அன்புடன் ஐந்தாம் நாள்

                                                                          

சினிமாப் பாடல்கள் என்றாலே

இரட்டை அர்த்தங்களும் முகம் சுளிக்கச் செய்யும்

முனகல்களும் நிறைந்த இந்த காலத்தவர்களுக்கு

சில பழைய பாடல்களை அறிமுகப் படுத்தலாம் என நினைக்கிறேன்

பதிவின் நீளம் குறித்த அக்கறையில் சுருக்கமாகவும்

இரண்டு பாடல்களை மட்டும் கோடிட்டுக் காட்டிப் போகிறேன்

அவசியம் என்றால் தொடர்ந்து பதிவாகத் தர உத்தேசமும் இருக்கிறது

தேவை இல்லாத  பாடல்களில் கூட ஆபாசமான வார்த்தைகளை

போடத் தயங்காத இன்றைய பாடலாசிரியர்களுக்கு

உடலுறவு குறித்து சொல்லித்தான் ஆகவேண்டும் என்ற நிலையில் கூட

கண்ணியமாக எழுதப்பட்ட கவியரசு கண்ணதாசன் அவர்களின்

பாடல் ஒன்று இது "தேனும் பாலும்" என்கிற படத்தில் வருகிறது

தவிர்க்க  முடியாத சூழலில் இரு மனைவியருடன்

வாழ வேண்டிய நிலையில் கதாநாயகன் இருக்கிறார்.

அப்போது ராமனாக கணவன் இருக்கவேண்டும்

என எண்ணுகிற மனைவி

ஒரு மனைவியுடன் கூடி இருக்கும்போது அடுத்த பெண் குறித்த

சிந்தனையில் இருப்பவன் எப்படி முழு இன்பம் அடைய முடியும்

என்பதை சொல்லவேண்டும் .

அதை ஆபாசமில்லாமல்

எவ்வளவு அழகாகச் சொல்கிறார் பாருங்களேன்

" கங்கையிலே குளிக்கையிலே

காவிரியில் மனசு வைத்தால்

இந்த சுகம் அது தருமோ

அந்த சுகம் இது தருமோ "

அடுத்து பாகப்பிரிவினையில் ஒரு காட்சி

படிப்பறிவற்ற உடல் ஊனமுற்ற கதா நாயகனுக்கு திருமணம்

முடிந்து முதலிரவு ஏற்பாடாகிறது.

படிப்பறிவற்றவன் என்பதால் உடல் ஊனமுற்றவன் என்பதால்

தன் ஆண் தன்மையிலும் ஏதாவது

குறையிருக்குமோ என்ற பயத்தில் ஆழ்ந்து போகிறான்

அவனை தேற்றும் விதமாக பெண் பாடும் பாடலை

ஆபாசமற்று எவ்வளவு அழகாகச் சொல்கிறார் பாருங்களேன்

" தங்கத்திலே ஒரு குறையிருந்தாலும்

தரத்தினில் குறைவதுண்டோ-உங்கள்

அங்கத்திலே ஒரு குறையிருந்தாலும்

அன்பு குறைவதுண்டோ

சிங்கத்தின் கால்கள் பழுதுபட்டாலும்

சீற்றம் குறைவதுண்டோ

சிந்தையும் செயலும் ஒன்றுபட்டாலே

மாற்றம் காண்பதுண்டோ..

பாடல் முழுவதுமே இப்படி அழகாக ஆபாசமின்றி

அந்தப் பாடல் மனக் குறையுள்ளவனுக்கு தேறுதல் சொல்லிப்போகும்

கிராமத்திலே ஒரு பழமொழி சொல்வார்கள்

"சும்மாவே ஆடுவான் கொட்டடிச்சா சொல்லவா வேனும் " என்று

அதைப்போல கோவில் திருவிழா ,கணவன் மனைவி பாடும்

காட்சியிலேயே எப்படி ஆபாசத்தைச் சேர்க்கமுடியும் என

மூளையைக் கசக்கும் இன்றைய கவிஞர்களுக்கு

இதுபோன்ற காட்சியமைப்பு கிடைத்தால் லட்டு கிடைத்த

மாதிரியல்லவா இருக்கும்

சரி அது கிடக்கட்டும் அறிமுகத்துக்கு வருவோம்

புகழ் விரும்பி எழுதுவது ,பொழுதுபோக்காக எழுதுவது என்கிற

எல்லைகளைக் கடந்து ,எழுதுவது பயன்படத் தக்கதாய்

(இதை விரிவான பொருளில் கொள்ள வேண்டும்)

இருக்கவேண்டும் என எழுதுகிற பல பதிவர்கள்

பதிவுலகில் இருக்கிறார்கள்.அவர்களில் நான் அறிந்த சிலரை

இந்தப் பதிவில் அறிமுகம் செய்கிறேன்

1.வை கோபால கிருஷ்ணன்http://gopu1949.blogspot.com/

நாம் அன்றாடம் சந்திக்கின்ற சிறு சிறு நிகழ்வுகள்

மிகச் சாதாரண மனிதர்கள் இவரது கண்களில் பட

அது கதையாகி ஒருகாவியமாகிப் போவது ஆச்சரியம்தான்

மிக மிக எளிமையான சொற்களைக் கொண்டே

அவர் படைக்கும் கதைகள் படிப்பவர் மனதில்

பெரும் தாக்கத்தை ஏற்படுத்திப்போவது அவரின்

எழுத்துத் திறமைக்கு அத்தாட்சி உதாரணத்திற்கு 

இந்தக் கதையைப் படித்துப் பாருங்கள் புரியும் 

http://gopu1949.blogspot.com/2011/08/blog-post_01.html

2,ஜி.எம்.பாலசுப்ரமணியன்http://gmbat1649.blogspot.com/

தேடல் என்பது உள்ளவரை வாழ்வில் சுவையிருக்கும் என்கிற

பாடல் கேட்கும் போதெல்லாம்  ஜி.எம்.பி.சாரைத்தான் நினைப்பேன்

அவருடைய வார்த்தைகளிலேயே சொன்னால்

 இவர் 72 வயது இளைஞர்

இவருடைய படைப்புகள் எல்லாம் படிப்பவருக்குள்

ஒரு சிந்தனைத் தீயைபற்ற வைத்துப்போகும்.

