வலைச்சரத்தின் ஐந்தாம் நாள் - கதம்பம்

அனைத்து நண்பர்களுக்கும் வணக்கம், 

வலைச்சரத்தில் ஐந்தாம் நாளாக அனைவரையும் சந்திப்பதில் மகிழ்ச்சி. இன்றைய வலைச்சரம் பலவண்ண மலர்களைக் கொண்ட கதம்பமாக மலர்கிறது. 

தென்றல்

http://veesuthendral.blogspot.in/

பதிவர்: சசிகலா

இன்றைய இளம் கவிஞர்கள் பெரும்பாலும் உரைநடையை அப்படியே மூன்று நான்கு வார்த்தைகளுக்கு ஒரு வரியாக ஒன்றன் கீழ் ஒன்றாக எழுதி புதுக்கவிதை என்று சொல்லிவிடுகிறார்கள். ஏனென்றால் அதற்குதான் விதிமுறைகளே இல்லையே. ஆனால், மரபுக் கவிதைகள் அப்படியல்ல. அதற்கு ஏகப்பட்ட விதிமுறைகள், சந்தங்கள் உண்டு. அதற்குள் வார்த்தைகளை கச்சிதமாக பொருத்துவது ஒரு கலை. அந்தக் கலை இவருக்கு இயல்பாகவே கைவந்திருக்கிறது.

எழுத நினைத்த காதல் கடிதம்

http://veesuthendral.blogspot.in/2013/06/blog-post_26.html

காதலின் தவிப்பை அற்புதமாய் சொல்லும் இந்த 'எழுத நினைத்த காதல் கடிதம்' ஒரு காலப்பெட்டகம். இவரின் எழுத்து ஆளுமைக்கு இந்த ஒரு பதிவே போதும்.
* * * * *
@@@@@@@@@@@@@@@@@@

நினைத்துப்பார்க்கிறேன்

http://puthur-vns.blogspot.com/

பதிவர்: வே.நடனசபாபதி 

தன் வாழ்வில் நடந்த நிகழ்வுகளை நினைத்துப் பார்த்து, அதை திறம்பட வழங்கி வருபவர். வங்கியில் அதிகாரியாக இருந்தபோது தனக்கு ஏற்பட்ட அனுபவங்களை பல்வேறு சுவைகளில் பதிவுகளாக தந்து கொண்டிருப்பவர். எங்களின் பத்திரிகையில் கூட  இவரின் 'ஏமாற்றுவதும் ஒரு கலைதான்' தொடராக வரவுள்ளது. 

முதுமை வந்தால் மூளை மந்தமாகுமா?

http://puthur-vns.blogspot.com/2014/01/blog-post_4969.html#more

பெரியவர்கள் கொஞ்சம் மெதுவாத்தான் நடமாடுவார்கள். எதாவது கேட்டால் கொஞ்சம் யோசித்துதான் பதில் சொல்வார்கள். அதற்கு காரணம் முதுமையால் மூளை மந்தமாகி விட்டதாக எல்லோரும் நினைப்பார்கள். அது உண்மையில்லை. அதற்கு வேறொரு காரணம் இருக்கிறது என்பதை இந்த பதிவில் படிக்கும் போது ஆச்சரியப்படாமல் இருக்க முடியவில்லை. படித்துப் பாருங்கள்!

* * * * * 

ஏமாற்றுவதும் ஒரு கலைதான்

http://puthur-vns.blogspot.com/2014/06/2.html

என்னதான் விவரமானவர்களாக இருந்தாலும் ஏமாற்றுபவர்கள் அதற்கு மேல் விவரமாக இருக்கிறார்கள். மனிதர்களை எத்தனை விதத்தில் எப்படியெல்லாம் ஏமாற்றுவார்கள் என்பதை ஒவ்வொரு பதிவிலும் இவர் சொல்லி செல்வது அபாரம்! 'ஏமாற்றுவதும் ஒரு கலைதான்' என்ற இந்த தொடர் பதிவு முழுவதையும் படிப்பவர்கள் அத்தனை விரைவில் ஏமாறமாட்டார்கள் என்பது உறுதி!
* * * * *

@@@@@@@@@@@@@@@@@@

gmb writes

gmbat1649.blogspot.in

பதிவர்: ஜி.எம்.பாலசுப்ரமணியம்

தனது உள்ளத்து உணர்சிகளை அப்படியே பதிவில் கொண்டு வரக்கூடியவர். சிறுகதை எழுத்தாளர், இளமையான மூத்த பதிவர். நிகழகால நிகழ்வுகளையும், தனது இளமை நினைவுகளை 'ஒ.. அந்தக்காலம்' என்ற தலைப்பிலும் சுவைப்பட எழுதி வருபவர்.

   கல்வி-- இனி ஒரு விதி செய்வோம்

http://gmbat1649.blogspot.in/2015/05/blog-post.html

ஏழை எளியவர்களும் கிராமத்து மக்களும் கல்வி கற்க வேண்டும் என்பதற்காகத்தான் காமராஜர் ஒவ்வொரு மூன்று கி.மீ.க்கும் ஒரு பள்ளிக்கூடம் இருக்க வேண்டும் என்றார். ஆனால், இன்று நாம் மீண்டும் கல்வியை வசதி படைத்தவர்களுக்கு மட்டுமானதாக மாற்றிக் கொண்டிருக்கிறோம். யாரோ ஒரு கல்விக் கொள்ளையன் வசதியாக வாழ்வதற்கு நாம் தரமான கல்வி என்ற பெயரில் கொட்டிக்கொட்டிக் கொடுக்கிறோம். இன்றைய அனைவருக்கும் சமமாக கிடைக்காத கல்வியைப் பற்றி அலசியிருக்கிறார் ஜிஎம்பி! 

* * * * *

அறிந்து கொள்ள.....புரிந்து கொள்ள....

http://gmbat1649.blogspot.in/2015/06/blog-post_19.html

பருவத்து ஆண்கள் பலருக்கும் இருக்கும் பிரச்சனைதான் இது. முன் தோல் பின்னுக்கு செல்லாமை. இது திருமணத்தில் தொந்தரவு தரும். அதனால்தான் பெரியவர்கள், வலித்தாலும் பரவாயில்லை கொஞ்சம் கொஞ்சமாகப் பின்னுக்கு இழுத்துப் பழக்கிக்கொள் என்பார்கள். இல்லையென்றால் அறுவை சிகிச்சைதான் செய்ய வேண்டும். இன்றைக்கு பெரியவர்களுக்கும் இளைஞர்களுக்குமான இடைவெளி அதிகமாகி விட்டது. அதனால் இது போன்ற அறிவுரைகளை யாரும் தருவதில்லை. அய்யா ஜிஎம்பி கதை போல் இதை சொன்னவிதம் அருமை. பருவ வயதில் இருக்கும் ஆண்களுக்கு அவசியத் தேவை.

