எப்படியோ பத்து பதிவுகள் இட்டு விட்டேன்.

கிழக்கிலிருந்து அதாவ்து நியூசிலாந்திலிருந்து துளசி டீச்சரும், சின்ன அம்மிணியும், மேற்கிலிருந்து அதாவது அமெரிக்காவிலிருந்து KRS, குமரன் முதல் அநேகர் வந்து திருக்கயிலை நாதர் தரிசனம் பெற்று சென்றிருக்கிறனர். தினமும் ஐயன் தரிசனம் தர ஐடியா கொடுத்த( இனி வாரம் முழுவது சிவ சிவ என்றிருக்கும்) துளசி டீச்சருக்கு நன்றி. பதிவிடுவதற்கு முன்பே வந்து வரவேற்ற சதாங்கா முதல் இன்று வரை வந்து தரிசனம் பெற்று சென்ற அனைவருக்கும் நன்றி.

வேளராசி அவர்கள் ஐயா திருக்கயிலையின் பொன்னிற படம் பதிவிடுங்கள் என்று கேட்டிருந்தார் இப்பதிவில் அப்படங்களை தாங்களும் தரிசனம் செய்யலாம், இப்படங்களை சொடுக்கினால் உண்மையான பெரிய படம் கிட்டும்.

இன்னும் ஒரு வாரம் எழுத அனுமதியுள்ளது இதைப்போலவே வந்து தரிசனம் பெற வேண்டுகிறேன். இனி மேலும் கொங்கு பாஷையில் தங்களை கஷ்டப்படுத்தாமல் நேராகவே எழுதுகின்றேன்.

மேலும் வாசிக்க...