அவர் எழுதுவதின் நோக்கமும் அதுதானேதானே

இதை ஒருமுறை படித்துப் பாருங்களேன் 

http://gmbat1649.blogspot.com/2011/07/blog-post_28.html

3லெட்சுமிhttp://echumi.blogspot.com/

நான் எப்போதெல்லாம் கொஞ்சம் சோர்வடைகிறேனோ அப்போதெல்லாம்இவருடைய அனுபவச் சுரங்கமாய் உள்ள

 பதிவுகளை ஒருமுறை படித்து என்னை

 உற்சாகப் படுத்திக்கொள்வேன்..

உள்ளத்தில் உள்ளதைஎவ்வித வார்த்தை அலங்காரங்களும்

கலந்து விடாதபடி மிக அழகாகஎழுதிப்போகும் இவரது

எழுத்தின் லாவகம் நாம் அனைவரும்

கற்றுத் தேறவேண்டிய ஒன்று

இதைப்  படித்துப் பாருங்களேன்

http://echumi.blogspot.com/2011/03/1.html

4.சுகராஜிhttp://suharaji.blogspot.com/

எதையும் நேர்மறைச் சிந்தனையுடனும் அணுகுவதும்

பின்னூட்டங்களில் பாராட்டப்பட வேண்டியவர்களை

மிகச்சரியானவார்த்தைகளில் பாராட்டிப் போவதும்

 தீயவைகளைச்சாடுகையில் ருத்திரம் கொள்வதும்

 இவர் பதிவுகளில் நான் ரசிப்பது

இவர் இப்போதெல்லாம் அதிகம் எழுதாதிருப்பது அதிகமாக

பின்னூட்டப் பதிவுகளில் தென்படாமல் இருப்பது எனக்கு

கொஞ்சம் வருத்தமே.இவரைப் பற்றி இவரே சொல்லும்

இந்தப் பதிவைப் படித்தால் இவரைப் புரிந்து கொள்ளலாம்

http://suharaji.blogspot.com/2011/07/16-x-3.html

5.சுந்தர்ஜிhttp://sundargprakash.blogspot.com/

ஏகலைவன் போல் நேரடியாகச் சந்திக்காமலேயே இவரது

படைப்புகள் மூலம் இவருக்கு சீடனாகிப் போனவன் நான்

இவருடைய கவிதைகள் ஆகட்டும்,கட்டுரைகள் ஆகட்டும்

ஒவ்வொன்றும் அதன் தனமை புரிந்து

படிப்போருக்கு ஒரு நல்ல பயிற்சி நூல்தான்

6.தமிழ் உதயம்  http://tamiluthayam.blogspot.com/

2009 ல் இருந்து கதை கவிதை கட்டுரை என அனைத்துத் 

துறைகளிலும் தன் முத்திரையைப் பதித்து வரும் இவர்

இதுவரை சுமார் 200 க்கும் மேற்பட்ட பதிவுகளைக்

கொடுத்துள்ளார். அனைத்துப் பதிவுகளும்

அனைவரும் படித்தறிய வேண்டிய பயனுள்ள பதிவுகள்.

இவர் கடைசியாக பதிவிட்டுள்ள " ஒளிமயமான எதிர்காலம் "

என்றகட்டுரையைப் படித்தாலே உங்களுக்குப் புரியும்

http://tamiluthayam.blogspot.com/2011/08/blog-post.ஹ்த்ம்ல்

7.போளூர் தயா நிதி:http://polurdhayanithi.blogspot.com/

இலக்கியத்தில் அதிக ஈடுபாடு காரணமாக ஒரு பதிவும்

சித்த மருத்துவர்என்பதால் அதற்கென ஒரு பதிவும் கொண்டு

மிகச் சிறப்பான பதிவுகளைக்கொடுத்துக்கொண்டு  வரும்

 இவருடைய பதிவு அவசியம் அனைவரும்

தொடர வேண்டிய ஒரு பதிவாகும். தரமான பதிவுகளாகத் தரவேண்டும்

என்பதற்காகவே மாதம் ஒன்றுக்கு ஐந்து அல்லது ஆறு பதிவுகளுக்கு

மேற்படாமல் பதிவிட்டுவருகிறார்.இவருடைய கடைசிப் பதிவான

"மண் சோறும் குழந்தைப் பேறும்" என்ற பதிவை படித்தாலே

நீங்களே இந்தப் பதிவை தவறவிடமாட்டீர்கள்

http://polurdhayanithi.blogspot.com/2011/08/blog-post.html

8 முனைவர் குணசீலன்http://gunathamizh.blogspot.com/

கவிதை என்று சொன்னாலே சினிமா பாடல்கள்தான் எனவும்

இலக்கியக் கூட்டம் என்றாலே சிரிப்புத் துணுக்குகளை உதிர்க்கிற

பட்டிமண்டபக் கூட்டங்கள் எனவும் மனம் குறுகிப்போன அல்லது

அதற்குமேல் இருப்பதை அறியாத படைப்பாளிகளுக்கு (?)

சங்க கால இலக்கியங்களை பாமரனும் புரிந்து கொள்ளத் தக்க வகையில்

விளக்கிப் போகும் அருமையான தளம் இவருடையது

கவிதை செய்ய முய்ல்வோர் தொடர்ந்து இவர் தளத்தை படித்துவந்தால்

நிச்சயம் ஒரு நாள் ஒரு நல்ல கவிதை படைப்பார்கள்

அல்லது அது பாவம் பிழைத்துப் போகட்டும் என விட்டுவிடுவார்கள்

http://gunathamizh.blogspot.com/2011/08/blog-post_03.html

9.கலா நேசன் .http://somayanam.blogspot.com/

இவருடைய பெயரும் காரணப் பெயர்தான் என்பது இவருடைய

தரமான பயனுள்ள கதை கவிதை கட்டுரைகளைப் படித்தாலே

எளிதில் புரிந்து போகும்.2009 ல் இருந்து பதிவிடத் துவங்கி

100வது பதிவை எட்ட இருக்கும் இவரின் பதிவுக்கு நான் தீவீர ரசிகன்

இவருடைய  "பறந்து கொண்டே இருப்போம் " என்கிற சமீபத்திய

கட்டுரையைப் படித்தாலே நீங்களும் ரசிகர் ஆகிப் போய்விடுவீர்கள்

http://somayanam.blogspot.com/2011/07/blog-post_31.ஹ்த்ம்ல்

10 அன்புடன் நான் - சி.கருணாகரசு

http://anbudannaan.blogspot.com/

2009 முதல் இதுவரை 130 பதிவுகள் இட்டு

208 க்கு மேற்பட்ட பின்தொடர்பவர்களைக் கொண்டுள்ளார்

சமூகக் கண்ணோட்டம் கொண்ட கதை கட்டுரை கவிதை கொண்ட

இவரது வலைத்தளம் அனைவரும் அவசியம் தொடரத்தக்க

ஒரு தரமான தளமாகும்.