* * * * *

@@@@@@@@@@@@@@@@@@

தில்லையகத்து க்ரானிகல்ஸ்

http://thillaiakathuchronicles.blogspot.com/

பதிவர்கள்: துளசிதரன் - கீதா
நான் பொறாமைப்படும் இரட்டைப் பதிவர்கள் இவர்கள். மிக்க ஞானம் பெற்றவர்கள்.  பின்னூட்டத்திலேயே பல விவரங்களை கூறும் வல்லமைப் பெற்றவர்கள். தேர்வெழுதி மதிப்பெண்ணுக்காக காத்திருக்கும் மாணவன் போல் பதிவெழுதி, இவர்களின் கருத்துக்காக எப்போதும் காத்திருப்பேன். மதிப்புமிக்க கருத்துக்களாகவே அவைகள் இருக்கும். இவர்கள் பின்னூட்டம் இடும் பாணி வியப்பின் உச்சத்திற்கே அழைத்து செல்கிறது.

தமிழ் தொ(ல்)லைக் காட்சித் தொடர்களும்,பெண்களும்

http://thillaiakathuchronicles.blogspot.com/2015/04/Tamil-Serials-Tamil-Women.html

தொலைகாட்சித் தொடர் நம்மை எப்படியெல்லாம் தொல்லை செய்கிறது என்பதை தனது தோழியின் வீட்டுக்கு சென்ற அனுபவத்தோடு விவரிக்கிறார் கீதா. இன்றைய யுகத்திற்கு ஏற்ற பதிவு.

* * * * * 

தேக்குமர அருங்காட்சியகம் – நிலம்பூர் – கேரளா

http://thillaiakathuchronicles.blogspot.com/2015/04/Teakwood-Museum-Nilambur-Kerala.html

கேரளாவில் இருக்கும் தேக்குமர அருங்காட்சியகத்தை பற்றி இந்த பதிவில் படித்துப் பாருங்கள். ஒரு ஆய்வுக் கட்டுரையோ என்று சந்தேகம் கொள்ளும் அளவுக்கு தகவல்கள் குவிந்துக் கிடக்கும். அதுதான் இவர்களின் பாணி. எந்தவொரு விஷயத்தையும் மிக ஆழமாக அலசுபவர்கள். வாசித்துப் பாருங்கள் நாம் அருங்காட்சியகத்தை வலம் வந்த உணர்வு தோன்றும். 

* * * * *

@@@@@@@@@@@@@@@@@@

நிசப்தம் 

http://www.nisaptham.com/

பதிவர்: வா.மணிகண்டன் 

பொறியியல் பட்டம் பெற்று பெரும் நிறுவனத்தில் பணியாற்றினாலும் இவர் கதை, கவிதை, கட்டுரை, வலைப்பதிவு என்று எப்போதும் இலக்கியத்துடனே பயணித்துக் கொண்டிருப்பவர். 'கண்ணாடியில் நகரும் வெயில்' கவிதை தொகுப்பின் மூலம் இலக்கிய வெளிக்கு அறிமுகமானவர். தினமும் பதிவெழுதுபவர். அவை அனைத்தையுமே சுவராசியமாய் தருபவர். நிசப்தம் என்ற அறக்கட்டளை மூலம் பலருக்கும் உதவி வருபவர்

ஐடி வேலை எப்படி?

http://www.nisaptham.com/2015/06/blog-post

ஐடி வேலை நிரந்தரமற்றதா? அவர்கள் மனநிலை பாதிக்கப்படுகிறார்களா? போன்ற சில அடிப்படை கேள்விக்கு இந்த பதிவு தெளிவான பதிலை சொல்கிறது. புதிய தொழில்நுட்பங்களை கற்றுக் கொள்வதன் மூலம் நீடித்து பணியில் நிலைக்கலாம். அதை செய்ய மறுப்பவர்கள் வேலை இழக்கிறார்கள். படித்துப் பாருங்கள் குழம்பிய மனம் தெளிவு பெரும். 

* * * * *

எப்படி மனசுக்குள் வந்தாய்

http://www.nisaptham.com/2012/09/blog-post_10.html

சிறுகதை விரும்பிகளுக்கு இது ஒரு அருமையான பதிவு. தங்குதடையின்றி தெளிவான நீரோட்டம் போல் செல்லும் இந்த கதை மனப்பிறழ்வை அற்புதமாக படம் பிடித்துக் காட்டுகிறது.

* * * *  * 

@@@@@@@@@@@@@@@@@@


இன்றைய பதிவு தங்களுக்குப் பிடித்திருந்ததா..!

அனைவருக்கும் இனிய சுதந்திரதின நல்வாழ்த்துக்கள்!

அன்புடன், 

எஸ்.பி.செந்தில்குமார் 

மேலும் வாசிக்க...

வலைச்சரத்தின் நான்காம் நாள்-தேடல் பதிவர்கள்!

வணக்கம் நண்பர்களே!

வலைச்சரத்தின் நான்காம் நாளை  தேடலில் ஆர்வம் கொண்ட பதிவர்கள் அலங்கரிக்கிறார்கள்.

கரந்தை ஜெயக்குமார் 

http://karanthaijayakumar.blogspot.com/

பதிவர்: கரந்தை ஜெயக்குமார்

ஜவஹர்லால் நேரு அரசியலுக்கு வராமல் இருந்திருந்தால் உலகிற்கு மிகப் பெரிய இலக்கியவாதி கிடைத்திருப்பார் என்று சொல்வார்கள். நண்பர் கரந்தையாரின் எழுத்துக்களைப் படிக்கும் போதெல்லாம் எனக்கு இன்னொரு நேருவை பார்ப்பதுபோல் இருக்கும். ஒருவேளை அவர் கணித ஆசிரியராக இல்லாமல் இருந்திருந்தால் மிகப் பெரிய எழுத்தாளராக அவதாரம் எடுத்திருப்பார்.   பதிவுக்கான இவரின் தேடல் அலாதியானது. கணித மேதையின் வீட்டில் இருந்து தொடங்கும் இவரின் 'கணித மேதை சீனிவாச ராமானுஜன்' நூல் இவரின் எழுத்துக்கான மற்றொரு மைல்கல்.

கசப்பு

http://karanthaijayakumar.blogspot.com/2015/05/blog-post_28.html#more

சொல்லப்படுபவர் யாரென்று சொல்லாமல் கடைசிவரை அவரின் பாடுகளை மட்டுமே கூறி, இறுதியில் சஸ்பென்சை உடைப்பதுதான் இவரின் ஸ்டைல். அதை இந்த பதிவிலும் பார்க்கலாம். தன் வாழ்க்கையில் மட்டுமல்ல, தன் பெயரிலும் கசப்பைக் கொண்ட இந்த மனிதர் பின்னாளில் உலகையே வென்றவர். படித்துப் பாருங்கள் கரந்தையாரின் பாணியில்...

* * * * *

காமராசர் இல்லத்தில் வேதனை மிகு நிமிடங்கள்

http://karanthaijayakumar.blogspot.com/2015/07/blog-post_22.html

இந்த மனிதர் மட்டும் இல்லாதிருந்திருந்தால் தமிழகம் கல்வியில் இந்த உயர்ந்த நிலையை அடைந்திருக்காது. அவர் வாழ்ந்த இல்லத்திற்கு இவர் சென்ற போது ஏற்பட்ட கசப்பான அனுபவங்களை நம்மோடு பகிர்ந்து கொள்கிறார். வேதனையான பதிவிது. 

$ $ $ $ $ $ $ $ $ $ $ $ $ $ $ $ $ $ $ $ $ $ $ $ $

துளசிதளம் 

http://thulasidhalam.blogspot.com/

பதிவர்: துளசி கோபால்

மிக இளமையான பதிவர். இவர் பதிவில் தெரியும் ஆன்மிக நெடியை மட்டும் நீக்கிவிட்டால் இவரை எல்லோரும் அப்படிதான் சொல்வார்கள். என்னவொரு துள்ளலான நடை! இணைய மொழியின் இலக்கணம் தெரிந்தவர். கடவுளைக் கூட மிக உரிமையோடு இவர் கலாய்ப்பதை ரசிக்காமல் இருக்க முடியாது. ஒரு தொழில்முறை புகைபடக்காரரை விட அதிகப் படம் எடுத்த பதிவர். அலுப்புத்தட்டாத பயணத்துக்கு சொந்தக்காரர். இப்படி சொல்லிக்கொண்டே போகலாம். அத்தனை சுவராசியமான மனிதர் துளசி கோபால்! இவர் கால்படாத இடம் எதுவும் பூமியில் இருக்கிறதா என்று இனிதான் தேடிப்பார்க்க வேண்டும். 

தங்கக்கடற்கரை டயரிக் குறிப்பு 

thulasidhalam.blogspot.in/2015/08/blog-post.html

இந்த பதிவை படித்து முடித்ததும் நாம் விமானம் ஏறி, ஹோட்டலில் தங்கி, கடலை ரசித்து, ஷாப்பிங் செய்த எல்லா அனுபவமும் நமக்கு ஏற்படும். அதுதான் இவர் எழுத்தின் சக்தி.
* * * * *

நூறை கொண்டாடும் சிறை! 

http://thulasidhalam.blogspot.in/2014/08/blog-post_13.html

தனது வீட்டுக்கருகில் இருக்கும் நூறாண்டு கண்ட சிறையைப் பற்றி சுவைபட சொல்கிறார். வாருங்கள் கேட்போம்.

$ $ $ $ $ $ $ $ $ $ $ $ $ $ $ $ $ $ $ $ $ $ $ $ $

சதீஷ் - மனவுரை!

http://satheeshchennai.blogspot.in/

பதிவர்: சதீஷ் குமார் 
சென்னையை வசிப்பிடமாகக் கொண்ட இவர், வாசிப்பு, பயணம், இசை இவற்றின் மீது பற்று கொண்ட பொறியாளர். தான் பயணம் செய்யும் வாகனங்களைப் பற்றியே அதிகம் எழுதுவார். இவரின் இந்த தேடல் எனக்கும் பிடித்துப்போனது. பொது வாகனங்களைப் பற்றி எழுதக்கூடிய ஒரே பதிவர் இவர் மட்டும்தான் என்று என் சிற்றறிவுக்கு படுகிறது. வேறு யாரவது இருந்தால் தெரிவியுங்களேன்... 

மதுரைக்கு WAP-7

http://satheeshchennai.blogspot.in/2015/04/wap-7.html

பயணங்களை கொண்டாடுகிற நாம் என்றாவது நாம் பயணம் செய்யும் வாகனங்களை கொண்டாடியிருக்கிரோமா? அதிலும் பொது வாகனங்களை யாருமே கண்டு கொள்வதில்லை. இந்த பதிவரின் சிறப்பே அத்தகைய பொது வாகனங்களை அக்குவேறு ஆணிவேராக அலசுவதுதான். இங்கு ஒரு ரயில் எஞ்சினைப் பற்றி பேசுகிறார். 

* * * * *

பயணிகள் கவனத்திற்கு!

http://satheeshchennai.blogspot.in/2012/06/1_22.html

முந்தைய பதிவில் ரயிலைப் பற்றி கூறியவர் இப்போது அரசு பஸ்களைப் பற்றி கூறுகிறார். அதனால் வோல்வோ படத்திற்கும் நமது போக்குவரத்துக்கும் தொடர்பில்லை.

* * * * *

மும்பை பயண குறிப்புகள்

http://satheeshchennai.blogspot.in/2015/05/1.html

எர்ணகுளத்தில் இருந்து மும்பை செல்லும் ரயில் பயண அனுபவங்களை இவர் விவரிக்கும் அழகே தனிதான்.

$ $ $ $ $ $ $ $ $ $ $ $ $ $ $ $ $ $ $ $ $ $ $ $ $

சோழ நாட்டில் பௌத்தம்

www.ponnibuddha.blogspot.com

பதிவர்: முனைவர் B.ஜம்புலிங்கம்

தமிழ் பல்கலைக்கழகத்தில் கண்காணிப்பாளராக பணியாற்றும் ஜம்புலிங்கம் அய்யா புத்தர் குறித்த மாபெரும் தேடலில் ஈடுபட்டுள்ளார். அவரின் தேடலில் கிடைத்த பல பொக்கிஷங்களை பதிவின் மூலம் நம்மோடு பகிர்ந்து கொள்கிறார். 