தூய தமிழின் அவசியம் குறித்த

இவரது ஆர்வமும் ஆதங்கமும் நிச்சயம் இவரது

பதிவைத் தொடர்ந்தால் உங்களையும் பற்றிக் கொள்ளும்

http://anbudannaan.blogspot.com/2011/08/blog-post.html

நாளை ஆனந்தம்  நிறைந்த ஆறாம் நாள்

தொடர்ந்து சந்திப்போம்

நேற்றைய கேள்விக்கான சரியான விடை

சவுடால் வைத்தி -நாகேஷ்தான்

ஏறக்குறைய எல்லோருமே மிகச் சரியாகவே

பதில் சொல்லியிருக்கிறார்கள்

இன்று ஒரு பழமொழி அதற்கான அதற்கான

விளக்கம் தாருங்களேன்

அதிகம் படிச்ச முஞ்சுறு

கழனிப் பானையிலே

மேலும் வாசிக்க...

நலம் மிக்க நான்காம் நாள்

இன்று ஒரு சிறு தகவல் மட்டும்   

தில்லானா மோகனாம்பாள் கதை முதலில்

ஆனந்த விகடனில் தொடராக வந்ததும் அதை

எழுதியவர் கொத்தமங்கலம் சுப்பு என்பதும்

அப்போது ஆனந்தவிகடனின் பொறுப்பில் இருந்தவர்

அமரர் வாசன் என்பதுவும் உங்கள் எல்லோருக்கும் தெரியும்

தில்லானா மோகனாம்பாள் கதையில் அதிக ஈடுபாடு கொண்ட

ஏ.பி. நாகராஜன் அவர்கள் வாசன் அவர்கள் பொறுப்பில்

கதைக்கான உரிமை இருந்ததால் அவரை அணுகி

தில்லானா மோகனாம்ப்பாள் கதையை தான் திரைப்படமாக

எடுக்க விரும்புவதாகவும் அதற்குரிய உரிமைக்கான தொகையை

தரவும்  தயாராக இருப்பதாகவும் தெரிவிக்கிறார்

.

அமரர் வாசன் அவர்கள் தனக்கும் அதைத்

திரைப்படமாக எடுக்கிற எண்ணம் இருப்பதாகச் சொல்ல

ஏ.பீ. நாகராஜன் அவர்கள் சரியெனத் திரும்பிவிடுகிறார்

தன்னைவிட வாசன் அவர்கள்அனைத்து விதத்திலும் படத்தை

மிகச் சிறப்பாக எடுக்கக் கூடியவர் என்ற கருத்து

ஏ.பி.என் அவர்களுக்கு இருந்தது

சில நாட்களில் ஏ.பி.என் அவர்களின் ஒரு திரைப் படத்தை

பார்க்க நேர்ந்த வாசன் அவர்கள் ஏ.பி.என் அவர்களால்

இக்கதையை மிகச் சிறப்பாக படமாக்க முடியும் என்கிற

எண்ணம் வர உடனடியாக ஏ.பி.என் அவர்களுக்கு தகவல் கொடுத்து

படத்திற்க்கான உரிமையைப் பெற்றுக் கொள்ளுமாறு

கேட்டுக் கொள்கிறார். ஏ.பி. என் அவர்களும் உரிமைக்கான பணத்தைக்

கொடுத்து விட்டு சட்டப்படி உரிமையைப் பெற்றுக்கொண்டு

வீடு திரும்புகிறார்.

அப்போது கதையை எழுதிய கொத்தமங்கலம் சுப்பு அவர்கள்

உடல் நிலைமை சரியில்லாமல் மருத்துவ மனையில்

அனுமதிக்கப் பட்டிருக்கிறார்.

சட்டப்படி கதைக்கான உரிமையைத தான் பெற்றுவிட்டாலும் கூட

கதையை எழுதியவரின்ஆசி பெறாது படத்தைத் துவக்குவது

சரியில்லை என்றுமுடிவு செய்து மறு நாள்

அவருக்கென ஒரு குறிப்பிட்ட தொகையை எடுத்துக் கொண்டு

சுப்பு அவர்களை பார்க்க மருத்துவமனை செல்கிறார்

மருத்துவமனையில் சுப்பு அவர்களின் சேமங்களை

விசாரித்துவிட்டு கதை சம்பந்தமாக அமரர் வாசன் அவர்களும்

தானும் செய்து கொண்டுள்ள உரிமை மாற்று சம்பந்தமான

விவரங்களை முழுமையாகச் சொல்லி

"சட்டப்படி எங்களுக்குள் உரிமை மாற்றிக்கொண்டது

சரிதான் என்றாலும் எழுதிய தங்களுக்கும்

சன்மானம் தந்து ஆசி பெற வந்துள்ளேன்" எனத் தெரிவிக்கிறார்

திரு.சுப்பு அவர்கள் பணத்தைப் பெற்றுக் கொள்ளாது

அவரையே வைத்துக் கொள்ளச் சொல்லிவிட்டு

தன் அருகில் இருந்த சிறு பெட்டியைத் திறந்து காண்பிக்கிறார்

அதில் நேற்று ஏ.பி.என் அவர்கள் கதை உரிமைக்காக கொடுத்த

மொத்தத் தொகையும் கட்டு பிரிக்கப் படாமல் அப்படியே இருந்ததாம்

இந்த நிகழ்வின் மூலம் யாரை உயர்ந்தவர் எனச் சொல்வீர்கள்

தான் திறமையானவராக இருந்தும் இன்னொருவரின் திறமை மீது

நம்பிக்கை ஏற்பட்டவுடன் அழைத்து உரிமையை

கொடுத்ததோடு அல்லாமல்தான் பணத்தில் சிறிதளவும்

எடுத்துக் கொள்ளாது முழுத்தொகையையும்

உடனே மூல ஆசிரியருக்கே கொடுத்தனுப்பிய

அமரர் வாசன் அவர்களையா?

சட்டப்படிதான் உரிமையை வாங்கிவிட்டோமே

எழுதியவருக்கு இதில் எந்த உரிமையும் இல்லையே என

எண்ணி இருக்காமல் எழுதியவருக்கும் மரியாதை செய்து

ஆசி பெறவேண்டும் என்று எண்ணிய ஏ.பி.என் அவர்களையா?