சோழ நாட்டில் புத்தர் சிலைகளைத் தேடி ஒரு வாழ்நாள் பயணம்

http://www.ponnibuddha.blogspot.com/2015/02/blog-post_27.html

கிட்டத்தட்ட 20 வருடங்களாக சோழ நாட்டில் உள்ள புத்தர் சிலைகளை தேடி மிக நீண்ட ஆய்வுப் பயணம் மேற்கொண்டிருக்கிறார் இவர். அதன் மூலம் பல அரிய தகவல்களையும் தந்திருக்கிறார். மீசை வைத்த புத்தர் இதுவரை கேள்விப்படாத ஒன்று. மேலும் பல புத்தர்களை இந்த பதிவு நமக்கு அறிமுகம் செய்கிறது.

* * * * *

ஆனந்த பவன்

http://drbjambulingam.blogspot.com/2015/02/blog-post_21.html

ஆனந்த பவனம் பார்த்து வந்தவர்கள் குறைவு. அதை பார்த்த இவர் நம்மோடு பகிர்ந்து கொள்ளும் இந்த பதிவு அபூர்வமான பல தகவல்களை தருகிறது. 

$ $ $ $ $ $ $ $ $ $ $ $ $ $ $ $ $ $ $ $ $ $ $ $ $

---------------------------------------------------------------------------------------

நேற்றைய வித்தியாசமாக சிந்திக்கும் பெண் பதிவர்களில் விடுபட்டு போன பதிவர் இவர்.

புதியமாதவி பக்கங்கள்

http://puthiyamaadhavi.blogspot.in/ 

பதிவர்: மல்லிகா சங்கரன்
மும்பையில் HSBC வங்கியில் பணிபுரியும் இவர், திருநெல்வேலிக்கு சொந்தக்காரர். வித்தியாசமாக சிந்திக்க கூடியவர். சமகால நிகழ்வுகள் உட்பட பலவற்றையும் நெற்றியடியாக விமர்சிப்பவர். எங்களுக்கு மொழியில்லை.. தேசமில்லை... இனமும் இல்லை... நாங்கள் பெண்கள்! என்று பெண்களுக்கு கொடி பிடிப்பவர். Second SEX world என்ற ஆங்கில வலைப்பூவையும் நடத்தி வருபவர்.

அம்மாவின் காதலன்(ர்)

http://puthiyamaadhavi.blogspot.in/2011/01/blog-post.html

காதல் என்பது எல்லா உயிர்களுக்கும் பொதுதானே. அம்மாவும் ஒரு பெண்தானே. அவள் காதலித்திருக்கக்  கூடாதா? இப்படி ஒரு கேள்வி இவரை வாட்டி எடுக்கிறது. அந்த மன அவஸ்தையை அற்புதமாக சொல்லியிருக்கிறார். இடையில் நெல்லை தமிழ் வேறு விளையாடுகிறது. ஞானப் பழத்திற்காக சிவா பெருமான் குடும்பத்தில் ஏற்பட்ட சண்டைக்கு இவர் வித்தியாசமான விளக்கத்தை தருகிறார். 

* * * * *

கங்காணியின் பேத்தியாக இலங்கை மலையகத்தில் நான்

http://puthiyamaadhavi.blogspot.in/2015/05/blog-post_28.html

தனது பூட்டன் ஒரு கங்காணி என்று தெரிந்தப் பின் இவர் பெருமையடைகிறார? அல்லது அவமானம் கொல்கிறார? தேர்ந்த நடையில் இவரின் அனுபவத்தை ரசியுங்கள்.

$ $ $ $ $ $ $ $ $ $ $ $ $ $ $ $ $ $ $ $ $ $ $ $ $

இன்றைய அறிமுகங்களை பற்றி தங்கள் பின்னூட்டத்திற்காக காத்திருக்கிறேன்.

நன்றி!

மீண்டும் நாளை சந்திப்போம்!

அன்புடன்,

எஸ்.பி.செந்தில்குமார்

மேலும் வாசிக்க...

வலைச்சரத்தில் எனது மூன்றாம் நாள்

நண்பர்கள் அனைவருக்கும் வணக்கம்,

வலைச்சரத்தில் மூன்றாம் நாள் தங்கள் அனைவரையும் சந்திப்பதில் மகிழ்ச்சி. இன்று வித்தியாசமாக சிந்திக்கும் பெண் பதிவர்கள்.

ஜோஸபின் கதைக்கிறேன்!

http://josephinetalks.blogspot.com

பதிவர்: J.P.ஜோஸபின் பாபா

எழுத்தாளர், இதழியல் விரிவுரையாளர், வலைப்பதிவர் என்று முப்பரிமாணங்களில் ஜொலிக்கும் ஜோஸபின், வளமான இலக்கிய மொழிநடைக்கு சொந்தக்காரர். ஆழமாக சமூகவியல் பிரச்சனைகளை அலசுவதாக இவரது பெரும்பாலான பதிவுகள் இருக்கும். தீவிர தேடல் கொண்ட படைப்பாளி. எனக்கு மிகவும் பிடித்த எழுத்தாளர்.

பெண்களுக்கு மன அழுத்தம்!

http://josephinetalks.blogspot.com/2011/07/blog-post_2804.html 

இல்லம், அலுவலகம் என்ற இரட்டைக் குதிரையின் மீது சவாரி செய்யும் மனநிலையில்தான் இன்றைய பெண்கள் இருக்கிறார்கள். நம் இந்தியப் பெண்களில் 87% பேர் மன அழுத்த நோயால் துன்புறுகிறார்கள் என்பது அதிர்ச்சியூட்டும் புள்ளிவிபரம். மேலும் பல அதிர்ச்சிகளை இந்த பதிவில் அவர் தருகிறார். பெண்களின் மன அழுத்தத்திற்கு பெண்களே காரணமாக இருப்பதையும் குறிப்பிடுகிறார். நவீனப் பெண்களின் உளவியலை படம் பிடித்து காட்டும் பதிவிது.