கதையின் பிரம்மா தான் தானே என எண்ணி

ஏ.பி.என் அவர்கள் கொடுத்த பணத்தை பெற்றுக் கொள்ள எண்ணாது

ஆசி வழ்ங்கிய திருவாளர் சுப்பு அவர்களையா?

இல்லை எல்லோருமே உயர்ந்தவர்களாக இருக்க

காரணமாக இருந்த அந்தக் காலச் சூழலா ?

சரி அது இருக்கட்டும்

இந்தப் படம் குறித்த ஒரு சிறு கேள்வி

தில்லான மோகனாம்பாள் படம் அப்போது பெரிய வெற்றிப் படம்

என்பது எல்லோருக்கும் தெரியும்

பட வெளியீட்டுக்குப் பின் கதையை எழுதியவர் என்கிற முறையில்

சுப்பு அவர்களிடம் அவர்கள் எழுதியதைப்போல

படத்தில் எந்த கதாபாத்திரம் மிகச் சரியாக சித்தரிக்கப் பட்டிருந்தது

அதில் நடித்த நடிகர் யார் எனக் கேட்டார்கள்

அதற்கு சுப்பு அவர்கள் ஒரு கதாபாத்திரத்தின் பெயரையும்

நடிகர் பெயரையும் சொன்னார் அது யாராக இருக்கும்?

( நீங்கள் கவனத்தில் கொள்ளவேண்டியது இப் படத்தில்

நடித்துள்ளவர்கள் எல்லோரும் நடிப்புலக ஜாம்பவான்கள்

(உ.ம்)நடிகர் திலகம் , நாட்டியப் பேரொளி,நாகேஷ்,மனோரமா

பாலையா ஏ.வி.எம் ராஜன்,பாலாஜி இன்னும் பெரிய பட்டியல் உள்ளது )

விடையை நாளைக்குள் சொன்னால் போதும்

இப்போது பதிவர்கள் அறிமுகம்

கோவில்களை கட்டிய மன்னர்களின் அரண்மனையெல்லாம்

இடிந்து மண்ணாகிப் போக கோவில்கள் மட்டும்

பொலிவுடன் திகழக் காரணம் கோவில்கள்

 மக்கள் பொறுப்புக்கு வந்ததால்தான் எனச் சொல்வார்கள்

அதை போலவே இந்தியாவில் சமூக அமைப்போ

கலாச்சரமோ பண்பாடோ அழிவில்லாமல் இருப்பதற்கும்

பன்மடங்கு செழித்தோங்கி இருப்பதற்கும்

முழு முதற்காரணம் பெண்கள்தான் என்றால் மிகையல்ல

பெண்களின் பங்களிப்பு அதிகம் உள்ள எத்துறையும்

நிச்சயம் அதீத வளர்ச்சியே பெரும் என்பதில் அதிக நம்பிக்கை

கொண்டவன் நான்.

இது நமது பதிவுலகத்திற்கும் பொருந்தும்

அந்த வகையில் பதிவுலகைத் தங்கள் சிறந்த படைப்புகளால்

கலக்கிவரும் பெண் பதிவர்கள் சிலரை இன்று

அறிமுகம் செய்கிறேன்

1  தேனம்மை லெட்சுமணன்http://honeylaksh.blogspot.com/

வார மாத இதழ்களில் அதிகம் எழுதுபவராக இருந்தாலும்

பதிவுலகத்தையும் மற்றொரு கண்ணாகப  பாவித்து

எழுதிவரும் இவர் பதிவுலக எழுத்தாளர்களுக்கு

வழிகாட்டியாகவும் உள்ளார்.

பத்திரிக்கைகளுக்கு படைப்புகள் அனுப்புவது எப்படி என்கிற

இவருடைய பதிவு அனைவரும்

அவசியம் படிக்கவேண்டிய பதிவு

http://honeylaksh.blogspot.com/2011/07/blog-post_28.html

2.ஸாதிகாhttp://shadiqah.blogspot.com/

2009 ஆம் ஆண்டிலிருந்து பதிவிட்டு வரும் இவர் இதுவரை

120க்கு மேல்பதிவுகள் கொடுத்து 123

பின்தொடருபவர்களைப் பெற்றுள்ளார்

சுமார் 421000 க்கு மேல் இவருடைய பதிவின் பக்கங்கள்

பார்க்கப் பட்டுள்ளன என்பது மலைப்பூட்டும் செய்தி

இவர் பதிவு அனைவரையும் கவரும் பல்சுவைப் பதிவு

3.விடிவெள்ளி   http://sempakam.blogspot.com/

2010 முதல் எழுதத் துவங்கி இதுவரை 35 பதிவுகளே

 கொடுத்திருந்தாலும் 85 க்கு மேற்பட்ட

பின்தொடர்பவர்களைப் பெற்றிருப்பதே

இவரின் எழுத்தின் வீரியத்திற்கான அத்தாட்சி.

கண்டிப்பாக பதிவர்கள் அனைவரும் இவரின்

"இருண்டு கிடக்கும் வாழ்வில்ஒளியேற்ற வாரீர் "

என்ற் பதிவினைக்  காண வேண்டும்

http://sempakam.blogspot.com/2011/07/blog-post_10.html

4.ப்ரியா   http://enmanadhilirundhu.blogspot.com/

கவிதை கதை ஓவியம் என அனைத்து துறைகளிலும்

விற்பன்னராகத் திகழும் இவரது பதிவு மிகவும்

ரசிக்கத் தக்க ஒரு  பல்சுவைப் பதிவு.

குறிப்பாக இவரது" அதிசயத்துடன் கூடிய சித்திரமவள்-பெண் "