* * * * *

ஒரு பாலியல் தொழிலாளியின் சுய சரிதை

http://josephinetalks.blogspot.com/2014/07/blog-post_27.html

நம் சமூகத்தில் பேச கூச்சப்படும் ஒரு விஷயத்தைப் பற்றிய பதிவு இது. பாலியல் தொழிலாளி நளினி ஜமீலா எழுதிய சுயசரிதையை தேர்ந்த நடையில் விமர்சித்திருக்கிறார். ஜமீலாவிடம் இருக்கும் ஆண்களை பற்றிய அவதானிப்பும், பல வகையான பாலியல் தேவைகளை பற்றியும்,   அறை எடுத்து தங்குவதை விட உடன் பயணிப்பது, பேசி கொண்டிருப்பது என ஆண்கள் பல விதமான விருப்பத்துடன்  அணுகுவதை பற்றியும் ஜமீலா குறிப்பிட்டுள்ளதை படிக்கும் போது வியப்பு ஏற்படுகிறது. 'ஒரு பாலியல் தொழிலாளியின் சுயசரிதை'யை வாசிக்க வேண்டும் என்ற ஆவலைத் தூண்டும் பதிவிது.

* * * * * 

ஆண்களை போற்றுவோம் 

http://josephinetalks.blogspot.com/search/label/Men-ஆண்கள்

ஒரு சமூகம் என்பது ஆணும் பெண்ணும் இணைந்து கட்டமைப்பதில்தான் இருக்கிறது. ஆனால், இங்கு ஆண்கள் பெண்களை ஏசுவதும், பெண்கள் ஆண்களை தூற்றுவதும் தொடர்ந்து நடந்து வருகிறது. உலகில் மிக கேவலமான வார்த்தைகளால் கணவனை திட்டுவது நம் இந்தியப் பெண்கள்தானாம். ஆண்களைப் பற்றி மேலும்  ஜோஸபின் கதைப்பதைக் கேட்போம்.

1. # # # # # # # # # # # # # # # # # # # # # # # # # # # # # # # # # # # # #

ஊஞ்சல்

http://unjal.blogspot.com/

பதிவர்: ஞா.கலையரசி

பல பத்திரிகைகளில் கதை, கவிதை, கட்டுரை என்று தொடர்ந்து எழுதிக்கொண்டே இருக்கும் பதிவர் இவர். இவரின் இனிமையான மொழிநடையும் இயற்கை மீது இவருக்கு இருக்கும் ஆர்வமும் என்னை மிரள வைக்கிறது. பன்முகத் திறமைக் கொண்ட பதிவர். 

பறவை கூர்நோக்கல் – 3 கொண்டைக்குருவி

http://unjal.blogspot.com/2015/03/3.html

பறவைகளை உற்று நோக்குதல் ஒரு கலை இயற்கை மீதும், உயிரினங்களின் மீதும் அதீத காதல் கொண்டவர்களால் தான் அது முடியும். இவர் ஒவ்வொரு பறவையையும் அறிமுகப்படுத்தும் போது மெய் சிலிர்த்துப்போகிறது. இயற்கைதான் எத்தனை அழகானது என்பதை தொடர்ந்து நிரூபிப்பதுபோல் தெரிகிறது.
* * * * * 

பறவைகளுக்கு உப்பு கூடவே கூடாது

http://unjal.blogspot.com/2015/08/blog-post.html

பறவைகளுக்கு உணவிடுவதற்காகவே சற்று கூடுதலாக சமைப்பவர்கள் நாங்கள். அதில் உப்பு, காரம், புளிப்பு எல்லாமே இருக்கும். இந்த பதிவை படித்ததும் மனம் பகீரென்றது. இத்தனை காலம் அவைகளுக்கு கொஞ்சம் கொஞ்சமாக விஷத்தை அல்லவா கொடுத்திருக்கிறோம். அதிலிருந்து அவைகளுக்கு உப்பில்லாமல் கொடுக்க தனியாக சமைக்க தொடங்கிவிட்டோம்.
* * * * *

'சுற்றுலா அனுபவங்கள்'

http://unjal.blogspot.com/2012/02/blog-post_02.html

சுற்றுலா செல்கிறீர்களா? அந்த ஊரில் உங்களுக்கு தெரிந்தவர்களுக்கு தெரிந்தவர்கள் இருக்கிறார்களா..! அவர்கள் மூலம் சிக்கனமாக தங்கப் போகிறீர்களா..? அப்போ இந்த பதிவு உங்களுக்குதான். கலையரசியின் கதையை கேளுங்க..!

1. # # # # # # # # # # # # # # # # # # # # # # # # # # # # # # # # # # # # #

கீதமஞ்சரி
http://geethamanjari.blogspot.com.au/

பதிவர்: கீதா மதிவாணன் 

இவரும் பன்முகத்தன்மை கொண்ட ஒரு பதிவர்தான். கவிஞர், எழுத்தாளர், இயற்கை ஆர்வலர், மொழிபெயர்ப்பாளர், நூலாசிரியர், வானொலி அறிவிப்பாளர் என்று பல தளங்களில் இயங்குபவர். இவர் சமீபத்தில் மொழிபெயர்த்த நூல் 'என்றாவது ஒரு நாள்'. ஆஸ்திரேலிய ஆங்கில மொழியில் எழுதப்பட்ட கடினமான வார்த்தைகளைக் கொண்ட ஒரு நாவலை இனிய தமிழில் இயல்பாக  மொழிபெயர்த்திருக்கிறார். இனி அவரது பதிவுகள்...  

சென்னைத் தமிழும் ஆஸி ஆங்கிலமும் 
http://geethamanjari.blogspot.com.au/2014/06/1.html

நமது சென்னைத் தமிழ் எப்படி தமிழில் தனி சிறப்பு பெற்று விளங்குகிறதோ, அப்படியே ஆஸ்திரேலியா ஆங்கிலமும் புகழ் பெற்ற ஒன்று. இரண்டு இடங்களிலும் வசித்த அனுபவத்தை வைத்து அருமையான பதிவை தந்திருக்கிறார் கீதா மதிவாணன். படித்துப் பாருங்கள் சென்னைத் தமிழின் பல வார்த்தைகளுக்கு அர்த்தம் புரியும். அது எங்கிருந்து வந்ததென்ற வேர்ச்சொல்லும் தெரியும்.
* * * * * 

எங்கள் தோட்டத்துப் பறவைகள்...
http://geethamanjari.blogspot.in/2014/05/blog-post_2.html

தனது வீட்டுக்கு அருகில் இருக்கும் பறவைகளின் படங்களும் அதன் குரல் இனிமையையும் ஒருசேர இந்த பதிவில் தந்திருப்பது அழகு. நகரத்தில் கான்கிரிட் காடுகளுக்கு மத்தியில் வாழும் மனிதர்களுக்கு இந்த பறவைகளின் ஒலி மகிழ்ச்சியைக் கூட்டும்.
* * * * * 

ஒண்ட வந்த பிடாரிகள்
http://geethamanjari.blogspot.in/2015/02/2.html

இயற்கை உயிரினங்களில் சமநிலையை வைத்திருக்கிறது. புலிக்கு மான் இரையாவதுதான் நியதி, சமநிலை. ஒருவேளை புலிகளே இல்லையென்றால் என்னவாகும். உயிரினங்களின் சமநிலை எவ்வளவு முக்கியம் என்பதை அற்புதமாக விளக்கும் தொடர் பதிவு இது. நாங்கள் வெளியிடும் 'அக்ரி டாக்டர்' நாளிதழில் இந்த தொடரை வெளியிட்டு வருகிறோம். படித்துப் பாருங்கள். ஆஸ்திரேலிய அரசே தன் நாட்டு விலங்குகளை தாங்களே சுட்டுக் கொள்ளவதற்கான காரணத்தை தெரிந்து கொள்ளலாம்.

1. # # # # # # # # # # # # # # # # # # # # # # # # # # # # # # # # # # # # #

என்னில் உணர்ந்தவை 

http://gayathrid.blogspot.com/

பதிவர்: காயத்ரி தேவி 

ஆசிரியராக பணிபுரியும் காயத்ரி தேவி தனது சொந்த அனுபவங்களையே 'என்னில் உணர்ந்தவை'யாக தருகிறார். மாணவர்களுக்கு உதவியதாக இருக்கட்டும், பார்த்த சினிமாவாக இருக்கட்டும், கேட்ட இசையை இருக்கட்டும், மாதவிலக்கு பிரச்சனையாக இருக்கட்டும், ஆண் நண்பர்களின் துரோகமாக இருக்கட்டும் எல்லாமே வெளிப்படையாக கூறும் துணிவான பெண் இவர். பாலியல் கல்வியை கொண்டுவரலாமா? வேண்டாமா? என்று ஒரு பக்கம் விவாதம் நடந்து கொண்டிருக்கும் வேளையில் அதை அமைதியாக செயல் படுத்தி வருகிறார் இவர்.

நாப்கின் - தேர்ந்தெடுக்க வேண்டிய அவசியம்

http://gayathrid.blogspot.com/2015/08/blog-post.html

இன்றைய இளம் பெண்கள் தெரிந்து கொள்ள வேண்டிய சங்கதிதான் இது. பெண்களே பேச கூச்சப்படும் ஒரு விஷயத்தை துணிச்சலோடு சொல்லியிருக்கிறார். இதுதான் இவர் பாணி. நாப்கின் என்ன தீண்டத்தகாத ஒன்றா..! படித்துப் பாருங்கள். புரியும்!
* * * * *
எதிர்பாக்காத தருணங்கள்

gayathrid.blogspot.com/2015/06/blog-post_19.html

நாம் எதிர்பார்க்காத தருணங்களில் ஏற்படும் விபத்து நம்மை எப்படி பாடுபடுத்தும் என்பதை உணர்வுப்பூர்வமாக சொல்லியிருக்கிறார். படித்துப் பாருங்கள் நமக்கும் வலிக்கும்.

1. # # # # # # # # # # # # # # # # # # # # # # # # # # # # # # # # # # # # #

இன்றாவது விரைவில் வரவேண்டும் என்றிருந்தேன். இன்று எங்கள் பகுதியில் மின்தடை. இன்னும் அதிகமான பதிவர்களை அறிமுகப்படுத்த நினைத்திருந்தேன். நேரமின்னமையால் அதுவும் குறைந்துவிட்டது. நாளையாவது விரைவாக வர முடிகிறதா என்று பார்ப்போம்.

மீண்டும் நாளை சிந்திப்போம்!

அன்புடன், 

எஸ்.பி.செந்தில்குமார் 

மேலும் வாசிக்க...

வலைச்சரத்தில் இரண்டாம் நாள் - வழிகாட்டிய வலைப்பதிவர்கள்

வணக்கம் நண்பர்களே,

வலைச்சரத்தில் இரண்டாம் நாளில் நண்பர்களை சந்திப்பதில் மகிழ்ச்சி! இன்றைக்கு எனக்கு ஏதோ ஒரு விதத்தில் வழிகாட்டியாகவும், ஊக்கமூட்டியவர்களாகவும் இருப்பவர்களை நன்றி பெருக்கோடு நினைத்துப் பார்க்கும் நாள்.

வழிகாட்டிய வலைப்பதிவர்கள் 

கடல் பயணங்கள்

http://www.kadalpayanangal.com 

எனக்கு சாப்பாட்டின் மீது அவ்வளவாக பற்றுதல் கிடையாது. கிடைப்பதில் ருசியாக சாப்பிட வேண்டும் அவ்வளவுதான். அதனாலே நான் இணை ஆசிரியராக பணியாற்றும் 'ஹாலிடே நியூஸ்' பத்திரிகையில் உணவுக்கான இடம் வெற்றிடமாகவே இருந்தது. சுற்றுலாவில் உணவு வேட்டை தவிர்க்க முடியாத ஓர் அங்கம். 

அப்போதுதான் நண்பர் சுரேஷ்குமாரும் பழக்கமாகி இருந்தார். அவர் ஒரு உணவுப் பிரியர். உணவுக்கான அவரது தேடல் பிரமிப்பானது. 'அதையே ஒரு தொடராக எழுதுங்களேன்' என்றேன். அவரும் எழுதினார். அப்போதுதான் அவரது கடல் பயணங்களைப் பற்றி கூறினார். மூன்று லட்சத்திற்கும் மேற்பட்டவர்கள் அந்த வலைத்தளத்தை பார்த்திருந்தார்கள். இவ்வளவு வாசகர்கள் வலைப்பூவை பார்க்கிறார்கள் என்றால் நாமும் ஏன் ஆரம்பிக்கக் கூடாது? என்ற எண்ணம் எனக்கு தோன்றியது. 

அவரால்தான் 'கூட்டாஞ்சோறு' அடுப்பில் (வலையில்) ஏறியது. வலைத்தளத்தில் எனக்கு ஏற்பட்ட சந்தேகங்களை நிவர்த்தி செய்து கொடுத்தவரும் அவர்தான். 