என்ற ஓவியப் பதிவைப் பார்வையிட்டால் அசந்தே போவீர்கள்

http://enmanadhilirundhu.blogspot.com/2011/07/blog-post.html

5.பிரஷா  http://pirashathas.blogspot.com/

இவரின் பதிவின் முகப்பு மட்டும் அல்ல

இவரது கவிதைகளும் கூட உங்களை சில நேரம்

மெய் மறக்கச் செய்துவிடும்

உணர்வுகளும் வார்த்தைகளும் ஒன்றுக்கொன்று

பின்னிப் பினைந்துஇவரது கவிதைகளில் காட்டும் ஜாலம்

நாமெல்லாம்கவிதை எழுதவேண்டுமா என்ற எண்ணத்தைத் தோற்றுவித்துவிடும்

வண்ண மயமான கவிதை பூங்கா இவரது பதிவு

6.சாகம்பரி  http://mahizhampoosaram.blogspot.com/

கவிதை.சுய முன்னேற்றக் கட்டுரைகள்.,வாழ்வியல் குறித்த

சிந்தனைகள் எனஅனைத்து அம்சங்களையும்

ஒருங்கே கொண்ட அழகிய பயனுள்ள பதிவு இது

இவருடைய" மகளின் மகளான அன்னை" என்கிற பதிவை

நான் அவ்வ்ப்போது மீண்டும் மீண்டும் படித்து

பிரமித்துப்போவேன் அத்தனை தரமான பதிவு அது

நீங்களும் ஒருமுறை படித்துப் பாருங்கள்

இவரின் எழுத்து வலிமை புரியும்

http://mahizhampoosaram.blogspot.com/2011/05/6.html

7.மஞ்சுபாஷிணி   http://manjusampath.blogspot.com/

மிகச் சமீபத்தில்தான் இவர் பதிவை பார்க்கும் வாய்ப்பு கிடைத்தது

உண்மையில் நான் அசந்துதான் போனேன்.கதம்ப உணர்வுகள் என்கிற

இவரது வலைத்தளத்தின் பெயருக்கு ஏற்றார்ப்போல பலவகை

உணர்சிகளை சித்தரித்துப்போகும் இவரது ஒவ்வொரு படைப்பும்

உங்களை ஆச்சரியப்படுத்தும்.ஜுன் மாதத்திற்கு நாட்கள் 30 என்றால்

அந்த மாதத்தில் மட்டும் தரமான 36 பதிவுகள் கொடுத்து அசத்தியுள்ளார்

குறிப்பாக இவரின் " மரணத்தின் நிழல்" என்கிற கதையைப் படித்தால்

இவரின் எழுத்துத் திறன் எளிதில் புலனாகும்

.http://manjusampath.blogspot.com/2011/07/blog-post_24.html

8.சந்திரகௌரி   http://kowsy2010.blogspot.com/

தள்ளி இருந்தால்தான் பாசத்தின் அருமை புரியும் என்பார்கள்

பாசத்தின் அருமை மட்டுமல்ல தமிழின் அருமை என்றும்

சேர்த்துக் கொள்ளலாம்.நம்மிடம் இல்லாத தமிழ் ஆர்வமும்

உச்சரிக்கும் அழகும் வெளி நாட்டில் உள்ள இவரிடம்   கண்டு

 நான் வியந்து போயிருக்கிறேன்

இவரது " என்னால் உள்வாங்கப்பட்ட இசையின் இரு

சம்பவங்கள் " என்கிற பதிவில் இவரின் மொழி நடையையும்

உச்சரிப்பின் அழகையும் கண்டும் கேட்டும் பாருங்களேன்

பின் இவர் பதிவை தவறவே விடமாட்டீர்கள்

http://kowsy2010.blogspot.com/2011/07/blog-post_15.html

9.அம்பாளடியாள்   http://rupika-rupika.blogspot.com/

2010 இல் பதிவைத் துவக்கியுள்ள இவர்2011 இல் மட்டும்

இதுவரை 153 பதிவுகள் கொடுத்து அசத்துகிறார்

கவிதை,வாழ்வியல் கட்டுரைகள்,பக்திப் பாடல்கள்

நகைச்சுவைப் பதிவுகள் என நவரசங்களையும்

உள்ளடக்கிய நவரசப் பதிவு இவருடையது

"எனது மனதில் எழுந்த முதல் பாடல் " என்கிற

அவர் குரலில் ஒலிக்கின்ற அழகான பாடலைக் கேளுங்கள்

அவரின் பன்முகத் திறமையில் அசந்து போவீர்கள்

http://rupika-rupika.blogspot.com/2011/07/blog-post_16.html

10.இந்திரா    http://chellakirukkalgal.blogspot.com/

படிக்காதீங்க என பதிவின் பெயரை வைத்திருக்கிறார்

என்பதற்காக படிக்காமல் போயிராதீங்க

பல நல்லவிஷயங்கள் தெரியாமல் போய்விடும்

ரொம்ப ஜாலியாகத்தான் எழுதுவார் என நினைத்தும்

அசட்டையாகவும் படிக்கத் துவங்காதீங்க

பல சீரியசான பதிவுகளும் நிறைய உள்ளே இருக்கு

இவரது பதிவுகளில் படித்ததில்

பாதித்தது

பிடித்தது

புரியாது

நொந்தது

இவைகளை ஒருமுறை படித்துப் பாருங்களேன்

http://chellakirukkalgal.blogspot.com/search/label/%E0%AE%AA%E0%AE%9F%E0%AE%BF%E0%AE%A4%E0%AF%8D%E0%AE%A4%E0%AE%BF%E0%AE%B2%E0%AF%8D%20%E0%AE%A8%E0%AF%8A%E0%AE%A8%E0%AF%8D%E0%AE%A4%E0%AE%A4%E0%AF%81

நாளை மீ ண்டும் சந்திப்போம் .......

மேலும் வாசிக்க...