அவரை சந்திக்கும் போதெல்லாம் வித்தியாசமாக ஏதாவது ஒரு உணவை உண்போம். பெரிய நட்சத்திர ஹோட்டல்களில் எல்லாம் எத்தனையோ முறை சாப்பிட்டிருக்கிறேன். ஆனால், பெங்களூரில் ஒரு முறை அவருடன் சேர்ந்து ராஜஸ்தான் படா மீல்ஸ் சாப்பிட்டோம். அதை மறக்கவே முடியாது. உணவை மட்டுமல்ல அவரையும்தான். மிக அருமையான மனிதர்.  

அறுசுவை 

கெடாவிருந்து

http://www.kadalpayanangal.com/2015/03/ubm.html

விருந்து என்று கேள்விபட்டிருக்கிறோம். அது என்ன கெடா விருந்து? பதில் சொல்கிறார் சுரேஷ் குமார். வகைவகையான சைடீஸை பார்க்கும் போது ராஜாக்களின்  ராஜவிருந்துதான். நினைவுக்கு வருகிறது.  இந்த பதிவை படித்து முடித்தவுடன், அங்கு செல்லவில்லை என்றால் நமக்கு வயிற்றில் ஏதோ பிரச்சனை என்று அர்த்தம்.

* * * * *

மறக்க முடியா பயணம் 

யுனிவெர்சல் ஸ்டுடியோ

http://www.kadalpayanangal.com/2013/08/1.html

உலகின் பிரபலமான தீம் பார்க்கிற்கு நம்மை அழைத்துச் செல்கிறார். நம்மால் தான் அங்கெல்லாம் போக முடியவில்லை. போய்வந்தவர்களின் அனுபவத்தையாவது கேப்போம் வாங்க..!  

* * * * *

ஒரு கடினமான தேடல்

ஊர் ஸ்பெஷல் - உறையூர் சுருட்டு

http://www.kadalpayanangal.com/2015/01/1.html

இவரின் தேடல் எப்போதுமே சிறப்பு மிக்கது தான். உறையூர் சுருட்டு வின்ஸ்டன் சர்ச்சிலுக்கு பிடித்தமானது என்பது மட்டும்தான் நமக்கு தெரியும். இவர் அது எப்படி நடந்தது என்ற காரணத்தை சொல்கிறார். அதை தயாரிக்கும் முறையையும் தெளிவாக படம் பிடித்து காட்டுகிறார்.  படித்துதான் பாருங்களேன்.

-o-o-o-o-o-o-o-o-o-o-o-o-o-o-o-o-o-o-o-

திண்டுக்கல் தனபாலன்

http://dindiguldhanabalan.blogspot.com

இவரை அறியாத தமிழ் பதிவர்களை கண்டுபிடித்துக் கொடுத்தால் ஒரு கோடி பரிசு என்று அறிவிக்கலாம். அப்படி அனைவர் மனதிலும் நிறைந்தவர். என்னுடைய பதிவுகளுக்கு முதன் முதலாக பின்னூட்டம் இட்டு ஊக்கப்படுத்தியவர். பதிவர்களின் தொழில்நுட்ப பிரச்சனைகளை தீர்த்துவைப்பவர். மனசாட்சின் கேள்விக்கு பதில் சொல்வதுபோல் நம்மை வழிநடத்துபவர்.
    

புதியவர்களுக்கு அவசியம்

ஆர்வத்துடன் வாங்க.. பதிவு எழுதலாம்..!

http://dindiguldhanabalan.blogspot.com/2014/04/Speed-Wisdom-6.html

வலைப்பூ என்றால் என்னவென்றே தெரியாதவர்களும் இந்த பதிவை படித்தால், அதன் எல்லா நுட்பங்களையும் தெரிந்து கொள்ளலாம். மிக எளிதாக புரியும்படி சொல்லியிருப்பது வியப்பை தருகிறது.

* * * * *

தவறுகள் பண்ணி பண்ணி திருந்திய பிறகுதான் நாகரிகம் பிறந்ததடி 

உன்னை அறிந்தால்..

http://dindiguldhanabalan.blogspot.com/2012/07/1.html

திரைப்படப் பாடல்களை வைத்து ஒரு அருமையான பதிவை தரமுடியும்  என்பதற்கு இந்த பதிவு நல்ல உதாரணம். பழைய பாடல்கள் மட்டுமல்ல, புதிய பாடல்களில் கூட நல்ல கருத்துக்கள் வருகின்றன என்று நமக்கு சொல்லாமல் சொல்லும் பதிவு.

* * * * *

நெஞ்சோடு கிளத்தல் 

உயிரே உயிரே

http://dindiguldhanabalan.blogspot.com/2015/07/O-my-soul-PART-2.html

திருக்குறளை திரைபடப்பாடல்களோடு கலந்து சுகமாக தருவதில் வல்லவர் இவர். இந்த பதிவை படிக்கும் போது அது தானாகவே புரியும்.

-o-o-o-o-o-o-o-o-o-o-o-o-o-o-o-o-o-o-o-

தேவகோட்டை கில்லர்ஜி
http://killergee.blogspot.in

நண்பர் கில்லர்ஜி தான் எனக்கு தமிழ்மணத்தில் ஒட்டுப்பட்டை இணைத்துக்கொள்ள கூறியவர். அதை ஏற்படுத்தி தந்தவர் டிடிஜி. கில்லர்ஜியின் பதிவு தனிரகம். ஒருவித நையாண்டியும் நக்கலும் அவர் பதிவில் தூக்கலாக இருக்கும். நகைசுவை பதிவுகளை அதிகமாக தரும் இந்த தேவகோட்டைக்காரர் சீரியசான பதிவை தருவதிலும் கில்லாடி 80பதை கீழே வரும் மரணதண்டனை பதிவு நிரூபிக்கும்.

கடமை கண்ணியம் கட்டுப்பாடு 

இது அபுதாபி போலீஸ்
http://killergee.blogspot.in/2015/03/police-your-friend-uae.html
உலக நாடுகளில் இரண்டுவகையான போலீஸ் இருக்கிறது. ஒன்று தன் மக்களை தோழனாக நினைக்கும் போலீஸ். மற்றொன்று தன் மக்களை அடிமையாக நடத்தும் போலீஸ். துரதிர்ஷ்டமாக நமது நாட்டில் இரண்டாவது வகை போலீஸ்தான் இருக்கிறது. இங்கு போலீஸ் அரசின் அடியாள். அவர்கள் வைத்ததே சட்டம். அப்போ அபுதாபியில் எப்படி? வாங்க கில்லர்ஜியிடம் கேட்போம்.
* * * * *

வேண்டுமா.. வேண்டாமா..! 

மரணதண்டனை

http://killergee.blogspot.in/2015/03/blog-post_22.html 
தூக்குத் தண்டனையை முற்றாக ஒழிக்க வேண்டும் என்று இந்தியா முழுக்க பரபரப்பாக பேசிக்கொண்டிருக்கும் இருக்கும் சமயத்தில் இவர் தூக்குத்தண்டனை வேண்டும் என்கிறார். சுதந்திரமே இல்லாமல் ஆயுள் முழுவதும் சிறையில் இருப்பதைவிட மரணமே மேல் என்றுதான் இந்த பதிவை படித்ததும் தோன்றுகிறது. உங்களுக்கு என்ன தோன்றுகிறது?
* * * * * 

இதுதான் ஒரிஜினல் கில்லர்ஜி

வாழ்க்கை 
http://killergee.blogspot.in/2015/05/blog-post_19.html
கில்லர்ஜியிடம் எப்போதும் ஒரு மெலிதான நையாண்டி இருக்கும் என்று சொன்னேனல்லவா. அது இதிலும் உண்டு. படித்துப் பாருங்கள்!
-o-o-o-o-o-o-o-o-o-o-o-o-o-o-o-o-o-o-o-


அவர்கள் உண்மைகள் 
http://avargal-unmaigal.blogspot.com

நியூ ஜெர்சியில் வசிக்கும் மதுரைக்காரர். ஒருமுறை நான் வெளியிட்ட பதிவிற்கு எதிர்ப்புகள் அதிகம் வந்தபோது எனக்கு சாதகமாக கருத்துரை இட்டவர். அன்றிலிருந்து இவர்மீது தனி பிரியம். இவர் தளத்தில் பின்னூட்டம் இடலாம் என்று வரும் போதெல்லாம் தீபாவளி மலரில் இருக்கும் அந்தப் பெண் 'டிஸ்டர்ப்' செய்வதால் திரும்பிவிடுவேன்.

மிகப் பெரிய சர்க்கஸ் குழு 

இந்திய ராணுவம் எந்த நிலையில் இருக்கிறது?
http://avargal-unmaigal.blogspot.com/2014/08/7-indian-independence-day.html
இந்த தமிழர் இந்திய ராணுவத்தை மிகப் பெரிய சர்க்கஸ் குழு என்கிறார். அவர்கள் சர்க்கஸ் செய்யும் நாட்கள் ஆகஸ்ட் 15 மற்றும் ஜனவரி 26 என்றும் கூறுகிறார். எனக்கு இதில் மாறுபட்ட கருத்திருந்தது. அதை டிஸ்கியில் அவரே சொல்லிவிட்டார். வரும் சுதந்திர தினத்தின் முன்னோட்டமாக இந்த பதிவு.

* * * * *

ரோஜாவும் மீனும்

உங்களின் நண்பர்கள் யார்?

http://avargal-unmaigal.blogspot.com/2014/08/friendship.html

இதுவொரு அறிவுரை பதிவுதான். ஆனாலும் அவசியப் பதிவு. நகைச்சுவையோடு நல்ல விஷயத்தையும் 'நச்'சென்று சொல்லியிருக்கிறார் எங்க ஊருக்காரர். கட்டாயம் படிங்க..!

-o-o-o-o-o-o-o-o-o-o-o-o-o-o-o-o-o-o-o-

ஊமைக்கனவுகள்  

http://oomaikkanavugal.blogspot.com

எனது பதிவை மட்டுமல்ல, என் எழுத்தையும் ரசித்த நண்பர் இவர். இவரின் பின்னூட்டம் மீண்டும் மீண்டும் என்னை எழுத தூண்டியது உண்மை.  இவர் பதிவுகளில் தமிழ் விளையாடும். பள்ளியில் இலக்கியப்படிப்பை சரியாக படிக்காத என் போன்றோருக்கு தமிழின் மீது பெரும் ஏக்கத்தை தந்து செல்வது இவரின் பதிவுகள்தான். இலக்கியத்தில் தமிழ் எத்தனை செழிப்பாக இருந்தது என்பதை இவர் தளத்தில் தெரிந்து கொள்ளலாம்.

இலக்கிய அழகு

இப்படி ஒரு பெண்ணை வர்ணிக்க முடியுமா..?

http://oomaikkanavugal.blogspot.com/2015/04/blog-post_9.html

ஒரு பெண்ணை எப்படியெல்லாம் இலக்கியம் வர்ணித்திருக்கிறது என்பதற்கு இந்த பதிவு நல்ல எடுத்துக்காட்டு. நம்மால் நினைத்துப் பார்க்க முடியாத நிலையை அன்றைய புலவர்கள் சாதரணமாக சொல்லிப் போயிருக்கிறார்கள் என்பது அழகோ அழகு.

* * * * *

நிறுத்த காமவாயில்

காதலிப்பவர்களுக்கு இருக்கவேண்டிய பத்துப் பொருத்தங்கள்

http://oomaikkanavugal.blogspot.com/2015/03/blog-post_28.html

இன்று திருமணத்திற்கு பத்துப் பொருத்தம், பதினாறு பொருத்தம் என்று பார்க்கிறார்கள். சங்ககாலத்திலும் ஆணுக்கும் பெண்ணுக்கும் பொருத்தம் பார்த்திருக்கிறார்கள். அது எப்படி இருக்கும் என்பதை சுவைபட இந்த பதிவில் கூறியிருக்கிறார், நண்பர் ஜோசப் விஜு. படித்துப் பாருங்கள்.
-o-o-o-o-o-o-o-o-o-o-o-o-o-o-o-o-o-o-o-

வலைப்பதிவு நண்பர்களே, நேரமின்மை காரணமாக இன்றைய பதிவை வெளியிடுவதில் மிகவும் தாமதம் ஏற்பட்டுவிட்டது. தயவுசெய்து பொறுத்துக் கொள்ளுங்கள். வரும் நாட்களில் தாமதிக்காமல் பதிவிட முயற்சிக்கிறேன்.  

மீண்டும் நாளை சந்திப்போம்!

அன்புடன்,


எஸ்.பி.செந்தில்குமார் 

மேலும் வாசிக்க...