முத்தான முன்றாம் நாள்

முதலில் என்னைக் கவர்ந்த ஒரு சிறுகதைச் சுருக்கம்

 ஒரு சமயம் ஒரு நாட்டில் ஒரு கிராமத்தில்

 பல வருடங்களாக மழை பொழியாது

 பஞ்சம் தலைவிரித்தாடுகிறது

அவர்களும் எல்லா முயற்சிகளும் செய்து தோற்று

முடிவில் அந்த ஊரின் வயதான ஃபாதரை அணுகி

என்ன செய்யலாம் என ஆலோசனை செய்கிறார்கள் 

அவரும்

 " இதே போல ஒரு நிலைமை இந்த கிராமத்தில் 

 எங்கள்அப்பா சிறுவனாக இருந்த போது நேர்ந்ததாகவும்

ஊருக்கு வெளியில் உள்ள மைதானத்தில் பெரியவர்கள் 

அனைவரும்  மொத்தமாகக்  கூடி

காலை முதல் மாலை வரை பிரார்த்தனை செய்ததாகவும்

அன்று மாலையே பெருமழை பெய்ததாகவும் சொல்லி  கிறார்கள்

அதை வேண்டுமானால் செய்து பார்க்கலாம் 

வேறு வழியில்லை " என்கிறார் 

ஊர்க்காரர்களுக்கும் வேறு வழியில்லை என்பதால்சம்மதித்து

 மறு நாள் காலையில் ஊருக்கு வெளியே உள்ள

மைதானத்தில் கூடி பிரார்த்தனை செய்யத் துவங்குகிறார்கள்

எல்லோரும் பிரர்ர்த்திப்பதும் வானத்தை பார்ப்பதும்

பின் ஃபாதரை பார்ப்பதுமாக இருக்கிறார்கள்

ஃபாதருக்கும் என்ன சொல்வது எனத் தெரியவில்லை

காரணம் எல்லா நாளையும் விட அன்று அதிக வெய்யில்

அடித்து நொறுக்குகிறது

அதே சமயம் ஊருக்குள் தனது இல்லத்து  ஜன்னலில் அமர்ந்து

 மழை வருவதைப்பார்க்கவேண்டும் என ஆவலுடன் 

 ஒரு சிறுமி அமர்ந்திருக்கிறாள்

திடுமென அந்தச்சிறுமிக்கு ஒரு கவலை

.எல்லோரும் கூடிப பிரார்த்தனை செய்தால் மழை வரும் என

ஃபாதர் சொலலி இருக்கிறாரே அப்படியானால் நிச்சயம்

 மழை வரத்தானே செய்யும்.

அப்பா குடை எடுக்காமல் போயிருக்கிறாரே

அங்கிருந்து நனைந்து அல்லவா வர வேண்டும் என

குடையை எடுத்துக் கொண்டு மைதானம் நோக்கி

 ஓடி வருகிறாள்

அவள் ஓடி வர வர குளிர்ந்த காற்று வீசத் துவங்குகிறது

மேகங்கள் திரளத் துவங்குகின்றன.

அவள் குடையுடன்மைதானத்துள் நுழைந்தவுடன்

 இடியுடன் பெருமழை பெய்யத் துவங்குகிறது

மைதானத்துள் நுழைந்த சிறுமியைப் ஃபாதர்

அணைத்துக் கொள்கிறார்

பின் கூடி இருந்தவர்களை நோக்கி இப்படிச் சொல்கிறார்

"நாம் அனைவரும் கூடி இறைவனை வேண்டினால்

மழை வரும் என என் தந்தையார் சொல்லி இருக்கிறார்

செய்து பார்க்கலாமா எனச் சொன்னேன்

நீங்களும் ஃபாதர் சொல்கிறாரே செய்து பார்க்கலாம்

என இங்கே திரண்டு வந்து பிரார்த்தனை செய்து கொண்டு

வானத்தை வானத்தை பார்த்துக் கொண்டிருந்தீர்கள்

யாரும் உறுதியாக மழை வரும் என நம்பி இங்கே வரவில்லை

இதோ இந்தச் சிறுமி மட்டுமே உறுதியாக மழை வரும் என நம்பி

குடையுடன் வந்திருக்கிறாள் இப்போது பெய்யும் மழை

ஆண்டவன் இவள் நம்பிக்கைக்கு கொடுத்த வெகுமதி"

எனச் சொல்கிறார் 

எல்லோரும் கனமழையில் நனைந்தபடி

வெட்கிக் குனிந்து கொள்கிறார்கள்

எதைச் செய்தாலும் நம்பிக்கையுடன் செய்யவேண்டும்

இல்லையேல் அந்தச் செயலால் எவ்வித பயனும் இல்லை

என்கிற கருத்தை மிக அழகாக இந்தக் கதை வலியுறுத்திச்

 சொல்வதால் இந்தக் கதை எனக்கு ரொம்பப் பிடிக்கும்..

.உங்களுக்கு...?

                                             --------------------------

கதையைத் தொடர்ந்து பதிவர்  அறிமுகம்

கிராமத்தில் ஒருவரின் உதவியைப் பெற்று உயர்ந்தவர்கள்

முன்னேறிய பின்னும் உதவியவரை எப்போதும்

 மறக்க மாட்டார்கள்உதவியவர் என்பதைச் சுருக்கமாக

 உறைமோர் தந்தவர்  இவர்தா ன்

 இவர் இல்லாவிட்டால் நான் நிச்சயமாக

 உயர்ந்திருக்க முடியாது எனச் சொல்வார்கள்

அதைப்போல பதிவுலகில் நான் நுழைந்தபோது தங்கள்

பின்னூட்டத்தின் மூலம் என்னை பாராட்டி

 உயர வைத்தவர்கள் இவர்கள்

இவர்களை இன்று நினைவு கூர்வதில் பெருமிதம் கொள்கிறேன்

பதிவுலகில் இவர்களை நான் அறிமுகம் செய்வது 

புரட்சித் தலைவர்  .M.G.R.அவர்களை

தமிழகத்துக்கு அறிமுகம் செய்வது போலத்தான் ஆயினும்

வலைச்சர மரபு கருதி ஒரு சிறிய அறிமுகம் 

1 எண்ணங்கள் http://punnagaithesam.blogspot.com/

கடந்த நான்கு ஆண்டுகளாக தொடர்ந்து வரும் இப்பதிவு ஒரு 

பல்சுவைப் பதிவு .சமூகப் பிரச்சனைகளை மிகத் தெளிவான 

கண்ணோட்டத்தோடு பதிவிடும் இவரது பதிவு வலைத் தளத்தில் 

கவனிக்கப்படத்தக்கது என்றால் மிகையாகாது 

2.RVS http://www.rvsm.in/

எழுத்தாளர் சுஜாதா அவர்களின் வின் இழப்பை

 தாங்க முடியாதவர்கள்இவரது விஞ்ஞான கதைகளையும்

 அதைச சொல்லிச சொல்லும் விதத்தையும்

 ஒருமுறை படித்தால் நிச்சயம் ஆறுதல் கொள்வார்கள்

3.வானதிhttp://vanathys.blogspot.com/

கதைகள் நி கழ்வுகள் சமையல் குறிப்புகள் என அசத்தும்

 இவர் பதிவு இயல்பானதாகவும் ரசிக்கத் தக்கதாகவும் இருக்கும்

நான் இவரது பரம ரசிகர்

  

4.ஹேமாhttp://kuzhanthainila.blogspot.com/

 யாழ்பாணத்தைச் சேர்ந்த இவரின் பதிவில்

 வெளிப்புறத் தாக்கத்தால்ஏற்படும்

எவரிடத்தும் சொல்லமுடியாத எணணச் சிதறல்கள்

 அருவியாகக் கொட்டிக்கிடக்கும் .

உணர்வுப்பூ ர்வமான கவிதைகள் விரும்புவோருக்கான

 அருமையான தளம் இது        

5.நாஞ்சில் மனோhttp://nanjilmano.blogspot.com/

பதிவுலகின் குட்டி எம்.ஜி.ஆர் . இவர் என்றால் மிகை ஆகாது 

அன்பால் அனைவரையும் கட்டிப்போட்டு பதிவுலகையே

ஒரு கலக்கு கலக்கி வருபவர் .ஒரு இளமைத் துடிப்பான

கலகலப்பான பதிவினை விரும்புவோர் இவரைத் தொடரலாம் 

  

6.சித்ரா.http://konjamvettipechu.blogspot.com/

பதிவுலகில் அதிக நண்பர்களைப் பெற்றவரும் தரமான

பயணப் பதிவுகளை புகைப் படங்களுடனும் கொடுத்து 

அசத்தும் இவரின் பதிவு அழகானது முதல் தர மானது

இவரது மனம் திறந்த பாராட்டே என் போன்ற

 பல பதிவர்களுக்கு சக்தி தரும் டானிக்

7.சிவகுமாரன்http://sivakumarankavithaikal.blogspot.com/

தமிழ்த்தாயின் அருள் பெற்று கவிதை மழை பொழியும் சித்தர் 

வெண் பா புலி .பதிவுலகில் கவிதை எழுத முயல்வோர் 

அவசியம் இவர் பதிவைத் தொடர்வது நலம் பயக்கும் 

8.கோபி ராமமூர்த்திhttp://ramamoorthygopi.blogspot.com/

ஒரு தரமான இலக்கியப் பத்திரிக்கைக்கு இணையானது என 

இவர் வலைத்தளத்தைச் சொல்லலாம் .சிறுகதை சினிமா விமர்சனம் 

பயணக்கட்டுரை என அனைத்து துறைகளையும் உள்ளடக்கிய,

இவரது தள ம் ஒரு பொக்கிஷம் 

9.L.K.http://kavisolaii.blogspot.com/

கவிச் சோலை என்ற வலைத்தளத்திற்கு பெயரிட்டு இருப்பது 

மிக பொருத்தமே.இவரது படைப்புகளை ஒருமுறை

முழுமையாக படித்தோர் நிச்சயம் கவியாகி விடலாம் 

10.மனோசாமினாதன்http://muthusidharal.blogspot.com/

சார்ஜாவில் வாழும் இவரின் பதிவுகள் அனைத்தும்

தரமான முத்துக்களே

அவரது பதிவின் பெயரான முத்துச் சிதறல் என்பதும் கூட

ஒரு காரணப பெயர்தான் என்பது

இவர் பதிவை படித்தாலே புரிந்து போகும் 

பட்டியல் நாளையும் தொடரும் ............

மேலும் வாசிக்க...

இனிக்கும் 2ஆம் நாள்

ஐயப்ப சாமி கோவிலுக்கு இருமுடிகட்டி போய் வந்தவர்களுக்குத் தெரியும்

ஒவ்வொரு அணிக்கும் குரு சாமி எவ்வளவு முக்கியமோ எவ்வளவு

கன்னிச் சாமிகளும் அவ்வளவு முக்கியம்.முதல் மரியாதை கூட

கன்னிச் சாமிகளுக்குத்தான்,அந்த வகையில் என்னுடைய துவக்க

அறிமுகமாக 2011 ஆண்டில் பதிவுலகில் நுழைந்து மிக அழகாக

பதிவிட்டு வரும் இவர்களை அறிமுகம் செய்வதில் மகிழ்ச்சி கொள்கிறேன்

                                ---------------------------------------

அதற்கு முன்பு ஜாலியாகத் தொடர நகைச் சுவைத் துணுக்குகள்

காது மிகச் சரியாகக் கேளாத இருவர் பேசிக்கொள்கிறார்கள்

  முதலாமவர்:     உன் பையன் எங்கே மதுரைக்கா போயிருக்கான் ?

இரண்டாமவர்:    இல்லையே அவன் மதுரைக்கில்ல போயிருக்கான்

  முதலாமவர்:      அதுதானே பார்த்தே நான் கூட மதுரைக்குத்தான்

                                  போயிருக்கான்னு நினைச்சேன்

( நம் கருத்தை காதில் வாங்காமல் பேசுவோருக்கு நான் இதை

 உதாரணமாக சொல்வதுண்டு)

                                  -------------------------------------

முதலாமவர் :        நிலா ராத்திரியில் வரும்

                                   ரயில் தண்டவாளத்தில் போகும்

                                    என் வயது என்ன ?

இரண்டாமவர்:    (கொஞ்சம் யோசித்து) முப்பத்து ஆறு

முதலாமவர்:        ஆச்சரியமாக இருக்கே எப்படி மிகச் சரியாகச்
                                    சொன்னாய்

இர்ண்டாமவர்:    அது ஒன்றும் கஷ்டமில்லை

                                   எங்கள் வீட்டுக்கு எதிரில்
                                   ஒரு அரை லூசு இருக்கிறார்

                                   அவருக்கு வயது 18

                            ----------------------------------------------

திருமண மண்டபத்தில் முஹூர்த்த நேரம் நெருங்கி கொண்டிருக்கிறது

சாஸ்திரிகள் சொல்கிறார்:
பொண்ணை சீக்கிரம் அழச்சிண்டு வாங்க
நல்ல நேரம் போகப் போகுது

மாபிள்ளையின் தோழன்:
 இப்படித்தாண்டா என் கல்யாணத்தன்னைக்கும்

 ஐயர் சொன்னார் அன்னைக்கு

போனநல்லநேரம்தான்
இன்னைக்கு வரைக்கும் வரவே இல்லை

                                                         -------------------------------

பதிவர் அறிமுகம்

ராஜேஸ்வரி-மணிராஜ் (http://jaghamani.blogspot.com/)

 ஜனவரி 2011 ல் பதிவிடத் துவங்கிய இவர் இதுவரை

 230 தரமான பதிவுகளை கொடுத்து 216 க்கும் மேற்பட்ட

 பின் தொடர்பவர்களையும் கொண்டு பதிவுலகின்

 சாதனையாளராகத் திகழ்கிறார்.நாள் தவறினாலும்

 இவருடைய ஆன்மிகப் பதிவுகள் வரத் தவறுவதில்லை

 இவர் பதிவைப் படித்தபின் நாளைத் துவங்கும் பலருள்

  நானும் ஒருவன்.இவர் பதிவைக் கொண்டே அறிமுகத்தைத்

 தொடர்வதை பெருமையாகக் கருதுகிறேன்

வெங்கட் http://menthiran.blogspot.com/

மென் திறன் பயிற்சியாளராகவும் பொறியாளராகவும் உள்ள

இவருடைய பதிவில் பல்வேறு சிந்தனைகள் குறித்த  பதிவுகள் 

இருந்தாலும் காயத்திரி மந்திரம் குறித்த  இவரது பதிவு

குறிப்பிடத்தக்கது .நான் தொடர்ந்து பதிவிட அவ்வப்போது  

ஊ க்கம் தருபவர் இவர்தான்
 http://menthiran.blogspot.com/2011/04/blog-post_9802.html

மாலதியின் சிந்தனைகள் (http://thmalathi.blogspot.com/)

 மார்ச் 2011 ல்  பதிவை துவங்கிய இவர் இதுவரை 19 பதிவுகள்தான்

கொடுத்துள்ளார் ஆயினும் 60 க்கும் மேற்பட்ட
பின் தொடர்பவர்களைக்கொண்டிருப்பதைக் கொண்டே
இவருடைய பதிவின் தரத்தை உணர முடியும்.
இவரது பதிவு ஒரு கவிதைப் பூங்கா

புலவர் ராமானுஜம்(http://pulavarkural.blogspot.com/)

புலவரும் மார்ச் 2011 இல்  தான் பதிவிடத் துவங்கியிருக்கிறார் 

எனினும் இவரது 40 ஆண்டுகால இலக்கியத் தொடர்பும்
 ஈழத் தமிழர் குறித்தஎழுச்சிமிக்க கவிதைகளும்
இவருக்கு பதிவுலகில் ஒரு உயரிய அந்தஸ்தைக்

கொடுத்துள்ளது என்றால் அது மிகை ஆகாது
.இவரைக் குருவாகக் கொண்டுள்ள பலருள் நானும் ஒருவன்

ஆயுத எழுத்து ஏ.ஆர். ராஜகோபால்  http://arr27.blogspot.com/)       

 மார்ச் 2011 இல் புயலாக நுழைந்த இவர் இதுவரை
 70 பதிவுகள் கொடுத்துஅசத்தியுள்ளார்
.சமகால பிரச்சனைகள் குறித்த இவருடைய
 நடு நிலையான அலசல்கள் இவருக்கு பதிவுலகில்
ஒரு கவனிக்கத் தக்க இடத்தைக்கொடுத்துள்ளதுஇவர் பதிவு
 சமகாலப் பிரச்சனைகளில் நாட்டமுள்ளோருக்கு
 உதவும் பதிவு

மின்சாரம்http://minsaaram.blogspot.com/

சென்னை நண்பர் ஏப்ரல் 2011 இல்தான் பதிவிடத் துவங்கியுள்ளார்
 ஆயினும்இதுவரை 82 பதிவுகளுக்கு மேல் கொடுத்து அசத்தியுள்ளார்.

இவர் பதிவு அரசியல் நெடிஉள்ள சுவையான பதிவு

அனைவரையும் கவரக் கூடிய பதிவு

                                 

M.R. அன்பு உலகம்(http://thulithuliyaai.blogspot.com/)

 ஏப்ரல் 11 ல் பதிவிடத் துவங்கிய இவர் இதற்குள்
 78 க்கு மேற்பட்ட பதிவுகளைக கொடுத்து
 33 க்கும் மேற்பட்ட பின்தொடர்பவர்களைபெற்றிருக்கிறார்
 இவரின் மனம் கவரும் பதிவான அன்பு உலகத்திற்குள்
 ஒருமுறை நுழைந்தால் போதும்

 நீங்கள் அவரின் தீவிர ரசிகராகி விடுவீர்கள்

மாய உலகம் (http://maayaulagam-4u.blogspot.com/)

 ஜூன் 2011 இதான் பதி உலகில் அடியெடுத்துவைக்கிறார்
 எனினும் இவரதுவேகம் பிரமிப்பூட்டுவது
.மிகக் குருகிய காலத்தில்25 பதிவுகள் கொடுத்து

  46 க்கும் மேற்பட்ட பின் தொடர்பவர்களைப் பெற்றதே
 இவரது திறனுக்கு  சான்று இவர் தொடர்ந்த
 முத்தான மூன்று முடிச்சு தொடர்பதிவு
 சமீபத்திய  பதிவுலகில்அனைவரையும்
 கவர்ந்தது குறிப்பிடத்தக்கது

நுனிப்புல்லில் ஓர் பனித்துளி(http://tamilyaz.blogspot.com/)

ரியாஸ் அகமது

 ஏப்ரல் 2011 இல் துவங்கி 96 பதிவுகள் கொடுத்து
55 பின் தொடர்பவர்களைப் பெற்றுள்ள இவரின் பதிவு
 ஒரு கவனிக்கத் தக்க பதிவு.
இவரது பதிவை ஒரு முறை படித்தவர்கள்
நிச்சயம் விடாது தொடர்வீர்கள்

நாற்றுhttp://www.thamilnattu.com/2011/07/blog-post_8418.html

முடிவாக முன்சொன்னவர்கள் எல்லாம்
 முன் உதாரணமாக கொள்ள வேண்டிய பதிவர் இவர்
2011இல் பதிவைத் துவங்கி 117 பதிவுகள் கொடுத்து
 8900 க்கு மேல் பின்னூட்டங்கள் பெற்று
134000  க்கு மேல் பக்கப் பார்வை பெற்றுள்ளது
 இவரது பரந்துபட்ட  பார்வைக்கும் பதிவின் தரத்திற்கும் சான்று
.இவரது அணுகுமுறையைப் புரிந்து கொண்டால்
 நாமும் பதிவுலகில் ஒருமுத்திரையை நிச்சயம் பதிக்க முடியும்

                        அதே அரிசி அதே கோதுமை என்றாலும்
அதனைக்கொண்டே விதம் விதமாக சிற்றுண்டி செய்து
அசத்தும் தாய்க்குலம் போல திரும்பத் திரும்ப பதிவுலகில்
தொடர்ந்து இருக்கிற சிறந்த பதிவர்களையும் அதில் நாம்
அறிந்தவர்களையும்தான் மீண்டும் மீண்டும்
சொல்லவேண்டியுள்ளது.
ஒவ்வொருவரும் ஒவ்வொரு பாணியை எடுத்துக்கொள்கிறார்கள்.
அந்த வகையில் நான் இந்த ஆண்டு பதிவுலகில் நுழைந்து
அசத்துகிற சிலரைக் குறிப்பிட்டுள்ளேன்

     

                       மீண்டும் நாளை சந்திப்பினைத் தொடர்வோம் ........ 

மேலும் வாசிக்க...